馬六

營業中

休息中

喺屋企悶悶哋又係時候喺foodpanda搵啲 新餐廳試下啦一直好想再去灣仔某酒店食海南雞飯但係因疫情關係又覺得佢三百幾蚊唔係好抵見到呢間平平哋又無骨海南雞飯食咁就試下啦 七十幾蚊佢個雞量真係好多仲有一嚿啫喱面嘅 脂肪油飯都好香不過佢個 味精湯 湯嚟嘅唔係雞湯有呢度有少少失望 個 套餐冇 配嘢飲都扣咗分 我呢嗌咗杯媽嚟香茅物都幾好 另外個星加坡坡魚片喇沙覺得佢賣相好似普通魚蛋粉咁個湯底都好足味好香 仲好細心咁面同湯分開上不過啲魚蛋好似好唔新鮮咁散嘅 一啲都唔彈牙一咬的散如果佢可以落嚟落多啲獅蚶就好啦不過勝在佢價錢平都可以一試嘅 旺角有啲貴係有promotion免費我先試㗎 覺得海南雞飯可以一試下次試埋佢個肉骨茶先

最近成日去西環做野，今日揾食時見到呢間星馬菜嘅餐廳，門面賣相唔錯，就試一試。貪心嘅我樣樣都想食，每次食星馬菜都想要海南雞飯，肉骨茶，喇沙面...但自問唔係大胃王，點可以一次食咁多樣嘢。呢度選擇好多，午市套餐仲有無骨海南雞飯加肉骨茶，正係我想要嘅嘢，滿足到我嘅需要，套餐跟飲品，一個價錢，食到我想要嘅嘢，好滿足。無骨海南雞賣相吸引，份量十足👍🏻油飯香味，味道足夠。肉骨茶味道濃郁，湯入面有幾粒蒜頭，吸入了肉骨茶味，都幾好食。飲品，我選擇咗拉茶，香滑，茶味十足，甜度適中。整體來講好好，最鐘意佢地套餐有齊想要嘅嘢，餐廳環境比較迫，但服務態度幾好，而且食物和飲品都不錯，值得一試。

光顧此店不只一次，多數下午茶時段食喇沙，湯夠味覺得有水準，今次午餐時段嚟食，叫咗老鼠粉，覺得份量少味道可以，不過好似無咩餸咁，只有半隻蛋肉碎，唔係咁抵食。家人叫左海南雞飯胡椒肉骨茶，同肉骨茶，海南雞飯雞肉嫩份量都多，有齊薑茸，辣醬同甜豉油，油飯香，胡椒肉骨茶只有胡椒味好嗆喉，唔係我杯茶，肉骨茶就正常。另外加咗碟芥蘭，夠冧幾好味😋餐廳座位之間距離夠闊，感覺良好，上菜速度都正常，侍應服務態度不錯。總括來說，都係覺得下午茶抵食D。

今日食晏喺附近見到間幾多人幫襯嘅新加坡菜菜 於是就入去試吓啦沙巴燒雞古法摻摻 $58入邊有大大隻嘅燒雞髀 同埋有兩種唔同粗幼嘅面 加埋佢哋嘅秘製XO醬撈埋一齊都幾開胃㗎最最最最最值得一讚嘅就係佢哋嘅馬來拉茶 跟返套餐咁樣加配都係加咗$3姐個人唔鍾意太甜所以就叫咗少甜點知嚟到佢哋嘅味道啱啱好好快就成杯飲晒 如果大家第一次嚟試吓建議大家一定要試吓飲呢個馬來拉茶馬來街頭雞肉串燒 $22兩串有少少沙嗲醬喺上面嘅雞肉用嚟補充蛋白質就一流啦 總括來講呢度嘅嘢食特別得來質素都唔錯㗎終於喺平時成日食嚟食去嘅日韓台西餐之外搵到啲特別啲嘅嘢食

星期六，返去西環探親。今日唔想幫襯堅尼地城的中環SOHO級數西餐廳，想做返一個二十幾年前的西環友。所以走去「馬六」開飯。雖然只是開業一年半左右，並非扎根西環幾十年的老牌小餐廳；但格局就似筆者小時候的西環街坊餐廳級數，有親切感。當然，隨着時代進步，今時今日的街坊級數裝修，也會比較光鮮了。近幾個月，因為疫情引致餐廳少了堂食生意，很多餐廳都有提供外賣折扣優惠，「馬六」也沒有例外。即使堂食，「馬六」的午市套餐也相當抵食，全部都是60多元左右，還要不設加一服務費，難得禮拜六日都有得供應。在香港，最受歡迎及最為人認識的星馬菜式首推海南雞飯，「馬六」當然不會缺少；而且有兩個增值版本，分別配上另外兩款迷你版本星馬馳名街頭小食：肉骨茶或喇沙。由於已經另外點了喇沙，對於帶有藥材口味的肉骨茶又不太喜歡；最後只揀了馬六無骨海南雞飯（$68）。份量超過¼隻雞，勝在抵食；不過賣相就很一般，去除了所有骨頭後，每件雞肉切得大小不一、隨意舖砌，部份甚至雞皮雞肉已完全分離。用白滷水浸熟的海南雞欠缺滷水芳香；雞皮唔夠爽滑，雞肉稍欠雞味、亦未夠嫰滑。雞油味飯的飯粒有點黏口，未能做到粒粒分明；有油香，但味道偏淡。海南雞飯常見的

食過咁多間馬來西亞餐廳呢間嘅海南雞飯真係算得上正宗海南雞飯仲可以配其他小菜例如喇沙、白胡椒/巴生肉骨茶價錢都非常親民👍🏻.今次試左以下嘅菜式🌟馬六無骨海南雞飯拼新加坡喇沙($82)加錢轉咗做雞脾肉肉質非常嫩滑而且雞嘅份量都好多配搭油飯真係冇得頂✨.個喇沙都做得非常出色🍜辣味非常到位 同之前喺馬來西亞食嘅真係好似同埋好足料 食晒成個set真係好飽🤣🤣.最值得一讚嘅係佢哋提供嘅醬料包括甜雞豉油、薑油、辣醬都調校得非常正宗一啖雞一啖醬一啖飯簡直好似去咗馬來西亞🤣.另外亦叫咗兩款多士包括蛋黃味同斑蘭味嘅南洋咖央多士雖然食落口真係好guilty但真係非常非常好味😍個人覺得蛋黃味有啲似牛油斑蘭味就比較特別 唔會太甜佢哋仲有榴槤味 鍾意食嘅朋友可以試吓🌟📍 馬六 (西環)西環石塘咀皇后大道西513號尼斯花園地下B舖

今日黎到西環，搵到星馬既餐廳。作為喇沙fans既我，緊係要食下。新加坡喇沙摻摻 ($48)呢個係下午茶價錢，佢話係輕量，但我覺得份量好多，好抵食。佢係油麵撈米粉，口感好好，同埋個湯底都幾濃郁，配料有豆卜、魚片、蛋同蝦，性價比好高！-南洋咖央蛋黃多士(加配$18)佢有斑蘭同埋榴槤醬，如果唔鍾意蛋黃醬都可以食其餘2個味。牛油磚好邪惡，佢d蛋黃醬都唔少，食落去好幸福！同埋佢個多士烘到金黃色賣相好令！佢呢個size會令你食完一舊再想食另外一舊🤣

坐落在西環石塘咀的馬六Malacca Cuisine是主打新加坡菜和馬來西亞菜，在香港有6家分店。路過時被它的馬來亞風格吸引住了，格調簡單而又舒服。剛好是下午茶時間便入去吃個下午茶。喇沙摻摻是餐廳的特色，油麵+米粉大大碗都幾多料。有蝦、魚蛋、流心雞蛋、魚片、油豆腐卜等，湯底濃郁伴有椰香甜及微辣，色香味俱全，味道非常正宗。雞肉串燒，雞肉嫩而入味，中規中矩。咖哩角，餡是薯仔拌肉米，咖哩味有點像印度的青咖哩，好吃👍蝦春卷，熱辣辣的好香口，但蝦味不夠重。它家的主打菜還有肉骨茶，海南雞飯⋯⋯以後會再次光臨，續一品嘗。

滿心歡喜諗住食個燒雞飯，但結果真係同想像中爭太遠啦!一直都有聽朋友講馬六食雞係好正既，咁因為平日都好多地方食到海南雞飯，所以就決定特別少少食個燒雞飯，點知就出事啦。個”燒雞”嚟到我同朋友都呆咗，點解只係一飯普通炸脾既…. 而且仲要完全冇汁，雞脾亦都炸耐咗有少少鞋口。重點係完全冇汁但佢跟咗一大碗飯，真係完全唔夾亦都送唔到飯。計返價錢同海南雞差唔多但我見人地叫既海南雞望落好靚仔，超級唔值……另外我都好appreciate餐廳有跟埋信封放口罩，但我地兩個人你只係比一杯水一個口罩信封，我仲要追咗幾次先俾埋另一set…. 整體嚟講今次真係好差既一次體驗….

行過見這間餐廳光猛清潔，門口餐牌多選擇，價錢又合理。好，入去試試💪🏻蛋黃咖央多士：多士烤得香脆，厚厚的牛油一咬香酥滿口，最正是大小剛剛好一口，不會食到一地碎蝦春卷：長長兩條網皮春卷，老實蝦味唔多覺，但香口👍🏻海南雞飯：雞件在下午茶份量算多，而且有肉的，不是俾雞骨或屁屁，雞肉滑嫩喇沙摻摻：摻摻一碗有油面&米粉兩種，又幾正忠喎；油豆腐索盡喇沙湯，喇沙味濃白胡椒肉骨茶配油飯：第一口當然試個湯先，香濃的胡椒味立即把我迷住，我真係好鍾意個胡椒湯底呀😋😋😋；肉骨煲到好淋，好易離骨；油飯很香，一口湯一口飯，正👍🏻👍🏻肉骨茶配油飯：湯底都好濃，但飲完胡椒湯呢個就變得失免了，其實都有藥材味，like㗎；原粒蒜頭煲到淋哂，好味最後來杯「馬來手工奶茶」，阿姐好醒話比較甜，咁我當然要少甜喇，茶味濃而且好滑口

今日約咗朋友聚餐，好耐冇去西環，我倆路過這餐廳，感覺唔錯，就入去一試。這餐廳會提供膠袋放口罩，又有濕紙巾俾你抹手，好細心。今次試左4樣野食：1. 六無骨海南雞飯拼巴生肉骨茶無骨海南雞很新鮮，有雞味，油飯不太硬易入口；肉骨茶只得1條骨就比較少，肉好軟但湯藥材味不夠濃，整體一般。2. 檳城傳統老鼠粉呢個真係比我想像中好味，有青辣椒但不太辣，撈起所有配料一齊食好好味。3. 新加坡鹹蛋黃雞翼鹹蛋黃雞翼外脆內軟，但我鍾意食重口味，鹹蛋黃醬味較弱，而肉很鮮嫩，都值得一試。4. 南洋咖央多士（榴槤味）我好鍾意食榴槤味嘅食物，呢個多士味道正，榴槤+咖央醬+牛油入口我不覺得太油膩，但麵包皮比較硬，係唯一美中不足地方。整體都唔錯，下次會再試其他美食😋

新加坡馬來西亞菜話說西環呢頭最多嘅鋪頭一定係茶餐廳牛腩粉地道嘅嘢食反而一啲特別嘅嘢就比較少 最多都只係見吓日本野西餐廳等等 今次經過呢間新加坡菜就入去試吓啦因為都幾吸引巴東牛肉飯 $66其實原來係牛腩飯不過佢嘅醬汁就好特別有少少似肉骨茶鹹鹹地好難形容不過其他地方好似未食過呢隻味道 飯嘅隔離就有啲魚仔花生做配菜都幾得意 凍手工奶茶$22呢個大家真係要試吓 有啲似香港嘅凍奶茶但係好飲版 飲落有少少唔同應該係茶葉的味道單骨雞翼$32呢個價錢有四隻雞翼隻隻都炸到脆 可以嚟做小食share食總括來講好難得喺西環見到一間馬來西亞新加坡嘅菜式晏晝入到去人流都幾多幾受歡迎👏🏻 有時如果大家食厭咗附近嘅茶記 粉面都可以黎試吓㗎

兩點幾喺西環附近打完波好肚餓，同朋友喺附近搵吓有咩好嘢食行行吓見到有間馬拉新加坡菜，睇吓個餐牌好似唔錯，就入咗去試吓<海南雞飯拼白胡椒肉骨茶$88>朋友話打完波好肚餓所以叫咗個午市套餐，海南雞切件成碟上海南雞肉質鮮嫩，仲可以沾三款唔同嘅醬料食，飯可以揀又油飯或白飯白胡椒肉骨茶有少少辣，第一啖飲唔好咁大啖，要慢慢適應先，不過飲完成個人暖曬<海南雞喇沙摻摻$46>濃郁花生味湯底，超好味麵底系油麵溝米粉，兩種口感一次過試曬豆卜索曬花生湯底，好味<蛋黃咖央多士$18>一定要加，跟餐十八蚊食到，蛋黃味好香，牛油入口即溶<凍芝士手工奶茶+$6>必點項目，芝士味完全溶入奶茶，個味match 到言語無法形容

上次同媽媽吃過皇后大道西的「馬六」海南雞飯和肉骨茶套餐，念念不忘，今晚又要encore。 看見餐牌上的新加坡喇沙摻摻，賣相與價錢同樣吸引，於是一試。海南雞貫徹以往水準， 皮薄肉嫩，沒有一絲多餘脂肪。油飯雖然稱之為油飯，但卻一點都不油膩，飯質爽口，跟別的店舖有點與別不同。 肉骨茶只喝一口身體已有暖暖感覺，可見材料十足。新加坡喇沙摻摻，餸料豐富，計有溏心蛋、豆腐卜、魚蛋、魚片、蜆仔和鮮蝦等等，並且這咖哩喇沙味鮮湯濃，除了配本身的米粉和油麵外，亦絕對可以送飯。這餐廳裝修得光潔明亮，上菜快捷，食物熱度十足，並不是快餐出品，很適合不想花費太多但又想享受好食物品質的朋友。

Partner 帶我去試食☺️～巴生肉骨茶配油飯其實好怕肉骨茶嘅味道太重藥材味但呢個肉骨茶唔會唔覺唔覺就飲晒成碗肉嘅份量都多同埋質唔會太老～馬六無骨海南雞飯配白胡椒肉骨茶海南雞食落嫩滑白胡椒肉骨茶飲落胡椒味偏重有啲似飲緊胡椒豬肚湯唔食得辣嘅朋友可能會覺得好辣～馬來手工拉茶Partner叫咗少甜小冰但建議唔減糖減冰因為味道交淡～老街椰汁冰唔會太甜味道唔錯餐廳環境好有馬來西亞嘅感覺侍應都好有禮貌上菜速度好快可以試試