食記餐廳

營業中

休息中

尋找回憶嘅味道之旅😋細個住喺慈雲山，有間小食館嘅炸魚蛋好出名，放學嘅時候會同啲同學仔一齊去，可惜早幾年結業。。。咁啱前排見到人哋介紹，襯放假得閒，專登過咗去鴨脷洲試吓呢間懷舊小店因為小店比較人多，所以我揀咗外賣去公園食🙃⭐️淨魚肉$23打開聞到就係胡椒粉同埋麻油香味入口有少少鯪魚肉味，比較鹹。口感係實淨，即係粉嘅份量比較重唔算係自己鍾意嘅口感，只可以話佢係抵食。⭐️炸魚蛋$9/10粒炸魚蛋都係比較失望，可能人多嘅關係所以係炸定，我食嘅時候已經係凍嘅（小店同公園嘅距離只有3分鐘）☹️但係佢嘅魚蛋係彈牙嘅結論係，要搵返以前嘅味道應該好難，如果大家知道有邊度好食嘅炸魚蛋，不妨話我聽吖🥰食完之後行咗一陣海傍，其實喺個記舒服嘅地方，放假嚟行吓都唔錯

每次到鴨脷洲，必定順路一來，但今日楂車去了大口環一遊，再順路來到，完成了輕鬆半日港漫遊。講返正記，佢係好少夠地道民間小食店，連環境也保留著當年的氣氛，位於路邊座街食首選生菜魚肉，碗仔翅！今次叫了兩溝，是同價的感覺好似底D，唔知食料甚様組合，手打魚肉呎吋大小適中，彈牙有口感，一咬下去味道是記憶的味道！碗仔翅食出夠料有雞肉等材料，配合麻油，味道更為香濃，我好快就食完一碗了！同埸也必叫的炸魚蛋，充滿舊時陳片味令人回味無窮，細細粒先係正宗拮魚蛋嗎，記得自己加齊醬呀！下次再見

掃街之人情味小食推介指數 ❤️❤️❤️❤️🤍難得入來大街四圍hea，當然要去掃街啦！當香港仔珍寶都執咗，食記仍然存在呀！賣嘅只係普通不過嘅香港街頭小食，私心加上街坊嘅人情味，份外好味！小店鋪頭以開放式設計向馬路旁邊、無冷氣、座位少、空間少，有一種大排檔嘅感覺，外賣亦大排長龍㗎！🐟魚肉碗仔翅(兩溝) HKD21喱度嘅魚肉彈牙爽口完滿魚嘅鮮味，碗仔翅底顏色略淡、咸度適中，內裡有蛋花、瘦肉絲同冬菇絲！加埋紅醋、麻油同白胡椒粉，就係香港人嘅口味！🔥炸燒賣 HKD9/6粒新鮮即叫即炸，熱辣辣，魚肉彈牙！🍗炸特大雞髀 HKD19價錢相宜，買到最後一隻，之後想再買多隻都無啦。🔥最想食嘅係炸油池、炸雲吞都售罄，唯有下次再嚟。總結：-食物 ❤️❤️❤️❤️🤍環境 ❤️❤️❤️❤️🤍服務 ❤️❤️❤️❤️🤍

去開鴨脷洲就一定要去食碗仔翅加生菜魚肉，碗仔翅味道真係多年不變，魚肉非常彈牙！再叫多個炸燒賣同炸魚蛋，燒賣好脆，外脆內軟！再加多一支自家製嘅豆漿，食的是店號人情味！

難得入鴨脷洲， 隨處逛逛搵食時經過呢間不是很起眼， 細細間，得2-3 張檯嘅小店，卻有人龍排外賣。 認真望下， 餐牌上係最普通的街頭小食， 價錢都合理。剛好有檯客走， 有位就坐低啦 ～ 生菜魚肉 》 加胡椒同麻油， 好味😋 鮮甜碗仔翅 》 加醋， 都足料 煎腸粉 》 用蝦米炒香，加芝麻、蔥同醬油，香口好味炸燒賣 》 一般， 真係偏油炸油池 》 已經買少見少嘅小食。 足料， 都好味， 但真係好飽肚 炒麵 》偏油，味道一般般 ☝️ 咁食加支豆漿都唔洗 100 😂

如果你係南區人就一定未食過都聽過~今日早上11點幾黎到，剛好有粥又有碗仔翅食~ 食碗仔翅做早餐都係第一次🤣最近因應政府限聚令二人一枱，長枱有膠板間隔坐得闊落左又舒服左~ 唔洗再同人手肘碰手肘~ 不過如果你住附近就最好買外賣啦🤣 留番張枱畀小店做生意吖嘛😉因為又想食艇仔粥又想食牛肉粥🙈 就要左艇牛粥~ 碗粥上枱既時候熱辣辣，都幾足料~有魷魚，魚片絲，豬皮，豬肚同牛肉~其實想要魚肉翅，不過今日黎得太早，未有魚肉😢 唯有要住碗仔翅啦~炸燒賣就即叫即炸，外脆內軟🤤

食記係由細食到大既小店，住鴨脷洲既人一定知道。雖然環境衛生一定係麻麻地，無冷氣，坐街邊，對住馬路，開左只少廿年應該都無裝過修，但鍾意食既人就係鍾意呢種風味。食記主打賣魚肉(可揀魚肉翅, 生菜魚肉同淨魚肉)，三樣同樣價錢，淨魚肉係一碗夠哂飽。魚肉彈牙夠味，湯底有大量豬肉同豬骨，一定要試。另外食記D炸物都好好食，一定係萬年油DFRIEND，出街食炸野都一定係，只係佢會比你見到咁解，怕污糟就唔好去勒，推薦炸燒賣同麥樂雞，亦有懷舊小食炸油池。本人亦十分推薦煎腸粉，要老版娘炒既先好食。店舖多人食既仲有炒面同炒米粉，份量十分，糖水及粥品也不錯的。

食記由細食到大，絕對係我嘅童年回憶。雖然已經搬離咗香港仔，但週不時都會專登返鴨脷洲大街食呢到嘅魚肉碗仔翅，懷緬一番。簡單一碗魚肉，可選剩魚肉，生菜魚肉同魚肉碗仔翅。另外有分大碗，細碗魚肉，大同細價錢都只不過相差一蚊。另外我最鐘意食呢到嘅炸魚蛋同炸魚肉燒賣，魚蛋細細粒，炸完之後韌韌地，口感唔錯。如果唔係香港仔人可能會覺得呢間食記好普通，坐得又唔舒服，又唔衞生。但對於係到長大嘅香港仔人嚟講呢到係一個回憶。

嚟咗香港仔返工冇幾耐就已經聽聞過鴨脷洲有一間好出名嘅小食店，今日同事專程去買，我就立刻搭單叫佢買外賣買埋我嗰份。先講個份量，我係叫淨魚肉，啲魚肉係塞滿晒成個外賣碗，份量超級多。魚肉肉質非常之彈牙，彈牙嘅程度及得上魚蛋，鯪魚肉只有落香蔥，冇落果皮，但係蔥花唔算太多，所以唔食蔥嘅朋友應該都唔會有太大問題。值得一讚嘅係靚魚肉入面半條魚骨都冇，真係做到啖啖肉，絕對係大快朵頤。湯底方面，用上鮮魚湯做湯底，飲落非常鮮甜，而且似乎冇落味精，因為食完都唔會頸渴，我仲飲晒成碗添。你得香港仔鴨脷洲，一定要試試呢一間小店，絕對會為你帶來驚喜。

去鴨脷洲玩，看到這家小店竟然這麼多人惠顧，那一定要試一試，一碗豆腐花，滑嫩，不算很膩，炸蕃薯唔算太好，不太潤，炸雞翼味道還算唔錯，小店並非吃的味道而是那種人情味

由細食到大嘅食記，最出名就係生菜魚肉、淨魚肉、魚肉翅，另外都有好多人食炒麵或者炒米粉，炸雞髀、炸麥樂雞、炸魚旦、炸燒賣等等。今次食咗魚肉翅，雖然佢個碗仔翅係冇冬菇同埋木耳，但有魚肉都好足夠。佢嗰度冇冷氣，所以通常都係食外賣，如果夏天食好似焗桑拿咁😂😂唔怕熱可以去😂😂外買左兩碗返屋企，通常都會要晒胡椒粉、麻油同埋醋，不過呢啲好個人口味，但冇乜preference既話建議你要哂。$22一碗，外賣盒計左$1落去，下午茶既話係唔錯既選擇。

過去，我與鴨脷洲幾次離離合合。今天，飄洋過海來看你；老實巴交的小島，變得紅塵滾滾；處處陌生。食記，一生都會記得的食肆，雖然不發跡；卻比珍寶撐得住。今天的你還好嗎？給我來碗兩溝，“多醋多胡椒粉多些再多些“，你從不介意。食記由小吃攤開始，那是我放學'篤魚蛋'的懵懂歲月。口渴會吃碗芝麻糊；肚餓會食碟炒油麵…校服未換，我拿著沉甸甸的書包便來報到。一直喜歡吃兩溝（$22）。魚肉舀成一小块，放入高湯中灼熟，本身已非常好吃，味新鮮；肉結實。碗仔翅則材料豐富，不稀不稠，加入香噴噴的調味料，多種味道一下子在口腔內發作，每一個味蕾，都在享受著極致的滋味，戀戀不捨的神經在回應，才不羨慕人家吃甚麼龍肉、天九翅。還有芝麻糊，黑乎乎的帶些許芝麻香，很稠，很甜，是真心的好味道。一大碗才賣$16，真正街坊價。這些年來，小店依舊哪麽不修邊幅，完全沒裝修且欠缺執拾。掌店的面孔生澀，是第幾代的老細？沒有過多的禮貌；卻有足夠的效率，說聲：“22蚊！“小店的小食能賣的都賣，掙生活的勁兒並未衰老。

[🍡街頭小食🍡] 食記餐店/一間位於南區鴨脷洲嘅街邊小食店，開正喺大馬路旁🚕，店舖係開放式，冇冷氣🔥，座位少，空間較窄，有部分座位要擺喺街邊，有種傳統大排檔嘅感覺。有人覺得坐得好唔舒服，環境污糟💨；亦有人覺得咁先係特色，係街邊食野有別一番風味。不過快快食完小食嘅我，當然唔介意呢種環境啦🤷🏻‍♀️！/生菜魚肉 🥬 ($20)碗仔翅魚肉 🐟 ($20)-首先會講下魚肉，呢間店舖嘅魚肉做法係全港獨一無二，一般街舖嘅做法係用鯪魚肉切條，一係帶腥，一係有陳皮味，拎嚟煮粉/做餸就OK，做小食入面嘅主食就唔太吸引☹️。 而呢到嘅魚肉，係用咗鮮魚溝入麵粉，搞拌後再切條而成，然後放入熱湯煮熟。望落晶凝通透，口感軟滑、爽口、彈牙🦷，非常有趣味。而且麵粉比例得宜，食落唔會太漿或太粉。另外，鴨脷洲本身係漁民區🎣，要拎到鮮魚做原料其實唔難，所以呢種魚肉食落帶鮮甜味，冇半點腥味，成個Package係出面複製唔到。而魚肉份量好多，堆滿成隻碗，做下午茶就啱啱好，但對於細食嘅人可以做正餐。要注意魚肉入面撈咗少許蔥粒，唔食蔥嘅朋友就未必鐘意食呢個。-魚肉的確令人耳目一新，但不得不讚嘅係生菜魚肉個湯底🍲。湯底用咗魚湯，雖有加味

🐾 食記餐店 (鴨脷洲) 🐾-魚肉碗仔翅✔️-魚肉唔係用鯪魚肉整，好彈牙好好食，好有魚味，配埋碗仔翅食真係一流，同碗仔翅好夾，碗仔翅唔稀，加醋好食好多，正！———————————————(非專業,完全跟據個人口味☺)食物:8/10環境:5/10服務:6/10人均消費:20———————————————▪店舖名稱: 食記餐店 (鴨脷洲)▪店舖地址:🔸 鴨脷洲鴨脷洲大街42號舖-----------------------

無論住喺附近定係遙遠嘅你，一定要來試呢一間精彩嘅小食店。佢個位置就係一個轉角位，一間小規模嘅小食店，環境一般，我哋嘅目的係食佢嘅味道。佢呢度最出名嘅係山菜魚肉。而我今次嚟到就嗌左一碗生菜魚肉碗仔翅、一個炸燒賣同埋兩隻炸雞翼。我平時都唔太鍾意食魚肉 但係嚟到呢一間，竟然比我食晒成碗魚肉，佢嘅魚肉係新鮮整嘅，而且爽口彈牙，喺出邊一定唔到咁好食。而我要讚一讚呢度嘅炸雞翼，亦都係出邊食唔到，因為呢度用嘅炸粉同出邊嘅唔同。呢度嘅炸粉炸出嚟會比較脆，而且味道一流，而且嚟到嘅時候都見到已經有好多人排隊買外賣或者堂食，果然係一間名副其實嘅食記。