影片
又到下午茶時間，東匯中心大家樂又迫人，價錢又不算太便宜，於是就去隔離舖間餐館幫襯。餐館勝在搵位容易，座位也算舒適，價錢亦經濟合理，久不久也會光顧。下午茶叫了日式咖哩一口牛($42)，可配飯或意粉，送餐湯和熱飲，凍飲加$3。餐湯是羅宋湯，湯料充足，味道不錯。日式咖哩一口牛配飯上，牛肉夠鮮味，肉厚多汁，就是咖哩味比較淡，不夠濃郁。餐茶是即磨熱咖啡，味道尚可。
繼續閱讀
我大約在兩三年前已經發現呢間餐，但個地點比較難搵，可能要用多少少時間先搵到，因為出面冇擺到大型招牌出黎。最初係俾佢個龍蝦餐吸引(兩位起計)。有兩種口味同兩種主菜可以選擇。之前個餐牌都係士焗龍蝦同炭燒龍蝦;主菜係卡邦尼意粉或蕃茄醬意粉。但宜家應該有改變架啦!「波士頓龍蝦餐」我平時黎食都係叫個龍蝦餐架，冇記錯平日就$88位(未加10%)、星期六日公眾假期就此$118位(未加10%)。以又有湯、又有包、又有野飲、又有主菜，仲有半隻波士頓龍蝦，真係物超所值。可以選擇炭燒龍蝦或芝士龍蝦;「海鮮拼盤」另外佢個海鮮拼盤都好值得推薦俾大家。雖然唔係話有蠔食，但啲青口、蝦等等都好新鮮。我覺得餐館的海鮮係特別新鮮!「曲奇沙冰」同時間都有一杯特色飲介紹俾大家-曲奇沙冰。唔會太甜，但係又有粒粒oreo!跟餐其實都係加10蚊。其餘都好似仲有朱古力同椰子拖肥沙冰，不過oreo最好味！今次去我係專登黎試下其他食物的水準。我叫左個雜扒餐(有包有野飲有餐湯)，同一個吞拿魚蕃茄長通粉。「餐湯」呢間餐廳通常都係雜菜湯，但平時雜菜湯個水準就幾參差，一時好飲一時唔好飲。因為有時會太酸，有時太淡，有時又好好味。但總括黎講10次有8次都ok既。佢有一段時間(大約兩三個月前)都供應過燉牛肉湯，我飲過都幾濃郁，但有少少咸。今次係忌廉蘑菇湯，入面都會有磨菇粒。呢個湯既好處係唔會好似出面賣果啲咁heavy，飲完之後都唔會覺得已經好飽、食唔落其他野。但其實一般西餐廳都會有兩種湯俾客人選擇，最basic會係紅湯(羅宋湯)同白湯(忌廉湯)。所以建議餐館可以提供兩種不同的湯令客人有多啲選擇。「吞拿魚蕃茄長通粉」記得第一二次黎食係食下午茶，有個好類似既長通粉，不過係白汁菠蘿粟米蘑菇長通粉。白汁菠蘿粟米蘑菇長通粉個通粉絕對唔會煮得太淋，每種材料都完全保留返本身個原味。如果有小朋友唔想叫啲太油太唔健康既野食俾佢地，可以考慮白汁菠蘿粟米蘑菇長通粉。至於我今次食既吞拿魚蕃茄長通粉唔係用大蕃茄整既，而係用車厘茄整。咁個通粉就唔會太酸啦。而且有半粒半粒既車厘茄喺個粉度，都幾有咬口，唔似啲大蕃茄咁會煮溶曬。而且啲吞拿魚一絲一絲都沾滿蕃茄汁，唔會太乾身。我最欣賞既就係呢間餐廳連單叫既長通粉，都可以加16蚊轉餐(有包、有湯、有野飲)。咁樣就可以就返一啲食量較大的朋友。「雜扒餐」呢份雜扒餐可算是咩都齊，有牛、豬、雞、腸仔。每一種肉啲肉汁都好多，我覺得個雞扒最好味，個皮煎得好脆。但係個豬扒就太軟，冇左豬扒原有果種質感。至於汁方面就有黑椒同埋燒汁選擇，另外調味料都好齊全，包括茄汁、李派林、辣椒仔、芝士粉等等都有。總括黎講，咁好味而又咁平既西餐廳喺呢個物價高漲既社會，已經好難得，我會繼續去捧場的!
繼續閱讀
第一次到餐館，是由一位很要好的舊同事引路的，餐牌跟現在的沒有太大分別，普通四十多元的午餐有好幾款，有魚﹑牛﹑豬﹑雞及沙律的代表，而每日的是日咖哩更是抵吃之選，大概$42(最開初是$40的)，每客午餐包一杯冷/熱飲品及餐湯，以前更有餐包供應。不過餐湯只得一款，沒得選擇。隨著百物騰貴，租金又有加無減，為了不大幅加價，餐廳大概只得將貨就價這方法，故食物質素不如以往，我亦少了光顧呢！是日跟同事找開飯處，見久久沒來這裡，又想坐得稍為舒適一點，故重臨此地。原本是想吃牛扒，但又怕質素跟價錢成反比，吃咖哩又只得海鮮，故最後選了藍莓汁豬扒配薯角，餐湯是頗足料的羅未湯，不過我不好此湯，沒叫上。不用多久已預先煮好的豬扒上出，份量比想像的多了，有兩塊。薯角熱辣辣，豬扒肉質頗彈牙好口，夠鬆化，有豬肉應有的臊味，有點意外的好吃，初時以為藍莓汁怪怪，但調味得宜，既不失淡淡藍莓味，又有正常底料的調味。整體而言，餐館食物並非出色之輩，水準有點飄忽，像港式/茶餐廳式西餐，不過價錢未算太貴，坐得尚算舒適，間中前來開飯尚可。
繼續閱讀
假日吃早餐，總離不開附近的茶餐廳、快餐店，確實令人有點厭倦，老公提議這星期不如試試商場內的西餐廳。其實我倆曾經來過這裡吃下午茶，不過吃早餐倒還是頭一趟，又看看有乜新意先。這裡早餐價格頗為大眾化，由 $19 - $25 不等，更無需收取加一服務費，與一般茶餐廳無異，快餐價錢，西餐廳格局。原來這兒的早餐也有很多選擇，由美式、英式、健康餐到麵餐，一應俱全。老公點的豬骨湯公仔麵餐 ($23) 其實都幾豐富，隨了牛油麵包外，還有炒蛋、腸仔、薄牛扒配上公仔麵。以籃上的小餐包，外皮色澤夠曬金黃，包身入口亦頗為軟熟，唯一可惜的是沒有先翻熱才上檯，否則以烤熱的餐包配上原粒牛油，相信會更為美味。至於炒蛋，入口唔算特別滑，腸仔就味道正常、反而薄牛扒煎得算唔錯，比起「大家樂」的還要出色，雖然肉味偏淡，但起碼咬落完全唔覺韌，味道更沒有過鹹，水準不俗。公仔麵麵質軟硬度還算適中，不過湯底唔多覺有豬骨味，飲落比起包裝公仔麵的調味湯粉還要淡。跟餐的熱奶茶雖然並不是我杯茶，不過入口都算順喉，茶香和奶香兼備。被英式夾餅的名字所吸引，也點了份英式夾餅配炒蛋 + 腸仔 ($23)，開頭還以為夾餅是雞蛋仔店舖出售的那種格仔餅，會先塗上了牛油、花生醬、煉奶及砂糖等才送上檯，點知原來這份夾餅是一個非常的骰的原味窩夫，size 甚至比「山崎麵飽」的出品還要細小，入口又腍又軟，毫無脆度可言，蛋香更加欠奉，連附上的糖漿都稀釋得甜膩盡失，真令人失望，惟有默默吃腸仔以作補償。至於跟餐的凍檸茶 (+$3) 茶味特濃，完全蓋過了檸檬的清香，幸好入口苦澀味不重，就當清清腸胃吧。想吃一點肉，所以又點了份美式早餐 ($25)，內裡包括鮮果汁一杯，可選茄汁或橙汁、牛油麵包、茄汁焗豆、煎雙蛋或炒蛋、而肉類選擇就真的非常之多，包括有煙肉、腸仔、餐肉、火腿、雞扒、豬扒、薄牛扒、吉列魚柳，另再加熱飲一杯。這份早餐超級豐富，雖然已經揀了橙汁一杯，餐尾竟然還另有熱飲，真係無牛咁多個胃都飲唔倒咁多嘢。炒蛋、餐包已評論過了，至於雞扒還算不錯，雖然塊雞皮望落去有點燶，但煎得甚為香口，雞肉入口既 juicy 又嫩滑，配上酸酸甜甜的茄汁焗豆，味道也很豐富。
繼續閱讀
今晚第一次去食，叫左個雜扒餐+牛油芒果芝士海鮮焗飯餐，兩個餐都跟湯同飲品。$48/49一個餐呢個價錢以差為好合理，點知我個海鮮飯.......得幾粒牛油果+芒果，海鮮就包括：魷魚4小粒、超迷你急凍蝦一隻、小量三文魚肉碎，仲差過普通茶餐聽的焗飯!!!鐵板戲亦好一般，呢個價錢，我不如去越棧食！環境同侍應服務都麻麻，埋單兩個人$106 唔會再試！
繼續閱讀