食棧

營業中

休息中

事緣阿婆上次同佢係大榮華飲茶同當係生日飯, 佢話唔算數喎話次次生日飯都係食晚飯於是乎擒晚就出咗嚟食呢一餐啦, 諗起飲食男女介紹過呢間位於樂富上面既食棧又講到明話佢啲乳豬係即燒既就揀咗佢, 點知一去到見到個裝修已經好核人心諗算啦啲嘢食好味咪得囉又唔係嚟食裝修, 跟住足足企咗係度5分鐘都無人1個伙記嚟帶位, 正想自己揾個位坐之際先有個阿姐出現帶位坐落枱到見到佢啲枱布同啲"登" 好似十年無換過咁..... 跟手攞起個餐牌睇啲餸既價錢都唔係平喎, 咁既然收得呢個價錢唔該就換咗啲枱布同啲"登"啦, 最好只係揀咗個乳豬例牌都要$98 蚊(老實講啲皮係幾脆但係啲肉同普通既燒"立" 鋪無分別), 椒鹽腰果豆腐$48 (係呢一餐最好味但係又唔可以講得出有幾好味既餸), 蒜蓉炒豆苗$38 (無嘢講一個連阿婆炒都炒到既菜嚟啫), 魷魚蒸肉餅$48 (一個超難食既肉餅正確嚟講佢唔係肉餅, 係一個用咗啲豆粉溝咗落去啲肉到扮肉餅既餸, 如果想一手分開啲肉餅我會提議用刀叉囉), 上以既價加埋4碗飯收咗我$300 蚊仲係有$6 唔找諗住我一定會比貼士佢, 最衰我同個女去咗厠所如果係我比錢佢唔找我實剷到佢上天花板吖.

在雜誌的多次介紹下，我們一家6人(5大1小)前往一試燒鵝半隻- 的確唔差, 唔想入深井可以考慮吓豉召鵝腸- 鵝腸同d汁茨完全唔入味賽螃蟹- 一般水平金銀蛋莧菜- d菜又老又硬叉燒例牌- 十分軟身, 帶走第二番叮都好味(燒腩仔- 去到已經賣晒, 冇機會試)

古龍有一本書, 叫「歡樂英雄」, 其中有一段情節講到主角們去吃剛做好的燒鴨。於是, 每次跟朋友提起此書的人物, 好自然就想食燒鵝、燒鴨。食棧曾經標榜用炭爐燒乳豬、燒鵝, 但位置偏僻, 我曾懷疑它為何能夠歷經經濟低迷、沙士時期而不結業, 昨晚專程搭的士去食時, 亦曾懷疑它是否還存在。幸好, 食棧招牌仍然沒有被拆。當晚吃的是燒鵝例牌、粉絲什菜煲、炒蜆和生啤一酌。燒鵝無疑是過肥, 抵罵(樓下留評的朋友倒不是無的放矢, 油到呢!!), 但幸好鵝味十足, 仲有一碗滷水豉油送, 先蘸豉油, 再在原碟上蘸鵝油, 最後加點酸梅醬,感覺就冇咁油膩。什菜煲$28,大大煲煲, 口味較淡, 可以要求加d胡椒粉, 如果再加碗白飯大概亦係$33, 但肯定冇投訴。炒蜆就冇大牌檔的氣勢, 但係生啤就幾有驚喜, 而家好多酒吧連生啤都唔賣, 可能嫌麻煩, 呢度就真係嘉士伯生啤, 味道比較fresh, 又夠凍, 亦係$28, 係酒吧一樽細啤的價錢吧!據說農曆九月係食鵝季節, 希望食棧控制下d品質, 雖然, 昨晚生意好得有點難以置信(街坊生意?), 但作為招牌菜的燒鵝, 冇理由揀d肥到嚇走人的。

佢哋嘅炭燒燒味近排被D雜誌捧到上天。自己大半年前叫過外賣，味道普通之極，不知何解會受人吹捧，可能小弟唔識欣賞la...昨夜响家中睇飲食男女，又睇到對佢哋嘅介紹。心諗都係時候俾多次機會佢，睇吓係唔係咁巴閉...今次堂食，開壺普洱，叫碗火肉鴨飯，跟住等食...一端上枱，大皺眉頭--- 鴨皮色水暗啞，肉雖然係背脊肉，但瘦到成條柴咁，咬一口，好似食緊隔夜油條；燒肉仲離晒譜，甩皮甩骨，肥膏佔全嚿肉四份之三。五花腩不嬲係小弟嘅心頭好，但都覺得心驚膽跳:"使唔使肥得咁誇張?"...肥都唔緊要，但食落口真係覺得油淋淋....恐怖...一口吃下"僅有"嘅皮，確係脆到暈，但就唔係芝蔴皮，欠缺應有嘅質感，絕對唔係小弟杯茶...完全吃唔到炭燒味...唔通我條脷有問題?莫講話水準完全跟太子永合隆及中環龍記差不知幾班，連街邊求其揾間燒味舖我都覺得好過佢哋...三十三大洋? 老實講，我寧願"掉"落鹹水海...

驅車經過好幾次，都係無座泊車走咗。今次下午一點半只係買走，都要等等先得，真係幾多客喎！$22叉鵝飯+例水青紅蘿蔔豬肘湯。例水無味精，一d都唔行，反而仲覺得太細碗，聽添飲添！叉鵝飯一般size，唔少叉燒同燒鵝，叉燒一睇就知係梅頭，叉燒好入味，d紅色入到去7mm咁多，就知醃夠時間，表面好香麥芽糖，食落剛剛好收晒水，代表係低溫長時間燒，好有心機，而且個心d肉好有肉味，d肉應該唔係平價貨。至於燒鵝就係脾來，唔肥，但係就幾香肉味，而且好有鵝肉香味。相比九龍城街市對面$14一盒燒味飯加蒸餾水，特登揸車去買呢$22係好值。

星期一至六，大中小點都係$7星期日$9咁o既價錢，蝦餃一籠都有四粒算係咁(雖然細隻d)，牛肉腸粉d牛肉好多粉…不過$7 冇計燒味試o左乳豬同叉燒，叉燒係垃圾，可能咁o岩唔好彩切到o個舊啦…乳豬ok，至少皮脆不過呢間野標榜自己用炭爐，水準卻一般，如果下次咁o岩行過都可以試o下大家都讚的燒鵝o既…間野勁污穢，拿點心的盤可能一日只收舖時抹一次，因為每個盤都係勁多汁，仲有個有隻蟲添…最搞笑係佢有d小菜，附近有個微波爐，大大隻字寫住可以幫你加番熱…微波爐我屋企都有喎，仲乜要黎你度食微波爐食物？

昨晚（星期五）七點去到，只有數枱客﹗但到八點，已差不多坐無虛席﹗燒鵝真是很好吃，比起深井的還要好，這裡的燒鵝肥瘦適中，皮脆肉嫩，以每隻售$180.00來說，算很合理，不過記得預訂﹗至於其他的小菜味道一般，價錢平﹗

昨晚第一次去食，座無虛席。他們的燒鵝（真是鵝不是鴨），絕對值得推介。剛剛燒好便上的燒鵝，皮脆且香兼肉滑，好味都不得了，如果跟深井那兩間出名食燒鵝的飯店，我個人覺得味道絕對在他們之上，而且價錢很合理，日後再想食燒鵝都別無他選了。其他味道都不錯；例如黃金蝦（蝦都幾大隻，而且夠乾身沒太多油），另外炒蟶子及鹵水等都好有水準，最緊要好味之如是價錢合理。

年初二晚一行八人到“食棧”食燒鵝，朋友沈太推介，今晚所有食物包括蒸海斑、炒豆苗、蒸扇貝、砵酒蠔、美極大花蝦、燒鵝…都煮得好，比砲台街男爵更掂！必要再去！埋單$805。不用再長途跋涉到深井裕記了。

初識這兒是從飲食雜誌，外買了一盒炭燒燒鵝回家，沒有立即吃。兩個鐘頭以後，燒鵝涼了，但細細聞起來，仍然有炭燒的香味，入口仍然皮脆甘香(我可不是在賣廣告)。對我這種「無飯家庭」，食棧的燒鵝是一個不錯的選擇。至於叉燒、乳豬，就稍後再試了。

本來想去九龍城「泰式美食」，可惜中午未開門，四圍行終於行到樂富。想試呢間好耐，但係地方好地痞又好多人，結果都係買個飯盒就算。要個燒肉飯，燒肉皮脆肉滑，重有例湯送，都只係20元，平到無人信。

樂富老虎岩有間其貌不揚的街坊酒家"食棧",外表平平,實際上時碩果僅存三數間,有炭爐牌的中菜館之一.主打貨色係一眾炭燒燒味,連發哥也慕名而來.下午未到十二點半,店內茶客密佈,搭個檯都難,結果打包算數,一記乳豬飯扣底,盛惠$28.坐在對開個公園仔,三十度高溫下暴晒.例湯冬瓜意米湯很清甜,應該唔係落好多師傅.炭燒化皮乳豬,皮也算脆但唔化.也吃不出炭燒的香味.只係好普通的燒乳豬.$28呢個價,已平過市面很多地方,依然叫吃得過.下次試埋叉燒同燒肉才能定奪.

今晚9:00pm去到食飯, 好在預先訂左隻燒鵝, 皮脆肉香唔肥膩, 9個大人, 2個小朋友, 個個都讚好味!

這裡最著名的要算是碳燒乳豬,這裡的乳豬,燒鵝等燒味全都是碳燒的.不說不知,原來全港只有數張碳燒烤爐牌照,大部分酒樓及餐廳的燒烤爐牌照都是氣體或電的.真難得!味道方面實情與其他的酒樓類似,算是食風味.但皮一定是脆的,因為是即叫即燒.如果時間不適合(剛剛賣完一只),便要等幾十分鐘--再燒一只......另外,這裡有趣的是燒鵝的價錢是由顧客定的(?).它有張價錢牌說如果顧客滿意燒鵝的話,就$xxx,如果幾滿意的話就$xxx,一般的話就$xxx,不滿意的話就免費(???)......有十個八個Price Level.從樂富地鐵站只需十分鐘路程,值得一試.