香馥樓

營業中

休息中

吃貨朋友話得知有新飯店～即刻拉住一齊去嚐新👯‍♀️👯‍♀️飯店新張期內各個時段都做緊特價優惠～對鍾意試新菜式嘅吃貨嚟講～就梗係好啦😝特別值得一提係～我哋由入座到點菜到用餐至埋單～店員嘅服務都超級周到(連碗筷都幫我哋過好熱水)～令成餐飯都食得好舒服🫶🏻前菜：涼拌雲耳青瓜 🥒先奉上清爽開胃小食一碟～🧄一口七味豆腐外層乾身香脆～內層豆腐卻異常嫩口🥰🥰讚！蜜汁厚切西班牙黑毛豬🐽驚豔❗黑毛豬叉燒入口即有鬆化分解嘅口感😮肥瘦度適中～配以蜜汁非常可口👍🏻👍🏻👍🏻🐓芝蔴鹽焗雞 雞肉皮脆肉嫩～灑上咗芝蔴好香～另外沾上泰式甜辣醬同食～别有番滋味～蝦籽京葱明蝦球 🦐用咗京葱、菇菌、蝦籽炒起肉質紮實鮮美嘅蝦球😍鑊氣夠又油潤亮澤！唔錯嘅一道小菜😍🐂椒麻安格斯牛柳粒 麻辣藤椒真係唔惹少！麻味伸延到舌尖上好過癮😆😆牛柳粒又香又軟腍～仲伴有京葱、小洋葱添🧅楊枝金露 🥭口感奶滑～食到粒粒果肉帶有香濃芒果滋味😋

屋企人好鍾意懷舊金曲演唱會，之前買咗飛睇 黑妹 李麗霞小姐演唱會，知道原來銅鑼灣有間浪漫紫色酒樓 <香馥樓> ，每個月都會舉辦小型演唱會，以歌會食客。係銅鑼灣廣場，交通非常方便，全層地方寬敞，坐得舒服。侍應服務非常細心，還幫我們用熱水洗碗筷，值得加分。紫砂功夫燉湯好喜歡飲燉湯，滋陰補腎。紫砂茶壺特別保溫，每一口湯都熱辣辣，用功夫茶杯來喝燉湯，特別有風味。材料非常豐富，螺頭、豬肉、雞肉、黑蒜，燉得夠火喉，飲落清甜又健康。蜜汁厚切西班牙黑毛豬簡直係攞獎級的佳餚，蜜汁厚切西班牙黑毛豬，賣相亮澤，西班牙黑毛豬厚切，啖啖肉，特別有口感。脂肪分布十分均勻，肉味香濃，肉質軟稔，蜜汁濃厚。脆皮芝麻鹽焗雞脆皮皮脆肉嫩，芝麻調味提升雞肉香氣，焗雞新鮮爽彈，好有層次感，簡直食到停唔到口。椒麻安格斯牛粒安格斯牛粒就食得多，配搭椒麻就真係第一次，椒麻味很突出，麻而不辣，煮得很惹味。慢慢享受軟嫩的安格斯牛粒肉，吃得香又肉厚。欖仁鮮蟹肉粉絲煲熱辣辣的鍋盛載着美味鮮蟹肉，鋪滿了粉絲煲，慢慢食也能保持溫度。蟹肉足，還有蟹籽、欖仁，不簡單的菜式，師傅果然真功夫，烹調得非常好。惹味開胃，滑口入味，吸收了蟹肉

在銅鑼灣逛逛總收到宣傳單張，今次接到的是一家剛開張的新酒樓，每個月都會有小型演唱會，剛巧舊同事邀請前往這家酒樓晚膳。侍應生殷勤招待下入座，我們選了紫砂功夫燉湯~饀料充足有羊肚菌、雞腳、瘦肉、木耳等等，這個紫砂茶壺確實能使燉湯保持温度，凸顯其鮮甜美味，慢慢品嚐😋鴨鬆生菜包~用鴨胸、腰果、馬蹄、冬菇等等（難以盡數）切粒後徹底炒匀，暖笠笠放在生菜杯中吃，既嫩滑又有口感，滋味無窮😋欖角肉骨~欖角的鹹香混在新鮮的豬肉炒，香濃可口，這道菜雖然是家常小菜卻令人回味無窮最後再嘆杯紫砂功夫燉湯來完結這顿晚膳，謝謝舊同事的厚待，下次約十幾位朋友來聽個小型演唱會及晚飯，又有另一番熱鬧🫠

剛剛八月尾，是我忙碌的一天完結，去銅鑼灣見一間新開的中菜館，又近地鐵站，上到去環境不錯，地方雖然不算好大，但坐位都非常闊落，又有幾間房間可坐十幾個人。【麻辣爽脆魚皮】每一絲絲魚皮都超爽脆彈牙. 配搭滕椒既麻辣味食到返唔到轉頭，花椒味又夠香。【酥脆炸秋葵】包著薄薄的脆衣，炸得酥脆秋葵這道美食不只是滋味很棒。【紫砂功夫燉湯】用了滋補食材來燉，味道清甜無味精，用料十足，相當滋補。【咕嚕鳳梨黑毛豬肉】黑毛豬脂肪分布平均，肉質鮮嫩入口非常爽口，每粒都加了脆粉來炸，香脆爽口，每舊都沾了醬汁，非常醒胃。 【欖仁鮮蟹肉粉絲煲】鮮甜的蟹肉，粉絲沾滿了獲氣，來到之後即炒，香氣撲鼻，再加少量花椒油，令整體香氣四溢。

移民海外的老友回港，今晚約了他一聚，我選了銅鑼灣廣場2期的「香馥樓」，吃他最懷念的粵菜。餐廳在6樓，地方寬敞，裝修簇新，環境高雅，有大魚缸養了不少珍貴海鮮。餐廳設有舞台，不時還會邀請歌手獻唱。這裏的服務周到，一坐下，服務員便替客人洗碗筷，送上熱巾，奉上慢火暖住的茗茶，真是賓至如歸。餐前小菜是蒜蓉雲耳青瓜，酸甜開胃。推介套餐前菜：“芥末墨魚仔”，酥炸墨魚仔，外面粉醬香脆，裏面墨魚仔鮮嫩，加上芥末醬來吃更滋味。“脆片燒鵝皇”，份量不少，外皮燒得脆口，鵝肉腍軟多汁，甘香可口。主菜：4選2“咕嚕鳳梨黑毛豬肉”，賣相講究，精心佈置，放上小盆栽點綴，菠蘿切成船形。拔絲咕嚕肉，肥瘦適中，肉質上乘，口感非常好。經過火炙的新鮮菠蘿，特別鮮甜。“香馥小炒皇”，一樣有小盆栽點綴。材料豐富，有新鮮帶子、鮮蝦、鮮魷、蝦乾、炸白飯魚、韭菜等，炒得香噴噴，夠鑊氣，香口。甜品：“椰汁紅棗糕”，蔫韌口感，椰汁的香，紅棗的甜，相輔相成，是不錯的甜品。享用一輪美食之後，朋友都讚好，說下次再來吃海鮮和看表演。

母親大人生日，當然要揾間優質粵菜廳慶祝。餐廳近港鐵站，交通便利，新張開業，裝修優雅，座位適，沒有壓廹感。看看餐牌，有多款優惠推介，懷舊粵菜款式選擇頗多。還有好多新張優惠。［芥末墨魚仔］飽滿墨鱼仔香脆可口，配上芥末醬來吃，美味十足。［脆皮燒鵝皇(例牌)］雖然是例牌，份量十足，鵝脾肉厚多汁，外皮燒得脆口，配上酸甜醬吃最滋味。［咕嚕鳳梨黑毛豬肉］😋😋店員上菜時，真是眼前一亮，大大顆橙紅咕嚕肉旁是新鲜鳳梨，以奪目花朶擺設作裝飾，真有心思。咕嚕肉甜酸適中，啖啖肉，真是食不停口。👍👍［香馥小炒皇］同樣是色香味俱全的菜式，香嘖噴奉上，多款海鮮：帶子，鮮蝦，魷魚及蝦乾等和韮菜互相配合，鮮味十足。［椰汁紅棗糕］最後是蒸得熱辣辣的紅棗糕，香甜軟滑。今晚晚餐母親大人特別吃得滿足。😍😍

走入香馥樓，地方寬敞明亮，飯枱之間有寬闊嘅空間，整晚都感到非常舒適。入座後侍應主動上茶、洗碗、介紹菜色，服務指數非常優秀。蜜汁厚切西班牙黑毛豬叉燒強烈推介！每一片叉燒都厚實飽滿，蜜汁透著一絲甜味，中和叉燒嘅小許肥膩部位，肉質鮮嫩多汁，開胃一流。一口七味豆腐七味豆腐小巧精緻，外皮酥脆，內裡柔嫩，調味嘅平衡恰到好處。紫砂功夫燉湯燉湯嘅呈現方式頗具儀式感，使用茶壺作為容器，湯品係燭台上慢慢加熱，保證每一口都溫暖入心。湯中包含螺肉、海底椰同菇類，鮮甜濃郁。倒入茶杯中品嚐，彷彿感受到品茶時嘅細膩與優雅。脆皮紅燒乳鴿乳鴿的皮烤得酥香可口，肉質滑嫩。松子鮮拆蟹肉粉絲煲上菜時香氣四溢，粉絲吸滿左蟹肉嘅鮮甜，搭配香脆嘅松子，簡直係絕妙組合，鮮美無比。杞子桂花糕桂花香氣撲鼻，而杞子嘅微酸增加左口感，一片羅勒葉畫龍點睛，清爽怡人。蝶豆花柚子茶餐廳主動贈送嘅飯後飲品，消滯解膩。趁著開張優惠，推介大家幫襯，絕對唔會失望！

香馥樓係銅鑼灣新開張嘅粵式酒樓，我趁住有開張優惠，即刻去試一試。簡短感受係食物質素非常高，而且店員主動服務，係非常良好嘅體驗，絕對會帶埋家人再去幫襯。蜜汁厚切西班牙黑毛豬叉燒一上枱就哇一聲。厚切叉燒，餐廳絕對係對自己嘅菜式好有信心。色澤金黃透紅，散發著蜜汁嘅香甜。西班牙黑毛豬肉質鮮嫩，肥瘦適中，整體甜而不膩。一口七味豆腐豆腐外脆內嫩，並唔會一夾就散。咬一啖就能感受到豆腐的細膩口感。調味料巧妙融合，鹹甜適中。紫砂功夫燉湯別具匠心嘅湯品，湯料含螺肉、海底椰、菇類同瘦肉。特別之處在以茶壺盛湯，燃點燭台維持溫度，令湯品始終係最佳狀態。想飲一啖時，倒入茶杯中，慢慢品嚐湯頭嘅清甜。脆皮紅燒乳鴿乳鴿皮烤得酥脆，肉質鮮嫩多汁，食過返尋味！蝦籽京葱明蝦球蝦球鮮甜飽滿，搭配京葱的清香，令人大飽口腹。楊枝金露清爽嘅芒果同西柚嘅酸甜交織，同時幫助飽肚嘅我哋解膩。

🌟蝦籽京蔥明蝦球呢度菜唔講其他嘢，首先蝦球嘅數目非常有誠意，份量真係非常多，睇落起碼有八至十隻食落去非常爽脆，絕對唔會炒到腍晒！而且啲蝦非常爽口，彈牙，食得出佢本身外科嘅質素都非常高，再加埋本身呢一個餸非常有鑊氣食得出廚師本身嘅功架，呢一個菜式非常考功夫，我同朋友都非常鍾意！雖然就咁食都好正，但配搭埋啲京蔥簡直絕配，夠哂解膩🤤 如果唔係因為咁多嘢食真係會叫碗白飯撈汁，簡直冇得輸！🌟佢哋嘅叉燒係餐廳傳統嘅招牌菜，身為鍾意食叉燒，我哋點樣可以唔試吓！我同朋友本身都非常鍾意食叉燒。所以就好鍾意試唔同餐廳嘅叉燒！餐廳嘅叉燒做得非常好，叉燒嘅肉質非常出色，而且做得Juicy軟滑，蜜味中嘅入邊帶點焦香，整體成個口感入口都唔錯！🌟紅燒乳鴿。呢個都係侍應姐姐都答我哋食既之中嘅其中一個燒味，我哋覺得佢整體嘅味道都做到非常好食。唔同出邊普通嘅乳鴿味道，食落去嘅味道非常特別，而且我同朋友都非常有驚喜，佢嘅入口味道外脆內嫩又多汁，鍾意食乳鴿嘅朋友真係唔可以錯過！🌟安格斯牛柳粒，牛柳係取自牛隻腰部，公認為牛肉中最柔嫩既部位，餐廳用咗砂鍋上呢一個牛柳粒嘅菜式，一打開嘅時候已經好香，充滿椒麻嘅味道，每一件牛柳都做得

今日屋企人食飯，揀左呢間新開嘅中菜酒樓‼️我哋一行8人，可以叫多啲餸「紫砂功夫燉湯」屋企人好鍾意湯水，就叫左羊肚菌響螺湯，湯頭味道清甜，不過略嫌清淡左啲，可能火喉未夠，煲多一陣會更出味‼️「咕嚕鳳梨黑毛豬」每次去親食小菜都一定會叫咕嚕肉，呢度就用左黑毛豬，肉質好爽嫩，而且入口唔會好多肥膏，好好食擺盤都好有心思，燒過嘅新鮮菠蘿好清甜❤️「鮮蟹肉粉絲煲」呢個煲一上檯，香味噴鼻，夠哂鑊氣蟹肉份量唔算多，似點綴而已粉絲才是重點，真係炒得好好食再加埋少少嘅花椒油一齊食，味道更上一層樓「欖菜肉末四季豆」「片皮鴨二食」一艘食片皮鴨都係用白色果塊麵粉皮，呢度好特別，係用蛋皮，比麵粉皮更薄，包住脆皮嘅片皮鴨，口感好perfert第二食就係鴨崧生菜包，炒香左嘅鴨肉粒，加入花生碎，口感好豐富！呢度好岩family gathering，啲位好闊落❤️

四年一次的奧運曲終人散,  大家又有時間圍坐食飯吹水, 約銅鑼灣最方便, 揀了間新派中菜廳, 香馥樓.  我們訂了間 VIP 房.   大家飲杯.  侍應招呼不錯,  自動加水, 水滾茶靚.  我們識飲識食, 共同點餐, 先來個醒胃冷盤 ~  麻辣爽脆魚皮   魚皮夠爽脆, 沾滿芝麻和椒絲, 魚皮入口彈牙, 配上辣油, 好醒神.酥脆炸秋葵 ~ 秋葵炸得脹卜卜, 酥脆清爽, 飲酒最岩.咕嚕鳳梨黑毛豬肉 ~   經典開胃菜,  擺設好用心.黑毛豬肉質優, 咕嚕調味正, 炸皮夠香口,  金黃色烘烤蜜味鳳梨, 真美味.欖菜肉茉四季豆 ~ 四季豆嫩綠, 炒得有鑊氣, 吾油膩.紫砂功夫燉湯 ~ 用上紫砂茶壺保暖,  保溫功夫做得好, 一人一壺.湯料有瑤柱,  瘦肉, 雲腿, 羊肚菌, 味美甜濃, 慢慢細嘗, 湯料滿滿, 個湯好清甜,  連湯渣也感覺好食, 的確是上乘的燉湯.  片皮鴨二食  ~  先吃第一食.  片皮鴨一碟送到,  紅卜卜的鴨皮片得好正, 沒有肥膏, 皮薄, 鴨肉軟滑及鴨味香濃.  片皮鴨餅皮, 放在盛器保溫,  醬料及配菜也齊上,   有青瓜, 京蔥條, 甜醬, 手工餅皮做得好,

好耐冇食中菜啦！今晚同朋友去咗好近銅鑼灣地鐵站，位於銅鑼灣廣場二期6樓嘅餐廳。行到入去都幾乎差唔多滿座，好彩我哋得兩個人仲有一張枱剩🤣🫖 坐低冇幾耐姐姐就過嚟問我哋想飲咩茶，而一向鍾意飲香片嘅我就直接ordered😎 由上茶壺嗰陣就知道好講究，下面會一直有個蠟燭熱住啲茶，咁就唔怕成壺茶凍晒啦！基於一坐低未揀餸已經好口渴，勁快已經飲咗半壺，而佢哋會用一個好靚嘅銅色水壺refill，而且唔使特別嗌佢哋，觀察力100分！🫖 基於我哋兩個都好肚餓嘅關係就直接叫咗經理推薦嘅套餐🤩 🐷 蜜汁厚切黑毛豬經理介紹話佢哋係用西班牙黑毛豬整嘅叉燒，一上枱嗰陣嘩咗一聲😦 因為佢真係勁厚望落去勁Juicy！肥瘦均勻得黎望落去好吸引，拎起隻碟摸到個碟底係好熱！唔似平時食嗰啲叉燒最多暖暖地咁。嗱嗱聲打完卡就食啦🐷，只可以講呢個係必點！黑毛豬入口即溶，食落非常有層次，絕對有水準👏🏼 同朋友一人食咗兩舊真係舔舔脷😻🥣 紫砂功夫燉湯食中餐又點可以唔飲湯呢！同茶壺一樣個湯都係有蠟燭一直熱住，一上枱我就已經即刻飲🤤 唔好睇佢細細兜但係好足料，清得來非常鮮甜，入邊嘅雞肉一啲都唔嚡👍🏼 朋友就鍾意攤凍啲飲，佢話暖暖哋飲落都好舒

食友放料引路，在人流量大的銅鑼灣廣場二期有一新派菜館插旗，正值開張熱鬧氣氛來一次登門探店👏潮流佈置，大堂四正，又有貴賓箱房，侍應介紹店方每月都會安排小型演唱會助興👏菜式以新派粤系為主，先來一道小食:酥脆炸秋葵， 爽嫩秋葵，包在酥脆炸皮内，外脆内軟富咬感，開胃前菜佳選😋😋再來三道巧手小菜:欖菜肉末四季豆，熗炒水平到位，四季豆爽口，干潤度中和，伴上濃味欖菜肉末，味道合拍😋😋咕嚕鳳梨黑毛豬肉，豬肉嫩滑，拔絲手勢有水準，咕嚕甜酸味適中，配伴鮮菠蘿更有氣派😋😋皮蛋安格斯牛鬆麻婆豆腐，入口绵滑，麻婆味道香濃，佐伴白飯，味感一定夠😋😋下次可以來個廣東早茶👏

朋友最愛食中菜，銅鑼灣廣場二期原來新開咗一間酒樓，裝潢對比一般酒樓更瑰麗堂皇✨職員服務非常好💯用餐體驗愉快😁新開張更有多款時段優惠！✿ 紫砂功夫燉湯燉湯真系落足料，有姫松茸🍄海底椰🥥螺頭，餐廳更用上蠟燭🕯️可以幫助一直保持湯品溫熱🔥湯品鮮味十足，飲黎暖胃真不錯。✿ 七味一口豆腐即系金磚豆腐，整得外脆內軟💛豆腐好軟稔，系一道好經典嘅菜式。每粒細細粒，但其實份量吾算少，好味所以好快清曬😆✿ 紅燒乳鴿乳鴿同樣做到外脆內軟，肉質嫩滑🦆朋友都表示滿意😊✿ 蜜汁厚切黑毛豬黑毛豬整出黎嘅叉燒真系吾同啲，肉質肥美，食落仍做到充滿嚼勁🐷蜜汁香甜可口。✿ 椒麻安格斯牛柳粒椒麻原來系靠餐廳自家製椒麻油，聽個名覺得好辣，食落系麻感覺較明顯，辣吾會話真系好辣。安格斯牛柳粒肉質剛好，牛肉味香濃🐮✿ 松子蟹肉粉絲煲 蟹肉味道新鮮🦀份量又好多，表面有吾少蟹籽，令顏色變得鮮艷🧡同樣系加咗椒麻油，同粉絲一樣能搭配，一路食得出好惹味🔥✿ 蝶豆花柚子茶員工好貼心咁整咗蝶豆花柚子茶比我地，有解膩作用，原來吾只落咗呢兩種材料，仲有青檸🍋‍🟩檸檬🍋薄荷🌱味道清新顏色又好靚💜✿ 楊枝甘露傳統中式甜品，有西柚 芒果粒🥭西米露，芒果汁味道