食家樂 (已結業)

與家人行開油麻地近佐敦一帶，正為開餐而煩惱，家人想起附近的新強記燒焟開多咗間”食家樂”米線，就過嚟試試吧！我們一行七個人，有兩位是小朋友，叫了兩碗米線(一個48蚊既特餐米線，連埋芽菜，韮菜底共有好像15個餸，選了蕃茄薯仔湯底，她們味道好好，d餸都做得ok，份量驚人),兩位小朋友自選了一個11個餸的米線(又係超大碗，他們說好好食，但兩人根本食唔曬)。我叫了一個牛筋牛肚豬肚飯，因個人喜好問題，我要求了走豬肚(牛筋牛肚炆得好焾，好入味!如果不要求賣相，這款飯是必食推介。)，另要求侍應過隔離新強記斬了兩碟燒焟過嚟，(肥叉，滑嫩油雞，紅腸，脆卜卜燒肉，半脆皮既燒鵝)，味道及燒功都算唔錯，難怪每次經過門口，都經常見到斬料人龍。總括而言:這兒沒有華麗裝修，吃的只是用心製作的食物味道。(後話: 呢間食家樂杯凍啡都Okay的。另如多人去要注意，這只是一般四座卡位小店，人多要分開坐喔!此外，Load唔到張燒肉燒鵝照片，會與這篇食評分開再Load上來。)

話説今日出開安記買海味，買完出嚟很肚餓，就係附近睇吓有乜嘢好食！見到呢間"食家樂"有位就入咗去試了！叫了碗米線+凍飲，嚟到真係嚇親我，我話吓咁大碗嘅！米線好滑，餸亦都比出面的米線鋪多，我叫小麻辣都好辣，如果唔食得辣的就叫少少少麻辣好了！原來食飯或食粉都送凍飲，抵！如大食的可叫它們的"食家樂特餐"（似譚仔的過橋米線）共有15個餸，真係兩個女仔都食唔晒呀！