馬六

營業中

休息中

係呢邊返工平時食開日本野今次轉轉口味食新加坡野疫情嚴重，店員特登安排我地同其他人坐疏d，貼心安排👍🏿👍🏿👍🏿😍同會用消毒野噴桌面，注重衛生👍🏿我叫左個海南雞飯+白胡椒肉骨茶，想試哂兩樣野😛人總係貪心！上菜時間極快！肉骨茶胡椒味重，肉質比想像嫩滑得多，又入味！推介！👍🏿👍🏿👍🏿海南雞都好滑，點埋醬！味道正！份量都多，食完勁飽！我點左杯拉茶，少甜少冰，搞到無咩味😖下次都係叫返正常甜😛

長輩朋友家拜年後在附近食午飯，長輩來自馬來西亞華僑，帶我們去食「馬六」。最近兩天天氣轉凍，最好食熱熱的喇沙面或肉骨菜非常好選擇。裝潢帶馬來亞風味，簡潔企理乾淨，地方稍大寬躺坐位算多，沙發卡位舒服舒適，餐牌主要是馬來西亞食品，我決定食主打肉骨茶和好特別的榴槤多士。巴生肉骨茶上菜速度太快了吧！完全唔夠熱只係説暖。先飲一啖湯藥材味不算好濃，湯頭帶點甜不油膩滿好渴，一碗麵配料有2塊肉排骨、蒜頭、豆腐卜、芽菜、杞子，米粉稍為煮得硬了小小。榴槤多士口感（推介必食）榴槤塗在麵包上，再放入焗爐焗至外脆內軟，多士充滿著淡淡的榴槤香，再加夾切半牛油在多士中間，味道濃郁又香甜，材料十分豐富又不太膩。十分棒！檳城傳統老鼠粉材料有碎豬肉、魚仔、蔥花、蒜蓉、花生和流心蛋，上菜用瓦煲熱辣辣的小心燙口，食前先將所有材料撈勻，好香重蒜口味，老鼠粉的質感好特別糯韌適中晶瑩透徹。服務員態度非常殷勤親切，食物方面都算好味😋此店都唔錯價錢算也合理經濟。

西營盤這間「馬六」位置吾太就腳，但點解日日午餐時間都咁多人呢，原因超簡單，因為水準穩定，上菜快，價錢亦相當合理。而且餐廳十分寬躺，樓底高、空間感十足，難得吾使同人搭枱，食晏都可以坐得咁舒服。一般的馬來西亞菜式齊全，有喇沙、巴東牛肉、燒鷄、肉骨茶.....等。我棟我的至愛「馬六無骨海南雞飯」$65套餐整份奉上，油飯、冬瓜湯和主角無骨海南雞，套餐還包一杯普通熱飲，份量絕對十足。「無骨海南雞」當然是全起骨，吾使吐骨實在太正。鮮黃雞皮爽口；雞肉有彈性，再蘸上少量蒜蓉、辣椒醬、甜醬汁，味道層次更出更惹味。以鷄骨煲出冬瓜湯特別香甜可。油飯更是意外地好味，香而不油，飯質軟硬適中，令我好想添飯。襯今日涼返小小，揀左杯暖胃的「生薑手工拉茶」套餐+$6，薑味幾梗，飲完全身發滾，令人相當滿足。

My friends said there’s a new Malaysian-Singaporean restaurant opened near HKU so I went to give it a try. The menu had malay words! What a discovery! The fried chicken w/nasi kerabu was pretty decent. The fried chicken was well seasoned however it lacked of sauce. It’s bit dry. I was quite surprised that they had belacan, a type of chilli paste in Malaysia! It’s so yummy! The boneless hainanese chicken and Singaporean laksa were decent. The chicken was tender and the laksa broth was full of fra

呢間馬拉餐廳主打海南雞 x 喇沙 x 肉骨茶，除此之外仲有其他特色嘢食，就好似蝶豆花飯、燒魔鬼魚、沙巴燒雞等等😨 我試左個招牌組合，海南雞飯拼白胡椒肉骨茶，再配一杯凍馬來手工拉茶～馬六無骨海南雞飯拼白胡椒肉骨茶 （$85）✨海南雞肉質偏軟淋唔爽身，唔難食但唔算特別吸引，不過不失～✨可以揀油飯/白飯，油飯有淡淡油香但唔會過油，感覺係健康版嘅油飯🤣✨白胡椒肉骨茶嘅白胡椒椒味真係好濃，凍凍地一飲就成個身暖哂lol😂 排骨肉質鬆軟易咬開，肉味濃，幾好食～👍🏻✨凍馬來手工拉茶味道正常，茶味唔算好濃，但幾易入口，如果你唔係中意飲好甜嘅人提議叫少甜🙂

食個下午茶先，佢有好多選擇，價格大約$50左右，估唔到都幾大份，叫左魚片喇沙滲滲，佢個湯底好香椰子味，好rich，料都十足。跟餐仲有杯拉茶，佢好滑，茶味好濃，唔錯。另外仲叫左入咖央多士，班蘭味，個醬好特別，多士整到好crispy，食到成枱都係...下次會試下蛋黃味同榴槤味

我選擇嚟呢度食午餐，係因為見到佢有魔鬼魚食，我係特登過嚟食架我覺得佢整得好有風味，夠味呀，好食！朋友加咗杯芒果特飲，非常誇張，成舊芒果上，其實都幾抵食，味道都唔錯，推介

原本只是去完西環碼頭，想隨便找找間餐廳醫肚子，但來到這街，只見到寧寧舍舍是這間最多人等位。先來個餐飲，只是+$12，雖然沒拍照，但出奇的好飲，那是芝士奶茶，濃濃芝士味，幾有坊間奶蓋+奶茶味道。另一小吃也令人印象深刻每件都夾著半片牛油，好吃，但牛油蓋過了班蘭味，下次應該改叫榴槤會比較夾牛油的香濃。雖然馬六推薦是寫住海南雞，都比肉骨湯搶晒風頭，d雞太有口感。。。很難咬，雖則每張桌子都一定order一份，但肉骨茶肉嫰很多，味道又好，白胡椒版本就變得偏白，個人覺得，原版比較好飲

新加坡喇沙魚片摻摻摻摻即係油麵加米粉，配料有豆卜，魚片，流心蛋同魚蛋等等，湯底夠晒椰香，唔錯。黑醬油义燒拌面 傳統的叉燒多呈紅色，口感甜香，這款叉燒則以「黑」取勝，奧秘就在於醃肉用的自製叉燒醬，表面看似乾乾的，但食下去完全不是， juicy! 好味！烤蔥餅好香蔥味！兩大塊，好低食！班蘭多士呢個班蘭咖央多士中間夾住塊牛油，麵包脆卜卜，牛油夠香，好想一口咬落去呢 ▻記班蘭糕可能呢個係食最後，口已被濃味遮蓋，所以吃不出清香的班蘭味，但口感不錯！香茅蜜特色飲品， 一定要試！

肉骨茶一向是熊貓的最愛食物之一，有看我的網友都知道，近排熊貓發掘了幾間優質的東南亞菜。但是今次竟然發掘到一間不好吃的東南亞菜。首先介紹肉骨茶，兩個字：味精重。不單止味精特別重，份量也很少，不推介。不推介二，海南雞飯，雞不新鮮，鞋十十。雞份量算是不錯，但是不好吃也沒有用。Gaya多士味道算是可以，但是有點涼了，應該放了一會兒再拿出來。我只能說這一間餐廳沒有下次，以同等的價錢可以嘗試更高質的東南亞菜。下次不了。

LATE LUNCH 來左西環食馬六 : D 鋪面好光鮮好靚，又心斯斯想食新加坡菜，甘就行左入去喇。order 左：燒魔鬼魚飯配椰汁飯  $78 跟野飲 +$6 熱香茅蜜好食程度：10/10 抵食程度：10/10 😍😍😍😍😍😍😍😍😍😍藍色的椰汁飯好eye-catching 😍店員話係用可食用色素同椰汁做成，但我覺得比較似班蘭味😍但同樣都係好好味道的  重有大大條魔鬼魚😍真係人生第一次食魔鬼魚。好好彩，店員話本身無貨，停售左一排，係呢兩日先有番呢隻魚！條魚既皮燒得好脆，好香，啲魚超JUICY，同埋好嫩！！！超正！重要有成半隻碟甘大，痴線咖😍野飲熱香茅蜜 +$6 野飲其實邊度都差不多，但佢真係有枝香茅係度，GIMMICK野，不過睇得出老細好有誠意😍HIGHLY RECOMMENDED!  

今日係西環石塘咀見完客就係附近食埋lunch先返公司, 行行下經過見到 招牌寫海南雞•喇沙•肉骨茶, 就一於試下啦😋餐廳空間感十足, 乾淨企理, 座位以梳化為主, 檯亦都好大, 感覺十分舒適！除左主食, 加配既小食同飲品都好多選擇, 價錢亦都唔算太貴👍🏾輕量下午茶套餐 - T03 🐔海南雞喇沙摻摻 + 凍桔仔檸檬茶 ($46 + 凍飲$3)大大碗, 真的是輕量嗎? 喇沙湯底濃厚又creamy, 香濃香料味、椰醬味, 再慢慢滲出微微辣味, 掛湯能力唔錯, 每一條麵都掛上湯底, 相當濃郁, 海南雞雞味都幾濃郁, 亦好嫩滑🍋凍桔仔檸檬茶口感酸酸甜甜, 幾開胃馬拉盞通菜 ($26)價錢相當實惠, 炒得好香好惹味🤨份量不少, 一個人根本食唔哂😂

夜晚要上堂，所以上堂之前簡簡單單食一餐先，否則落咗堂食飯會太晏。上堂地點附近既餐廳選擇都唔算少，最後揀咗間食東南亞野既。睇完餐牌見仲有lunch set，所以叫咗一個set，食海南雞喇沙摻摻（＄63）飲熱美祿，點埋娘惹椰絲班蘭糕（＄16）當係甜品。海南雞喇沙摻摻有豆卜同蛋，喇沙幾香椰汁味，海南雞就去咗骨，食既時候好方便，而且皮滑肉嫩。至於椰絲班蘭糕亦充滿椰香，咬落仲有d椰絲，幾特別。食咗個餐加埋甜品，埋單唔洗80蚊，早食晚餐真係慳到唔少錢🙈

西環呢區真係開左好多餐廳食店，今日同朋友們黎左呢間星馬菜餐館食個lunch！餐廳非常寬躺，感覺舒適！望下Menu，有好多食物都想食，好彩同朋友們黎，可以叫多幾款食！馬六無骨海南雞飯拼新加坡喇沙雞肉無骨，啖啖肉嘅口感，好爽，而且肉質鮮美嫩滑，配搭一大碗油飯，更係絕配！新加坡喇沙，有蝦、魚條、蛋、豆卜等等...喇沙湯含有椰漿香味，唔太辣！又有飯、又有粉，其實食完呢個餐已經好飽下！特登叫左杯鹹柑桔仔水，甜鹹味道剛好！

今日小妹同媽媽出左去西環整野👭整完都到左食tea time時間🍴所以我地去左附近搵間餐廳坐低🥢順便比對腳仔休息下小妹見到有喇沙就即拉埋媽媽入去😍有多款下午茶選擇🤓小妹揀咗「新加坡魚片喇沙摻摻」🍜啖喇沙湯濃而厚😌唔太辣🌶岩香港人口味「摻摻」意思係有兩款粉麵😎米粉、油麵食落有不同口感約特別😚由於係下午茶有熱飲送☕️當然要叫馬拉出名嘅鹹柑桔仔水啦🍊食完濃濃嘅喇沙湯麵😙再飲杯桔仔水😉頓時覺得fresh哂