香港郵意 (已結業)

原本已經喺openrice app book左檯, 上到去發現原來都係要自己搵位, 即時覺得點解要book... 不是book左就代表會留檯的嗎? 咁我索性就咁walk in 霸位算啦! 店員感覺也不太helpful, 態度不太好.... 其實呢度嘅自助服務, 自己嗌餐&拎餐&執檯呢一樣嘢, 我係完全ok的, 反正習慣左快餐店都係咁模式。 就算5個人嗌5樣嘢要分5次出去拎都ok嘅。 但點解素的all day breakfast 等左一個幾鐘都仲未整好? 其他4個朋友, 嗌普通all day breakfast 同埋意粉 只需20分鐘左右? 素嘅有咩咁難整呢? 朋友們食完, 素嘅都仲未黎? 其實好想知廚房點處理order囉... 最後因為已經夠鐘要走, 想取消order, 但店員表示廚房已經整好 (時間好巧合喔!) 所以只好請廚房幫忙放入外賣盒。可惜, 拎上手時, 外賣盒是紙造那些, 所以可以充份感受到盒嘢係唔熱的.... btw, 因為廚房煮食的油煙會飄出黎, 所以坐左2個鐘左右, 衣服上的油煙味很強勁....