香港18餐廳 (已結業)

行完公貿諗住近近地入海怡商場食D嘢，見到HK18有tea set 就試下，叫咗豬扒米線加杯熱奶茶，等餐的期間，侍應還留意到我想要杯凍水，整體上環境舒適，茶味0K，豬扒米線的份量剛好。。個人認為HK18的tea set 還比起其他茶餐廳的tea set他們掌握的份量還要好。。

平時都只會食個飽當早餐的我，今日嘗到精美早餐的美妙。尋日去左男友家留宿，知道附近有間「香港18」開了，便想到要嘗一嘗😋,店內裝潢很是舒適，讓人賞心悅目的感覺，晨早見到員工們勤快工作，在我點選我心頭好的早餐後，隨即送上口味不淡的麥皮粥，早早暖透我的胃，然而轉眼便出現的熱奶茶，雖然夠熱，但茶味仍需要改進點，才能加入提晨元素，哎....那麼我應該點咖啡才對😅，大概等上了20分鐘，我的精緻美妙早餐A1到達我的面前，時間等得不久，但我猜有一員工留意到我是趕時間的人，馬上為我服務，真是令我美好的早上增添好運，亦同時感覺那位笑容溫暖的小姐。早餐裡的火腿挺溫和，味道尚可，那份炒蛋是我夢想中的滑溜溜的口感，然而蕃茄加青瓜的配搭新鮮，希望能多一至兩塊就滿足感大增，唯有一點可惜，但不要緊..我已經很是滿足。。我會向懂我的伯樂推薦的這間改良過的餐廳😁😁

牛扒餐塊牛比手掌細 盛惠$92仲有個生銹鐵板麵 $62店員知道後仲想即刻收起！其他野食都好吾掂總括既食後感只有一個字差！差！差！差！差！差！差！差！差！差！差！差！差！差！差！差！

呢個星期日落黎海怡睇戲就睇下附近有咩好食，就見到海怡西廣場有間香港18餐廳就入黎試下。夜晚7點15分左右已經好多人，排隊第10張枱左右先有枱，都要等10分鐘左右（好彩有仲時間）入到坐底睇下餐牌，都好多野食。中式小菜又有，扒餐又有，都幾多選擇。最後叫左個奶油豬，芝士龍蝦汁吉烈魚柳伊麵，同肉眼扒薯菜。奶油豬就先黎，個飽夠熱，焗到金黃色，而且奶油夠多，。個麵就一般啦，個汁幾香又夠芝士味，沖有碗湯可以淋落去食，但係個吉烈魚唔夠脆，個伊麵同公仔麵無乜分別，侍應話類似福字伊麵個隻麵咁肉眼扒就叫5成，黎到似7成，唔緊要！照食，食落都唔“un”，但係炸薯角唔夠熱。最後餐飲叫左凍華田同凍檸茶，華田夠味又唔會太甜👍，檸茶就一般啦，無乜特別。呢度裝修ok啦，環境幾好，卡位比較多，坐得都舒服既，服務就一般啦，唔算好又唔係差咁啦，最起碼叫人攞水攞碗order都有人即刻會黎先。*無相機食先既習慣，所以無附帶相片，下次再試先附圖

今天我倆父女第一次試海怡半島香港18餐廳，但是非常失望，還以為椰林閣應該有些好質素，可是絕對失望，海南雞飯的雞似是油炸的，顏色很深，絕對是次貨，非常油膩。乾炒牛河，那些牛肉完全是似塑膠，毫無味道。芝士撈麵和附帶的湯則太咸，配上的炸魚柳則完全不脆，略略吃到油臆味，魚亦無味。作為海怡人和香港人，真的希望香港的老牌餐廳有基本質素，希望它將來會改善！

最近係附近探親，順便行下商場搵嘢食！見到香港18就去試下，五人叫左五樣嘢！中式牛柳味道比重味左，三文魚拼雞扒味道可以，三文魚乾左啲！茄子排骨煲幾香，味道配飯一流，加個牛腩粉、金銀蛋時蔬！濃味加清淡，都算個ok既晚飯！

本人兩天前看了電影,去左商場唸住食晚餐,見到一間香港18餐廳。我就入左去。環境比快餐店好,我同我朋友分別叫了一碟西班牙海鮮炒飯同肉眼扒。炒飯獲氣足,茄汁味夠,牛扒比較老。因為8成關係整體ok

岩岩係附近做完野，有個空檔時間，就去醫醫肚！行過見到間高級小小既茶記就入去試下啦。價錢屬中上。奶凍茶，茶味太重，偏苦，唔喜歡太苦要叫多奶。吉烈豬扒芝士撈伊麵，麵太冧，無咬口。芝士味唔濃，但我覺得岩岩好。吉烈豬扒都夠鬆化，而且夠脆，味道適中，炸粉唔算厚。會跟多個湯比你，如果太杰可以加落去，比較細心！質素唔係太差，但價錢備貴！

本來唔打算寫食評， 但係哩間嘢太難食， 應該通知下海怡鄉里， 以免中伏。1） 海南雞應該叫「老油雞」， 佢仲鞋過鞋底， 多油又冇味，配嘅小棠菜大到死到唔切開佢2）啫啫雞一樣冇味， 鞋過鞋底， 一致嘅味道， 最多係最平嘅豬膶3）伙記鐘意自已吹水多過服務你， 加上粗口座語詞， 以為去咗大牌檔 （但係大牌檔， 上菜快過佢， 好食過佢）4）一個白飯追三個伙記先有！ 咁嘅質素， 收七八十蚊個餐？？？

香港 18 餐廳在海怡西商場正式開業了兩天，週六早上特意前往吃一頓早餐。因新張關係，門外食客輪候者眾，要稍等十數分鐘方能入座。餐廳是椰林閣集團旗下，店內裝潢定位介乎茶餐廳與西餐廳之間。食品選擇多元化，中西美食皆有提供。 筆者要了一客煎雞扒炒蛋伴茄汁豆焗薯蓉套餐，雞扒煎得稍稍過火而帶黑，味道帶點燒烤風味。炒蛋滑度合理。薯蓉用上蕃薯口味，較特別。另加 $5 要了一件牛油厚多士，鬆化感 OK，但牛油未算很香口。另外，在多士面上發現白頭髮一條 (相片正上方)，備製食物時要多加留意。太太要了一碗沙爹牛肉公仔麵，牛肉腍得來不自然並且乏味，不太欣賞。通常餐飮會較美食更早送上，但我們兩杯餐飲則要嗺了兩次等了半小時才奉上，希望這只是試業階段的個別事件吧！説回餐飲，熱咖啡口味略澀，一般。熱奶茶更是口味怪怪，不合格。餐廳給予的印象是環境 OK，食品中下，服務衞生有待觀察，定價比附近餐廳貴少許。