香港18餐廳 (已結業)

從來沒寫過食評，今次忍唔住！服務態度其差…… 都算！畢竟對茶餐廳無要求。叫鹹魚雞雞粒炒飯，送來鰻魚炒飯… 又算！叫龍蝦汁蔗蝦撈公仔麵，搞完一輪話冇，問佢仲有啲咩冇，個大叔話佢新來嘅唔知！叫XO雞扒炒公仔麵，講明吃豬肉火腿等會過敏，阿姐話點會有，點知送來豬扒炒公仔麵！無話可說！

難食過茶餐廳老實講，食得香港18既人都唔會對呢間餐廳有太大期望，見到餐廳裝修都知佢咩料。不過呢碟雜扒意粉真係我食過最難食既，唔單只意粉又淋又無味，兩塊扒仲要係食得出有腥味，幾多黑椒汁都遮唔到啦

之前買的背囊的索帶斷了，Lunch time拿到 Prada Warehouse維修，在附近找地方吃午餐。海怡西商場内，大部份餐廳都要排隊，香港18例外，就吃這間，點了午餐：#牛油餐包，餐包烘過，好吃！#羅宋湯，味道偏酸，我覺得一般！#黑椒汁燒牛仔柳配白飯，份量足！吃飽沒問題，味道則一般！#即磨咖啡，挺好喝的！餐廳内感覺熱！旁邊桌客人叫店員調吓空調，店員說是商場的冷氣壞了！但走出餐廳，就感覺有冷氣！商場冷氣沒壞呢！

睇咗唔少服務態度差嘅評論，可能因此冇乜期望，還是今日係平日唔多人，唔覺得服務態度特別差。今晚放工入海怡半島，四圍搵食見到呢間香港18，原來係西多士「仲未執系列」耶琳閣旗下，即管入去試伏。一入想坐靠窗邊位置，但枱上還有之前客人留低的紙巾未清理好，邀請侍應嚟清理，果然注重衛生程度一般。叫侍應落單都係叫兩三次先嚟，叫左個 芝士龍蝦汁吉列魚柳撈公仔麵 $52+3，呢個時間唔係咁多新客入嚟，但都等咗二十幾分鐘，催過一次單先嚟。不過食物質素又唔係想像中咁差。公仔麵都算有D彈牙，芝士汁係有啲浠，不過唔知係咪本身應該係咁；個湯都真係幾有龍蝦味，雖然咸咗少少；炸魚柳塊皮好夠脆，魚柳都滑，雖然熱度唔係好熱，又唔似係剛剛炸起，另外就係切開的刀工非常麻麻，有大有細，最大嗰塊比最細嗰塊大成倍，雖然唔影響味到，但畀人好求其嘅感覺。個整體而言如果唔介意環境服務各種有因素，食物質素本身都仲可以，都食得過。

海怡香港18餐廳，食評評論態度差，本人親身體驗，收銀態度惡劣，無禮，信用卡可以無需輸入密碼都可以支付，只需按確認制便可或叫客人其他方式支付，今時今日態度應該再去培訓，影響集團形象。

喺海怡想食茶餐廳，確實冇選擇。過去幾年，耐不耐都會嚟食，貪佢奶茶唔錯。今年初開始，D待應全部換唒。以前D唔見得特別好（喺茶餐廳唔會要求太多）但以前D待應都是有規有矩。唔知係咪轉左人管理，依家係差到一個極點，仲係疫症期間，但入場可以直行直過，唔使探熱。真係唔明佢哋點解可以咁公然唔理呢個基本要求🤔。衛生情況超差。地下滑死人。啲枱櫈黐黐立立🤮D侍應係十問九唔應。問多句就好似前世欠咗佢，落單講食物名唔得，佢一定要你報上個number。冇下次。佢其他分店執晒，睇嚟呢間都就快執得。

海怡食碟頭飯唔多選擇 今次黎左hk18食午餐有午市套餐 不過唔係好岩我 就散叫個番茄牛肉飯成碟份量好多 不過都要成50幾蚊 算係好貴既碟頭飯牛肉好多 不過番茄就比得幾舊番茄汁偏甜 飯有d硬總括黎講普普通通 如果附近無野食都可以黎食餐飯既

餐廳位於海怡半島的西商場，平時閒日中午時段是好多人來吃飯的，所以，今天我們一早便出門，勉強都找到一張4人檯。午市套餐當然是最抵食，主菜之餘還包餐湯、餐包和餐飲，而且不收加一。我自己就選擇咗B餐跟飯，其他同事就B餐跟沙律或咖喱牛腩飯。餐湯是帶辣的羅宋湯，幾夠火喉，幾醒胃。餐包大大個之餘仲好軟熟。煎雞扒雖然無咩味道，又帶點 “鞋” 口，不過勝在大件，同埋有個黑椒汁頂住，所以勉勉強強都可以餸晒碟飯。順帶一提的是，同事叫的B餐跟沙律的雞扒比我的雞扒細，於是，同事向店員要求換件大的。店員好nice呀，無say no，轉個頭就換個碟大件雞扒沙律出來。

通常簡簡單單食個飯 都會選呢間女仔唔大食食個扒餐 價錢超級抵最好既就係坐耐啲都冇乜問題但當然啦呢個價錢就唔可以預佢嘅扒係超級大件通常真係簡簡單單食個快餐嘅時候呢間就係快靚正之選

難得星期日訓到中午先起身，出面又落大雨，完全懶得出街，結果就叫咗個外賣嚟食。望住個外賣手機程式，諗咗好耐終於叫咗個咖喱雜菜配意粉。點知因為個程式嘅問題冇人送餐，等左好耐先至有得食，變咗個溫度就唔夠熱，勉強溫溫地，不過好彩係意粉，咁都還可以嘅。意粉隔離有啲配菜，望落去都好似幾好。咖喱嘅味道就冇乜特別啦，一般茶餐廳貨仔，唔算辣。雜菜嘅料都OK，有西蘭花、薯仔、洋蔥、西芹、番茄等等，仲有一隻幾靚嘅煎熟蛋喺面，味道都OK。總括來講，就不過不失。

2019年4月27日（星期六）地膽帶路遊鴨脷洲，碰啱下午茶時間，既可以醫肚又可以試新餐廳，好極！餐廳光猛開揚，座位寬敞，仲有好多種類食物以供選擇地膽叫咗沙嗲牛米配半個奶油豬加凍啡奶油豬香甜脆卜卜香口好味自己就叫咗星洲炒米配熱飲（$40+）星洲米夠鑊氣，香噴噴熱辣辣。最重要係茶餐價錢 、正餐份量而唔係一般茶餐輕盈版❤️(有圖為證）另外一個餐叫咗乾炒牛河同熱華田👍好味又抵食👍為第一次幫襯留下好印象希望下次幫襯嘅時候，可以試其他種類嘅食物！

今日去食晚餐叫左個肉眼牛扒，點知上到來，根本圖文不符根本就不是牛扒，而係似平時去食bbq用既便宜牛扒，完全就不是肉眼扒。還有意粉，全部都係斷斷續續，又軟又爛。似卑阿婆食既餐品咯。完全唔似意粉既質感，好過分，仲要餐+$10元，先有既意粉，真係好失望另外，叫了一個炸豬排拼薯條，完全沒想到，薯條都可以失水準，完全沒有味道，還很干，不想再吃第二次了！總括而言，我第一次嘗試這家餐廳，真的難吃到嚇到，絕對不會再有第二次的光顧

今日又到年初三! Family Day赤口唔一定要鬧交既!有乜野緊要得過一家人齊齊整整開開心心食餐飯呢!所以黎到"香港18" 好好享受返最後一日假期啦!哈哈對我黎講呢間茶記絕對唔會輸比某幾間集團式茶餐廳!好想知我今餐食左乜野?我媽咪其實唔鍾意飲羅宋湯~但佢次次黎到都一定會嗌~因為真係好足料~海南雞飯~唔會太油~ 調味醬又好食!1人1舊唔洗幾分鐘搞掂~!貴刁係重點! 每條都色澤分明! 睇得出係即叫即炒!焗飯都唔錯! 個汁夠哂多! 口感豐富!下次一定會再黎!

中午放飯嘅時候，約咗一班同事去咗海怡半島西商場嘅香港十八餐廳食午飯，因為上次係度食早餐嘅時候，覺得呢度環境幾好，就試吓呢度嘅午餐，嚟到嘅時候，因為正值食飯時間，所以要等一陣先有位，坐底後，侍應俾咗嗰餐牌我地，我揀咗個A餐，係蒜香汁牛仔柳配飯+羅宋湯+凍奶茶+餐包。我覺得牛仔柳肉質都ok唔會太老，羅宋湯好濃好有牛肉味，呢個餐都算抵食。

工作關係要走到去鴨脷洲，好彩而家有MTR通車，可以搭去海怡半島站落，果度有2，3個小型商場，食市都有大型M字及L字2間，其他餐廳好幾間，LUNCH 想坐得舒服點，見HONG KONG 18地方幾寬敞，就入去食個極速LUNCH, 又可以HEA下。我叫左個Set Lunch, 有餐包，紅白湯任選，飲品，主食意粉/扒類可配沙律或薯菜。食物普普通通啦，其實食個Lunch都無咩要求，又唔算好難吃，但食物都一般般，如果想食完HEA下呢度都幾舒服嘅。