食記餐廳

營業中

休息中

男朋友住係香港仔，我地呢日黎個鴨脷洲一日遊，睇下呢個南區後花園樂土。呢間食記食店男朋友話係必食，座無虛席，而且門口仲現左人龍買野食，生意一浪接一浪。一眼望去都係平常不過嘅港式小食：魚蛋、燒賣、腸粉、碗仔翅⋯⋯但咁受歡迎，必定有佢嘅過人之處。於是我叫左碗碗仔翅，外賣拎走去附近公園嘅涼亭坐低食，環境氣氛別有一番風味。碗仔翅非常熱辣辣，我小心翼翼地將一小啖送入口，一嚐方知真章，碗仔翅好足料，而且味道盡顯材料，唔會係零零碎碎嘅散料，又唔會單一，口感豐富，真係黎鴨脷洲必試啊！

放假最好就係捐窿捐罅搵好嘢食， 由於我唔係住喺南區， 所以鴨脷洲對我嚟講已經好偏遠嘅地方😂 今次嚟到鴨脷洲大街， 當然要試試附近嘅街頭小食啦。之前睇雜誌都有報道介紹過呢一間食記餐廳， 我哋二話不說就叫咗兩碗同魚肉有關嘅嘢食， 分別係生菜魚肉碗仔翅同埋生菜魚肉。 店員拎畀我哋嘅時候，我哋都不禁哇咗一聲，好足料丫，啲魚肉果然係名不虛傳， 非常非常之彈牙， 唔怪得知咁多人嚟幫襯啦！另外我哋仲叫咗隻炸肶， 好大隻吖! 淨係睇賣相都已經夠吸引， 雖然睇落好多炸粉， 但係其實 個皮唔算炸得好厚， 入面啲肉都唔會炸都好"鞋"，正！哩啲小店香港真係買少見少， 各位經過香港仔or鴨脷洲嘅時候都真係要去試下呀！ 真心推薦!

細細個已經成日食，細時喜歡吃碗仔翅，大個左就喜歡吃魚肉，佢曾經有一排差左好多，不過可能近來南港島線開左，多左人黎，佢又好似好食返啲。今天外賣一個兩溝即係魚肉翅，是一貫的兒時味道，魚肉有咬口，唔會好粉，可能食慣左呢度既質感，其他店既都唔岩口味。本來想要買7蚊10粒既炸魚蛋，可能多人啦，魚蛋已炸定，所以我就無買啦。平時佢既炸燒賣都好好吃，一定要加甜醬吃。炒面也是我favourite，好香。唔知係咪因為多人左，所以阿姐都好惡，以前都試過幾次計錯數，所以而家我會自己計左先，大家都要小心。

今日專登由九龍入到黎呢度食呢間d飮食節目介绍过，d食評又話兒時味道，所以满心欢喜去試下，嘩未試食已经受盡氣，我排隊等叫食乜都比阿姐鬧叫排隊，打尖的熟客就冇問題，好喇同阿姐講左喺度食，佢硬要比發泡膠碗多收我$1.講番d魚肉硬到呢完全冇味，果个我叫羅白盒既炸物，炸粉多过罗白，又凍又硬，呢间野d食物根本係不知所谓，

基本上住南區既朋友一定識，甚至食過😋雖然我住南區，但要去鴨脷洲都要搭船仔/搭車，間唔中放假隔一兩三個月都會去食一次，因為真系好好食😋呢間小店真系由我細細個食到宜家，所以佢既裝修同環境真系未必人人接受得到，正正因為自己食左甘多年，所以又已經覺得無乜野🤣食物種類亦唔算多，所以堅本上我都食過哂🤗我每次去都一定係食淨魚肉，炸魚蛋，炸燒賣😋其實兩溝(魚肉碗仔翅)都好多人食，只係我個人口味本身麻麻地鐘意食碗仔翅價錢方面係超級抵食，炸魚蛋$7/10粒，炸燒賣$7/6粒，淨魚肉$19。

26/10放假走去鴨利洲大街食野，因為之前睇左南區之友講食記碗仔翅好味，好彩都吾難搵，點左兩溝+炸雲吞+炸魚旦，味道都可以，但係佢個環境真係麻麻，相信應該冇下次！

中學喺鴨脷洲返學，每星期放學總有一兩日會一大班人一齊食食記，一下子將人地間鋪仔塞滿人，一個又一個魚肉咁落單，嬸嬸總係一個不漏咁送上枱面。食物有時係一種慣性。呢到嘅魚肉明顯加左魚肉以外嘅配料，大大條，食落異常爽口彈牙，魚味欠奉；翅只有少許肉絲、蛋花、粉絲都冇條；但係喺食記就係想食呢個味道，就好似阿媽煮飯永遠唔係大廚咁質素，但係偏偏你又最鍾意食；如果有日食記變左同出面嘅魚肉翅一樣，佢就唔再好味。炸雞脾係鮮炸，等左十五分鐘，魚肉都食哂，以為嬸嬸都有漏單時就上枱啦！炸粉略厚，但偏偏炸粉又異常好味，有一種好香嘅甜味，好似cornbread嘅味道。雞脾嫩滑多汁，抱歉我實在冇手再影低肉汁炸出黎嘅畫面。二人一齊KO一隻炸脾啱啱好，一個人未必食得哂，就算食得哂都會喉嚨痛！

鴨脷洲大街食記餐店係一間幾有口碑嘅老牌小食店，區內街坊人人都識。在大街體育館打完波，又唔想食得太飽，就同朋友去食返碗魚肉。食記餐店的格局好平實，有個大不锈鋼櫃做枱，還有些摺枱摺櫈，坐得唔太舒服。不過食客都是區內老街坊，我諗都習慣哂。我點了一碗淨魚肉，朋友點了一碗魚肉翅(兩溝)。淨魚肉的份量很多，魚肉可能溝粉多，魚味不太出。不過魚肉的口感係彈牙，蔥都落得夠多，無咩魚腥味。而兩溝的翅底有蛋絲和肉絲，味道就是一般雞粉味。如果佢個翅可以加啲冬菇木耳絲就更perfect 啦!食記的魚肉唔可以話係「驚豔」。不過呢個價位嚟講過下口癮都唔錯!

炒麵同小食真係好食魚肉要睇你好唔好彩，質素唔穏定有時好好食，有時鬆散完全食唔落仲有一個個啊嬸嘅態度真係⋯⋯第一次朋友介紹，每樣都好食，印象好好之後就俾啊嬸累事囉⋯⋯

無錯，食記的確係老店，來嘅都係街坊街里，賣嘅亦係地道小食，碗仔翅、生菜魚肉，炸野…………。見大部分食客都有叫魚,肉又或兩溝，咁又試下。一咬落舊魚肉！！應唔應該叫魚肉？！根本似軟膠多D！！我只能夠用把鬼來形容！！點解咁多人點架？？勉強食多兩條生菜即刻放低走人。其他野食唔知，魚肉，真係把鬼

黎到南區做嘢，梗係要去鴨脷洲大街食嘢，呢度除咗賣海味，其實都仲有好多隱世美食。今日要介紹嘅呢一間「食記」，老店鋪位於大街街角！售賣嘅港式小食包款式多多，腸粉、炸魚旦、炸燒賣、炒麵⋯⋯通通都相當街坊價錢，所以幫襯嘅都睇得出係附近居民同學生。事不宜遲，叫左碗生菜魚肉，熱辣辣再加啲胡椒粉同麻油，成個湯都變得好香濃，魚肉入口彈牙而且好有嚼勁，個人幾鐘意個種煙韌口感，值得推介！另外仲叫咗一碟炸魚旦，一碟十粒開邊炸，食落特別有中學時代周街食嘅個種風味！總結一下，其實呢間都仲有好多唔同小食，今次都是不過係小試牛刀，下次有機會會試埋其他！

2017.03.12 😊先兩日b仔帶左我去香港仔哥面行下🚢小妹大鄉里出城未去過😛第一站我地就去左一間賣平民小食 的鋪頭未行已經見到好長龍排緊隊 就無搵錯地方啦對於我黎講係幾新奇有趣的好少見一間賣小食的鋪頭有位俾人坐小店設計十分簡單 有一邊是供叫外賣拎走的另一邊就簡單放著2張枱供食客堂食😋想坐著慢慢嘆就要自己快快手搵位啦炸燒賣 $7/6粒炸麥樂雞 $7/4件生菜魚肉翅 $17原本出門前仲想話食粒燒賣打個底點知就如願以賞 仲食到炸的😙燒賣炸得金黃色 外皮脆卜卜 沾上些少甜醬好正炸麥樂雞原來唔係只有m記先食到🐔估唔到有得賣 住這邊的人也太幸運了吧聽說小店的拿手好戲係魚肉 當日在店內一看差不多有2/3的人都有叫小妹好貪心 叫左個拼碗仔翅的🐟果然魚肉 比平日食開的來得大條 而且爽口而碗仔翅就不花巧 主要是大量蛋花 菇絲 肉絲味道濃綢 唔會水汪汪的感覺食記餐店 💌鴨脷洲大街42號鋪

懷念中學時期嘅味道。想當年中學嘅時代曾經都係運動嘅一份子，成日運動嘅比賽都喺大街嘅室內運動場舉辦，所以經常性都會去。完咗比賽之後，10次有九次通常都會一大班人去食魚肉碗仔翅。嗰陣時候柴娃娃嘅感覺真係好開心，唔知幾時，先至會有返啲咁嘅感覺出現呢。我諗冇食到差唔多五六年咁耐，其實我都唔係好知道正確嘅位置係邊度，只係隱約有種記憶。遠遠行過去見到轉角位有一大班人，感覺就係佢。排隊嘅人大概有10個左右，我哋都係後邊排隊。咁醒目嘅我當然係問一問呢個位係唔係排堂食架啦，原來食係另外一個位置，自己係個邊等，剛好有人走，所以唔使5分鐘我哋已經坐咗喺度食，真係好好彩。先講講我最鍾意食嘅生菜魚肉食，魚肉嘅份量仲係咁大份，入面差唔多都有二十幾30條，條條都好口粗，口感彈牙得嚟又有點實。有冇食魚肉嘅感覺？可以話俾大家聽就唔多似，反而更加似係麵粉較多，但係佢嗰陣味同質感就係冇得比，係一種好特別嘅感覺，一定要試。碗仔翅入邊比較多嘅材料見到就應該係蛋花同肉碎，佢唔似出邊食嘅碗仔翅咁花巧，咁多材料，但係佢就做到碗仔翅應該有嘅味道。呢度仲有好多唔同嘅炸物，連炸麥樂雞都有其實都幾可愛，今次就揀咗好多人叫嘅炸番薯，外邊嗰層粉

南港島線通車後， 一直想搭下新地鐵， 無人駕駛， 吸引! 而且本地最近熱話行玉桂山， 令我更想行下這個從未來過的海島。終於有聚會在鴨脷州， 朋友提議食海鮮， 於是拍板街市食記! 朋友在下層街市買了在海， 帶去來料加工。給果好味亦頗抵食。環境飯堂格局， 跟其熟食中心一樣， 頗旺場!先上聖子， 惹味之中算煮得比較清淡， 調味輕手，蟶子炒得不會過佬， 好食! 鼓油蝦， 類似美極蝦， 調色夠深但不太咸， 出色一道菜! 啪晒蝦入口， 都唔會飲好多水， 南非鮑清蒸， 我覺得如果用陳皮蒸煮更佳， 但今次可食鮑魚鮮味， 食店自家的青菜唔老，易咬。大扇貝 元貝 都好食， 但多一點蒜蓉更佳!更惹味! 仲有條魚， 本人不太好鮮魚， 不作評論!埋單， 買料 加 油料錢， 每人408，合理一餐!

南港島線開左之後 港🐷都係第一次搭 由於係無人駕駛 所以站站都要chok一chok先等到😂 不過原來入面都好多平野食嫁😬 仲可以海怡半島睇靚日落😌----------炸魚蛋 ( $6/10粒 )炸燒賣 ( $6/6粒 )咁平嘅炸魚蛋燒賣 除左中學小賣部食過之後 都好耐冇見過了😂燒賣皮炸到卜卜脆 外脆內軟 而且仲熱辣辣即炸 不過魚蛋就淋左啲😢-炒麵 ( $12 )好大份 麵都唔會太油 好抵食😆-魚肉翅 ( $17 )魚肉份量都幾多 但比較膠 真魚肉比例唔多 都有蔥花 翅就同普通碗仔翅差唔多 食完一碗都飽哂😂-另外幾款糖水$12一碗 巨型炸雞翼同雞脾都係$8同$18😋