食棧

營業中

休息中

我同男友都有睇開Ming 仔嘅片，去完佢九龍塘studio嘅外面望望，難得黎到呢一頭，咁就決定去埋ming仔推薦，位於樂富既食棧試試佢嘅燒鵝脾飯！因為係酒樓食要收茶錢，我地就買左外賣，除左燒鵝，我仲想試試呢度嘅叉燒，所以今次叫左叉鵝飯$60，未食過咁貴嘅燒味飯，哈哈拎住張收據去燒味部拎呢個貴價叉味飯！買飯會送一包紙包飲品！迫不及待就去左附近嘅公園開餐！師傅俾左燒 鵝 脾 呀！成個飯嘅賣相好吸引！叉燒見佢有切兩舊唔同叉燒，所以有肥有瘦，平時鐘意食瘦叉嘅我，今次竟然覺得肥叉好食啲！肥叉好入味又好咬口，瘦叉就太實！而燒鵝初頭食嘅外皮好脆，肉好入味，但厚肉個啲味道就差少少。飯淋嘅汁同出而燒味店嘅汁，味道好似唔同，好味啲咁（唔知係咪心理作用😂😂

黎過呢度食飯好幾次，好鍾意呢度嘅燒味，叉燒最穩定好食，其他燒味就好睇果日師父心情。不過今次唔係黎食燒味，我想試呢間嘅點心，由於係星期日放假所以遲左起身，係飲下午茶，竟然日日都有下午茶食棧由門面到入面都係咁懷舊，成個感覺都覺得開左好耐，個冷氣系統吹出黎一陣「舊」風，而點心放哂係門口位，一入黎就見到哂今日有咩正野，可能係星期日，都幾爆，我地2人都要搵一陣位先有。望下個價錢都比一般嘅酒樓平，大點以上先唔同價，不過我地係拎左點心見睇到個價錢唉.......不過你無睇錯，係「拎」點心，呢度係自己出去拎點心，唔會有人送點心，所以想食咩除左睇，仲要問阿姐而定有咩點心，有特別野出都會講播sell下。上面有鹹蛋粒， 唔會太甜，熱辣辣，都幾好食，軟林林，好岩3歲到80歲食。春卷都應該係好多酒樓必食，呢間比其他酒樓粗碌，好似好飽滿，又拎黎試下。一咬！E～係芋頭，感覺唔有小小膩，不過幾新鮮感，有芋頭味，除此係一D肉碎。燒賣係有4粒，比一般酒樓細粗小小，但賣相新鮮。有肉汁，豬肉唔太肥，唔會一大陣冰鮮肉味，有小小蝦仔，提鮮，值得一試，食完兩粒仲想再食。鮮蝦腸粉，都幾大條，未落豉油之前好多油，不過佢會倒左D油再加豉

朋友附近做嘢介紹我黎呢度食飯。行入去看似舊式酒樓，有啲似食為先，心情十五十六都唔知食乜好。聽到隔離枱個個都叫燒味，咁我哋都叫黎食下，燒鵝、燒腩仔同叉燒。先黎個燒鵝，佢既汁醬係另上 ，我試左第一舊無點汁，已經好夠味，外皮燒得好香，肉質仲好嫩，假如想濃味啲，可以點埋個汁。平時食埋啲幾貴既燒鵝，一係太肥一係太瘦一係啲皮好難嚼。試埋叉燒，叉燒好lum，好似食黑毛豬咁，加上外皮厚厚既蜜糖封住，真係想煎隻蛋整個銷魂飯。燒腩仔入口脆卜卜，一層肉一層肥，天衣無縫！very good! 可以比美車軚人三星我哋仲有叫砵酒蠔，蒸魚，全部都好有水準非常滿足的一晚。

話說容BB都係YouTube嘅忠實fans，因為時下無線啲膠劇真係睇唔落，咁岩見到出名嘅YouTuber 介紹過，話呢度嘅叉燒好好食，就即刻走過來買半斤返屋企比容媽媽加餸，開頭有啲擔心買到返屋企攤凍左會唔好食，點知返到去打開盒嘅時候仲有少少餘溫，不過都係叫容賓賓去整熱佢，整熱咗出嚟之後，全家人都話香噴噴！你睇啲叉燒油脂比例拍得住達文西所講嘅黃金比例，瘦又唔會太瘦，油脂度啱啱好聽聞好似仲係用炭火燒，唔知有冇記錯我正式宣佈，呢間酒樓嘅叉燒係我食過最好食嘅叉燒，而且價錢一啲都唔貴，十級推薦🅰️🅰️🅰️

舊式茶樓香港巳經所餘無幾，好似聯合道近佛教醫院有間叫食棧巳坐落多年，深得街坊捧場，平宜茶加上濃厚人情味，吹水好地方，特別早上茶市，經常要等位，環境就比不上，但勝在平宜，特色係要自己出去點心位點，落手落腳才有得吃，我祇愛吃腸粉和嘆杯茶，20幾埋單，ok啦

我哋order左燒鵝、叉燒、燒肉，燒鵝好味，皮薄，夠熱，唔會一層油，水準之作。叉燒肉質好lum, 外層帶蜜糖香甜。燒腩肉必食，外皮非常香脆，半肥瘦，一層肉一層肥膏，好食到唔停得口。只係燒味，都足夠我食成碗飯。另外例湯都唔輸蝕，合時海底椰豬湯，天氣乾燥非常滋潤砵酒煮桶蠔，蠔炸完肉質仍然好滑，加上砵酒窩上，非常惹味。再試下蒸番條魚，時間蒸得啱啱好，個蒸魚豉油味道仲調轉到剛好完場再送你紅豆沙，紅豆綿再加上果皮香，完美既一餐。

有個加友仔返黎香港臨走話要食中餐，話加國個邊中餐好貴，個邊冇鵝.....下刪一百字🤣咁加友提議呢間就試試佢啦老老實實佢地隻鵝又真係不錯，我地叫左全隻，咁大碟我地七個人都食得哂D肉又肥美，雖然肥肉近尾部就多左小小，不過中間位D肉都夠多，個皮又夠脆仲有蝦仁炒蛋誠意推介，係有帶子㗎，隻蝦又大粒仲要爽㗎另外個蟹糯米飯都好好食，蟹肉鮮甜，蟹膏亦唔少，糯米飯又好足料👏🏻👏🏻個湯又夠火喉，湯渣見到係好足料㗎總括嚟講係好味道嘅中餐加友仔同大家都好滿足

傳統地道茶樓買小見小，好似座落聯合道近天主教墳場間叫食棧重保留以前風味，點心要自己出去櫃檯拿，服務員人手不足，如果唔等得就最好自己冲埋茶，重有一樣特別，侍應會帮熟客留位真夠傳統點心我最喜歡有好大隻嘅雞包呀，哪入面料都好十足架。

一向都好支持小店，老店，但呢間我本人一定唔會再黎。冇人安排搵位都萛啦，細個去酒樓都係自己搵位架啦，都幾有返去細果時既感覺。。。。但你唔應該趕人囉。明明上高有位又話唔坐得，呢張又話唔得，果張又話唔得，態度又差：「都話呢張唔係俾你坐架，落返去啦。。。」你地不如早d執左佢啦，咁以後唔會有人坐你地d位架啦！

而家想揾間地道些茶樓飲茶買小見小，係樂富聯合道有一間平民化茶樓，假日都易揾位，重有特色係點心要自己去攞，义燒同燒鵝都有名氣，今午下午茶慢慢坐嘆耐啲，點心就一般般好食，勝在價錢一律化，兩個人埋單都係80,抵吃

舊樓地下大酒樓 懷舊風 街坊老人家聚腳冇要求啦 不過太那西啦 ……又有飛蠅蚊螆 有侍改善1:45下午茶時段 點心平幾元… 低食嘅韭菜豬紅$17 冇平嘅干燒伊麵得半碗 大點午市义燒飯 送 老火湯 $30 +10%义燒幾片薄身 3片肥淋好味 3片瘦柴 白飯較硬身青紅蘿蔔豬骨湯~ 湯水少 可惜成碗湯渣 大大嚿豬筒骨原粒蜜棗 冇位放湯肉腸粉~ 腸粉厚身 滑嘅 牛肉少少肉白色牛肉球~ 肉色白晒晒蘿蔔糕 煎得香口煎釀青椒~ 有嚿骨頭？ 又似牙？好肉酸 即時唔想再食嘢鴻圖蟹肉湯伊麵 $24+10% 1pat生粉漿糊 湯&料都冇味

早茶 好多單丁老人街坊 唔使約定 坐埋一枱 有傾有講 好似一家人咁開壺茶食碟點心或食盅飯 愉快咁又1day可能遲啲自己都係一份子 幾好 哈茶錢唔貴 $6@位星期1~6 早市點心 多選擇 大點$16 ~ 盅頭飯$16 大大盅飯餸多中小優$15 唔太經濟 (下午茶$11低食)牛肉盅頭飯冇煎旦牛肉料多厚身冇怪味飯軟身易入口冇頂胃咸菜支竹豬肚豬腸 $20 冇腥冇臭味豬肚4件 豬腸3件 支竹4條 咸菜較多咸菜較硬&咸未出味 盛碗較細湯水少冇早晨特價粥 有生滾粥$28 唔太經濟 老人家冇點食韮菜豬紅 $17 咸菜豬肚$20 炒米粉$？點心部~ 食物豐富 有啲雜亂 價錢要問員工多態度一般 有傾計都有做嘢侍應對熟客老人家 有照顧嘅讚

一家人近近地去呢間食飯，出邊有咪錶位都幾方便, 不過成日抄牌，如果唔係拍對面屋邨都可以！這個是酒家飯店日頭有茶飲晚餐有飯食，二地方都幾大有兩層！裝修雖然舊一點，但係我覺得人情味街坊味好重，整體來講雖然 味道就係一般，但係價錢都好平，所有員工都好親切有禮值得一讚三個人叫咗上湯時菜，味道都幾鮮，有云耳蕃茄白菜仔，用料都幾多！羊腩煲，價錢好似係差唔多＄300，但係份量都幾多！羊肉味道都不錯，有少少蘇但係味道香濃，枝竹冬菇都好入味！仲有附上生菜一碟！但係最驚喜嘅就係這個甜品，免費的，南瓜西米露，我覺得勁好味！不過唔係次次一樣大家就要睇吓有冇口福啦

炭燒燒味聽就聽得多，真心香港有幾多，但近日聽朋友勁推在樂富有真心正炭燒燒味，你要知正燒味已經好吸引，炭燒正燒味就更加吸引，所以我就即刻約友人試試真偽。燒鵝拼叉燒（$178），雙拼例牌仲要係燒鵝（我仲好彩有燒鵝脾），價錢合理，份量都好足夠。睇樣顏色燒得靚，炭烤的蜜糖色唔會好燶。嗅落有油香，但未見炭烤香。先食燒鵝，肉味香濃而不會太膩，佢唔係傳統大肥鵝，油脂香味唔會太重，反而肉質會實在帶淡淡鵝味同炭烤香。再食燒鵝脾（尾端），炭香味就更加明顯。要再讚一下，佢地自家梅醬非常好味，唔會係死甜，係有咕嚕肉似的那種甜酸醬味。再到叉燒（特登叫燶邊），又係好好彩，都係靚位部分，梅頭一串串的肉粒，肥瘦分明，掛著的麥芽糖醬唔會太多，顏色靚，目測都有70分。一食不得了，佢炭燒叉燒係有燒豬頸肉的味道，肉質爽而有油香，帶返少少甜味，根本係BBQ蜜汁豬頸肉的翻版，真心令人追住食！簡簡單單，食個拼，叫個飯，飲支啤，太滿足了，佢絕對係我以後的九龍飯堂！

食棧出名燒味、還有好多傳統菜式。滿意燒鵝同乳豬、最好預早打電話叫佢留定。燒鵝皮脆、但係又不算肥。好食在加半隻乳豬、冇得輸而佢哋嘅叉燒係厚賜嘅、口感不一樣半肥瘦啱啱好最後還有以下小菜還讚不絕口😉鹹肉炒藕片乾燒四季豆菠蘿咕嚕肉-賣相好靚蒸肉餅