首爾石鍋燒

營業中

休息中

搬到新寫字樓後，最忙碌便莫過於收拾東西。收拾得累了，就很想到外鬆一鬆。正所謂"長命工夫長命做"嘛...先到了旺角拿些手機配件，接着在回辦公室之前便先醫醫肚。由於事出頗突然，故此也沒有特定的食肆想試。就隨心一點的行到邊食到邊吧....好久沒有食韓式料理。路過女人街一帶，在云云餐廳中找到這一間賣韓國菜的小店，就去試試....走入店內，看到許多人在吃石頭飯。心想大熱天時竟要冒着出哂汗之苦來吃，看來應是名物來吧....雖然好像是瘋狂了些，但在那麼熱的天氣去將熱騰騰的飯粒吞下肚，可能會有"以毒攻毒"之效果呢....午餐當然由一碗同樣是夠熱的湯類打頭陣。這裡"白湯"的選擇是一點兒都不韓式的蛋花豆腐湯。所謂的蛋花應稱之為蛋白，食起來大大片的質感偏硬不令人討好；豆腐亦只得聊聊數粒的載浮載沉於湯中；而且吃起來味精極重，是絕對不能多吃的...石頭飯一定是要熱騰騰的才會好吃。這兒的即叫即製，等了差不多二十分鐘才上枱，入口熱辣辣是絕對合格。材料依舊以菜蔬為主 ---- 紅及白蘿蔔條、大豆芽菜及粟米粒。肉選了惹味的BBQ烤肉，肉質是沒有想像中的嚡，不過醃味就有點不夠濃；置中則放了一只生雞蛋黃，趁熱力還存之時與飯

又是韓國菜，質素認真麻麻………服務態度已經不是好，食物更讓人失望﹗前菜過得去，正正常常，主菜則只有烏冬年糕好吃(要烏冬需另加$5)，石頭鍋飯超難吃，跟炸醬麵一樣，都是沒有味道的 再也不要去了!!!!

今晚同男朋友去首爾食飯，，叫咗個2人C餐，揀咗個海鮮烤肉豆腐煱，烤肉石頭鍋飯同籮白蔥餅。個豆腐鍋系my favorite !! 等咗一陣個石頭飯到喇！哇，上枱仲有吱吱聲，好香呀！！食食下先記得落個辣辣地個醬，加咗仲好食！ 籮白蔥餅都幾好食，最緊要系唔油夠脆口！！送既飲品正常！

同阿妹行完會展, 佢想食韓國野同買手機殼就出番MK食對韓燒放題興趣唔大, 就去通菜街搵下, 見到呢間阿妹話想食就持左飛等位等左15分鐘到就有位啦, 不過都熱到個人溶咁滯我地點左份韓燒SET, 見寫住加豆腐鍋8折就要左個烤肉豆腐鍋點知黎到先知唔跟飯, 個WAITER話優惠係無飯跟, 但個MENU有飯跟 , 之後聽到隔離枱都係同樣問題, 竟然話一直都係咁, 好多客人會誤會, 但點解落單唔一早講 , 有被騙的感覺烤肉豆腐鍋: 唔算好辣, 我接受到, 有烤肉, 粉絲, 韓式魚蛋, OK的, 但咸左少少韓燒野食份量OK, 但個爐好細, 我地仲坐係冷氣風口位下面, 燒左半個鐘先燒得2片鴨胸肉, 但已經加左3,4次火, 我地想轉位, 同個WAITER講, 佢話係咁, 枱枱都係咁, 俾多個燒爐我地, 但根本無用燒果D又未有得食, 個鍋又唔跟飯. 阿妹話好肚餓, 唯有無奈叫多個烤肉拌飯烤肉拌飯: 材料同個鍋其餘差唔多, 只不過粉絲, 青瓜果D係凍食, 飯都係凍的......無幾耐, 隔離枱有新客都係叫左韓燒, 佢地燒得好快, 8分鐘到D野食就食得, 見到佢地鐵板有煙出, 炸炸聲. 隔隔離果枱都係對正冷氣

同個朋友食下午茶，行行下見到就人去食。野食好味，白湯夠滑！啲蛋白熟得剛好。石頭飯夠熱，心急的我辣親舌頭。加上惹味的韓式辣醬，細食既我忍唔住食晒！正！總之，好味。可惜收野奇快，好想趕你走。呢頭食完，個頭拿拿聲有人執走晒，唔好意思坐囉。

先講明!!我係食食下先記得影相,所以野食影得樣衰!唔係間餐廳整到咁比我既情人節前一晚上OPENRICE睇有咩好食,想食韓國野.就簡左呢一間,驚冇位就晏就BOOK左位先!本身我就好中意食韓國野,亦食過正宗韓國菜,所以都有D期望(當然我知道好難話同韓國食既一樣)不過......比我屋企樓下既韓國餐廳仲遜色 我地叫左個二人套餐D $188 有前菜:- 4款泡菜 (岩岩開始食個時冇影到相SORRY><) 1.最普通款既泡菜: 勁甜-口-!!!落左好多糖囉!! 2.青瓜;幾好味^^ 3.脆玉瓜切粒:有D怪味... 4.黑椒粉絲之類~:幾好味-凍豆腐,食剩幾塊先記得影...睇落D汁好似都幾好味咁..但係唔入味...好似食緊百福豆腐咁......-韓式粉絲,食剩先記得影...我最中意食韓式粉絲,次次去食韓國野都會叫今次...勁失望!!咸到喊囉真係!!豉油粉絲黎架!!!主菜-烤肉石頭鍋飯(左)不過不失喇..-牛肋骨豆腐鍋(右)D牛肋骨好好味料方面:小小菜,好多粉絲.(TOTAL 食左3款粉絲),牛肋骨,豆腐,粟米......湯方面: 冇咩特別

同朋友去了旺角行街...星期五4周圍的餐廳都多人..都吾知去邊間餐廳食晚飯~最後,想起呢一間我想試既餐廳..(有一日見到朋友在社交網站發佈左呢間餐廳的食物相!睇完就好想試一試..)開住個地圖..終於去到呢度...個陣時8:00,門口都有吾少人等位...好彩吾洗等太耐就有位..我就叫左個雞肉石頭飯...個人口味,我覺得淡左少少..不過大致上都OK既..而友人叫左個炒烏冬..佢話好食...我試左少少都真係吾錯架...不過佢食完之後,我見個碟淨左好多油...食完之後就即走LU..見出面仲有其他人等位..都吾想阻住人做生意(一入去坐低個陣,,侍應講有限時吾知幾耐..聽得吾係好清楚..好似係話個半鐘)總括來說..呢間餐廳算不錯..價錢都可以接受..下次會再去試...

話說女朋友想食韓國野就同佢試下依間野啦，入去之前我女朋友見到都有d猶豫入唔入好，因為佢一直好鍾意食韓國野，同佢都食過係尖咀好多間係韓國人開既餐廳，所以佢對韓國野都係幾有要求的。咁一入到去啦，我女朋友就問係唔係韓國人既師傅，個侍應就話唔係，女朋友都有ｄ失望。anyway, 我同佢分別點左一個海鮮烤肉豆腐鍋同埋番茄泡菜烤肉豆腐鍋+一個韓式考年糕丁屎咁多既前菜唔講咁多啦，d泡菜完全唔入味.....海鮮烤肉豆腐鍋:食過正宗韓國豆腐湯既都知，湯既賣相係紅色啦，一見到個湯係白到似清水咁咁都深知不妙！個鍋d料係多，但係個湯味精勁重、偏鹹，已經冇叫咩小辣，但係一d辣味都冇！番茄泡菜烤肉豆腐鍋:賣相又係同上面一樣(白到似清水)，已經係賣泡菜鍋，入面可以係得果丁d咁多既泡菜(重要完全唔入味+係白色的泡菜)!d番茄食落重要係有陣縮味!韓式考年糕:係三樣入面算係最食得落肚既一樣，d年糕真係唔多入味，份量又唔係多都可以賣成$4x一個碟本身入黎諗住會有最鍾意食既韓國壽司，最後原來冇都算啦！一間韓國餐廳攪咁多唔關事既野，可以又有羅宋湯又有心太軟，但係連本身韓國既主菜都可以做得咁差，係唔係應該集中小小攪好佢呢？入得黎

7月17日, 平時都冇乜點食韓國野, 食石頭飯就更少, 最多都係食下韓燒. 今日經過女人街, 見到呢間打正旗號叫首爾嘅小店, set lunch 石頭飯都只係$3X仲有湯同野飲, 就試下啦~ 入到去人就唔算多, 環境少少暗咁, 似酒吧feel~::: 豬肉泡菜石頭鍋飯 ::: $35蛋花湯味道都唔錯, 得少少鹹味, 都正常嘅因為蛋花本身冇乜味~ 蛋都幾鮮, 食落蛋白有質感~ 石頭鍋飯一上枱仲有“炸炸”聲, 證明個石頭鍋真係好熱! 慢慢又傳來陣陣嘅泡菜香, 賣相真係冇得彈~ 除咗豬肉泡菜之外, 仲有一隻生蛋同蘿蔔絲粟米粒, 亦都預先加咗d辣醬, 唔夠嘅當然可以自己再加~ 為免生蛋快熟, 要快d撈勻個飯先, 撈到成個飯都係橙橙紅紅咁, 就可以食喇~ 超級辣口, 唔係味道辣而係好熱, 要慢慢食, 泡菜味好香, 個辣醬都非常惹味, 所以食緊飯都好似食緊沙律咁開胃~ 反觀個豬肉就有d淡口, 味道醃得唔夠, 以致味道俾泡菜搶晒, 肉質仲有少少嚡… 不過細件d嘅肉配飯一齊食都冇乜問題. 食到底仲有好多飯焦, 好似煲仔飯咁, 正! 熱檸茶較失色, 檸檬只有2片又好薄, 杯野又好細, 唔夠飲.::: 牛

跟好友聚一聚,之前提過想食韓國菜,開頭想去TST,不過友人唔想去咁遠,最後決定來旺角我叫了一個雞肉泡菜石頭鍋飯($35)包湯+飲品(凍飲+$2)叫左白湯湯係雞肋, 不提也罷!HAHA...實情係好難飲!!!雖是白湯, 不過其實係稀到不得了的粟米湯!不過算啦! 我個焦點不在湯!雞肉泡菜石頭鍋好好食!鍋中包括泡菜, 雞肉, 紅蘿蔔, 芽菜, 生蛋同辣醬混合後很香, 不會過份辣!而我最欣賞的是它不會有太多飯焦,因為我一邊食一邊同朋友傾計!但碗飯唔會因為過熱而弄得飯都變成飯焦!整體來說這間餐廳都幾抵食GE!份量大, 價錢平!不過味道可能同傳統的有分別啦!

朋友話去女人街一定要去首爾。。好彩唔駛等好耐，五分鐘到有位，睇睇有咩食先。。叫咗個二人C餐， 有海鮮豆腐鍋，擇咗烤肉石頭鍋飯，辣炒年羔。先送咗兩個前菜，青瓜同泡菜，好好食啊！我鐘意泡菜，再叫多碟泡菜都系十二蚊。。仲有芽菜同韓國粉絲添。。 豆腐鍋好味道！！好滾呢！！石頭飯到了，聞到好香！！真系有飯蕉啊！！跟辣醬食好正呢！！飲柚子蜜同紅棗蜜。。好豐富的晚餐！！飽飽，味道不錯，下次一定要食蔥餅，好想食，不過很飽了！都系七十蚊位好抵好抵食！

之前在網上已知道這間信的食品一般, 唯獨石頭飯可以一試, 於是昨天跟老公專程試下石頭飯剛進入這間店舖, 覺得環境幽暗, 服務不錯, 而且每張枱都安排了一張椅子給客人放手袋, 很貼心！唯獨音樂開得太大聲了, 迫著客人們要大聲說話, 令店舖裡非常嘈吵, 點單後, 食物便上台, 食物賣相還算OK, 但點解得半碗????? 算啦！搵食艱難！他們很貼心的每碗飯都提供了兩隻匙羙用作拌飯之用, 把整碗飯拌勻後, 首先試下D餸先, 全部都只是用水煮熟, 除了食物的原味外, 就吃不出其他味道了辣醫應該係韓國辣醫, 但選用了比較辣的, (大家別以為我雞蛋裏挑骨頭, 我吃過很多香港其他店舖及韓國裏的石頭飯, 從沒有一間會選用這個辣的程度的辣醫)一般出街吃飯, 即使食物味道不佳, 我都會以尊重廚師的心態下, 把食物吃完, 但這此實在是難吃到只吃了大約十口, 便決定放棄了！

這天走到女人街找地方食下午茶看到首爾門外有午餐和下午茶的多款選擇就決定進去坐坐了雖然午餐的石頭窩飯十分吸引但下午茶的價錢便宜, 亦有石頭窩手打鳥冬於是和友人各自點了下午茶的套餐石頭窩泡菜打打鳥冬, 石頭窩年糕手打鳥冬雖然是熱辣辣的鳥冬但味道只是普普通通反而旁邊的石頭窩飯卻不時傳來朕朕香味, 甚為吸引!不過和友人吃完鳥冬再坐在店裡悠閒的聊天喝飲品也沒有被趕走也是出乎意料之外或者下次經過會再來試試石頭窩飯的

女人街好多唔同種類選擇實在花多眼亂, 日本野為多,今次想試新種類經過呢間店時俾食物吸引, 經過侍應介紹下見到有OK多人都所以入去試下.點知一坐底個陣無啦啦話只可以食一個半鐘, 都算應該都食唔到咁耐, 但佢入來前唔講定,入來講好似呃左咁. 見到2人餐多野食於是叫了,2個什菜湯+2碟前菜+泡菜石頭窩飯+ 大蝦炭燒牛柳餐+ 朱古力心太軟+香蕉PANCAKE+2杯凍檸茶先講2個湯,溝到好似水咁,得個辣字 前菜有4款小食, 泡菜,唔入味得來苦的,辣蘿蔔,醃得唔夠耐同樣係苦, 薯仔粉絲,又係一味的辣,青瓜最正常)泡菜石頭窩飯接著上, 飯搞完一輪都仲係較濕,黏得來口感怪怪...加左個醬又甜又辣下 所謂泡菜石頭窩飯泡菜完全被搶角再來大蝦炭燒牛柳餐,本身唔想叫呢樣,但叫左窩飯,其他又係大辣既食物...冇辦法,點知上台一呆,2條蝦仔同手指一樣大,最誇張係所謂既牛柳完全唔同平時牛柳既樣...而且非常有咬感,感覺似食擦字膠感覺...薯條當然唔駛講...係唔熱的... 唯一比較正常相信係甜品同飲品,但前菜主菜如此令人失望..相信不會再來...!

同埋同事兩人叫左個二人餐，包括一個石頭鍋飯，一個海鮮烤肉石腐鍋，一個蔥餅，前菜，同埋兩杯野飲。我覺得個海鮮烤肉豆腐鍋好好食，又有特色，我連湯都飲光。其實石頭飯同葱都唔錯。總來講，今餐好滿足！