香港老飯店

營業中

休息中

心血來潮想好想食松子黃魚，就揀左間老派嘅酒家覺得會做得好啲🙈🐠松子黃魚 $268賣相一流既一道菜，將松子同三色椒粒放上佈滿酸甜醬汁既松子黃魚，放上炸絲做伴碟，好開胃👅🫓烤雙方 $116上菜既時嘅分開擺放烤素方（炸豆腐衣），蜜汁火腿肉 同有中式白麵包，然後合夾食用每一口都可以感受到酥軟、甜鹹兩種對比的滋味，可以一試👍🏻🍜擔擔面 $68最簡單但又最好味🤤味道唔會太辣又幾惹味，而且麵條彈牙、蛋香味十足，會令人一啖接一啖咁食！茶介每人$20 👩🏻‍🤝‍👨🏼連小食 $20

🎖酥脆松鼠魚😚😚.自從上次係夜上海食過松鼠魚一直都念念不忘😍今次呢個魚一樣酥脆又冇骨又唔會太油，份量同價錢係抵過夜上海😝係個汁酸左啲🤣但我下次黎都應該會再叫😆.然後傻左咁叫左大量澱粉質😁😁叫左個細蔥油餅，熱辣辣好香蔥味唔會過油☺️黃金鍋巴，咸蛋黃醬冇得輸既🤤🤤高力豆沙熱辣辣枕頭感❤️冇好甜！今次三個人黎食，真係胃唔夠大，食唔到多🤣🤣下次要同多啲人黎食，叫多啲野試先得😋😋

又係千身萬苦係旅發局搶到特選25折優惠享用慶回歸4人套餐（原價 HK$2,248, 優惠價 HK$562），預先幾日訂枱星期日黎享用。慶回歸4人套餐包以下食物：合桃燻蛋 原價$72烤麩 原價$138五香牛片 原價$138滑炒河蝦仁  原價$288火肪燉雲吞雞 原價$498樟茶鴨 半隻 原價$218松子黃魚 原價$268油腐開洋津白 原價$128擔擔麵 4碗  原價$136高力豆沙 4隻 原價$60茶水 4位 原價$60小食 兩碟 原價$40好似好多道菜，其實係3道前菜，4道主菜，1道蔬菜，1道主食同1道甜品。首先小食係鹽花花生同酸白菜，酸白菜好脆口。合桃燻蛋合桃燻蛋係燻蛋兩隻一開二，碟中間伴有白芝麻合桃。燻蛋既蛋黃好滑溜，變咗蛋汁，燻得好夠味。合桃甜甜地同少許脆脆地，面頭灑滿白芝麻粒。烤麩 除咗烤麩，仲有少量冬菇，雲耳同扁筍，味道甜甜地。五香牛片 五香牛片 係薄切，有好多塊，整得偏乾身，個人覺得麻麻地，不過個五香汁係唔錯。滑炒河蝦仁  蝦仁仔望落去份量好似唔多，因為去咗殼又細隻，伴有幾片青瓜，紅蘿蔔花同紫椰菜絲，另配醋。本人不嬲都唔太好呢道菜，d蝦都無乜鮮味質感可言。火肪燉雲吞雞 火肪

偶然經過，被門面吸引了進去，就外賣自取試試。蒜蓉炒西蘭花🥦超多蒜蓉，西蘭花又新鮮又煮得外爽口，內軟淋、入味，少有的把西蘭花煮得好的店！松子魚即使是外賣🥡也依然皮脆，更難得的是肉嫩，而且醬汁的味道剛剛好，不會太甜，也不會太酸。原來怪味雞即是雞絲粉皮！如果我知道的話，是不會點的，因為坊間的雞絲粉皮，基本上雞肉都是乾柴、粉皮不滑溜，配搭的青瓜也會有陣臭臭的阿嬤味。想不到這家的雞絲粉皮竟然完全沒有以上問題！是我個人吃過最高質的這道菜了！👍🏻👍🏻食物非常高質，而且價錢相宜！下次一定要去堂食，再多試幾道菜式！

朋友生日，又好鍾意食上海菜，所以就上網見到呢間餐廳就嚟咗試。必食小籠包皮薄，餡料夠，湯汁濃，即叫即蒸，必食之選，嗰日仲同朋友叫咗兩籠烤雙方用中式包點嘅皮，包住金華火腿最上乘嘅部份，配以蜜糖汁同炸豆腐皮，入口酥軟，鹹甜交融，係我最鍾意嘅上海菜之一，又係一個必食之選！清炒蝦仁選材上乘，蝦夠新鮮，爽口彈牙，以大火快炒，令到肉汁鎖住，師傅功力夠！💯環境枱與枱之間有適當嘅距離，唔會似一般中式酒樓，感覺比較逼。如果係尖沙咀要揾地方食上海菜嚟講係一個好嘅選擇！

今晚又去咗尖沙咀食飯，呢間係傳統懷舊嘅上海菜。佢位於尖沙咀寶勒巷附近。對面有停車場，揸車都方便。環境舒適，唔會好嘈，古色古香。枱同枱之間又有空間感。三五知己小敘，最適合不過。價錢都算幾優惠，每位400 左右。脆蜇頭- 爽口加少少麻油味。蜜味烤香方好值得推介。少蜜➕少脆香口。好似三文治咁樣，金華火腿加素腐皮加蜜汁。傳統美食值得推介。大人，小朋友都一定鍾意。清抄🦐仁熱辣辣好有鑊氣，簡單美食，美味又唔油膩。烤乳鴿- 肉質細嫩。

我和一個老朋友係香港老飯店嘅常客，鍾意呢度坐得舒服，服務也好，而且食物質素都有保證。香港老飯店在尖沙咀寶勒巷，我和這個老朋友都喺尖沙咀做事，每個月都有機會在這裡食午餐。我們嚟親呢一度都一定叫小籠包，呢度啲小籠包，皮薄餡靚，肉汁豐富，肉質鮮嫩，熱辣辣，百吃不厭。仲有一樣嘢常叫的就是醉豬手啦，豬手好爽口，酒香味很合心意。XO醬煎腸粉也是我們的心頭好。魚肉釀尖椒，不錯的選擇。香蕉蝦多士，雖然不是常常叫，但都非常喜歡。今次叫了一個拍蒜豆豉炒涼瓜，味道不錯，不過這應該是一個廣東餸。這裡的點心價錢不便宜，不過質素都不錯的。

今晚阿仔約食飯，特意介紹「香港老飯店」俾我試吓，話呢度環境有點懷舊得呢，食物出品又幾好，再加上侍應服務簡單舒服，好有家嘅感覺，所以攪到我都好有期待😚之前諗住喺老店，應該會係細細間果隻，入到去真係估唔到咁大，裝修不是奢華但係好企理、好乾淨感覺，特別係洗手間，真係有點意料之外🤣睇佢網頁都會見到有幾多招牌菜介紹，就挑幾個小食開始，睇吓會否帶黎驚喜😉🔻合桃燻蛋擺上枱除咗見到個蛋黃係好流心外，賣相其實係冇乜特別，但當夾起隻蛋放入口之後，真係有WOW factor 感覺，除咗個蛋黃非常非常流心外，個蛋白外表味道非常 Smoky，煙燻味的確芳香😍。至於個合桃亦香甜鬆脆，確實高質👍🔻鎮江餚肉一碟12件，件件都好大好實在，加上薑絲鎮江醋一齊食，好香好滿足😚🔻蜜味烤香方你就當佢係上海三文治咁食吧😂，一件大大面包，裡面包含一大片火腿肉(肉方)及一片炸腐皮(素方)，眾所皆知金華火腿質地偏硬及帶鹹味，師傅應該用慢火將佢蒸透後，再用桂花蜜糖醃漬；而素方則採用豆腐皮將佢酥炸。上桌時，用面包加上炸腐皮及桂花清香的火腿肉片合夾後食用，每一口都可感受酥軟、甜鹹兩種對比的滋味，唔係誇張，呢個小吃係我全餐飯嘅 No. 1👍👍

6月之紅雨，周圍一片寧靜，香港老飯店由細食到大。老字號當然信❤️保證。突然想食清炒河仁，即walkin食lunch, 紅雨下當然好少客人，坐下即點菜，首先冷盤醉豬手，爽口入味；欖菜四季豆夠惹味；重點淸炒蝦仁配白飯，完美😛再來一客生煎包，皮脆肉餡juicy, 上海點心精髓👍 本想加樟茶鴨，見侍應已last order, 無謂阻人落場，下次才食。最後送上生果盤🍉埋單620。是次送上一張100現金券，下次惠顧午市滿350便可用🤩

回想起兒時想吃的餐廳，我便會想起《香港老飯店》，那時的《香港老飯店》還在新港中心，爸爸媽媽帶我吃完以後，便會去購物，兒時的時光過得非常開心。時光飛逝，很快便過了20年，前一陣子帶媽媽再次到這吃飯，叫了兒時回憶的菜單，例如烤雙方、賽螃蟹。開心的回憶盡在心中！烤雙方一如以往的好，甜甜的金華火腿，加上脆脆的腐皮和軟綿綿的饅頭，非常好吃，跟20年前的味道是一樣的。賽螃蟹味道正常，因為兒子的關係，今次我點了糖心蛋拌琥珀合桃，脆脆甜甜的口感非常好吃！媽媽點了菜肉雲吞，味道也正常。

我哋不嬲好鍾意食上海菜，鍾意佢嘅精緻啲同選擇夠多，咁啱又係母親節咁就出師有名，捉埋兩老拆餐勁嘅🤤 我哋今次揀咗嘅係我哋屋企其中一間嘅飯堂香港老飯店貪佢哋水準高兼且咁多年都保持到👍🏻無錫脆鱔($148)：係江蘇無錫一帶嘅傳統名菜，做法係將鱔肉切絲後再炸。口感脆卜卜，醬汁味道似糖醋排骨，要襯熱食，因為凍咗會黐埋一舊😂脆蜇頭($168)：海蜇好厚身伴以青瓜一齊食，口感一個字，脆！醬汁唔算太酸，青瓜亦有少少鹹味，成個菜食落好清新，啱晒宜家又熱又濕嘅天氣。🫠(ed小分享 : 海蜇頭是指水母的觸鬚部位，亦含有人體需要的多種營養成分，低膽固醇同時又低熱量，啱哂健康人士🤫)烤雙方($232)：呢款菜式簡單啲講即係上海版三文治，一樣有火腿😂 火腿肥瘦均勻，亦唔使怕太鹹，因為佢係用花蜜去餞出嚟，加埋塊炸腐皮麵包一齊食，口感鬆脆，而且花蜜帶出嚟嘅清甜完美咁將所有食材融和一齊🤤蝦子海參($428)：海參有咩好，相信唔使講啦，大家都知道。蝦子嘅鮮，加埋海參嘅彈牙，食落鹹鹹鮮鮮咁。叫碗白飯，再將個白飯倒落去做碟頭飯一流😂豆板莧菜($138，hidden menu)：食咗太多肉，都要食返啲菜去平衡下😂 所謂豆板即係

和麻甩老友們吃滬揚菜, 還是來到香港老飯店, 吃的就是熟悉而正路的味道, 沒有天香樓的昂貴, 也沒有老上海的海景景觀和Fancy的裝橫. 最喜歡的當然是其紅燒元蹄, 基本上它和老雪園的元蹄味道和口感相差無幾, 侍應一切即骨肉分離, 甜香入肉, 肉稔而皮滑, 中間脂層更是邪惡的集中地, 和麻甩佬吃就不用顧慮女士的擔心和矜持.其他經典菜式如花雕醉雞, 小籠包以及高力豆沙, 就是在水準之中, 並非有驚為天人的質素, 但你付出的和你所吃的, 就是在同一條線上. 不花巧而夠直接, 香港和九龍兩間店水準劃一, 如此傳統有歷史的中菜店, 真是吃一間可能就少一間了.

不嬲都好鍾意食上海野如果中餐同西餐要揀一樣我一定揀中餐😆今次尖沙咀呢間上海菜質素幾高一大班朋友去可以食多啲唔同嘅菜式👍🏻燻蛋不嬲都好鍾意食呢類糖心蛋佢伴碟嗰啲合桃都超好食呀，甜甜地好鬆脆👍🏻無錫脆鱔新鮮炸熱辣辣脆卜卜外面包住糖漿勁香口👌🏻小籠包呢個失色咗少少，略嫌湯汁唔夠多👍🏻烤雙方就咁睇個名唔知係咩嚟嘅我都係第一次食佢係麵包包住一塊金華火腿同埋一塊炸腐皮，然後點蜜糖一咬落去又軟又脆感覺好得意係一個幾特別有幾好食嘅菜式😁👍🏻乾燒明蝦球蝦爽口彈牙又大隻醬汁有啲肉碎、酸酸辣辣好開胃👍🏻松子桂花魚每次食上海菜必點嘅菜式so far都未試過呢個菜式係難食嘅😆👌🏻干煸四季豆呢個冇咩特別四季豆一碟😆👍🏻砂鍋雲吞雞一鍋有24粒6個人食都覺得有啲多😅湯勁清甜雲吞唔會好多肥豬肉嘢食真心唔錯上菜超快啲侍應好似趕住收工咁極速上菜極速收晒你啲嘢😂我哋坐低唔夠半個鐘就食完咁滯🤣

片皮鴨係已經片好上枱嘅，皮有啲還可以有啲就比較靭，反而餅皮唔錯，而且配菜一啲都唔孤寒！松子魚的汁第一啖入口真係有啲嗱喉！其他食物就不逐一講，因為當晚冷氣實在太強勁，啲菜一上枱就已經涼，所以好難作準！

食店環境清靜，適合三五知己靜靜地傾下計；服務方面亦令人滿意；烹調方面唔可以存有對老店既期望，食物水準一般。不過講求環境衛生就做得非常好，喺疫情期間，碗筷微溫，相信保存於消毒櫃內。枱面有盒裝紙巾，濕紙巾預備，非常貼心，值得稱讚！