馬哥孛羅咖啡廳

@Cafe Marco今日去咗marco Polo食自助餐，買一送一，$490兩位#海鮮翡翠螺，無沙蝦，彈牙花甲，食到一嚿有沙長腳蟹，有海水味，唔太鹹#熱葷選擇好多，大部份都吾錯，唯獨是覺得蒸魚refill速度比較慢#刺身吞拿魚，一般三文魚，又薄又碎，無油脂感蝦，希靈魚正常發揮#甜品種類吾算多，無乜邊款味道突出，最好食算係芝士蛋糕，雪糕係häagen-dazs總結：呢度食物種類都算多，唯獨是甜品我就覺得一般，冇乜吸引力令我去攞第二轉，熱葷款式多，雖然海鮮冇生蠔，但其實呢個價錢都冇乜投訴，值得再来…查看更多

🔹️與朋友仔👭慶生選來尖沙咀 " Cafe Marco" Lunch Buffet 🎂🍽 食物種類算多🍲🦀🥗🦞🥘🦐 店員有禮👨‍💼👩🏻‍💼 以官方網頁訂位可享半價💰超值😍😍🔸️食物新鮮🍴💫 海鮮類有：長腳蟹、翡翠螺、蜆、青口、蝦、小龍蝦, 還有沙律、刺身、壽司、冷麵、龍蝦意粉、牛扒、羊扒、豬腳薑、燒味、湯麵、湯、甜品、紅茶、果汁、咖啡等等....😋😋💫餐廳還預備了一件生日蛋糕🍰🍰😊…查看更多

同朋友去左尖沙咀macropolo食lunch buffet，作為酒店自助餐，質素果然有保證！餐廳係酒店1樓，環境寬敞，氣氛輕鬆，適合同朋友或家人喺購物後chill一chill。海鮮區係今次嘅焦點：長腳蟹同凍蝦新鮮甜美，長腳蟹肉質結實，入口滿滿海味，食咗幾輪都唔夠喉！刺身有三文魚同八爪魚，切得厚身，鮮甜彈牙，質素高好滿足。熱盤有燒味、印度咖喱同中式蒸魚，燒鴨皮脆肉嫩，咖喱香辣開胃，選擇多到試唔晒。甜品區有 Movenpick 雪糕同四重芝士蛋糕，芝士蛋糕濃郁順滑，大愛！仲有豆腐花同芝麻糊，甜而不膩，完美收尾。…查看更多

選定5月26號同朋友慶生買一送一 計返250蚊一個人係味高質呢 就未必架啦長腳蟹意想不到鮮味好濃唔梅唔淋已經贏一半芒果甜品食落一杯會想食多杯估都估佢唔到 有驚喜啲位好空曠 唔會同隔離台好近又有哈根大食 250係邊到搵到咁抵食既野…查看更多

移民外國前每一、兩個月都會去cafe Marco 食自助餐，趁明天飛回居住的地方前，今天與家人去cafe Marco 午餐，原來在酒店網站book五圻，於是今天一家人去食自助午餐，食物種類繁多：刺身：只吃了三文魚刺身，非常新鮮。沙律有四種沙律，十分滿意。熟食：燒味，蒸魚，還有點心等，非常好吃湯：粉角湯非常好飲。甜品：有粟子蛋糕，雜果蛋糕，cheese cake等，水準好好，還有中式糖水，芝麻糊和豆腐花。總括今天的午餐十分滿意，以這個價錢真的物超所值。如果下次回港仍然有做promotion,一定會再來。…查看更多

食物味道一般，魚生已經係全個自助餐最好嘅，尤其係油甘魚；海鮮質素平平，開邊凍龍蝦算是唯一較正常的，麵包蟹無乜鮮味，居然連藍青口都係無味嘅，這證明攞嘅係平價貨；熟食最好味嘅居然係豉油雞，你就會明白有幾失敗，牛扒嘅質素本身係唔錯嘅，但外面嘅部份太燶亦太咸，熟食其餘嘅嘢都唔好食，唔知係唔係因為用料唔新鮮，連紅酒燴牛，啲牛肉都係唔好食嘅。甜品蛋糕方面，較好嘅係芒果拿破崙，但自助餐18:30一開始時，就見到只得五小塊，好明顯係下午茶賣剩嘅貨尾，攞咗兩塊後好快就無晒，之後直至自助餐完都無再加，這個亦突顯最失敗。…查看更多

朋友生日，想食自助晚餐，周圍都幾full，咁啱見到有呢間酒店buffet仲有位， 仲要價錢唔係好貴，咁就嗱嗱聲book 。 折左之後大約 四佰頭 一位， 請埋生日果個 平均都係$500左右，所以都算係咁。雖然個場地唔算好大，但就叫做什麼食物都有啲，唔係話極好，但呢個價錢嚟講覺得都唔錯。 基本上冷盤都有： 龍蝦🦞龍蝦仔、長腳蟹、青口、螺、凍蝦。另外刺身方便：有三文魚，油甘魚、甜蝦…我叫了油甘魚及三文魚幾新鮮，味道幾鮮甜。龍蝦味道都算唔錯，有啲高亦都有啲軟軟地cream狀嘅膏，所以都幾香，不過都真係幾凍。熱食方面都有好多選擇：中式嘅有粉麵燒味，仲有定時推出嘅中菜，例如乳豬 & 蒸撻沙魚 （呢個撻沙魚十分之香滑好好味），仲有咖喱啊薄餅啊烤雞卷餅自己可以製作。仲有羊架 （羊架好肥美又香肉質都幾滑） ，牛、豬手 （ 豬手味道是OK的 ，但佢嘅皮好韌） 。仲有煮的龍蝦鉗長通粉，味道都唔錯，幾Creamy，熱辣辣pizza仔 都ok 。甜品基本上：不同的蛋糕、豆腐花、芝麻糊 、Häagen-Dazs雪糕 都幾有齊。 飲品自取：咖啡檸茶、紅茶、芒果果汁、橙汁，罐裝飲品等。所以整體嚟講都算唔錯。…查看更多

之前11月都打風，點知就係打風既晚上，我老細一早想年尾請我地成班伙記食飯慰勞一下，就漏夜第二日唔使返工上網睇下啲網站或者酒店餐廳既自助餐優惠，跟住叫埋我幫手睇下，睇左幾日睇左好多間之後，就選左呢間既優惠，因為12個人，地點係尖沙咀碼頭，附近有地鐵又有停車場就到各人由港九新界出黎。由於真係可能唔多人睇到個優惠兼我地食餐呢晚係平日星期一，呢晚大約全場只有50-60人左右，除左我地最多人之外，另外就有一枱係附近西裝放工既10人枱同另一家8人枱為最多人。由於唔多人，所以食物好充裕，冷盤有龍蝦，蟹腳，蝦等等，龍蝦鉗會先分開左同打左少少個殼，所以有D龍蝦身都會拎左先，剩低啲鉗，不過REFILL都迅速。新鮮程度好好，龍蝦肉鮮甜冇梅，蟹腳海水味濃郁，咸度好好又唔蓋過啲蟹味。蝦都好新鮮湯飲左磨菇湯連肉粒，味道好。刺身有5種，三文魚，油甘魚，甜蝦，馬刀貝同仿鮑魚。5種都好靚，油甘魚油脂感好，馬刀貝就好爽口彈牙，壽司冇食留番個肚。熱食有唔少，比較出色有個焗三文魚柳同埋炆牛尾肉，燒牛肉同咸豬手都入味又唔會咸，有個蒸扇貝就不過不失，有粉絲同蒜蓉。甜品食左佢唔少種類，有木糠布甸唔同種類嘅蛋糕同mousse，佢做啲芒果系既都做得好好。雪糕Haggan-Daz3種口味。飲品都唔錯，有無限量橙汁，罐裝汽水有檸檬茶橙汁雪碧可樂，另外仲有一般嘅咖啡奶茶而且仲係有凍嘅選擇(備好凍紅茶)。如果有少許冰粒提供會仲好。總體有優惠以呢個價錢食係性價比高，有基本飲品無限量提供。如果地點再近啲地鐵站或者冇咁隱蔽啲就可能多啲人旺場啲。當晚最麻煩就係去洗手間，因為同一層個洗手間唔能夠用所以要去酒店第二個地方嘅洗手間先用到。希望盡快整番好。…查看更多

同朋友黎慶祝生日，環境幾好，服務人員都好有禮貌，佢哋仲送咗一個好靚嘅生日芝士蛋糕，係好開心嘅又會幫我地影相！我哋坐低傾計，享受著生日的氛圍，氣氛輕鬆愉快。但可惜，食物方面就唔太理想。海鮮方面只得鹹字，味道上唔算好出色，完全不太新鮮！而所有肉類口感都好韌，咬下去真係好費力，無小小牙力都咬唔到，實在令人失望。再者，食物的種類選擇都相對較少，冇乜特別嘅選項，令人感覺唔夠豐富。至於甜品味道上叫好小小，但選擇都係小之又少，根本無法滿足我哋對甜品嘅渴望。最令人擔心嘅係，朋友食完之後竟然半夜肚痛，唔知係咪食物出咗問題，知道後真係好唔開心！希望餐廳可以重視客人嘅留言，畀食客享受一個完美嘅慶祝日！🥲…查看更多

成班朋友聚會，大家一致覺得尖沙咀海港城附近方便，所以就選擇咗馬哥孛羅咖啡廳自助餐作為今次聚會地點。餐廳位置的確便利，加上裝潢舒適，適合朋友間輕鬆聚餐。不過食物整體表現有高有低，以下就同大家分享下我嘅體驗。熱食選擇方面比較少，不過有幾款係值得一讚嘅。其中印度咖喱雞同薄脆係全場亮點，咖喱香料味濃郁但唔會過辣，雞肉嫩滑入味，配埋香脆嘅薄脆一齊食，口感層次豐富，令人回味。不過其他熱食菜式就比較普通，欠缺驚喜，選擇亦唔算多。冷盤海鮮採用一桶桶海鮮畀大家自取，但refill速度偏慢，尤其係龍蝦，每次出去都淨係見到啲鉗，成隻龍蝦非常難搵。結果整餐只食到半隻龍蝦，有啲失望。不過，魚生區嘅表現就相當唔錯，特別係油甘魚同三文魚，質素穩定，新鮮度令人滿意。至於拖羅更加係表現亮眼，肥美細膩，油脂香濃，絕對值得一讚。甜品區係一個亮點，尤其係朱古力噴泉。呢度提供咗多款材料畀大家創意搭配，濃郁嘅朱古力一齊食，幾有玩味。而榛子撻亦係唔容錯過嘅選擇，撻皮香脆，內餡帶濃郁榛子醬香味，甜而不膩，相當吸引。…查看更多

已經差不多7年無黎過,今次因為結婚紀念日和opicerice有折扣所以選擇這兒慶祝,首先食物方面依個價錢係合理,而且選擇都幾多,甜品方面也不小選擇,酒店方面做安排了蛋糕給我們拍照留念真係好意外,服務態度都幾好,下次有機會一定會再次來.…查看更多

朋友鍾意食自助餐，所以趁佢生日，請佢食呢間評價都唔錯嘅自助餐。位置非常方便，就在1881對面。海鮮款式不算很多，但質素不錯。雖然冇生蠔，但係有兩款青口，都清甜。特別鍾意佢將蟹肉和蟹身分開盆，蟹肉非常鮮甜，啖啖肉，大愛❤️刺身主要有三至四款，不過不失。熟食方面款式都不少。特別多款式的是甜品，無論是蛋糕、雪櫃的凍品，都非常多，啱晒甜品控🍰之前有同酒店講是朋友生日，所以有一個生日happy birthday 碟，不錯。價錢方面，優惠價買一送一尚可接受，如果正價，就不建議了。…查看更多

今晚一行十人去食自助餐，揀左Marco polo!大家都係第一次食呢間，見價錢平即管試試！凍海鮮，有長腳蟹、龍蝦、蝦、螺等等最驚喜有麵包蟹，好多膏😍熱食方便選擇偏少，但基本既肉、魚、飯、麵都有甜品仲有多啦a夢裝飾！栗子🌰蛋糕好味！另有哈根大雪糕任食總括黎講都還好！…查看更多

尖沙咀區，仲要係廣東道黃金地段，從來印象中都係高檔，所以貴價都預咗⋯⋯點知唔係平貴嘅問題⋯⋯諗落佢都唔係貴⋯⋯一到埗，想去洗手間🚻，一問之下，原來外訪客係要去六樓，唯一一個地方先至有，就算一樓咖啡廳都冇㗎！咁⋯⋯係咪吋金尺土之故？？即係在大堂等候至入席前要去洗手間就要先上去六樓，然後用餐期間或過後，都要往六樓過訪一下。今晚我係去馬可孛羅酒店一樓嘅咖啡廳品嚐傳聞中嘅「花膠鮑魚滋補自助晚餐！任食花膠扒龍蝦🦞！⋯⋯」在網上宣傳是這樣的，結果卻是告之是限量，都只能是一份而已。誰的手誤？？我覺得有啲失望吖。鮑魚就唔多覺眼，可能係喺盅湯裏面，紅棗蟲草花瘦肉螺頭（有螺頭仲會唔會落鲍魚呢🤨？！），亦可能係我少見識嘞。湯渣除咗一條條嘅蟲草花就乜都切到一粒粒，螺頭同鮑魚（如果有）都好難分！個湯可讚之處蟲草花好滑⋯⋯滾燙熱辣⋯⋯非常新鮮咁，一定係高熱保溫。至於花膠扒龍蝦嘛⋯⋯用個分配到嘅精緻木牌換來一兜，有兩粒西蘭花🥦，睇咗好耐，係啲醬汁中係明顯見到有花膠，𠲖⋯⋯龍蝦呢～嘩！箝狀物⋯⋯原來佢俾咗我一個龍蝦箝（係原型㗎）！入口⋯⋯！唔⋯⋯唔係幾啱口味⋯⋯可能各人有各人喜好吧。各供一份，不過，我一份都冇食完，太、太、太唔啱口味！抱歉。佢有蒸魚㗎，佢一出爐，熱辣辣擺上枱，我就夾咗一片魚肚連魚較，諗住⋯⋯點知⋯⋯，不過勝在夠實肉！安全⋯⋯好熟！呀⋯⋯唔係，佢都有嫩得似血淋淋嘅燒牛肉嘅⋯⋯有冇其他生食，有，魚生⋯⋯都配合各人有各人喜好嘛。西瓜我覺得唔多甜，鮮菠蘿係新鮮嘅，保留原有果酸味。其他甜品係有嘅，一小件一小件各式蛋糕，可以一口一件，唔使食唔哂浪費。埋單好彩有優惠，如果唔係，⋯⋯可能我已經唔適合呢個類嘅自助餐，個胃⋯⋯悶住悶住⋯⋯。所以為自己好，都唔會打算再幫襯囉。…查看更多

用餐日期：2024/03/06 可用餐時段：12:00-14:30，2小時30分鐘用餐費用(每人）：$231餐廳環境：環境整潔乾淨 冷氣足 檯與檯之間闊落 坐得舒服務：服務員服務態度不錯 收碟及時沙律吧冷食前菜冰鎮海鮮熟食和以往一樣選擇多味道好但變化不大 這次沙律吧有熟鯖魚可惜味道偏咸 希望店方改善芝士：這次有羊芝士 可惜味道偏咸 希望店方改善刺身/壽司/湯品：有幾款刺身/壽司/湯品 沒試 不作評論甜品：這次中式是花生糊味道一般 西式甜品質素較以往有進步 推薦木糠布甸 豆腐花 燉蛋 檸檬味糕點 雪糕：這次Häagen-Dazs 還是只有3款口味 雲呢拿 咖啡 士多啤梨 3款中推薦士多啤梨味 希望店方未來可增加多些口味水果：有3款 西瓜菠蘿味道正常鮮甜 這次難得有熱情果 熱情果在自助餐中很少見 推薦 飲品：這次咖啡機沒壞但只有齋啡選擇 其他有加奶的咖啡都需要向服務員提出才會送上 這對自助餐客人帶來不便 希望店方改善總結：這家環境舒適 食物選擇多味道不錯 這次安排了Table#4是不近員工工作區較淨的卡位 能舒服安靜地食自助餐是一種幸福 Eaxxgo有半價優惠後自助午餐價錢吸引 希望店家改善自助咖啡機咖啡選擇和雪糕口味選擇 整體是值得推薦的自助午餐餐廳提示：大家入座要避開Table#9 這雖是卡位但是和員工收碟/製造飲品工作區連在一起 用餐過程會非常嘈吵用餐付款紀錄：…查看更多