香港18餐廳 (已結業)

今日上完興趣班，友人约我去海怡吃飯，順道南港島線通車，入來逛逛，海怡食肆選擇不算太多，大多係連鎖店。我便與友人揀港式餐廳，我們叫左二個人晚餐，菠蘿咕嚕排骨及蠔油鮑汁片扒時菜配是日餐湯及二客飯，價值$148,菠蘿咕嚕排骨賣相吸引，夠多汁，酸酸甜甜，份量十足，排骨就硬了一點。至於蠔油鮑汁片扒時菜，份量十足，蠔油飽汁稀了一點，鮑片都算多，生菜夠新群，套餐配有羅宋湯，羅宋湯颜色遜了一點，喝下去，很鹹及料没有什麼，如講水一般。至於服務員態度麻麻，沒有主動招呼客人，此項仍需改善。菠蘿咕嚕排骨蠔油鮑汁片扒時菜羅宋湯

話說琴日我同牙叔黎食野，見到後面有兩個牙姐掛住企係後面傾計，舉手都冇人應，呢啲係咩服務態度，前面有前面做，後面簡直冇人理，個經理又掛住係到禁電話，簡直唔係做野，身為上級都唔話佢地，簡直冇用，唉，咁嘅做野態度點得，

剛剛同朋友睇完戲,入了香港18食下午茶。下午茶選擇很多,我點了一個焗豬扒飯,我等了15分鐘左右就有,味道ok,侍應落單態度一般,我同朋友食飽行去埋單時.有一位侍應行過黎叫我一聲 (先生,留左電話)。我感覺他們。走個陣仲講多謝哂

依間餐廳我每日午餐放飯同夜晚有時都會來食，環境坐得舒服都幾乾淨，野食都算多選擇！服務方面午餐比較急，落單會快手啲態度都ok，而夜晚侍應會盡快攞好你所需要既碗仔同水！平時我午餐都會點啲午市扒餐焗飯，味道不錯可以，不過焗飯等得比較耐而晚餐佢地會有啲小菜餐，二人餐都係148.咦海怡半島來講都算便宜，但某啲小菜就比之前稍為少左，如果多啲就好⋯⋯今次我午餐去食！不過多人，所以要搭枱。而今次就點左個柱候牛腩飯，味道都ok幾入味，可以再黎試或試其他不過真係希望夜晚小菜可以份量多返啲就好了

依間野野食麻麻，但最最最大問題係d員工差到一個點，人生遇過最唔掂既服務，茶餐廳都好過佢d員工叫極冇反應，同我呀叔去食個晚飯都成肚氣一堆堆咁圍住傾計，痴線架幾時執左去呀？黎到又要串串貢既聲同反應，救命

今日去海怡睇完戲、跟住去食下午茶、見到呢間寫住香港18，以為係茶歺廳、見門口食物相好似好食、入去時同waiter講3位、點知佢叫我自己揾位、坐低後掦手叫侍應叫左好耐都冇人應理、突然有個好似師奶女士渴問食乜？叫左炒烏冬、叫左歺好快就到、D食物吾熱味道麻麻、再叫拎碗仔冇人應、叫左好多次、最後有個男侍應一路行一路拎住D碗係度玩、然後放低、態度極差、食完即時走、以後都吾去呢間食佢地好似冇皇管、侍應四、五個一齊hea 離哂譜

之前在尖沙咀都幫襯過呢間食常餐、快餐，不過不失，貪佢好坐吾會被趕！今晚去海怡睇戲，睇戲前食左嘢先，見呢間HK 18之前在TST幫襯過，食晚餐應該穩陣啦！我叫了2人小菜套餐，揀左XO醬豬頸肉炒椰菜、麵豉鯇魚腩蒸豆腐，首先個豬頸肉到，我,本身對豬頸肉麻麻地，但姪女喜歡，就叫啦，點知一口咬落去，有陣餿味，怪怪好難食，因為我好少食豬頸肉，以為係自己問題，也以為係D椰菜酸左，叫姪女試下，佢都話係個肉問題，我估係D肉變左質(可能係冰鮮肉)，試第2塊第3塊都係咁，咁簡單普通嘅一味餸都咁樣，因為我地趕時間，吾想佢再煮/換第2個餸，所以冇同侍應講，早知一開始叫快餐或碟頭飯仲好。鯇魚腩蒸豆腐，味道OK，但感到鯇魚應該不是新鮮魚果種。埋單比錢時，我同櫃面個阿姐講D豬頸肉有問題，佢夾住個電話收錢兼聽我講，點了頭聽完便算，吾覺佢有意思同廚房反映，(咁就倒米啦)，佢應該冇理我講乜，想生意做得住，食物質素、採購、儲存食材、服務態度都好重要，我真心希望佢地老闆會睇下自己間鋪在OPENRICE 的評價如何，改善一下吧。剛剛才見到D食客嘅評價原來都吾係咁好，整體，我覺得呢間D侍應係有點懶散，你叫佢，佢見到都吾會即刻睬你，

一早入嚟希望食早餐，等到晏晝都快到仲未有得食。店舖內職員互相隔空對駡，對顧客態度呼呼喝喝。食物質素卑劣。唯一嘅好處係紙巾任攞，清水任飲。我睇唔到有任何原因我會再嚟幫襯。

與友人第一次在地鐵通車後來海怡遊玩，誤打誤撞下見到呢間餐廳在角落，門面是半開放式的裝修，第一眼感覺唔錯，揭一揭門口menu價錢適中，雖然6點幾比較早入去試下吧入到餐廳發覺好多卡位，我地揀近窗邊2人卡位，第一感覺窗玻璃好污糟，應該是很久沒有人抹玻璃吧，點餐揀咗羅漢齋扒西蘭花，吉列魚柳芝士伊麵配龍蝦湯，見枱面有介紹用apps，即刻下載做會員送埋個豬扒包。上菜好快，幾乎未有心理準備已經上齊，當時心諗不妙，懷著忐忑的心開始試食..食物賣相幾吸引，龍蝦湯濃郁，炸魚柳火候剛剛好，表皮脆口，內裡肉嫩，冇雪藏味，芝士伊麵略嫌伊麵少少過於冧身，羅漢齋每一樣食材新鮮好味，分量好足，豬扒包豬扒彈牙，包皮烘得火候岩岩好，餐包亦美味可口，杯荔枝花園好濃嘅荔枝味整體講食物質素好驚喜，以咁嘅價錢係超值，因為是六點幾，客人不多，見有些員工用圓枱開緊餐，侍應有禮招呼周到，好滿意今次海怡半日遊係香港18劃上完美句號，因為冇試過旺角尖沙咀其他分店，冇從比較，推介比入去海怡玩嘅人去用餐，7點前人少比較好

海怡真係無咩好食，所以依間野好多人排隊，今日就揀左黎依到下午茶。等左15分鐘，終於有位可以入去喇，一坐底，就係位都未坐暖既時候，有個職員竟然過黎話睇漏左個號碼，要我地出返去比返張檯人。算喇，好快就有另一張檯。睇下食咩，之後舉手落單！嘩，嚇死，後面突然間有人大叫：叫咩呀算。叫左個奶油脆豬+瑞士雞翼（$29），老實講，脆豬夠脆，雞翼雖然浸梅左但夠味。仲叫左個星州炒米（$40），唔夠色亦唔夠味，只有一味是辣臨走先發覺原來係椰林閣集團，真係一貫水準

自從海怡戲院開張之後實在睇戲方便左好多，地點近，新淨，坐得舒服，而且也容易買飛。放工之後睇7:45pm場次，來個速食晚餐，在海怡選擇也有不少，今次選了海怡西商場的『香港18餐廳』。看到食評，又聽說過不太好吃，所以不敢抱有期望。晚上6:45到餐廳，只有小貓三四隻，有點卻步，不過最後還是股起勇氣，嘗試一下。要快快吃個晚飯，今次沒有Share，各自各吃自己喜歡的。朋友點了蠔仔肉碎泡飯$45，清清地，非常適合身體抱恙的他。我試了一啖，驚喜的是湯不是淡而無味，因為泡飯有很多薑絲，有一點點薑的味道，很容易入口，而且蠔的味道也很濃，不錯。我就點了羅漢齋炒麵$50，這個炒麵不是鐵板上，但很熱，很有鑊氣，羅漢齋份量很多，煮得剛好，沒有過火。炒麵有少少烘底，脆脆的，但麵夠淋不會咬到牙骹軟，汁也恰到好處，沒有過杰，很快吃完整個麵，飽飽的。這裡大部份是4人卡位，因為人客太少，可隨便選擇位置，2人也可坐4人位，所以很舒服呢。值得一讚的是，上菜速度很快，令趕時間的我們，也可享受晚餐。因為沒有期望，反而有驚喜，也不是那麼差吧。

一向無寫開食評，對餐廳嘅要求亦唔高，去呢間食完全係因為少人同坐得尚算舒服，但呢間餐廳嘅服務及食物質素已經去到忍無可忍嘅地步。海怡已經無乜鋪位做食肆，麻煩你執左去讓返個鋪位比D正常少少嘅餐廳。

香港服務業低落是有原因。食物未講之前已經受氣，客氣問落水好似欠佢錢，order 食物好似被問話。完全唔掂。以為個別服務生如此，點知幾個都係咁，即係問其中一個是否就執？佢先開始改善態度。其實我地問佢地拿野落單都係唔該前唔該後，何必如此趕客？真係希望香港好，香港人唔該有返d禮貌！食物其實一半，但態度差趕走一大半客。可惜

服務侍應態度非常差，完全稱不上服務性行業，所有侍應都沒有禮貌可言，茶餐廳比這裡還要好，已經令人不想再來光顧！怪不得客人那麼少！食物則普普通通。總之就不會再來！ ！

今晚一家人入海怡食飯順便睇戲，入左間Hk18想試下D小菜，見門口餐牌平平地，我一家四口入到去侍應安排到卡位比我地，我地落雞煲、生炒骨、霸王雞、椒鹽鮮魷。。估5到都幾好食不過鮮魷多幾粒就會好D備註：小菜5貴又好食值得推薦