馬哥孛羅咖啡廳

我在昨日星期天一行三人到馬可孛羅咖啡廳食自助午餐,一入去感覺地方骯髒,跟住服務差,侍應和部長談話聲浪大過客人,想不到食物更差,所謂主打海鲜,只得一堆撈了亂雪的青口和一些蝦,我只取了三隻,取了兩隻小龍蝦,有一隻係霉嘅,羊架又乾又鞋,我們三人揸住隻碟行咗幾圈,沒有東西吸引我們想食的,最後食甜品,brownie一义落去會散開,芝士餅,餅皮好似隔咗幾夜,中午一時,餐廳座位有一半係空嘅,大家可想而知。我個仔食完一小時內痾咗三次。

這酒店今期推廣和牛及鵝肝任食,由4月打了好幾次也訂不倒枱,訂枱小姐曾經說過4月full book。剛巧今星期五下午發出黃雨,心想可能有人會放位,今次接聽是位先生,他又禮貌又細心安排客人已放坐位給我。到達酒店取食物之前都會望有咩食,越望越驚喜,因和牛鵝肝已是主打,冇想過海鮮也很豐富,除了有基本長腳蟹,小龍蝦仔青口外,還有多膏蟹蓋及手掌大多膏龍蝦,甜品有朱古力噴泉及多款味道movenpick🍦,熱葷有清蒸扇貝,石班,鮑片,口水雞及多款燒味,甚至連豬腳薑醋和清湯腩,咖喱食品也有好幾款和中東肉。中湯有瑤柱竹笙,還有很多都未能詳盡。品嚐時間需不短,但肚子容不下,每款1件也飽死,就如生蠔我到接近完場才去取兩隻食,本人非蠔愛好者,但這兩隻蠔口感非常好,真想添食但也不好意思再要。已到結束時候。以上食品我相信主厨是精心安排,由小朋友到老人家也岩食 。除了食物豐富,由訂枱先生及分配食物厨工和侍應生也是服務態度一流。今期有信用卡優惠,來緊5月再次添食。

家人生日，十人同行，以信用卡優惠慶祝來享用自助晚餐。也許適逢星期天之夜，偌大地方未見滿座，部份四人卡位空置。麵包蟹蓋，就如那粉紅色的什麼一樣可遇不可求。廚師每次添加，只有三隻蟹蓋，其餘皆為麵包蟹的其他部份斬件。眼見有「識食中人」一次盡掃所有蟹蓋。為何專揀蟹蓋？貪其膏多也。肥仔奇整晚亦僅拿得兩隻蟹蓋而已。眾所周知，麵包蟹肉不如長腳蟹肉鮮甜可口，惟有其膏堪比坊間膏蟹有如鹹蛋黃般的鹹香鮮味。經常吃自助餐者必知，此等開邊龍蝦冷盤，但食其「龍蝦」二字而已，實在灼得過熟，口感韌實，龍蝦味淡，惟有一點點龍蝦膏稍作安慰。即開生蠔爽口彈牙，新鮮而蠔味足。奈何酒店自助餐通病，開蠔者老是用水洗刷一番，致令蠔殼碎沒了，海水味也沒了。煙三文魚無渣，鹹度適中，可惜魚味略淡，油份不足。巴馬火腿味道意料之內，鹹鮮而無臭豬味，合格。澳洲和牛切得太薄，煎得過熟。若能要求一厘米厚切五成熟，估計不輸扒房出品。鵝肝多士油香豐膩，無禽鳥臭味，質素比得上同區朗＿酒店，可一可再之選。羊架極嫩帶血，可惜肉嫩而味淡，中規中矩。特意叮囑雪糕位師傅，每款味道只要半球，如是肥仔奇分兩次共嚐了七種味道。冷盤尚有各式凍肉、凍蝦、長腳蟹、沙律、刺身

食物方面 熟食種類少 得幾款 白汁意粉 咖喱 燒鵝 蒸魚...... 不過好鐘意個蟲草花鮑魚竹絲雞湯甜品款式幾多 有十幾款 有馬卡龍 芝士蛋糕.....海鮮ok 有麵包蟹 長腳蟹 蝦 小龍蝦 生蠔（9點半前都仲供應）生蠔食左10隻 有2隻腥腥地 其他ok 刺身 三文魚都生鮮 肥美 飲品 有汽水 日本清酒 咖啡奶茶 同埋我最鐘意既凍檸茶👍🏻扒類 有和牛 羊架 和牛整得幾好食 時間岩岩好👍🏻有個 夾糖區 有好多軟糖👍🏻環境方面D檯排得幾密 視覺上幾逼 不過今晚無坐滿 總算ok服務方面收碟幾快 唔錯

波士頓龍蝦… 生蠔 都消失了。光顧過四五次… 價錢差不多 但 一次比一次差，而看到光顧的人也越來越少… 沒有以前的吸引。今次更失望，雖然味道還可以，但波士頓龍蝦變了小龍蝦… 生蠔更是消失了。而多了的是 飽肚的粥… 多種的面包… 主題叫什麼國際海鮮自助餐… 為什麼變了粥、面包 、印度野就主題… 說好的海鮮呢… 我諗是最後一次光顧

聽日老公生日，今日同奶奶&姑奶一行8人飯，同佢食生日飯預先慶祝。由於姑奶係會員，所以就係Cafe Marco食下午茶自助餐。行左一個圈，食物款式都好多選擇。我就食凍盤先，薯仔沙律好食，魚生排隊即叫師傅即切，都好新鮮，但就只有3款選擇。火腿就無咩特別。辣酒煮螺夠辣但食到有沙😑茄汁肉丸比較乾身，葡撻就比較出色，可以再encore👍白汁磨菇意粉，釀豆腐，煎釀三寶食左茄子，都ok，蘿蔔糕再煎耐啲會脆啲，好食啲。由於傷風係咁咳，所以唔食得雪糕😭😭唯有食其他甜品飲品方面，檸檬茶，檸水，咖啡都可以任飲。以酒店下午茶自助餐黎講，整體食物款色好多選擇，今次仲有65折，簡直超抵。。👍👍

食buffet慶祝媽媽生日，1月1日tea buffet, 都唔算full, 好彩一星期前訂枱，都仲有位，我們未夠3點去到，3點10分開始食嘢，行了一圈看看有咩食先，新年佈置得好靚，食物種類也好多的。甜品夠吸引，佈置好好，好有心思，有甜品區，好多蛋糕，一杯杯的甜品好幾款馬卡龍，曲奇，啫喱糖，布甸糖果區，自己夾糖，好靚呀朱古力噴泉豆腐花燒牛扒好味，腸仔，多士，葡撻，鬆餅，都好味的，多士脆d仲好味，燒牛扒第一round有d肥，第二round就好味，唔算肥，鬆餅好味，夠軟，葡撻也好香夠軟呀。沙律好味水果沙律好味，香甜，青瓜，青口粥都好多配料，蟹柳，豬潤，牛肉，雞肉，魷魚……蝦，好甜呀，好味。蛋糕好綿好軑，好味的甜點出色，好多選擇，馬卡龍，朱古力cake仲有雪糕係movenpick, 8種味道，好正，刺身也有三文魚，吞拿魚，八爪魚等，仲有pizza, 咖哩，薄餅，辣螺，關冬煮……整體選擇多種類，環境舒適，服務好的。用信用咭可以有8折，都扺食呀！

星期四晚去食人少少食得好舒服, 就算攞生蠔(每次兩隻), 即劏原條三文魚魚生都唔洗排隊, 環境同服務都唔錯(可能人唔太多, 所以收碟快), 咖啡, 凍檸檬茶, 啤酒, 清酒, 波子汽水任飲, 但食物就真係要逐樣分享俾大家知: 1. 羊架~本人喜歡食有羶味, 但佢無, 而且又乾又韌2. 凍龍蝦~無味, 又韌, 仲有d部位未解哂雪, 青口~ 好難食, 翡翠螺~爽甜3. 咖喱羊肉~又係好韌, 薯仔又唔霖4. 刺身~ 食咗三文魚, 油甘魚同赤貝都合格5. 生蠔~ 算鮮甜, 但好細隻(可能係品種問題)6. 花膠燉水鴨湯~咁啱攞第一碗頗多花膠, 之後嗰d就得一小塊, 不過個湯好鮮甜, 好滋補嘅感覺7. 沙律~ 有幾款撈咗嘅沙律都好好食, 好新鮮8. 即炒炒麵~ 好有鑊氣, 但油膩咗d9. 千層麵~ 棟咗個牌話招牌菜, 但唔明有幾招牌, 無咩特別10. 蒜蓉粉絲蒸扇貝~ 扇貝好唔新鮮, d蒜蓉粉絲淡到無味11. 壽司~ 食咗兩款三文魚同鰻魚都好味, 飯亦唔大件12. 烤雞~ 少少乾, 不過醃得幾惹味, 有印度薄餅可以夾埋一齊食, 但d薄餅又乾又硬, 所以無試13. 甜品~ 藍莓芝士蛋糕: 好普通,

今晚在Cafe Marco 自助餐的甜品區，出現了很多可愛活潑的藍精靈，原來是配合最近商場主題，當中有很多期間限定的甜品，其中我最喜歡的是朱古力芝士慕絲撻配藍莓和波士藍酒啫喱牛奶果凍，賣相別緻又美味。甜品的種類都不少，西式甜品還有杯子蛋糕、泡芙、蛋白蛋糕、布甸、朱古力慕絲蛋糕等，中式的糕點甜品都有以藍精靈點綴，精靈迷一定喜歡。11款口味的Móvenpick雪糕，無法全部試齊，但銷量最高是酸甜清爽的檸檬雪芭，可能是和我一樣吃得太飽了，用來醒胃消滯，我也試了乳酪味，貪其帶微酸，有點奶香但又不會膩。餐廳給每位客人送上主廚Handmade曲奇可帶回家享用，曲奇由多種果仁及乾果做成，口感豐富，加上濃濃的肉桂香，最好留來下午茶配咖啡。

We have been to Café Marco several times but this is the best yet celebrating a friend’s birthday with good food and balloons!For many, having oysters for buffets is important so here you will find them in abundance and very fresh too even though they are a wee small. Personally though I was more impressed with the much improved dessert selections and 11 flavors of Mövenpick ice-cream!Their food selection was wide. On the seafood side, they had the usual Frozen Seafood items like Crabs, Lobsters

講咗好耐話請朋友食buffet,今日終於成行。朋友都唔想我太過破費，所以揀咗間佢有membership同埋今個月有做緊優惠嘅酒店。我地6點半入座，不過7點先齊人（但可以食到10點，無所謂啦），個場都幾爆幾多人，所以一張bb櫈都無剩（朋友帶埋bb嚟），但好在一有返bb櫈酒店職員就即刻比我地首先我同男友拎咗生蠔，生蠔唔腥，重海水味但鮮甜跟住今個月主題係蟹宴，當然要食返幾款蟹。不過最好味係長腳蟹腳，另外就係龍蝦鉗。跟住就到刺身，都幾新鮮，吞拿魚唔出色但係唔腥同無筋，都可以。油甘魚最好食，又甜又無筋，而三文魚就正常同新鮮肉類方面，叉燒、羊架好出色，夠軟同夠味！其次乳豬都算係皮脆同肉嫩，不過如果熱d就更好。牛扒係最失望，牛味重但過熟，好辛苦先食晒成塊。最surprise就係甜品！熱情果朱古力撻、芒果爆爆珠+西米芒果布甸、朱古力慕絲蛋糕、藍莓cheesecake同桂花抹茶慕絲同好好食！Movenpick雪糕多過6款比人揀，唔錯！ 整體呢間酒店嘅buffet都幾好，但係比較多遊客（等lift耐d同有機會比人打尖），同埋可能太多人嘅關係，收碟收得比較慢一d，不過價錢合理。

同朋友去咗Cafe Marco食自助餐，因為掛住食，都唔詳細講其他嘢喇。 食咗風乾火腿、煙三文魚、芝士同沙律之類，基本上都OK，不過椰菜苗就澀咗啲。見啲海鮮呀嗰啲太多人拎，咁就轉去食甜品先。芝士蛋糕同檸檬撻酸酸哋都唔錯，呢度嘅macaron有唔同味，我拎咗焦糖、抹茶同朱古力，食呢樣都預咗係甜喇，不過都算分到咩味，唔係齋得個甜字。呢兩款甜品個樣好似人哋啲分子料理咁，後面嗰杯係白酒果凍，前面係奶凍（唔記得叫咩名），上面啲粒粒其實係爆珠，賣相係幾靚，不過食落嘅話就唔係太啱我。呢度仲有生蠔呀，不過每次只可以拎三隻，見少咗啲人排隊我就去拎喇。感覺上嗰晚啲生蠔比較細隻，肉質唔算肥厚。趁人少少，拎咗凍嘅龍蝦，跟住去拎埋即煮開邊龍蝦，都係每人限取一隻，聞落好香，因為加咗黑椒之類去調味，食落比凍食嘅仲惹味。食到尾聲，啲人開始食甜品，我哋見海鮮嗰邊refill咗啲長腳蟹，於是就拎咗幾隻返嚟，食落幾鮮味，唔怪得頭先俾人拎晒啦。呢度嘅嘢食唔係太驚喜，不過就要有嘅都有，同埋仲有生蠔食，受歡迎嘅嘢食到最尾都仲會refill。原本想食雪糕，係mövenpick嚟，因為食得太飽，就放棄咗。

我們一家諗住佢係海港城應該唔差咪試下佢晚餐 , 一入到去個心已經離一離 , 見全埸得3份1人而且超過八成係內地人 , 放野食位置係細到不能再细大約圍住正常速度行30秒行完 , 算啦可能d食物素質ok呢 , 吾好再欺騙自己啦 , 首先食即開生𧐢並不是食評相片中的法國𧐢，只是一些最cheap的澳洲𧐢，食落去仲要有臭味不新鮮😡，食刺身三文魚有剌無味帶子壽司又細無味 , 蒸扇貝係急凍既仲要有沙太離譜, 凍蝦係 “鞋”既顏色仲要好淺色 , 青口拎左兩隻第一隻已經有怪味諗住吾好浪費食埋第二隻一放入口忍吾住嘔番出黎 , 最離譜係牛扒凍既!放係隔離個燒汁又係凍既重要係凍到 “ 結” 左 , 最後係甜品正常番少少 , 由於已經食到全家無囇mood又無心機所以相都無影 , 信不信就由你地 , 但係七折左成4百幾食依d質素真係太可笑😡我就算無左條命都吾會再食 !!! 最後仲要當天是我媽媽的生日，我真的感到很內疚!😣

復活節去了食TEA BUFFET, 這間酒店的TEA BUFFET, 之前我食一次, 覺得都幾好味及多選擇, 酒店環境都好大, 又夠濶落, 看看食物種類先不同款式的多士, 好吸引呀.蝦, 小龍蝦及青口嘩, 這個甜品區好靚呀, 好多款式, 仲有一些係好得意的復活節圖案還有中式的老婆餅, 很特別呀.糖水有豆腐花, 雜果等雪糕有十一款, 好多呀, 係MOVENPICK的, 正呀小小的糖果AREA我唔客氣啦, 攞左刺身, 同埋蝦, 青口先, 刺身有三文魚, 北寄貝, 兩款魚, 賣相新鮮吸引, 切到薄身好易入口, 味道係好新鮮, 好味, 三文魚好肥美呀, 蝦爽口, 青口都係夠甜的.第二輪攞左一些熟食, 有薯格, 咖喱角, 炸魚手指, 仲有沙律, 雞亦, 多士, 多士我食左芝士及火腿味道, 多士唔係好脆, 硬左少少, 但上面塊芝士及火腿都好香, 好味. 份量都唔少的呀. 雜果沙律好味, 夠晒新鮮, 好開胃呀, 魚手指, 雞亦都好香口, 唔好油的, 薯格好味呀. 咖喱角都好香口.仲有燒牛扒, 牛角包, 菜, 墨西哥脆片, 腸粉, 萄TART, 估唔到會有萄TAR, 如果熱少少都OK, 唔夠熱, 但都

幾個星期前已經book左食buffet，阿媽話朋友介紹幾好味，價錢都算幾吸引嘅。其實我一入到去已經都幾失望，因為款式實在太少了。當然首先係要食返冷盤先啦。三文魚刺身同油甘魚刺身，三文魚都算係幾新鮮，油甘魚就算係一般般啦。之後梗係黎到重點食生蠔啦，今次係澳洲嘅coffin bay嘅！都算係咁啦最初都唔係幾新鮮無乜味，但之後食咗幾隻都有啲鮮甜味，所以總共食咗九隻。兩隻青口算係麻麻哋，實在係冇味。煙三文魚同芝士嘅餅都係一般貨色。燉鴨湯，得個咸字，完全不值一提。總算搶到兩三隻龍蝦都係普通国，啊好似擺咗好耐咁，如果有得食下熱嘅龍蝦就好啦。肉類一般。最後梗係要食返幾球movenpick ，抵番條數。