饗和民 (萬宜大廈)

營業中

休息中

從來未食過饗和民，今晚就黎食個晚餐。見到佢有個$498饗•豪華2人套餐，有10樣野，比較抵食，所以揀左呢個餐，再額外叫多個鮭魚腩刺身。呢個套餐有幾樣野食係指定既，分別係凱撒沙律，刺身五品，大蝦大婦羅同雨滴餅。凱撒沙律好大份，沙律醬另上，好細心。刺身有三文魚，油甘魚，甜蝦，帶子同魚子，都好肥美。另外叫既鮭魚腩刺身有三片，都唔錯。大蝦天婦羅好大條，炸皮又幾好食。自選項目揀左海鮮鍋，炙燒雞腿同溫泉蛋燒牛飯。海鮮鍋有蠔，蜆，三文魚，魷魚，豆腐，娃娃菜，紅蘿蔔，金菇等等，好豐富。雞腿啖啖肉，燒得岩岩好。溫泉蛋牛飯份量多，白飯撈埋蛋汁好入味。最後食埋雨滴餅，飲埋柚子梳打同茉莉綠茶。佢其實仲有酒可以叫，但我地最後都冇飲酒。

今日嚟到中環食響和民，呢一間餐廳非常與日本居酒屋的風格相似，而且卡位數量很多，非常闊落舒適呢度嘅晚餐亦非常性價比高，有不同套餐可以選擇，淨係二人餐已經有三款可以揀，我哋叫咗豪華二人套餐（全十品） $498鍋物方面我哋揀咗九州產和牛壽喜燒，和牛級食落的確零舍不同，牛味非常香之餘，油脂分布平衡，而且壽喜燒湯底非常鮮甜燒物方面，我哋叫咗日本產縞花魚燒，呢條魚中間只要起咗條骨，非常容易食，而且魚味十分香濃，魚皮脆口煮食方面我哋叫咗鮭魚熔岩壽司卷，木魚碎鋪滿整個壽司，加上沙律醬，紫菜包住三文魚，十分特別！另外仲有半份凱撒沙律同埋精選刺身盛合，刺身有五款，包括三文魚、油金魚、帶子、三文魚子、大甜蝦仲有一個大海老天婦羅成盒，天婦羅脆漿不會太厚，而且蝦肉甚多，分量配搭均勻最後仲有兩個雨滴餅作為甜品，類似係一個透明啫喱，點上黃豆粉和黑蜜糖，呢一款甜品喺香港好少見到！

今日係2020年新一年嘅第一日返工日今日係第一日返工日嘅lunch相約咗兩個舊同事lunch黎到呢間貴價版和民lunch價錢係六十蚊以上見到有個星期四餐 係炸雞好似唔錯咁但最後我係叫咗石鍋鮭魚 帶子蒜蓉牛油飯定食嘅同事一個同我一樣 另一個叫滑蛋雞扒鍋定食石鍋鮭魚&帶子蒜蓉牛油飯定食 $78有沙律 有湯 有嘢飲$78+1沙律唔錯 清清淡淡有啲沙律醬個湯唔太掂 好清 好水咁個石鍋飯ok嘅鮭魚上面有啲黑椒幾惹味帶子冇乜腥味整個感覺都唔錯餐飲凍檸茶糖水比較多茶味比較淡整體都ok嘅侍應比較少 好難叫人

臨近聖誕，同同事去公司附近食日本菜慶祝，第一個就諗起饗和民。我們2個人眼闊肚窄，咩都想食，見到2個人menu,就立即叫左來食。最後就揀左個豪華2人套餐$498，由前菜到甜品都齊哂，真係唔洗煩。✔️凱撒沙律首先係前菜-凱撒沙律，沙律菜好新鮮，加埋芝士粉同千島醬，十分開胃!我最中意個千島醬另上，岩我位減肥同事。✔️刺身有5款有三文魚, 甜蝦, 帶子, 立魚同三文魚籽。切身好厚切，鮮甜美味，肥瘦適中，用冰鎮上就夠哂凍。我最愛帶子，超大粒。✔️大蝦天婦羅用原隻鮮蝦，每隻長過我手指，最重要天婦羅漿好薄，食落好鬆脆，又唔油，好好味！加上每隻蝦好新鮮，食落好彈牙！✔️炸雞軟骨$48食完個炸蝦天婦羅，我就決定叫炸雞軟骨！果然無令我失望，食落好香脆同咬口，而且好夠味，加少少檸檬汁就剛剛好！✔️日本產縞花魚燒縞花魚燒得油脂豐富，而魚肉鮮嫩多汁，食落唔會腥，魚香四溢，好香口，仲好少骨！不過溫馨提示，一定覅熱辣辣食，我們食左一半擺耐左，就有少少腥，所以一上就食曬佢先品嚐到魚的鮮味！✔️鮭魚溶岩壽司卷分量好大，有6大件。入面係熟既三文魚，配左啲沙律醬同半溶芝士。真係好正，仲好飽肚。✔️和牛壽喜燒🍲和牛牛肉味濃郁，配料--豆腐

聖誕節, 朋友都各有各忙, 要約出來吃個飯真不容易, 唯有提早兩日, 相約一個聖誕前聚會, 順便吃一個豐富的pre聖誕大餐吧。一向對和民的出品有信心, 饗和民還是第一次來吃, 原來有個幾抵食的饗豪華二人套餐, 只是$498有十道菜。選擇困難症的朋友就適合了, 但它也不是完全沒得選, 其中有些項目還是可以選, 吃到你的心水美食。餐廳的日本酒選擇不少, 喜歡邊喝酒邊吃日本料理也可以。熱柚子蜜因為有少少作病, 我就飲個熱柚子蜜, 熱飲都有大大杯, 絕不欺場。日本產縞花魚燒比較少見的魚,  份量十足, 兩個人食好滿足, 魚很滑又不會腥, 很有日本風味, 有少許大條的骨很容易挑出來。凱撒沙律細細碟, 羅馬生菜夠爽, 紅椒黃椒十分甜, 補充一下纖維。5品刺身盛合有油甘魚、三文魚、甜蝦、帶子刺身, 及三文魚子, 刺身放得靚靚, 放在冰上, 保持冰涼感, 新鮮有光澤, 表現可以。和牛壽壽喜燒鍋矜貴的和牛只有約四片, 但絕對值得選擇, 輕輕灼熟, 牛味甚香, 有入口即融感, 油脂豐腴誘人, 每片都是寶。還有一些豆腐、蔬菜等, 壽嘉燒的湯底很香甜。大海老天婦羅盛合有5隻天婦羅大蝦, 有蘿蔔蓉薑蓉和天婦羅醬

我係中環又想搵居酒屋 好彩搵到中環萬宜大廈入邊有一間饗和民 🥰🥰 等左一陣就有位啦😮😮.同男朋友叫咗個豪華二人餐❤️❤️❤️.- 鮭魚熔岩壽司卷.- 九州黃牛壽喜燒鍋 🥘.- 凱撒沙律 🥒🥬.- 五品刺身 🍣🍣.- 大海老天婦羅 🍤🍤.- 雨瀛餅👍👍.真係好豐富 最鍾意係個壽喜燒 熱辣辣又多牛肉 😂😂👍.呢個套餐呢個價錢 有咁多嘢食我覺得真係超值🤓🤓.估唔到嘅係響和民都有咁多清酒供應🍶.我同男朋友雖然冇飲清酒 不過都upgrade咗餐飲叫咗個啤酒 個日本啤酒好多泡感覺好搞笑 😂😂🍻🍻.

為左慶祝朋友考牌成功，帶了他到了這間距離中環站不遠的饗和民去吃好東西。我們入到去坐在舒適的四人桌之中，打開Menu，樣樣都好似不錯，一於叫佢地推介既二人豪華套餐先。前菜店員首先送上了味道清新嘅凱撒沙律做前菜，份量都好大味道亦都不錯，開開個胃先！刺身五品一場來到當然食下佢既刺身了，一於就一次過食足佢地既五款刺身！三文魚鮮甜美味，肥瘦適中，非常香口。其他刺身，三文魚子以及油甘魚，以及帶子都是唔錯的，一樣都系咁新鮮，咁大件，十分推介！天婦羅天婦羅用上了原隻鮮蝦，一樣咁好，味道香口不油，也是很不錯的選擇。九州和牛壽喜燒鍋到了另一個重點壽喜燒了，日本人為左慶祝才會吃的。和牛份量適中入口有即溶的感覺，很不錯的。他們還為了增加滿足感而包了原隻玉子添，贊好。日本產縞花魚燒估不到這店連燒魚都咁出色，燒出來味道非常香口，再加上店內嘅醬汁，有濃厚嘅鮮魚味，熱辣辣。一個字，正！雫餅最後店員送上了好像啫喱嘅日式雫餅為完美的一餐畫上完美的句號！。除此之外佢嘅北海道十勝豚丼同埋飲品都是不錯的。

中環番工既應該都知萬宜有間lunch又抵又好食既和民。今晚OT耐左我地決定黎食晚餐，呢度有四款二人餐，由三百幾到九百幾都有，適合唔同budget既大家。我地見$498呢個有天婦羅又有刺身，就揀左呢款豪華二人餐。呢度上菜超快，10分鐘內已經上曬。我地隔離枱仲係日本人添，真係幾正宗。<凱撒沙律>係好經典既羅馬菜、番茄仔、麵包脆脆、煙肉加芝士碎呢個配搭。配上凱撒沙律醬，夠曬開胃。<五點刺身盛合> 有厚切油甘魚、薄切三文魚、帶子、甜蝦、三文魚籽。擺得好靚，食落都夠鮮。<鮭魚溶岩壽司卷>呢個真係賣相幾靚，係熱食黎既，入面係熟既三文魚，配左啲沙律醬同半溶芝士。真係好正，係飽肚既主食。<大海老天婦羅盛合>真係超大碟，有五條天婦羅蝦。每條都超巨型，個炸皮唔算話好薄，但係入面啲蝦都幾鮮嫩。<炙燒珍寶雞腿>真係幾珍寶，好大份，而且個汁甜甜地，本身雞腿肉就係嫩滑多汁，配啲沙律醬真係超美味。<九州和牛壽喜燒鍋>和牛份量唔算多，有四塊左右，都幾嫩幾有牛味。下面有啲菜有啲菇，個壽喜燒湯甜甜地好正，真係想追加個烏冬飲埋啲

返工辛苦左一日之後要食好野調劑一下，去左公司附近既餐廳食日本野，攰到唔想睇餐牌單點之際就係叫唔駛點用腦既套餐，眼闊肚窄下呢個餐既份量都幾多夠曬飽肚🤭😂不得不提既係呢度既侍應全部都好有禮貌，服務認真唔錯▪️ 饗·豪華2人套餐 💲498固定商品（7.5/10）凱撒沙律(半份)：芝士粉、芝士味麵包糠、煙肉片、爽脆生菜同埋黃紅椒，不過不失5品精選刺身組合：有厚切油潤既油甘魚、三文魚、帶鹹鮮既三文魚籽配上清淡蘿蔔蓉、味道鮮甜既帶子、甜蝦，整體都幾新鮮☺️大海老天婦羅盛盒：炸粉頗為薄身，蝦身爽口，外脆內彈，而且無咩油膩感🍤雨滴餅(2個)：甜品幾有驚喜，滑溜啫喱狀既雨滴餅配上黃豆粉同埋黑蜜，配搭得宜唔會話無味或者過甜，就算飽都好輕易清曬成舊🤗可選擇商品（7/10）鍋物(2選1) 季節海鮮相撲鍋：呢個既火候要小心控制，三文魚會比較快熟，仲有蠔、魷魚、花甲、豆腐、金菇等，個湯底係會有少少胡椒味微辣咁，味道都幾吊癮🥘燒物(2選1) 炙燒珍寶雞腿：果然好有份量，層雞皮帶點脆身，有輕輕調過味，保留些少肉汁唔會太乾身，肉質就不過不失，配上微辣沙律醬別有一番風味🙃主食(4選1) 特盛燒牛丼：中間有隻流心既溫泉蛋，牛肉

今日約咗朋友係中環食飯揀咗呢間饗和民貪佢坐得舒服又唔會限時趕你走餐廳呢段時間仲推出左sake menu有5款sake 揀，因為朋友唔飲酒所以就冇試，下次有機會一定要試吓揀咗4款食物：鮭魚熔岩壽司卷（半份$48）：半分有三大嚿，上面鋪左啲芥末醬，入口有好刺激嘅感覺特上壽司盛盒10貫 $168: 呢個真係好抵食因為淨係個海鰻單價都已經係$78，整體壽司水準都有一定嘅保證七串串燒盛合$168: 呢個係呢餐既亮點，串燒啱啱燒起就上枱，其中免治雞肉串（加入左雞軟骨，口感一流）同燒七里香串（個皮超脆），真係好正！九州產和牛壽喜燒鍋 $118 追加烏冬$38: 和牛配烏冬呢個配搭真係好豪，性價比超高另外呢間餐廳既服務值得一讚，店員都好有禮！值得加分！

饗和民 (中環)中環德輔道中60-68號萬宜大廈2樓213號舖-----有一段時間冇黎和民食飯 上星期有朋友約喺中環嘅和民食飯 先發現原來呢間和民成間翻新左比之前靚咗好多😄裝修行園林日式風格 環境幾舒服😊-#季節海鮮相撲鍋（大-$168）相撲鍋入面材料好豐富例如豆腐 紅蘿蔔 三文魚 蠔 魷魚圈菇 年糕 同白菜等等 海鮮鮮味同蔬菜嘅甜味混埋一齊 令湯底非常鮮甜 整體味道唔錯 大嘅相撲鍋仲可以免費送一客野菜盛 算幾抵食 我見好多中環上班族自己一個人嚟叫咗一鍋來做dinner😆-#軟殼蟹牛油果壽司卷（$53-半份）半份得三卷壽司比預期中少 勝在牛油果夠新鮮軟殼蟹又係即炸 壽司上面仲有蕃茄同埋蟹籽 整體味道配搭夠豐富 確係幾好食 如果份量再多啲會抵食啲😆-#牛油果沙律（$78）呢個沙律顏色非常豐富 淨係望到已經覺得賞心悅目 牛油果份量好多🥑除咗牛油果之外仲有 蕃茄 南瓜 沙律菜 條狀蕃薯乾 同埋切絲嘅紅蘿蔔乾等等 食落口感多變 健康得黎唔會覺得好寡😁-#厚燒玉子（$38）蛋汁豐富 口感柔軟 調味唔唔太甜 所以有少少似港式厚蛋多士入面塊厚蛋🥚😄-♡今次時間比較趕所以無叫到酒 但係有見到佢地Men

我屋企人好鍾意和民，一個月可能食三至四次。最近聽朋友講饗和民係和民高級版，今日帶左女友試試，諗住好食既話再請屋企人。裝潢同一般和民大同小異，不過面積大啲。Sake喺日本餐廳當然係不可或缺，饗和民既日本酒選擇都幾高質。食物選擇超多，令人目不暇給，有選擇恐懼症嘅我最後交俾女友發辦。和牛炙燒壽司真係不得了。和牛切到好薄但好大片，完完全全覆蓋壽司飯。和牛炙燒後油脂更豐盛，入口即化。一件和牛壽司平均$37一件，對我而言係物超所值。炙燒珍寶雞腿既外皮非常脆，更難得係肉質超嫩，肉汁豐富。微辣既醬汁同雞腿係絕配。蒲燒鰻魚壽司卷叫左半份，鰻魚同壽司飯嘅比例1:1，鰻魚燒得焦香。免治雞肉棒加左軟骨在內令層次感更豐富，不過略嫌唔夠鹹，而且肉質太鬆軟。和牛壽喜燒鍋幾正宗，牛肉吸收湯底精華後更甘甜，蘸上日本生蛋汁後更嫩滑，如果湯底再濃味啲就好。總括而言，雖然饗和民係和民升級版，但價錢唔係差太遠，和牛炙燒壽司亦令我難以忘懷，所以以後都係去饗和民！

🐷🐷🐷🐷和民就聽得多，饗和民真係第一次食。上個星期接完男朋友放工之後忽然好想食日本野，見到依間嘅二人套餐($498) 好多選擇好豐富，就決定試下！▪️凱撒沙律嘅份量啱啱好，足夠醒胃之餘又唔會好飽。▪️刺身方面表現不過不失，新鮮但份量冇我想像中大🙈▪️海蝦天婦羅我俾滿分！炸粉夠薄，海蝦肉質彈牙香甜，而且有成5條咁多😍 好滿足。▪️小和牛壽喜燒鍋啱啱喺日本返嚟嘅我哋，用清水煮嘅唰唰鍋食得多，反而覺得壽喜燒既湯底真係好重要🥺 依個湯底夠惹味，所以蔬菜係入面煮得耐左會吸收左湯底嘅精華，亦會更帶出和牛片既油脂香。唔錯！▪️炙燒珍寶雞腿分量上已經贏咗，而且雞腿燒得外脆內軟，外皮入味之餘，內裏亦十分juicy但又唔係油膩。用刀輕輕一切已經切得開，出色😘▪️鮭魚熔岩壽司卷係好有特色嘅壽司卷，除咗中間嘅三文魚香外，卷上既脆絲令口感更豐富。▪️雨滴餅係日本來講我最喜歡嘅甜品，黑糖同黃豆呢個組合真係無得輸，而且雨滴餅嘅口感亦又彈又q，雖然已經好飽但係最後都食晒🥰▪️蒲燒鰻魚壽司卷 ($53)🔸Overall ($551+1)📍 饗和民 (中環)中環德輔道中60-68號萬宜大廈2樓213號舖

天氣開始轉涼，見到饗和民有個專做壽喜燒鍋嘅二人套餐，即刻去試一試佢！環境好舒服亦都好大，裝修亦花左唔少心思，行和式風格🍁Menu好豐富，由沙律和食，串燒壽師刺身，到鍋物類同甜品，應有盡有，酒水menu嘅sake亦好吸引，甚至有比較出名嘅獺祭都有！🍶我同女朋友就嗌左呢度嘅二人套餐，共10款項。固定嘅有沙律，三色刺身，燒魷魚筒同甜品，而自選可揀牛/豬壽喜燒，一款一品料理我地就嗌左清酒煮蜆，同埋三文魚牛油果卷，仲散嗌左幾款壽司。值得一提嘅係呢度服務好好，上菜速度亦好快！最先黎到嘅牛肉壽喜燒都未熟，其他嘢食都上得七七八八🤤

放工想食好啲但又唔想行到太遠，經過饗和民見到呢個豪華二人套餐非常吸引，成個set包10款單品都只係$498，啱曬我呢d大食得黎又有選擇困難症嘅人10款單品裡面，指定嘅包括沙律、刺身、天婦羅同2個甜品，可以自選嘅則有鍋物、燒物、主食同飲品凱撒沙律(半份)5品精選刺身盛合牡丹蝦、三文魚、帆立貝、油甘魚同三文魚籽牡丹蝦好大隻，三文魚同油甘魚都厚切，全部都算新鮮大海老天婦羅盛合D蝦又係好大隻，炸粉唔算太厚，配埋蘿蔔蓉可以中和膩感，襯熱食就最正九州和牛壽喜燒鍋(小)最期待嘅單品，和牛厚薄適中，油脂分佈平均，沾埋蛋汁簡直係人間美味，細份完全唔夠喉….食完牛個鍋仲有D蔬菜配料，索曬湯汁好好味日本產縞花魚燒雖然唔知咩係縞花魚，但富鮮甜魚味，燒到皮脆肉嫩咁，入口香得黎好滑鮭魚溶岩壽司卷三文魚壽司卷沾左天婦羅漿去炸，再加上少許沙律醬同一堆脆脆喺面，非常酥脆香口飲品可以加少少錢upgrade，加$24就有支大sake，款式都多，但因為第二朝要返工都係飲返無酒精飲品算….加$19叫左個紅石榴醋，大杯得黎裡面有好新鮮生果，味道酸酸甜甜好清新~雨滴餅 配 黃豆粉 & 黑蜜最後黎個甜品做結尾，鍾意雨滴餅無一般甜品咁