香港達人 (迎海薈) (已結業)

新年期間，菜式選擇不多，而且比平時貴少許，我點選了啫啫栗子雞煲和雜菌浸時蔬，套餐價一律$88。 小菜套餐已包括例湯和飯。例湯是南瓜蕃茄豬骨湯，南瓜和蕃茄已煲成蓉，所以湯很濃，但亦比較鹹。餸菜比平時大碟， 栗子雞煲很香，熱辣辣， 廚師加入大量薑，乾蔥和洋蔥調味，所以吃起來很香口，味道亦很濃， 但不算鹹。雞件很滑，不過豬潤煮得過熟而有點硬，以茶餐廳的質素來說已算不錯。雜菌浸時蔬，雜菌是先以油泡再煮，所以雜菌很香，很爽，而且菇味很濃郁，不過以油泡過所以較乾身。時蔬是菜心，比較大條，中規中矩，配合小量甜杞子，都算唔錯既。

聖誕節一早食早餐，叫左個G餐 吞拿魚麥包三文治，茶走，另加鮮奶麥皮。 個女侍應A落單時不斷覆無碎蛋，我重新講左三次G餐係吞拿魚，我要三文治，茶走，另加鮮奶麥皮。個侍應黑面走開。五分鐘後，另一侍應B話我未落單，我又重覆左兩次。之後，茶走先來。奶茶沒有走糖。侍應A奉上 吞拿魚牛角包，真的沒氣，話我要三文治，黑面侍應話唔係佢落單，攞左去換。五分鐘後，佢「好大力咁放」左份碎蛋三文治係張枱俾我。就算食物品質有幾好，咁既服務，未食都真係想走。至於個麥皮？佢地攞張單俾我時，根本無落到。咁唔好老脾，唔好做服務性行業。

1. 正宗海南雞飯配中式例湯、油菜、雞油香飯及熱飲 (HK$66) 這兒是我們喜愛的庶民飯堂之一，間中在黃昏時份到Starbucks享受日落下的咖啡時光，之後再走到鄰近的香港達人吃頓晚飯，超級方便寫意。 2. 咖喱蝦球配酥油煎餅 (HK$65)海南雞飯和咖喱是我們必吃菜式，(詳文可參閱MOS區新食店 @香港達人，http://liztalo.blogspot.hk/2016/05/mos.html)。 3. 雜燴泡飯（HK$65） 偶然吃膩了也會試其他，夏日炎炎胃口欠佳，吃泡飯最適合不過，雜燴泡飯以大型湯碗模樣出場，滿滿熱湯內浸著冬菜、豬膶、雞肉粒、豬肉片、蝦等食材，口感濕潤易入口，惹味吸引，美中不足是缺少炸香脆米的油香和泡飯的層次，筆者認為這亦是當中主要靈魂啊! 湯底也太濃郁，下的"師傅"過強太重手，味道並非一般吃到的方魚口味。 4. 紐倫堡腸鴛鴦扒套餐 (HK$80) 配餐湯、餐包及熱飲，凍飲加HK$3，可選鐵板上，汁醬可選黑椒汁、蒜蓉汁或洋蔥汁，配飯、意粉或薯菜。 原本一心點這鴛鴦扒餐就是希望見到鐵板呈上新鮮熱辣的食材，可惜望見餐桌上的扒餐採用普通白色瓦碟盛載，心情即時直插谷底.

Bad bad bad. Food is no taste, just salty, service is bad. We will never go again to this restaurant.

星期六返左馬鞍山返工，又黎香港達人食lunch，貪佢大件之餘仲要上菜快。同事點左個咕嚕肉飯，大大一碟，咕嚕肉炸得香脆，咕嚕汁酸酸甜甜，好醒胃。我叫左個牛柳配薯菜套餐。午市套餐送餐飲、麵包及餐湯，算係抵。因為附近的餐廳至少都成7、80蚊，又唔係特別好食。牛柳頗嫩，但略嫌脂肪多了點，薯菜份量有點少，而且有點零碎。幸好其羅送湯幾好飲，帶點辣，但甜甜地，好開胃。餐包仍是熱的，我最欣賞其奶茶，足料，好飲。簡簡單單又一餐，今次個餐就啱啱夠飽，如果薯條多啲就好，因為食開有條路，點茄汁食，跟餐的有點兒不夠。

中午嚟咗迎海呢邊商場食午飯，真係好多人等位，我哋就揀咗香港達人第一次食呢間野，都係茶餐廳嘅嘢食啦叫左兩個午餐，雜腸焗肉醬意粉，白汁焗魚柳飯隨餐奉送餐湯餐包同埋嘢飲羅宋湯足料，但冇咩肉味，同埋湯比較辣，唔係人人都飲到。雜腸焗肉醬意粉，全碟意粉只係得兩片細片既腸⋯⋯但肉醬及芝士味香濃，就算了白汁焗魚柳飯，白汁味淡，魚柳又冇乜味，唔多似焗飯嘅感覺好彩配上蛋炒飯底，還可以

我很喜歡吃蠔仔泡飯，每次到不同餐廳，只要見到餐牌上有這道菜式，我都會忍不住order這味菜式。 今日來到香港達人，翻開餐牌見有好多不同選擇， 但一見餐牌上有蠔仔泡飯，即刻想食。 不到5分鐘， 一碗蠔仔泡飯即到， 碗很特別， 像一隻巨型匙羹， 看到湯面及碗邊深色的泡沫，便知道這碗蠔仔泡飯是非常足料，湯是生滾出來的。吃了兩口， 湯是濃郁的雞湯，帶有蠔的鮮味， 蠔肉亦很新鮮， 加上其他配料，非常惹味， 很久未有在連鎖餐廳食到這種味道， 像是到了大牌檔一樣的味道。 一般吃到的蠔仔泡飯都是偏鹹， 但這裡的鹹味適中， 下次來我會再食吧。

平時食物差都算，今日叫個午餐，魚柳薯條，一啖食魚柳，已覺是返煮，諗住算，連薯條都凍，簡直離晒譜，叫佢換，佢哋既然微波叮叮比我，重話唔係叮叮，魚柳無咗一啖，薯條紅蘿蔔滿是叮完啲油，簡直不能接受，退回比佢，而加話換，換咗都唔敢食，50蚊食個午餐，無得食重到一吐氣

員工黑面，食物質素非常差點了一個炒公仔麵，麵心根本未熟。麵條非常硬，很難咬開。經投訴後，廚師竟然將同一碟公仔麵加D水再炒多一次。簡直唔識尊重容和客人。咁求其的餐廳，我決定以後不過再光顧。

大圍新店開張，諗住去試下，結果中伏。第一，店員服務無禮貌，等食物等左半小時，期間多次查詢收銀呀姐，表示包緊，結果等完再等都係未有。其實漏單未講句唔好意思囉，唔認又耍走你感覺好差。第二，買了煎肉餅飯，發現中間根本未熟，另外一碗湯飯鹹到不得了，根本食唔到。雖然係新店，但可唔可以注重一下質素？絕不再度光顧！！！

位於迎海商場內的香港達人，算是為馬鞍山區居民增加點點食店選擇* * * * * * * * *餐廳採用半開放式設計，室外位樓底直達商場天花，以原木色作基底，燈光柔和，是現今較流行的間格，感覺時尚又自然舒服迎海除了是我家附近新建的豪宅樓盤，也為筆者和馬鞍山居民帶來更多的食肆選擇，首次來到商場內視察環境，新開的食店有咖啡室、泰國菜、all day breakfast、酒樓、茶餐廳、今天我們揀了香港達人，看準她的海南雞飯，芝士撈麵和招牌咖哩，其實我對煲仔菜、小炒和炒粉麵都感興趣，來日方長，下次再試吧！在餐廳門外看看餐牌，這兒價格比想像中出奇地正常，以一客炒飯為例，大約是50餘元，半開放式受設計，我們較喜歡坐在室外環境，樓底直達商埸天花，又可邊望著遊人動態邊進餐，感覺已超舒服。怕傷腦筋的可以試試每天晚上都有推出的廚師推介，配白飯及是日例湯 共有12款式，清淡濃惹任君選擇* * * * * * * * *老火湯火喉十足，味道很濃1. 正宗海南雞飯配中式例湯、油菜、雞油香飯及熱飲（HK$66）全因為進座時看見食客枱上的成品賣相吸引，有信心保證下才order，以六格大型碟子呈上，氣勢先聲奪人，分別有

公司開盤，又入迎海。一朝忙到下午3點，先得閒食飯。唔想走遠，係商場的香港達人解決就算。其實餐廳幾開揚，對住出面花園，一片青葱。座位都幾闊落，坐得輕鬆自在。三點有下午茶餐無應，不過價錢都唔平。點了海南雞公仔湯面餐，跟餐送熱飲和脆豬。上餐都幾慢，等左成三個字。公仔面份量唔多，但原來配海南雞都幾油。雞唔算多，得3、4件，但配葱好香，整體黎講好惹味。我最欣賞佢嘅脆豬，好脆口，好鬆化。趕趕地又一餐，食完又返去忙過。

又到下午茶時間，是時侯走進食肆嘆下吧！我點的香脆豬排包，麵包外皮香脆，內裏鬆軟，豬排件頭夠睇頭，味道尚可。同伴點的雙味西多士，名字新穎吸引，外形也不悅，可惜味道不似如期，花生醬及朱古力味道似有還無，只有麵包炸過的香口感，令人失望。

週六晚的迎海薈，人流不多，食肆很容易搵位。這家餐廳分兩部分，室內及室外（商場範圍的露天位置）。我和家人一行四人選了室外的卡位。晚上七點多，食客得三四成左右，室外部分連我們總共有三枱客，那兩枱是用餐中的。當時有大約三名女侍應在室外部分的位置工作，安排我們坐下給了餐牌後就離去，由舉手點單至下單近乎要十分鐘。要是人多在忙，我會體諒亦不見怪，可是她們在嘻哈嬉戲閒話家常，實在費解。若不是同行長輩不願轉別的地方，我們真想拂袖而去 反而在室內站崗的一位男侍應發現我們不停揮手，召喚和示意點單，遠遠走過來，值得一讚我點了一份龍蝦湯芝士撈麵配吉列魚柳 + 熱阿華田 $48 **餐具是自助式的放在卡位旁的抽屜不消五分鐘，食物已放到面前 （如圖）濃烈的芝士膻味已有點不開胃，再加上麵乾如麵餅，麵條是分不開的，溫度微暖，相信是公仔麵煮好後，把片裝芝士放入微波爐加熱所致芝士的膻味就如一陣不新鮮的奶味（似嘔味）及牛/羊的動物腥臊味還以為龍蝦湯才是精髓，怎料用湯匙一勺，成粒狀未融掉的橙紅色味粉仍在，溫度比室溫水略暖一些，對已潮化的調味粉起不到徹底融化的作用吃了兩口麵就要宣佈投降了，味道實在難以入口，同枱的家人亦覺氣味令

達人，其實要做一個達人，好簡單，真係好L簡單，識條鐵已經得架啦。 因為不少人，跟團去過首爾、東京，就自稱韓國、日本達人；食過一兩間拉麵，就話自己係日本菜達人；大讚部隊鍋好L好食既，也就是韓國菜達人。所以，做一名達人，真係好L簡單。而是日，我找到一個可以令自己成為達人的機會啦。這就是我在烏溪沙站的迎海商場找到的一個可以令你我變成達人的地方，而這一個地方就叫做《香港達人》。《香港達人》是什麼? 是一個達人出沒的地方? 屌，講真邊L度有咁多達人吖，真係如電視節目所說咩。做達人邊有咁容易，要真真正正做達人，要付出架，如果可以食過/去過就變達人，我相信會等同 "食左酸梅乾變超人" 一樣，連烏鴉都會大叫你 "傻瓜"。回正題，《香港達人》是一間茶餐廳。早餐，我喜愛食公仔麵，是日食的是豬軟骨公仔麵，好的，是一個有味的湯底，豬軟骨肉腍，味道也夠香夠入味，不過軟骨未達至最腍既程度。大家也知道，我去茶餐廳早餐，成日都食公仔麵，我可以變公仔麵達人嗎? 不行，前排新聞報導說，日本有位哥仔，自 2006 年以來，吃了 4300 包不同口味即食麵。這一個我的確要欽佩佢為一名達人，點解? 大佬呀，人地搵命仔搏架...