風車

營業中

休息中

記得早兩個月同朋友黎過 試左呢間大圍隱世bar 今次係大圍又諗唔到食咩 想搵間舒舒服服嘅餐廳 最後我諗起風車 介紹佢比我朋友試叫左個set dinner ,2人餐 每人100$鬆啲就食到飽一飽 又可以睇下慢慢坐 傾下計 環境一流食方面前菜 小食 同 沙律前菜同平時出面食嘅餐廳好唔同真係feel到廚師連前菜都有認真製作蕃茄汁多士 啲菜嘅汁好fresh 又有啲脆脆 好爽好 好夾 上次試左筍湯 今次upgrade 左環龍蝦湯😍 湯都好飲 有蝦係入面架 正 不過我覺得咸左小小 不過都係我鍾意嘅味道Main course 波士頓龍蝦意大利麵龍蝦好大隻 配意粉都好夾 我鍾意呢個汁😋原來呢間餐廳轉左 menu 上次我係意大利飯架 我自自鍾意配意大利飯多啲 不過會好飽 所以轉左做意粉 就有肚食埋令一個主菜 肉眼扒配燒🍍🍍👍🏻👍🏻👍🏻好彩個肉眼係跟薯角 唔係跟飯果啲 唔係就太飽啦🤣個焦糖燒🍍好味道 好甜 肉眼叫左4食熟 好有牛味 唔un 好好食 不過唔食係我食得慢定係餐廳凍 我食食下啲牛好快凍食下食下都飽左 傾傾下 店員上埋甜品我地傾到完全唔記得左有甜品食🤣係泡夫同一件cake仔So sweet 👍🏻

今日去開大圍度開工，想食西班牙fusion菜好耐，所以去左風車度食lunch。 係大圍站行5分鐘到就到，非常方便。內面裝修簡約，有bar 枱，有電視，有好靚既大吊燈。仲有周圍都吊起左不過足球國家隊波衫既汽球，已經為黎緊既世界盃準備好。睇完個menu，我叫左個西班牙風乾火腿配田園沙律 (HKD 30)，流心藍芝士牛肉漢堡 (HKD 71)，加左塊鵝肝 (加HKD 45/ pc)。至於飲品就要左熱荔枝茶。先黎既係田園沙律，賣相唔錯，有好多風乾火腿ssss，味道一流，仲有唔少沙律菜，蕃茄，青瓜等等。我覺得幾清新，味道酸酸甜甜，係一個唔錯既開胃前菜。跟住黎既就係個芝士牛肉漢堡。最上面同最下面既到係漢堡包，由肥厚既鵝肝疊住漢堡再疊住蕃茄沙律菜。佢塊鵝肝真係好肥美，令人回味無窮。佢塊漢堡都好大塊，切開佢之後你會見到啲藍芝士好似啲心太軟咁流出黎，非常正，可見烹調有技巧亦有心思。另外，佢仲有啲薯角伴住，可以點茄汁調味。個荔枝茶好有荔枝香味，但係味道清淡，啱哂食完芝士流心漢堡既食客。

今日喺新界踏單車，喺大圍作為終點站，喺大圍單車鋪還單車！之後當然要食返餐好，補充一下體力！我地選擇喺大圍食晚餐，開apps見到風車都有不少好評，決定一試！到達餐廳時，發現餐廳同時都係酒吧！我地落單後，餐廳就拎左一個頭盤比我地！係薄脆麵包配鮮蕃茄粒，酸酸甜甜，好開胃！白酒煮蜆 $79蜆肉非常鮮甜嫩滑！煮既時間岩岩好！最重要係乾淨無沙！白酒加忌廉既汁同蜆肉非常夾！好味道！凱薩沙律 $49羅馬生菜新鮮爽甜！每片生菜都沾滿沙律，再加上芝士粉，烤煙肉粒同麵包薄脆，口感豐富！味道不錯！西班牙脆皮乳豬配彩椒汁 $179嘩！好大塊乳豬呀！乳豬皮非常香脆！而且油香十足！同時間肉質保持嫩滑，充滿肉汁！乳豬配彩椒汁，好夾，好惹味！配菜薯角炸得香脆唔油膩！芝士焗大網菇配意式香草意大利粉 $149大量半溶既芝士加上多汁香濃既大網菇，好滋味！乾炒香草意大利粉，炒得岩岩好！意大利粉軟硬適中！個人喜歡再加上少量即磨黑椒，更加惹味！香港友 $88好易入口，帶有果香！凍檸茶 $35

經朋友推薦後去左沙田搵食，是晚來到了位於大圍既西班牙菜西餐廳: 風車其實是一家酒吧餐廳，除了各式酒類飲料，更設風味小食和西班牙菜，任君選擇。餐廳除左適合飲野傾偈，氣氛格調亦適合朋友或情侶到來用餐先點左杯Mojito同兩個前菜:秘魯豬腩仔配手工粟米餅油潤豬腩仔脂香四溢，配上甜甜辣辣的醬汁，份外惹味，莎莎番茄粒解去油膩感，味道很好，是一道開胃的前菜！白酒煮蜆配蒜蓉包蜆肉份量多，鮮甜，白酒味濃蒜蓉包以薄片焗，非常香脆，富牛油蒜香，很邪惡啊然後係主菜:法式燴羊膝原隻燴羊膝份量十足，肉質軟滑，羊肉味濃！旁邊伴碟的蘆筍和甘筍夠哂新鮮，牛油薯蓉亦非常出色，香滑富薯香，好好吃香煎美式卡彊三文魚三文魚扒份量同樣十足！三文魚外皮香脆，魚肉依然嫩滑，配上特調沙律醬，更能帶出魚扒的美味，好味道啊喺沙田大圍既朋友仔可以來試試哦

就快世界杯！同班朋友食野之餘順便搵下有咩地方睇波正！環境幾舒服！有大大個電視睇波！酒吧區都唔錯！happy hour 好多酒仲買一送一！但今日唔想飲啤酒！就叫左杯Bloody Mary！一入口就有好正好香既蕃茄味！個味道 咸中帶點辛辣！好好飲！龍蝦湯好正！有香濃既龍蝦味！但又唔會好chur!個湯唔會好杰！個口感好細膩！仲有好多粒粒龍蝦肉係底！仲有沙律係凱薩沙律！D菜超脆超爽！好多芝士！好好食！主角係龍蝦意粉！半隻龍蝦焗到剛剛好！仲有d芝士係面！龍蝦個蝦肉好彈牙啊！個龍蝦鉗位特別鮮甜！一咬落去就有陣甜味爆出黎！而且個龍蝦勁多膏！膏味好濃好好依！個意粉又煮得彈牙！味道濃濃地但唔搶走龍蝦既鮮味！好好食！甜品真係贏曬！係雪糕泡芙加朱古力蛋糕！朱古力蛋糕好滑！好濃好香！

今日貓貓係酒吧餐廳食好西。貓貓入去間酒吧，入邊裝修好靚。仲好應節擺曬世界杯裝飾。貓貓既西班牙麵包好得意。香脆既麵包上邊有層番茄，清甜好食。凱撒沙律既醬調得好好味。煙肉碎更加帶出沙律既鮮味。好清新開胃既前菜。南瓜湯好熱。貓貓未飲已經聞到南瓜既清香味。南瓜湯口感濃，但味道好清香。貓貓最期待既紐西蘭肉眼牛扒配焦糖菠蘿終於出爐。一切開牛扒，少少血水出左黎。果然無令貓貓失望。貓貓要求既五成熟就係咁既質感。牛扒入口好軟滑好甜。焦糖菠蘿一咬落去，有層焦糖係上邊。好特別，貓貓好鍾意食。當貓貓食緊牛扒同菠蘿，貓貓真係濕左個嘴。配搭得好好。食完主菜，仲有甜品。貓貓好開心。甜品係朱古力慕絲同泡芙。慕絲口感好幼好細膩。味道令貓貓又濕左個嘴。貓貓再飲埋strawberry colada。好濃既椰奶同士多啤梨味。係咁熱既天氣飲真係好chill。而且飲品整得堅靚同好飲。貓貓好開心呀。

喺大圍夜媽晚晚搵嘢食，幾乎所有餐廳都閂曬門啦，啱啱經過呢間酒吧仍然開放，於是入去坐下。見到仲有啲小食，可以做宵夜，再加埋酒類飲品，不失為一個好選擇。餐廳環境昏暗，夠曬浪漫，適合情侶傾計，就算同朋友一班人黎都係唔錯嘅選擇，因為座位寬敞，坐得舒服，最緊要就係夠寧靜，又唔怕嘈親別人。見到餐牌，索性叫餐廳推介嘅拼盤。1) 小食拼盤 (⭐⭐⭐⭐⭐)豐富，有水牛雞翼、芝士炸球、脆炸粗薯條同埋洋蔥圈，附有茄汁。呢啲小食真係邪惡嘅美味，耐唔耐放肆下都冇計較。100蚊左右，分量都幾多幾抵食，可以同朋友開心share。2) 牛柳粒 (⭐⭐⭐⭐⭐)牛柳粒熱辣辣，用類似鐵板盛載住，保留溫度同埋牛肉嘅肉汁。牛柳粒仲有少少蒜蓉同埋沙律配菜，賣相吸引，同埋係比較飽肚嘅選擇，值得推介。嘢飲嘅選擇都幾多。3) Look for Star (⭐⭐⭐⭐⭐)我點咗look for star，聽個名唔係咩嚟嘅，不過有興趣試下。呢一款酒甜甜地酸酸哋，甜味比較重，蓋過檸檬嘅酸味，感覺幾特別，唔算非常濃，唔會太有醉嘅感覺。4) Royal mojito (⭐⭐⭐⭐💢)另外我個朋友就點咗Royal mojito，比頭先嗰杯嘢飲酸，同典

去大圍工作，晚餐唔知食咩好隨便睇一下openrice想飲杯野又有啲飽肚嘢食於是揀咗間酒吧餐廳叫咗個二人套餐$338好抵食呀肉眼扒七成熟，可能點得太熟有點韌但配菜就非常好食有薯角、西蘭花、椰菜花另一碟龍蝦意粉炒意粉有點油膩，不過龍蝦鮮味都很不錯 仲有露荀酒吧餐廳還是飲品最有質素，點了mocktail, apple mojito唔太甜 薄荷很清新 💪🏻💪🏻💪🏻餐廳環境優雅，晚餐時份不算多人唔知再夜d多唔多人黎飲野呢

It was absolutely abnormal for it being this hot in Hong Kong in the month of May.  We have been in mid-thirties Celcius degrees for more than a week now.  With this heat, my friend and I decided that having ice-cold beer is the best thing to do on a Friday afternoon.  He lives in the Sha Tin area so we were looking for a good restaurant/bar in the Sha Tin area.  The few we found on the Internet were bars located in hotels.  We wanted a small shop/restaurant instead of being in a hotel.  We were

今日約咗朋友嚟到大圍呢邊食嘢，平時冇乜點去開呢頭，所以都係聽朋友介紹，就嚟咗呢間叫風車嘅餐廳食咗個平平哋嘅西餐💕🤟呢度嘅set lunch選擇都唔少，想食扒、意粉、甚至係三文治都冇問題，一樣可以跟晒頭盤同埋飲品👻👻餐湯方面，因為當日嘅餐湯係南瓜湯，我哋兩個都麻麻哋，所以就加錢叫左個法式龍蝦湯，上到嚟熱辣辣而且有好濃郁嘅味道，雖然要加少少錢但都冇所謂啦🤟🤟你凡係扒芝士火腿三文治配薯角，芝士味真係超豐富，唔單只係塊包上面鋪滿左芝士，連裏面夾住嘅都係芝士同火腿，真係點食都有芝士味！不過份量來講，可能食芝士本身比較漏，所以我都食淨左幾多😢😢朋友嘅紐西蘭肉眼扒配意粉🍝

去大圍探朋友順便晚餐，友人媽媽也在，就三個人去食。自己偏向食西餐，網上搜到積存街有間叫 的西班式餐廳，就去試試。去到門口，看來是酒吧式餐廳，才六點多，內面已經有幾台客人，似乎happy hour為主，可能不是在旺區，不算吵。職員見我們有老人家，主動問是否要來杯熱水，很窩心。先來一客南瓜湯，味清香清淡，有南瓜原來的清甜味；再點了西班牙風乾豬腿配煙三文魚，來個一口咸煙豬肉一口甜湯，又咸又甜的新嘗試。再點了一個西班式燒腩仔做前菜，肉很瘦而軟，兩口吃完，口感好，可以一試。點菜時，見傍邊一對年輕男女來了一盤牛扒，應該是重量級肉眼扒，擔心份量太大，改點紐西蘭肉眼配菠蘿。先吃那片菠蘿，上面有焦糖，咬入口脆脆甜甜，加上又甜又酸的菠蘿汁，Auntie很喜歡，竟然一個人吃了一半。肉眼扒要了七成熟的，沒血水又不會硬，幾好幾好。再來一客焗大網菇香草意粉，那隻大菇菇真的超大，有掌心般大，上面釀入芝士再焗，切開一半放在碟上一會，芝士變流心向下流，意想不到，很香很好味。隔離那對可能聽到男女說不錯，又點了一客來吃。夏日炎炎，飲品來杯薄荷葉青檸青蘋果水，原來肉吃多會膩，這個正好消膩又消暑。準備離開時見另一台的男女點了啤

佛誕假期，同幾個老友係大圍踩完單車，其中一人想食西餐。 就搵左間火車站直行到尾，穿過幾條街嘅餐廳。餐廳主打西班牙菜，天花有大吊燈裝飾，格調高雅不俗。 坐低冇幾耐，服務員遞上清水同餐牌。仲未叫野，先免費送碟Welcome snack~蕃茄醬多士！多士鬆脆，雖然蕃茄味唔算好濃，但感覺好fresh。 我哋order左set dinner包括頭盤，餐湯，主菜和飲品 。哈哈……我哋幾個都好有默契選擇同樣嘅頭盤同餐湯。 頭盤~白酒煮蜆配蒜茸包:新鮮肥美多汁嘅蜆肉，煮得剛好，散發出濃郁嘅香酒味。蒜茸包焗得香脆可口好似蒜茸多士！脆脆地……好合我個人口味喎！ 餐湯~南瓜湯：個湯甜甜地，清香滑口好有南瓜味，吾似得忌廉湯咁“漏”。 主菜一~西班牙脆皮乳豬配紅椒汁:乳豬皮脆無骨，肉够瘦吾韌又吾肥膩！而伴碟有薯角同蔬菜加埋红椒汁同燒烤汁。薯角炸得好香，厚厚哋好有口感。紅椒汁甘甜連輕微嘅辣味都冇。蔬菜新鮮咬落“索索”聲。一種乳豬兩種醬汁，任君選擇！ 主菜二~ 紐西蘭肉眼扒配焦糖菠蘿:肉眼扒大大塊，要求七成熟恰到好處，吾會太熟乾爭爭，肉質好juice。炸薯角同樣熱辣辣香脆可口。焦糖菠蘿香甜多汁。 主菜三~芝士焗大網

之前同事介紹過呢間嘢話幾好食又好坐今日收工就黎同朋友試下Menu有set揀又有得單點最正係佢12點至9點都係happy hour時間!!好多款酒都有得buy 1 get 1 free唔似尖沙咀一d餐廳，會唔準人share個優惠，要逼人自己飲曬2杯呢度可以叫佢一齊上 同朋友就可以一人一杯選擇都幾多連d wine都有幾款揀，睇黎又多一個收工飲嘢落腳點!黎到都幾大杯，其實一個女仔真係飲唔曬先黎今日嘅餐包，番茄脆脆，個名我幫佢作，因為真係好脆口，幾清新之後就到一口牛，好juicy! 送酒一流!跟住就係帶子沙律，原來青蘋果配帶子係好夾，我第一次咁食法因為小食叫咗牛，主菜就試下其他肉叫咗一個煎三文魚，一個黑毛豬三文魚塊皮煎得好香!黑毛豬肉質好爽，如果再多少少肉汁就perfect!2碟嘅配菜都有d唔同，好用心個串茄係超爆汁!!好鮮!!好驚喜同事真係冇介紹錯！見都有幾堆人，有多有少，係度食飯飲嘢傾計下次一大班朋友黎gathering都唔錯起碼唔會有時限，食完都可以坐低傾下計!

前幾天同朋友食飯見到風車有set dinner決定一試二人set 本身比較抵但因為自選set dinner頭盤比較吸引我們點選了兩個自選套餐點菜後waiter 已為我們送上蕃茄包包香脆, 配上蕃茄酸酸地好開謂其後送上兩款前菜黑魚子蟹肉芒果沙律多士下面有蟹肉芒果餅作為多士配料一齊食配好味，不錯北海道帶子沙律大大粒帶子好爽口清甜帶子配上沙律作前菜感覺清新健康我們都點選了龍蝦湯龍蝦湯夠濃郁龍蝦肉夠爽口, 口感不錯主菜方面, 點了兩款主菜法式燴羊膝及波士頓龍蝦意粉呢個法式燴羊膝味道不錯薯蓉好滑、羊肉質夠嫰夠淋另一個主菜波士頓龍蝦意粉半隻龍蝦上碟龍蝦肉爽口再配上濃郁龍蝦汁味的意粉甜品有雪糕泡芙和朱古力慕絲蛋糕朱古力慕絲蛋糕有香濃朱古力味雲呢拿雪糕泡芙夠滑夠凍,好味 ！食完甜品再配上餐飲整體一人一個晚餐好豐富好滿足, 值得一試!

今晚同朋友出咗去遊車河，最後去咗大圍，發現大圍都開咗很多不同類型的食店。四處行下，行到去積存街50号，發現有間食店叫風車，裝修都幾舒服，又有英超睇，見店內都有好多食客，於是便入內食吓，而且叫個朋友駛車到門外，一邊食，又可以睇到車，不用抄牌。店內冷氣好涼，最適合我怕熱的人。店員好有善和有禮貌。看完餐牌，決定選擇叫咗個西班牙風乾火腿沙律。白酒煮蜆，波士頓龍蝦意大利粉和乳豬配脆薯角。首先講個風乾火腿好入味，沙律的配菜好新鮮，醬料好多，非常好食，份量又夠，絕對係令我難忘。至於白酒煮蜆肉，蜆肉好入味，再配少少酒味，做到好成功。波士頓龍蝦鬆軟可口，意粉充滿龍蝦汁味，龍蝦味道好出，非常出色。乳豬皮好趣，好味，而且份量好豐富，肉質嫩滑。全部食物都有水準，值得一讚。飲品就咗兩杯mocktail, 分別係Apple Mojito及Strawberry Colada。兩杯都好好飲，尤其杯strawberry colada。士多啤梨味好濃。絕對物超所值，非常難忘的一餐，下次必定再光顧。