香港達人 (迎海薈) (已結業)

星期六返左馬鞍山返工，又黎香港達人食lunch，貪佢大件之餘仲要上菜快。同事點左個咕嚕肉飯，大大一碟，咕嚕肉炸得香脆，咕嚕汁酸酸甜甜，好醒胃。我叫左個牛柳配薯菜套餐。午市套餐送餐飲、麵包及餐湯，算係抵。因為附近的餐廳至少都成7、80蚊，又唔係特別好食。牛柳頗嫩，但略嫌脂肪多了點，薯菜份量有點少，而且有點零碎。幸好其羅送湯幾好飲，帶點辣，但甜甜地，好開胃。餐包仍是熱的，我最欣賞其奶茶，足料，好飲。簡簡單單又一餐，今次個餐就啱啱夠飽，如果薯條多啲就好，因為食開有條路，點茄汁食，跟餐的有點兒不夠。