首爾石鍋燒

營業中

休息中

今日去首爾食晚餐！7點去到好多人啊！好在兩位都有位！今日系520，氹下女友開心，食佢最愛既泡菜豆腐鍋！入面裝飾板加咗新野喎！寫住6周年有4重賞！1）學生，穿製服有 VIP 9折card 2) 滿$100送$30 coupon 3) 所有酒精買一送一 4）母親節，父親節有免費飯食！！哇，都好正下喎！睇下先，我地就叫咗買一送一真露！一枝柚子，一枝原味真露。柚子真露我女友大讚！我飲一啖試下，真系幾淸新咼，又唔會太甜！$78 ，2支！！超抵！叫了一口雞$39，泡菜豆腐鍋$65，海鮮蔥餅$55，雞翼沙律$45 ，辣炒年糕$55一口雞好正，鬆軟！本來想叫多客，不過女友話叫其他小食。海鮮蔥餅：外層有少少脆，個餅幾好食，不油，薄身的，同其他韓國餐廳好粉好餅蔣既口感不同。雞翼沙律：有4隻雞翼，配沙律，好大份，醬是芝麻醬，有番茄，沙律菜，我女友鐘意少醬，都好夠味！辣炒年糕：不錯，年糕煙煙un un , 汁幾好食，yum yum 😋 除了年，還有d菜同韓國魚旦系最正的！個鍋滖住上，好香好爆既感覺，有豆腐，泡菜，烤肉，粉C，半生熟旦，好多料, 呢個真系推介呢間餐廳我地都黎咗幾年了，個經理幾好人的，其他侍應生服

睇完餐牌，野食價錢相宜，唔想再行就揀左佢食晚飯， 我地散叫，無叫set, 因為價錢差唔多。我地點左烤肉石頭鍋飯，冷喬麥麵，豬頸肉鍋燒同牛肉豆腐烏冬鍋。 每款主食都附送前菜兩碟，但前菜的賣相同和味道都欠佳。主食方面，冷喬麵有驚喜, 麵質爽口,軟硬度適中, 麵條沾上甜甜的濃湯, 味道剛剛好, 豬頸肉亦都唔錯, 沒有肥膩的感覺。 石頭鍋飯就失水準, 配菜和醬料份量不足, 上台時立即搞伴,但食時仍有一股燒焦味, 口感和味道很差，烏冬亦一般, 賣相不討好。總括, 餐廳野食價錢便宜, 食物尚算可以, 係平價晚餐的一個選擇。

都有一段時間無黎呢間餐廳，今日落大雨，費事再搵餐廳，就入左黎呢間韓國餐廳食飯啦。坐低無耐之後店員就俾左D 小食我地啦，分別係青瓜同埋泡菜，兩樣小食都只係微辣，食落都幾開胃。海鮮烤肉豆腐鍋:海鮮烤肉豆腐鍋可以揀配飯或者烏冬，如果配烏冬既話就要加6蚊，都算幾多，可能係高級烏冬吧。個鍋既海鮮都幾多，有蝦有青口，仲有日式魚蛋，除左海鮮之外，仲有豆腐，粉絲同埋豬肉，至於湯底係泡菜湯，辣度係自己揀，我地揀左小辣，鍾意食辣既我覺得一D都唔辣，有機會真係想試中辣。炒韓國粉絲: 上次同朋友2個女仔叫左2個小食一個主菜之後發覺份量太多之後，今次都係叫一個主菜一個小食算啦。炒粉絲既材料其實只是用左好簡單既蘿蔔絲，冬菇，洋葱同埋黑木耳，但係食起來既層次真係幾豐富，無得頂啦。

聖誕節留港消費，約左朋友去旺角行街，很多鋪頭都系度减價，shopping完累累地，上openrice見到此餐廳的豆腐鍋好似幾正，就轉入左女人街搵此餐廳。好彩都唔難搵，家樂商場轉入去行幾個鋪位就到喇我就叫左佢個招牌菜 番茄泡菜烤肉豆腐鍋－ 個名都好長下 。 顧名思義，個鍋有番茄，泡菜，烤肉即系韓式豬肉，豆腐，仲有雞蛋同粉絲。中意泡菜的我，很喜歡湯底的味道。番茄加泡菜個感覺很配合，更能顯出泡菜湯鍋的酸和辣，好味道！我朋友叫左韓式烤肉鐵板飯。賣相幾好，隻蛋系我最中意的 sunny side up, 烤肉系韓式烤肉，黤得唔錯幾好味!另外叫左個小食韓風一口雞。個雞炸得好好食！唔系好大件，一口一件，我覺得剛剛好！外面炸得金黃，鶏肉依然有肉汁，唔會乾，很好食！總括而然，此餐廳食物質素唔錯，服務態度也不錯，可以再來！

點了韓式拌飯（雞肉）、韓式辣炒年糕和年糕烤肉豆腐，食物整體質素是較差。韓式辣炒年糕賣相雖然不錯，但味道只有鹹味，沒有甜甜的味道，不好吃。另外，韓式拌飯附有的拌飯汁，其實只是甜酸汁沒有什麼特，建議還是用常用的辣醬來拌飯。

雖然唔係第一次係呢間餐廳度食，早前同朋友食過兩次，但今次首次晚市，值得一寫好評。四人同行，叫了一個三人套餐，由於四個都係女仔，三人餐都十分之夠食！有牛肉粒鐵板飯，一口炸雞，泡菜石鍋湯，煎餅，同埋一個豬肉石頭鍋飯，再包埋三杯嘢飲，加多少少錢仲可以轉做hite啤酒。套餐都加埋一都唔洗300蚊，四個人份量，算係大碗又抵食。重點嘅係除左個石頭飯一般，其他四個都好好味，有驚喜！特別要講係個炸雞，少數炸雞啲肉身仲係多汁 鮮嫩， 食完仲想叫多碟，不過已經好飽。

中午嚟開旺角做嘢，約了朋友一齊lunch 首爾。我點咗個蕃茄泡菜烤肉豆腐鍋，石頭鍋好夠熱，食到尾都仲係熱辣辣！個鍋味道好足，又辣又熱，好過癮，烏冬都幾煙韌彈牙，豆腐好滑。烤肉同泡菜尚可，不過不失。朋友點的是辣烤牛肉拉麵，份量好足，面都幾煙韌，好夠辣，食得辣的可以試下😂😂

個雞肉幾好味，好香，d肉有彈性得黎又脆脆地。d醬汁刀唔錯。但係最尾我地2個食，係食唔曬既。。因為有叫其他野食啦…e個，好好味。份量刀多。可以叫飯同泡菜。d泡菜一般啦，但係個粉絲好好味。d汁唔算辣，溝埋一齊正到無得頂個烤肉石鍋飯，非常唔錯。好香。而且價錢合理，但係要收服務費，服務費有d貴!!!

突然想食辣野於是揀左韓國菜 呢間之前黎過 覺得唔錯所以再黎今次嗌左個$179 既2人餐 前菜 個瓜好甜好食呢個飯可揀雞肉 豬肉 同牛揀左雞肉 啲雞出奇地滑 可另加6蚊手打烏冬個窩有粉絲架小食可揀一口雞 或者蘿蔔蔥餅個雞好味

琴日(星期六)一個人黎呢到食, 係見到之前有網友話佢泡菜炒唔錯所以黎試下 ~ 原來佢係有午餐套餐仲要係1點前結帳會有9折, 馬上按照計劃入內叫左泡菜烤肉蝦炒飯 (可能順序唔啱但係大概咁嘅名啦) 再送一個湯同埋一杯野飲 ~ 黎 到嘅時候, 發現佢D泡菜唔係一齊炒係放係上面你要自己拌入去 ~ (所以我覺得佢比較港式) 但係意外地我覺得咁樣唔錯 ~ 因為平時嘅泡菜炒飯食多幾啖就會覺得好"漏", 但係因為佢泡菜係放開炒反而覺得好食D同埋佢材料份量都唔錯 ~ 以為肉會多過蝦但係掉轉反而蝦都有幾隻以上 ~ 同埋佢泡菜真係幾好食, 酸辣適中好唔我胃口 我應該都會想再番黎試埋佢個湯係點 ~

星期六晚同朋友見到尼間餐廳， 見到幾唔錯咁，而且干凈企理，於是入去試下。裡面的確幾有格調。我叫左個石頭鍋牛肉飯同埋海鮮炒年糕，有小菜免費送，係Ｄ魚仔同埋泡菜。石頭鍋牛肉飯，上菜時好熱，味道唔錯，配料幾新鮮，裝醬料個器皿好得意。撈下撈下，好過癮，除左牛柳粒，里面仲有好多配菜，有紅蘿卜，白蘿卜，粟米，冬菇，菜。里面有飯焦，好香，我覺得唔錯。海鮮炒年糕$48，有青口，蝦，同埋日本餐廳成日出現紅色一圈一圈個D，我唔知叫咩名。海鮮好新鮮，唔會腥，年糕軟綿綿，里面有D彈牙，好過癮，D汁少少辣，韓式燒牛肋骨，呢個配生菜同蒜片一齊食，個朋友話吾錯。同埋個海鮮豆腐鍋: 個湯底好正, 有少少辣, 好足料, 有埋粉絲底, 仲配埋個白飯添, 份量都唔少, 值得推介, !!真系唔錯。論裝修，服務，食物，價錢，我覺得系女人街黎講我覺得系水準之上，一定會再黎過 

七夕同男朋友去食飯，去到始創中心層層都勁多人，所以決定指定動作轉戰去女人街尋美食～發現“首爾”唔多人又唔洗等位，價錢又ok，就決定試下～估唔到啲野食又幾好味啵！有位似韓國人既女服務員好有禮貌～全程都係面帶笑容～

一個人在旺角夜收工，九點幾，就去左女人街搵食。行左幾間舖，見到有間韓國餐廳叫首爾，我估應該新開無耐，好新淨下，就入左去。坐低叫左個鮮蝦泡菜烤肉炒飯。故明思意，炒飯入面有蝦，泡菜，烤肉，雞蛋。個飯係炒到紅色的，我估係因為用左韓國辣椒粉，辣辣地，連埋雞蛋同韓式豬肉一齊炒，炒得香噴噴好惹味，有獲氣！配埋泡菜同大蝦（6隻左右）可說是錦上添花。可能因為我喜歡食炒飯，我覺得好好食。見這餐廳嘅炒泡菜幾好味，我就叫多個泡菜炒烤肉。上菜時熱辣辣，看得出是快炒。泡菜很香，很濃海鮮味，味道很鮮甜，酸味適中，辣味很醒胃，菜仍然存有大量水份，感覺新鮮，秘制烤肉雖然是豬肉，但有牛肉的質感，整個配搭很match，十分好！

同朋友行行下街, 無意中發現呢間韓式餐廳, 又無咩人, 咁就一於係度食飯啦前菜有青瓜, 粉絲, 泡菜, 羅白, 賣相幾靚, 味道都唔錯泡菜餃子石頭鍋烏冬用料十足, 湯底有少少辣，粉絲完全吸收哂湯GE精華, 好好味,湯底都唔好哂, 好飲,餃子雖然放係湯裡面, 但又唔會浸到爛哂，食落去仲有湯汁係裡面，好香口, 西利!炒粉絲蛋少左D, 不過炒得好香,粉絲又夠彈牙,洋蔥炒得岩岩好,好入味, GOOD烤肉石頭鍋飯賣相好吸引，肉既質感大都好有口感，肉質鮮甜, 飯底夠軟，食落好香口美味韓風一口雞MINI版既韓國炸雞, 好細粒, 醬料麻麻地,唔夠辣炸醬麵唔太正宗, 味道唔似韓國炸醬麵, 麵都唔係正宗, 少少失望牛肋骨豆腐鍋牛肋骨煮得好好味, 湯既味道都好好, 材料有菜,粉絲,豆腐同粟米整體唔差下次再試其他野食, 再同大家分享

一向都鍾意食韓國野既我，係一個星期六既晚上朋友帶左我黎「首爾」一試。6點半鐘左右黎到，仲未要等位，入到去我地被安排坐係全餐廳最角落既地方，果度燈光比較暗，附近又無咩人，都幾有情調。我地叫左3樣野，2個小食同一個主菜，小食有海鮮炒韓國年榚同埋炒韓式粉絲，而主菜叫左泡菜餃子烤肉豆腐鍋。落單之後侍應們就送上前菜，有2款，青瓜同埋泡菜，2款都唔係太辣。小食: 海鮮炒韓國年榚海鮮有原隻連殼的蝦同青口，D 蝦食得比較辛苦，建議佢地下次脫左殼先至炒。醬汁就杰左少少，加返少少水會好D，不過OVERALL 味道都算唔錯。小食: 炒韓式粉絲呢個所謂既小食份量真係有點兒驚人，同主菜既SIZE 真係差唔多，味道唔算喊，幾好。主菜: 泡菜餃子烤肉豆腐鍋烏冬用料足，湯底有少少辣，烏冬吸收哂湯既精華，餃子仲唔會爛哂而食唔到，值得推介。