風雲丸

營業中

休息中

今日同阿媽行尖沙咀，行到差不多兩點先去搵嘢食🤣🤣，我地見K11 art mall對面有間好有日本feel嘅風雲丸，於是就走咗入去醫肚。我地叫左…石燒濃厚豚骨魚介味玉子沾麵($98)魚介湯用上石頭鍋，可以keep住湯嘅溫度，湯頭有香濃嘅魚味，仲食到有少少魚鬆，杰杰地最啱用嚟沾麵豚肉好厚身，肥瘦比例剛好，而且入味；麵條粗身彈牙，掛湯能力高；溏心蛋滷得入味，蛋漿慢慢流出石燒鰻魚飯($88)鰻魚鮮甜無骨，而且肉質紮實；飯係用上珍珠米，伴上炒蛋花、紫菜、蔥粒，而石鍋底會食到飯焦。燒汁唐揚炸雞(原價$38/5件，優惠價$10/2件)雞件炸得好嫩好Juicy，炸粉一啲都唔厚，配埋酸酸甜甜嘅燒汁，超正！羽根餃子（$35）餃子煎得好香脆，餃子皮薄，餡料鮮嫩多汁

太耐冇食過沾麵, 經過尖沙咀「風雲丸」又燃起沾麵癮, 食過好幾間沾麵店, 都嫌沾麵汁過鹹, 還是覺得「風雲丸」味道唔錯, 吸引我encore了好幾次, 今日自己一個又去幫襯喇!!假日過了午市時段, 門外還是出現人龍, 可見人氣無分時段都咁多人捧場。還好人龍都算清得快, 只係排咗10分鐘左右就可入座。餐廳內環境富有日本居酒屋氣氛, 主打濃厚豚肉魚介湯底, 配上不同配料嘅沾麵同拉麵; 麵底可自選冷/溫同埋份量。同時供應少量日式料理、石頭飯、日式飲品同雪糕。 【咖哩豚骨魚介沾麵】HK$95沾麵汁以石鍋熱辣辣滾滾下上檯, 散發著陣陣咖哩香; 麵條Q彈, 咖哩豚骨魚介沾汁偏杰, 將麵條夾至沾汁中, 可見容易掛汁; 沾汁濃郁充滿鹹甜豚骨魚介, 同時食到微辣咖哩, 非常惹味。呢款沾麵配有一片頗有厚度嘅慢煮叉燒, 肥瘦相間平均, 質地林得用少少力就能輕易撕開, 肉味重得黎又唔會食到成口油。另外+$12追加了粟米, 個人喜好跟沾麵一齊食, 不但有層次, 更多一點粟米嘅清甜。【沙拉唐揚炸雞】HK$38炸雞表面炸至焦脆, 加上比較稀嘅沙拉, 炸皮薄, 肉質幾嫩兼keep到肉汁。【靜崗蜜瓜蘇打】HK$28黎自

今日中午去尖沙咀掃年貨，購物前先食個午餐。選擇了一間在尖沙咀內街，以沾麵聞名的店舖。排了一會兒隊，店員就先派餐單供選擇。店舖不是很大，但很有特色。坐低後，很快就上了熱辣辣的石鍋沾麵。沾麵可選冷或溫，我要了溫的，口感都幾彈牙。而且可以選擇200G或300G，由於十分肚餓，當然要了大盛，大碗又抵食點。不得不提的是石鍋，令湯底夠熱，香濃而不會死鹹。豚肉肥瘦適中，入口即溶，很香滑。而味玉煮得剛剛好，蛋黃顏色令人垂涎欲滴，少許流心。

舊年差唔多時間同迷你蛋糕食過，今日心癮發作想食拉麵，但食完lunch無幾耐，就點1個tea set同1份餃子share豚骨魚介沾麵初相識時，迷你蛋糕話佢只會撈埋一齊食就算，解釋後知最後要加木魚湯，從此就由小蛋糕處理，麵質彈牙，條條分明，溺乾水分，石鍋沸騰豚骨魚介湯濃香黏稠，易沾易掛汁，2大片半肥瘦叉燒，入口帶脂香再溶化唐揚炸雞Tea set有2件，香脆juicy，醃肉醃得透徹餃子煙靭餃子皮，煮得恰到好處，餡料肉汁好多

曾經食過日本特式沾麵，感覺好濃味唔係人人啱。今日同朋友經過尖沙咀「風雲丸亅， 又再試唔同口味嘅沾麵， 估唔到有另一番體驗。場內氣氛唔錯， 有拉麵店，居酒屋嘅氣氛。石燒濃厚豚骨魚介味玉沾麵$98店家主打的濃厚豚肉魚介湯底， 混合了魚介，中和番豬骨湯嘅濃味， 感覺唔算太鹹，呷過一口竟然想追住「 沾亅～ 加上熱石嘅威力，逼出豚肉魚介的香氣。選了冷麵條， 雖然麥味可能冇咁重，但係口感較實淨。 另外竹筍也是超入味，好爽囗，凍冰冰遇上熱辣辣沾麵汁好過癮。「味玉」蛋白好滑， 蛋黃唔會流心但質感軟綿綿的啱啱好， 而且非常入味！慢煮叉燒竟然係厚切 一塊過， 肥瘦相間，肉味好濃又夠腍。石燒鰻魚飯$88這份鰻魚口感好煙韌， 唔會好腍， 肉質鮮味。喜歡不會淋上太多鰻魚汁， 以較乾身嘅紫菜碎， 飯素，蒜粒，蔥，蛋等乾身配料作調味， 所以整體唔會比鰻魚汁蓋過。下午茶時段更抵， 包括飲品和小食， 下次較啱時間來一轉吃濃湯沾麵～😋✨

次次經過都要排隊 今日唔使排 等咗5分鐘就入座拉麵就食得多，第一次試沾麵餐牌全部都係豚 啱我 枱面有樽檸檬水可以自己斟 辛辣豚骨魚介沾麵 (圖上)沾麵揀左温，寫温麵富有麥香 湯愈食愈辣，食到尾淨係辣味 冇咗豚骨湯既味 豚骨魚介味玉沾麵(圖下)呢款揀咗冷麵 寫冷麵更有嚼勁，掛湯之餘又爽滑彈牙 湯都好濃 由於佢用石鍋盛湯 都保持到熱 見到要相就知 出哂煙 到最後就暖佢跟咗塊檸檬嘅 如果落啲檸檬汁層次會出啲兩款沾麵都跟一塊半肥瘦叉燒免費可以揀200g/300g 麵再多就要加錢今次兩碗都係300g 因為唔知佢有幾大碗 原來300g 都好夠食辛口沙拉燒餃子呢個幾好食 夠熱又唔太油 總括嚟講 如果再經過 唔知食咩 又唔使等位 可以再食 下次會試埋個拉麵

天氣凍少少就特別想食沾麵呢間都幫襯左幾次,每次都係食沾麵豚骨魚介味玉沾麵$98麵可揀200g/ 300g ,大胃王可加錢要400g/800g麵而我200g都夠食🤣沾麵湯用石鍋上,非常夠熱魚介湯底正,可以用檸檬汁減去鹹味/油膩, 粗麵條彈牙👏🏼味玉夠溏心,好夠味豚骨夠軟腍,但真係好厚好大塊,食肉獸應該好岩🤣肉盛豚骨魚介沾麵$128（+味玉$12）有4大塊厚切肥美嘅豚肉,但太多肉而且偏肥膩, 食肉獸應該好岩x2羽根餃子$35最喜歡就是這種面層有一塊薄薄脆片的餃子🥟皮脆多汁,好好味😋如果download app做會員,餃子會即時平左總括個人口味黎講, 唔鍾意佢塊肉,其他都覺得幾好! 不過我對佢個咖喱沾麵同埋野菜沾麵都有興趣😗服務方面，有個好似叫Albert(?)嘅叔叔超級好態度,好有禮貌,給人敬業嘅感覺,其他staff就一般另外，環境內外都好colorful+eye-catching嘅裝修會令人格外開心～不過枱與枱之間嘅距離較近

見價錢唔錯就嚟試吓，見餐廳入面都坐滿人，而且裝修好有日本味道，就更加想試吓，最終排咗約25分鐘入座。今次試咗石燒濃厚豚骨魚介味玉沾麵🍜，魚介湯用石鍋上，食到堅魚細粒，⚠️ 但唔係濃味，係鹹味為主，食完會好口渴。 假如鹹到連特色都食唔出，就變咗做濃鹹... 🍋而唔想咁鹹，加咗檸檬汁係會好少少，本先想食嘅係原味，但真係頂唔到咁鹹。🍜 麵選擇咗暖身麵，但唔太覺有麥香，有啲普通。🍜 麵同湯配合嚟食，算可以接受，但湯嘅份量唔多，好快俾啲麵吸哂。🥬筍厚身，爽，無渣。🐷 香口，但勁肥，油多過肉。🥚 鰹魚糖心蛋好味🥛每枱都有一壺檸檬水，唔想影響魚介湯本身嘅味道，所以無額外叫飲品。做會員免費👍仲有優惠劵！要留意有啲只係可以平日/星期3用，有啲講明只係可以用喺拉麵度，好似我哋叫沾麵就用唔到喇，同埋好多都係2人以上優惠嚟嘅。服務方面有待改進，明白同事返工有壓力係需要宣洩情緒，呻吓都好應該，但喺尖沙咀，一個充滿日式拉麵風情嘅拉麵店度，大聲互講粗口，狂呻咗過半個鐘，我就覺得要全場客都一齊俾錢受罪唔太好，而且好似我咁有幾位客人都提問會員優惠事宜，同事都唔好語氣回覆「你個係沾麵嚟，都寫明得拉麵先用到」，「哩個平日先用

晚上相約了朋友到了尖沙咀K11商場購買好聖誕禮物後，看見對面麼地道地鐵站旁邊有一間拉麵店「風雲丸 」，之前經過常看見很多人排隊，幸運地今次只需排了一會，就可以入座了！餐廳座位環境麵舒舒適，設有吧台座位，有很多紅燈籠裝飾，十分有日本風味， 感覺置身在日本拉麵小店中。餐牌上的拉麵款式都很多，加上有不同小食及配菜，更有石燒飯供選擇。我當然試一試招牌菜「野菜豚骨魚介沾麵 」，選了免費的300G麵底，如胃口大的更可加錢升級；湯底上桌時在石燒中，十分熱辣辣，超級濃郁魚介湯底，果然名不虛傳，香氣撲鼻！沾麵較粗身，掛湯，加上非常多的配菜：芽菜、木耳、椰菜等；麵上面的翠玉瓜、粟米筍，非常爽脆又健康！切粒的日式叉燒肥瘦適中，口感一流！吃沾麵怎可以沒有飲品！今次點了青森蘋果梳打酒，蘋果味清香，不會過甜，酒味不會過濃，十分配合熱食！朋友想試一試「石燒鰻魚飯」，意想不到地驚喜，原來拉麵店中的石鍋飯同樣出色！石鍋的高溫保持到飯全程高熱，鰻魚大條，加上燒汁燒得香軟，油香豐富，飯粒伴上紫菜、炒蛋及蔥粒，口感提升不少！鍋底更有香脆可口的飯焦！總括來說，湯頭及麵底素質很好，店員十分有禮，值得推介！

朋友最近說很想吃鰻魚飯，但是因為他吃不到，所以我就打算替他吃一下，順便打打卡發張照片給他解解癮，望梅止渴的感覺！經過這間拉回店看到有石燒鰻魚飯覺得挺特別的，就選了他！石燒鰻魚飯（８８元）這個有點像韓式的石鍋拌飯，但他配的是大量的炸蒜和雞蛋來拌飯，再加上了醬油和石鍋形成的飯焦，所以吃起來帶點焦香，飯脆脆的挺好吃！而主角鰻魚的質素也挺高的，鰻魚非常香，而且油份挺多，有點入口即化的感覺，肉質嫩滑！燒汁羽根餃子（３８元）這個餃子的底煎得挺香的，非常脆！餡料是菜肉餡，味道鹹香，再配上鹹甜口味的燒汁，吃起來挺惹味！沙拉唐揚炸雞（３８元）炸雞炸得外脆內嫩的，保留到不少的肉汁，配上酸甜的沙拉醬汁和蔥花，吃起來特別解膩！日本米雪糕（２８元）看到有米雪糕就很想試一下，不過吃起來的話其實牛奶味還是會重一些，帶一點點米香，但中間會有點米粒，挺特別的！

每隔一排就會想食風雲丸，但佢常常做第二碗半價，搞到我呢D一個人食lunch 嘅孤獨精卻步。今日又懷舊著好唔抵嘅心情入來，叫了一個加蛋沾麵$98，今個月原來有$10 平，好過無。湯底上桌時滾了很久，開心！ 豬骨湯底好濃郁，可以掛在沾麵上，玉子有足足一整隻，流心又夠橙，好香好靚。

呢間位於尖沙咀地鐵站旁邊的拉麵店向來相當有名，今次就帶朋友去試一試。店中裝修相當用心，偏向日式風格，令食客如置身日本拉麵店中，而且每一枱都有一大枝檸檬水在旁，既可飲用，亦方便食客清清口氣。先點了份店家推介的石燒鰻魚飯，鰻魚油香豐富，而且燒得香軟，淡淡的魚油配搭魚肉再加上燒汁，作為伴飯是一流，店家更加了雞蛋，既可增加口感，亦加上雞蛋香，相當出色。然後便是，豚骨魚介味玉沾麵，店中的魚介湯底味以濃香豬骨味作招牌，果然名不虛傳，相當重的骨膠原，有種「漿漿」的口感，然後用作點綴的玉子是原隻送上，一咬流去即是流出蛋黃汁，煮的時間岩岩好，值的一試。人均消費約一百元，黃金商業區而言相當合理。

11月份開始成為尖沙咀人，午餐時間去到風雲丸，人唔多等幾分鐘就入座餐廳環境麵舒服，一般日式拉麵店格局。同事叫了「石燒辛辣豚骨魚介沾麵」，而我自己就叫咗「辛辣豚骨魚介拉麵」兩款食物味道差唔多，但石燒熱辣辣食起上嚟感覺比拉麵真係開心啲既。講辛辣味既辣度其實唔算好辣，大家可以當係韓國辛辣麵左右既程度。但如果你同我一樣想食辣又唔係真係好食到辣既朋友嚟講，我會推介大家試下，真心好味道！麵底口感適中，普普通通正常發揮。但係啤酒唔係Craft Beer，只係細支裝啤酒收$32就覺得有啲唔抵飲不過辛辣唔飲酒又真係無咁開心，大家又覺得呢？論整體感覺我覺得ok既，應該間唔中都會返食！

下午時候和友人閒逛區內見到此日本拉麵路邊小店門前有下午茶推介, 決定入內光顧🤔🤔朋友選了魚介醬油湯豚肉拉麵套餐追加炙燒豚肉, 味玉（ 跟沙拉炸餃子及罐裝汽水）, 我點了石燒鰻魚飯, 追加了海苔及京蔥😋😋但見友人的豚肉大大看似好有質感, 朋友說很合口味, 味玉蛋黃軟綿綿, 味相討好😋😋👍👍石燒鰻魚飯,飯粒熱氣騰騰, 配上海苔成自製手卷, 好有口感, 既香且暖😋😋🤭🤭每桌上都有水壺內盛放了檸檬的開水,客人可以自助飲用, 正好中和一下濃郁的味道👏👏

夜晚8點半排20分鐘有得入坐了，點左豚骨魚介拉麵同豚骨魚介味玉沾麵，仲有一份炸雞。沾麵較拉麵好食，呢度用既麵較為粗身，食完都要啲時間去消化，一碗拉麵都好飽。炸雞有少少炸過龍。整體上，拉麵水準普通，可能粗麵唔啱我，個人口味問題，同行朋友覺得麵好食，但湯就有少少失色！