香港冰室 (已結業)

下晝嘅天氣真係頂唔順又熱又翳焗，喺金魚街買完魚之後， 拿拿淋搵間嘢食醫肚。見到間間都要等位， 求其搵一間冰室食嘢啦，真係太熱呀頂唔順。 等咗唔使十分鐘就有位，但係要搭枱， 因為依家間冰室實在太細喇。 坐低之後，睇咗menu，就叫咗個星期六午餐D食。 生炒牛肉飯賣相同一般嘅炒飯冇乜分別， 但個炒飯就炒得好乾身，因為有啲餐廳炒飯會炒到好濕，痴埋一嚿。 味道方面就中規中矩，牛肉粒都算。 凍檸茶咪就係同一般嘅凍檸茶冇咩分別囉

星期六早上見到早餐做到12點咁正，見岩岩11點45分立刻入去。侍應話無位要等等，好呀無問題。到11點54分坐底叫攞早餐牌，點知佢話: "我地因為系統問題11點50分截單" 下。。咁我45分入到黎，54分坐底，咁姐明講假姐。。。都算，咁11點58分叫常餐啦。點知佢又話: "我地系統12點5分先可以入單。。。"嘩，依d係咩態度呀？點解你系統問要我受罪？ 食物質素普通，上菜遍慢。。。。。永無下次！!!!!!!!!

從未寫過食評亦對食物冇乜要求的我，剛在此食完勞氣午餐，促使我寫下人生中第一篇食評，以洩不快｡下午餐單後足足呆等15分鐘，叫侍應跟下張單，對方不但敷衍我了事，以我則眼見後嚟好叫同款餐的六人枱，已孖碟炒米粉上枱！我話為何後嚟先上岸？對方不單沒有道歉，態度冇禮的侍應竟向廚房大聲彈出一句 “俾佢啦>>餓“死”了咩！”，真的離晒譜，遲遲未有嘢食，又不肯跟單，仲要咒個客死，乜嘢舖頭嚟㗎，乜嘢貨色呀~永不再踏足！！

同老公叫咗兩份早餐，一份肉丁一份瑞士雞翼福麵， 雞翼淡而無味，比普通茶餐廳的煎雞翼仲要差😥 福麵太林無曬質感， 一啲都唔好食，同一條街俾佢好嘅選擇多好多， 至於肉丁福麵， 都係冇乜驚喜，食完都唔會有印象， 嘥咗個褔面。

本來無打算寫食評，但真係有點不吐不快.....剛剛經過旺角，純粹求搵間茶記食個tea，見香港冰室裝修企理，於是隨意叫左份葡式豬扒包下午茶餐，加杯凍華田。入到去，成班樓面侍應好似玩玩下咁，好似無心做野。當份豬扒包黎到時，又比漏塊豬扒（得齋包一份）。於是叫幾位年輕侍應加返塊豬扒，但薯條，同塊包，完全係凍冰冰。一食就知，已經放左一段時間。而且啲薯條仲明顯有一陣怪味。最終我唔再要求更換喇，相信換左都唔會食得落，只有杯凍華田係正常。總括而言，食物水平差，侍應個個玩玩下，求求其，不會再光顧此店。

星期日同老公去香港冰室食午餐，見呢間無人排隊，就入去試下。睇了餐牌真係唔吸引，但我點左咖哩魚，老公點左番茄豬扒，等左大約10分鐘，我碟咖哩唔熱，只是微暖，味道一般， 最重要是魚肉淋淋梅梅，食左幾啖就放棄了。老公既番茄豬扒正常一啲，但味道偏鹹。 我點左凍檸檬茶，杯茶既茶味好淡，一啲都唔好飲。在門口見間鋪裝修幾靚，而且唔駛排隊就去左幫襯，我唔明點解可以煮得咁難食，我相信我自己煮得好食好多，好肯定唔會再去了。

這間餐廳，我每個週末都會去一至兩次吃早餐的。餐牌上早餐的時間是12:00止。可是通常11:40 – 11:50期間店員就會大喊“早餐停了”，常客應該不會陌生吧。我想應該是廚房的意思，雖然有不少顧客對這個都很有微言。香港冰室服務態度是怎樣呢？看你遇到的是哪位店員。早餐時段，男女店員都有，男店員不是常駐所以印象不大。女店員呢，收銀的那位不錯；有一位比較高的也不錯；有一位好像大家姐的、聲音比較大的也可以，可能我也算是常客，她都記得我要點什麼餐；還有一位，衣著看來應該是店長，對同事有說有笑的，對顧客就…臉有點黑…我覺得如果對“服務”兩字沒什麼自覺，乾脆不要到食物店服務吧。其實早餐來說，隔壁的餐廳比較好吃，食物也較新鮮，譬如說，餐包和麵是熱乎乎的，蛋煎的很嫩。為什麼我不去隔壁？很簡單，是我習慣了，隔壁早餐收11:30，而且要排隊，最重要的是，沒有即磨咖啡。我去香港冰室，為的就只是一杯即磨咖啡，除了即磨咖啡機故障，一般都有供應的。要留意，是即磨咖啡，不是熱咖啡。相信我，他們的熱咖啡會毀掉你整個早餐的。奇怪的是，昨天還有供應的即磨咖啡，今天卻對我說，他們從來不供應即磨咖啡，說我是不是去錯地方，是不是

晚上經過呢度諗住簡簡單單食個晚飯，見到呢度即刻有位就入去食啦。餐牌見到逢星期一至日都有唔同嘅套餐，價錢大概都係50幾蚊。不過我就無叫套餐喇，而係俾個喇沙吸引左。有得揀喇沙湯底再配公仔麵、米線、烏冬等等，再自選唔同嘅餸。我就點左喇沙公仔麵配豬頸肉同唐生菜，對於喇沙湯底都有小小期望，至少都有啲椰香啦。點知個麵一嚟到，真係好失望囉😭😭個樣同普通公仔麵完全冇分別！！湯底嘅顏色完全相信唔到係喇沙，食落口係有少少辣味，但同喇沙真係爭好遠囉！雖然價錢好平，唔計嘢飲都係30幾蚊，但我寧願佢普通咁寫係公仔麵好過喇😭

日日都食連鎖店早餐，間中都想轉下口味，原先都冇特別話去呢間餐廳食野，經過見到有黑松露炒蛋（至愛），就比佢吸引左入去，點左個餐，又有沙津又有薯餅，味道不錯，只系食完五夠飽，餐廳環境裝修好懷舊，有舊香港冰室的風味，如果放假都可以去歎下。

Ordered one main dish and a drink. When I added one additional drink for take away, it costs more than it should. I saw the check before the drink came and ask for cancellation. The waiter started yelling at me and said he already entered the bill. Rude???? After that he talked some more Cantonese with his colleague which I didn't not understand then gave me another bill which -$2.. how weird??

只能說,差得好全面!入得呢類茶餐廳當然係唔可以帶有要求去啦,幾十蚊你想點?!但唔可以差成咁咯!自選美式早餐:雞扒,薯餅,雞蛋,另加錢叫牛油厚多士。黎到攞起多士食,又凍,塊包又死實實,d牛油少得可憐。雞扒本身已經咸到爆,加埋d汁仲攞命,咸到食唔到。薯餅煎到中間爛埋痴番一堆出黎,又油! 雞蛋是凍的!熱香餅又係凍嘅!完全係伏到無朋友! 早知聽隔離果話講,去食麥xx,至少d野係熱先!服務差已經預左,差得咁全面真係好少有!

昨晚在太子附近想吃點簡單及價錢比較相宜的食店，忽然想起金魚街有幾間餐廳，結果選擇了這間，其實，食物方面不算非常美味，但以$5X餘元已有湯、主菜及飲品，相當唔錯。重點係這裡的職員態度很好，絕冇茶餐廳追趕落單的態度，剛巧，昨晚遇著店舖定期滅蟲，需要提早收舖，店員亦向每枱客人解釋及詢問還有沒有其他order👍最感謝的當然是本人很大意的留下手提電話，離開了大穊差不多30分鐘才發覺，覺得一定兇多吉少啦！😓 但即管打電話了解職員有否發現，真的非常意外，店員説因發現時已追不上我，於是代為保管🙏🙏 怎麼可想像在旺角遺下I phone 6 plus (雖然唔係7)😅, 都可以取回，取電話時，經理還用袋好好保存及寫上資料，這樣值得讚頌的一間店舖及員工，令一個很怕寫字的人，寫了我第一次的食評來多謝他們。我也會經常光顧，因那裡的食物及價錢也不錯👏🏻👏🏻👏🏻👏🏻👏🏻

經濟麻麻地，真係要發掘多D好味嘅平民食店 平日晚市都坐唔滿人，座位較窄，但週圍都好多懷舊擺設，等緊嘢食望望佢哋都幾得意見到有車仔麵仲有喇沙湯底，即叫!!!叫咗個海鮮喇沙，有蝦餅蟹柳同帆立貝，帆立貝出其嘅鮮味，有輕輕煎過嘅味道湯底唔太濃，喇沙味剛好，做車仔麵湯底有新鮮感。朋友叫咗個瑞士雞翼撈丁，雞翼入味的，但撈麵冇用到瑞士汁所以唔夠特色。兩人晚餐，埋單都係一百蚊鬆D, 心滿意足了ps 個餐牌睇落好多元化，想輕食都有沙律同小食揀，而且西餐廳果種沙律，值得支持

真係態度好差，好普通嘅一間街邊餐廳。我同爸爸媽媽去食，佢地order 野order得慢小小，啲侍應態度就變到好差，講野好串。下午2點已經好多野賣哂，而真心，真心唔係好食== 比錢買難受

一入到去已經催你落單 隔離位坐2人坐4人位 進食期間被無數次要求行出來讓予人入座 但其他人不能入座的原因是座位另一邊被外賣餐盒阻擋 但店員每次只要求食客行出行入來讓座 而不收拾外賣餐具食物種類較少 出品亦不見突出下次不會再去受氣