馬六

食新馬菜我通常都會食喇沙，貪佢啲湯又濃又香，之前食過呢間嘅海鮮喇沙，覺得湯底唔錯，今次再試佢嘅海南雞喇沙。暑假嘅下午茶時段，鋪頭入面都坐左7，8成人，於是買外賣（原來佢外賣仲有88折，抵呀）。我嗌左海南雞喇沙配椰子班蘭冰（加8蚊）等左5分鐘就有得拎喇。返到屋企打開個外賣袋，佢分湯，夾埋嘢飲，一共三個盒，但佢收我兩個盒錢，已經覺得賺左，點知佢仲有一點好窩心，就係佢用貼紙封左飲品嘅飲管插口，以防濺出來，啲湯同野飲真係一滴都無瀉出來，個膠袋濕只係因為杯椰子冰嘅冷凝水。呢點都係要一讚。講返啲食物，個湯底好夠味，有小小辣，仲有少少香茅渣浸喺內面啲豆卜索晒啲湯汁，一咬，就喺口入面爆汁，好正。至於個海南雞佢俾左雞胸我，但我就覺得唔夠滑，仲有啲柴，比較失望。啲麵就正常發揮啦。。。杯椰子斑斑冰顏色好搶眼，飲落都幾甜，不過同喇沙湯夾埋就可以解下湯嘅辣度佢喇沙湯底真係正，下次都係食返海鮮喇沙穩陣啲。…Read More

餐廳：馬六地點：西環石塘咀菜式：馬拉野餐牌：茶餐12選一，有多款飯粉麵小食，配熱飲品6選一，凍飲加$3，另外仲有小食追加同加$8升級地道飲品。仲有地道推介下午茶餐。馬六無骨海南雞飯 $65馬六無骨海南雞飯有好多雞肉食，有脾有胸有翼。雞肉算嫩，皮滑溜，伴有四段青瓜，跟有大大碟三色醬汁。雞油飯大大碗，非常黏口。仲有一碗熱到辣口既蟲草花蔥花雞湯。海南雞喇沙摻摻 $58海南雞一共五件，皮滑肉嫩，好好味。摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感。落單可揀淨油麵或者淨粉絲。個湯又香又滑，梛汁又夠，辣度剛好。其他配料有半隻糖心蛋，豆角，豆卜4件，同少少爽口芽菜加香口脆脆。街頭雞肉串燒 跟餐加$22街頭雞肉串燒一客兩串。雞肉啖啖肉，好重咖哩味，燒得脆皮。伴有青瓜同車厘茄。另上參巴醬。娘惹炸鮮奶 $16娘惹炸鮮奶一客兩件，炸得外皮超脆而入面鮮奶滑溜香甜。酸辣鳳爪 $26呢個價錢有成十隻酸辣鳳爪，口感爽脆，味道酸酸辣辣好開胃。伴有車厘茄，西芹同紅蘿蔔絲。老街椰汁冰 加$8 加$8就有杯甜品特飲，老街椰汁冰飲落好多粒粒碎冰，椰香好香滑唔會過甜，好正。熱桂圓紅棗茶 （跟餐）熱桂圓紅棗茶有好多紅棗肉，仲有杞子，龍眼肉，加有菊花，好香花味，唔甜。總括而言，今餐食物質素唔錯！茶餐似正餐一樣大大碗，非常抵食！座位舒適，裝修光猛。…Read More

今晚約了朋友去平民星馬小店馬六～我點了咖喱牛腩、肉骨茶和咖央多士。餐廳的環境整潔舒適，裝潢簡約有質感，帶著一點馬來西亞風情，讓人感到放鬆。咖喱牛腩香氣撲鼻，咖喱醬濃郁但不過於厚重，牛腩燉得非常軟嫩，入口即化，搭配白飯剛剛好，整體味道和諧又有層次。肉骨茶的湯頭清香帶有藥材味，喝起來溫潤不膩，排骨的肉質鮮嫩，還有炸豆卜和配料點綴，讓湯品更加豐富。來吃星馬菜又怎能忘記咖央多士？吐司外層烤得微脆，內層的咖央醬香甜濃郁，還有一片鹹香的牛油，甜鹹交融美味又邪惡，令人欲罷不能吃完後一口😆再來一杯美味的美祿恐龍，令人有種返回童年的感覺😇埋單兩個人$200有找，幸福就是如此簡單！…Read More

我今日去香港大學上堂，放午飯時，我和同學去位於西環石塘咀皇后大道西513號尼斯花園地下B號舖的<馬六>食午餐，環境舒適，坐得舒服。我哋點咗兩個午市套餐：🥢馬六無骨海南雞飯拼新加坡喇沙 $92：海南雞的雞肉嫩滑，啖啖肉，好好味；星加坡喇沙係油麵拼米粉，係有小辣，伴碟豐富有蝦肉、豆卜.. 等，好食。🥢馬六無骨海南雞飯拼巴生肉骨茶 $92：肉骨茶係藥膳湯，材料有肉骨、冬菇、腐竹...等，好味又好食。🥢椰子斑蘭冰 $8（跟餐）：椰子斑蘭味濃，清涼好飲。🥢古仔路芒果冰 $8（跟餐）：大熱天時，我最愛芒果冰。…Read More

今日又係嚟到西營盤，香港大學呢一堂試咗一間連鎖嘅海南雞飯，晚市套餐價錢都算合理，海南雞都幾滑口，外相都唔算吸引，但係自己就覺得有啲生🧐，油飯又唔算太香口，整體質素算OK啦，好嘅位就係加幾蚊有特飲，所以嗌咗杯類似芒果沙冰，有啲太甜，連鎖店質素嚟講算係不過不失，不過服務態度好好！👍🏻…Read More