香港老飯店

朋友生日，又好鍾意食上海菜，所以就上網見到呢間餐廳就嚟咗試。


必食小籠包
皮薄，餡料夠，湯汁濃，即叫即蒸，必食之選，嗰日仲同朋友叫咗兩籠

烤雙方
用中式包點嘅皮，包住金華火腿最上乘嘅部份，配以蜜糖汁同炸豆腐皮，入口酥軟，鹹甜交融，係我最鍾意嘅上海菜之一，又係一個必食之選！


清炒蝦仁
選材上乘，蝦夠新鮮，爽口彈牙，以大火快炒，令到肉汁鎖住，師傅功力夠！💯


環境
枱與枱之間有適當嘅距離，唔會似一般中式酒樓，感覺比較逼。如果係尖沙咀要揾地方食上海菜嚟講係一個好嘅選擇！