影片
以上資料只供參考, 請與餐廳確認詳情
食家推介
今次同朋友星期六下午黎左旺角通菜街（金魚街）嘅鐵板世家，間鋪之前係香港冰室，轉左手之後變左鐵板細家，店內裝修同格局同之前一樣，裝修都算幾企理，但坐位比較迫，星期六日及公眾假期午餐嘅價錢會貴平時少少，我地試左招牌嘅鐵板餐，兩個餐都有跟餐湯，餐包同飲品，餐包夠熱，軟熟，塗上牛油，牛油立即溶掉，推介！肉眼扒同西冷牛扒併雞扒，我地兩份都叫左7成熟，上菜是鐵板好夠熱，落汁果下勁多煙，好香，肉眼扒肉質夠厚，冇乜根位，有肉汁，幾好食。而西冷扒就比較韌，有個位好多根，味道一般，雞扒有煎過，肉質鮮嫩，但黑椒汁味道比較咸。而餐飲叫左港式菠蘿冰同紅豆冰，推介菠蘿冰好多菠蘿，好好飲！
繼續閱讀
有時口味嘅嘢真係人人唔同貪新鮮 問街坊飯堂推介去咗呢間試一次見佢常餐有得+$2轉奶油豬見到個樣心諗，有冇烘過架😅點知係全個脆！係咪風乾嫁😅😅😅😅蛋同火腿賣相一般 冇煎過亦冇話係好滑蛋但估唔到係最好食嘅野！凍檸水比左杯凍檸茶我 佢仲換過杯比我個主餐先死🙈瑞士雞翼撈丁我成世人未食過一間瑞士雞翼會難食嘅餐廳我勉強食咗兩隻就冇再食埋佢同個一丁！瑞士汁嘅甜味呢？你話鹵水汁都好丫！但都冇香料味呀！係咸豉油雞翼撈丁嚟呀！連撈丁都唔想食落去！咸過你食鹽！咸仲要雞柴🙅🏻♀️我唔會再食嫁喇我老公食豬扒包又係咸到佢食咗兩啖飲杯嘢就走喇🥲
繼續閱讀
今日諗住貪方便食個下午茶餐 路經香港冰室係門口見到個咸牛肉蛋三文治幅圖係厚切蛋非常之吸引 於是咪外賣自取回家食 點知返到屋企一打開個盒真係要講粗口囉 話晒都比左30元 當你交租人工賺一半都比番應有15元嘅野我吖 門口幅圖擺明係欺詐 完全圖文不乎 一間茶餐廳點解冇人幫襯都係有原因的😡😡😡永遠不會再幫襯囉
繼續閱讀
假日好難得在旺角通菜街有咪錶位👏🏻， 拍低架車就順便搵地方吃晚飯🍴。 經過鐵板世家門口， 突然想吃扒餐， 就入去試下。 餐廳很有懷舊風格， 枱布和地板都充滿舊香港情懷， 食物種類都多， 📝晚餐就點了鐵板西冷牛扒$98、 鐵板珍寶什扒$98、 意粉$10、 凍檸茶$3、 凍檸水$3、 啫喱。 ▫️餐包和羅宋湯🍞🥣～ 牛油配餐包加上羅宋湯， 雖然簡單，但味道幾好 。 ▫️鐵板西冷牛扒🥩 ～ 西冷牛扒五成熟，配燒汁和薯菜， 厚切大塊的份量， 入口嫩滑牛味重， 薯條是粗身配茄汁很好吃。 ▫️鐵板珍寶什扒🥩🥓🍗🍖 ～ 什扒配蒜蓉汁和薯菜， 有煙肉、珍寶腸、牛扒、雞扒和豬扒， 整體份量很多，一個人食唔曬， 煙肉不會很膩， 珍寶腸有半條，啖啖肉👍🏻， 三款扒的肉質都新鮮， 適合食肉獸。 ▫️凍檸茶🥤 ＆ 凍檸水🥤 ～ 兩杯都很大杯， 解渴一流。 ▫️啫喱🍮 ～ 甜品有啫喱，不錯吧！ ▫️意粉🍝 ～ 加$10有一大碟意粉， 好抵食。 之前叫香港冰室，現在是鐵板世家，一間傳統港式扒房，價錢親民，整體幾好。😊
繼續閱讀
吾會再幫親！真係失望到爆！今次係我第二次食呢間鐵板世家，第一次食呢間質素超好。但可能係經過疫情同埋多咗人食之後質素不再！咁我今次就叫左個五成熟肉眼牛扒啦，點知第一次吾知係咪疫情之下生意吾好，五成熟嘅肉眼扒變十成熟不特止仲要係凍嘅。我同店員講換過第2塊肉眼牛扒佢都話呢一份唔係五成熟可能搞錯咗因為張單都係落五成熟嘅，然後就換過第二塊，結果換咗幾塊餸頭餸尾肉眼牛扒塊lol….仲要好似俾人咬過幾啖咁！大家睇下幅圖就明我講啲乜。真過分🤬😡
繼續閱讀