風車

營業中

休息中

大圍這頭都好多野食, 今次第一次試呢間restaurant & bar, d 野好食, 地方都坐得舒服, 適合同朋友黎呢度飲下酒傾下計, 食物價錢合理, 絕對會再黎幫襯!一坐底就有麪包食,上面d 蕃茄醬好開胃黑魚子蟹肉芒果沙律超多蟹肉, 有驚喜意式香辣炒大蝦一上菜就聞到好香, d蝦好大隻, 個汁好好味, 伴碟既薯仔吸曬d汁, 好正呀白酒煮蜆配蒜茸飽份量啱啱好, 蒜茸飽點埋個汁食, 唔錯唔錯值得一讚食完個蜆之後, 侍應主動過黎幫我地換碟, 服務態度好好法式燴羊膝黎到主菜朋友話想試下個羊, 平時我好少食羊, 不過呢次個羊一d都唔蘇 好味呀, 伴碟既薯蓉用左d忌廉黎整, 好好味, 食落好creamy飲品方面叫左hoegaarden rosee, 有d果味, 容易入口, 適合女仔飲

難得早放工 去大圍覓食大圍食店有很多 遇然走到呢間風車 好多野食選擇 望入去環境好靚咁係間bar and restaurant最適合放工約三五知己來happy hour咁環境好elegant😱好多位 同埋幾寬敞 傾心事唔怕比隔離枱聽到到三點都仲有lunch set,好難得好多選擇叫左個寶雲酥雞扒同流心藍芝士牛肉漢堡 價錢包餐飲 幾抵食呢個雞扒仲可以配薯角 雞扒好香口大件 面頭有脆脆 而食落去好嫩 配埋茄汁 好開胃加埋配菜好健康呢個流心藍芝士牛肉漢堡 個漢堡包hon過黎外脆內軟 中間牛肉係重點 整到medium咁嫩 （我個人好怕牛肉全熟）味道調得好味，好想一啖咬落去，不過個包太大 實在冇咁大個口左邊那杯係🍑味茶 係佢地自己調出來睇到張單都覺得好抵食下次要再試下食其他味既漢堡我三點去坐到五點 老闆都冇話要落場趕人,十分nice 有機會下次要happy hour黎飲返杯

今晚八點，落住雨，約咗去一間高級餐廳同朋友食野，就近地鐵站，就係大圍A出口行五分鐘左右。先唔講前菜，佢個牛魔王推介頂瓜瓜，肉眼扒冇筋，揀左7成熟， 肉眼扒應該係上枱之前先至 烹調， 首先1. 上枱嘅時候係熱呼呼2. 呢個扒係巨扒，好厚肉3. 肥瘦分佈一流， 肥嘅位置好似夾心咁藏喺中間嘅位置咬落去好有口感4. 7成熟，但唔係血腥果隻5. 枱上仲有一隻岩鹽， 加埋 呢塊肉眼扒 係絕配， 佢原本嗰隻醬就麻麻地6. 一定要加配紅酒😆👍🏻非常適合仲意食肉眼扒嘅人7. 把法國名刀，手起刀落，切到塊扒令一令😼 白酒煮蜆及蒜辣大蝦味道就略咸，冇驚喜。😪不過賣相精美，有板有眼。唔係味精果隻味。番到屋企都冇話口乾。不過佢地呢間野既配菜配黑醋好正，好fresh....

大圍有好多好有特色嘅餐廳，今次就去咗比較近油站嗰邊嘅「風車」食晚飯。位置同火車站係有啲距離，但跟住個google map行，唔算太難搵。裝修有格調，感覺比較似酒吧，門口都有「呼吸位」，食客有多個選擇。雖然格調比較似酒吧，但係食物選擇都幾多，淨係入嚟開餐都冇問題；旁邊都有一家大細嚟食飯。晚市有套餐，亦都可以散叫，適隨尊便。飲品亦有非酒精選擇。首先侍應送咗個餐前小食，係好鬆脆嘅烘餅，上面有蕃茄蓉，非常之開胃。前菜揀咗個黑魚子蟹肉芒果沙律。擺款好有心思，蒜蓉包上面擺咗黑魚子，香味同埋入口嘅味道都更加有層次。蟹肉芒果沙律係一個圓餅形，感覺更加整齊，亦都容易啲畢起嚟食；蟹肉非常足料，加入芒果，令口感變得清新。主菜係西班牙脆皮乳豬配彩椒汁。初頭有啲擔心佢會有成隻豬咁樣上嚟 當然呢個價錢梗係冇可能成隻乳豬呀。 一塊乳豬個感覺好似係牛扒豬扒呀咁樣，不過就轉咗係一塊乳豬扒。中式嘅燒乳豬就食得多，西班牙燒乳豬就比較少試，其中一個分別係塊脆皮，呢個脆皮乳豬名副其實，塊皮真係好透薄，亦非常非常香脆。切開豬肉時，係會見一陣陣熱霧往上飄，真正新鮮熱辣辣；肥瘦比例大概1:9，好適合個人口味。彩椒汁香中帶辣，食得加倍

話說上兩星期同個同事傾起，早排佢晚晚陪老公出吧睇波，其中有次就去左大圍呢間酒吧，見環境都幾乾淨同埋隔離枱啲人叫啲野好似幾好食，所以就約我今日放工去食好西😆😋其實我好少去酒吧食飯，仲唔到呢次有個好好既體驗～🍺我地放工6點幾就到，可能今晚到達時剛剛開始營業又係星期一，所以得兩枱人來happy hour，不過靜靜地仲好吖💆🏼‍♀️而且一睇餐牌都見有幾多選擇🤓先叫左野飲，點知已送來一個飯前小食，係凍蕃茄多士🍅🍞呢兩樣出加地夾啲蕃茄係凍既、多士又勁脆，佢用既係似muffin既多粉麵包😂😂，一啲都唔油，加埋酸凍既蕃茄好開胃，送酒都好配！🍹🍸我地叫左兩個頭盤兩個主菜大家share，可以試多啲款🤓😋野飲就叫左mojito同green lily，叫做來個drinks green Monday🤣🤪🙈好快兩個頭盤就同時上桌，我自己就幾鍾意佢兩個頭盤一齊上（因為我唔鍾意要等人或被等，更唔鍾意是但一個食先⋯），而且兩個都好吸引！先講個plate setting 都好豐富、好colorful，然後入面無論多士、鵝肝、定個蟹肉沙津都好高水準！😍先講個蒜蓉多士、牛油香但蒜同油味都只係好微，但又夠脆！所以咁樣配鵝肝一流、

世界盃完左曲終人散，真係有少少唔捨得。今日同我朋友就諗住搵間酒吧一路睇運動賽事一路食野，延續世界盃體育熱潮。啱啱好時間，除咗酒類飲品同埋小食之外，食到啲正餐主菜。因為我同朋友都未食晚餐，所以我哋點咗千層麵。千層麵辣辣辣，口感香濃，分量適中，幾易入口。雖然平時都唔特別食肉醬，但係呢啲肉醬整得都幾好味。仲有鐵板牛柳粒，估唔到酒吧入面都有得食。牛柳粒大大粒，仲有啲蒜香，配埋鐵板咁煮，味道一流。另外點左碟餡餅nachos，有墨西哥風味。餡餅外皮好脆，裝住餡料就算將外皮摵開一塊塊，的餡料都唔會跌曬落嚟。飲品方面，點咗兩杯嘢飲，分別係long Island同埋Green Lily 。long island就知係咩啦，green lily係有青蘋果、梳打、薄荷，味道都幾特別，可以一試。整體嚟講，呢間酒吧裡好似可以食到唔同國家嘅菜式，例如意大利、墨西哥同埋中式菜，猶如各國嘅大雜燴，配埋飲品真係幾正。

要說到大圍食晚飯的事說是很久了。沒辦法啦，人每日長大，長大成人後，需要經常工作。時隔多年後，再次踏足大圍這個舊區。今次給我感覺大不同，兒時覺得大圍是個老人家的社區，舊樓，大廈。。。。現今的大圍變得不一樣了，多了很多的特色餐廳，亦可能因為發展商看準大圍的發展潛力，很多的小店也跟隨大財團，嘗試在大圍內分一杯羹。至於今次踏足大圍就選擇了風車，原因很簡單，從沒試過在酒吧內享用晚餐，亦從沒試過在酒吧內飲酒。進入該店後，感覺環境很高貴，不會產生任何恐懼，因當初怕酒吧會是一個嘈雜的地方。翻開menu後，點選了晚市套餐，亦首次飲hoegaarden beer。首先餐廳為我帶來小吃－蕃茄脆包。感覺像是食Pizza。再來為我帶來是是日餐湯－西班牙蕃茄凍湯，不過自己飲不慣凍湯，味道麻麻。及後再為我帶來頭盤及主菜。主菜為西班牙香腸配帕爾瑪火腿及豬腩仔燴飯。話似湯飯又不似，話似潮州飯又不似，西班牙香腸及帕爾瑪火腩襯托下帶點咸，為米飯有點咸度，感覺新奇頭盤為焗釀蟹肉芝士白菌。芝士層焗得金黃色，而蟹肉及芝士就釀入白菌，底下有薯蓉襯托。感覺亦很新奇。最後覺得師傅很用心烹調每一道菜。希望會做下去 ，因想再回頭品嚐美食。

今天相約了朋友在這間餐廳吃晚餐聚舊。餐廳從港鐵大圍站走6-7分鐘左右便到達， 走進店內，環境優雅寧靜，十分適合閒聊。安頓下來，我們便開始點餐。餐牌上食物款式多，所以我們並沒有點set dinner，卻單點了4個菜式和兩款飲品。第一個是Ceasar Salad with smoked salmon 。這個前菜份量超多！沙律菜亦很新鮮，沒有不新鮮的苦味！這個前菜超讚。第二個是白酒煮蜆配蒜蓉包。蜆肉十分肥美也很新鮮！酒味也濃濃的！ 很好吃！而那個蒜蓉包脆脆的，不是那種很硬或沒有係軟，口感滿分！而蒜蓉包再配上白酒汁也是很好吃。第三個就是芝士焗大網菇配意式香草意大利粉。光是看大大的芝士大網菇已經覺得很吸引！吃下去，濃郁的芝士味已經充滿我的口腔。再來一口意粉，清新的香草味扺消了芝士的膩，這個配搭很不錯！ 最後一個是西班牙脆皮乳豬配彩椒汁。 大份量的脆皮乳豬加上少許薯條讓我們兩個吃了3個菜的女生差點吃不下。不過乳豬皮脆肉嫩，加上彩椒汁十分惹味，我們亦很愛吃這種薯條，所以我們最後都把它全都吃完！飲品我們分別點了Apple mojito 和Strawberry Colada。第一杯是朋友點的Apple

朋友同我番工最近都辛苦 而且咁耐冇見 當然要飲番杯聚下朋友住大圍，黎過呢間餐廳幾次話唔錯 今次我地除左飲之外仲試埋佢既食物happy hour 買一送一真係唔錯叫完野食之後店員就比左個小食比我地多士上面有啲番茄醬 食落感覺都好清新好開胃前菜叫左黑魚子蟹肉芒果沙律 朋友同我都最鐘意呢個蟹肉同芒果既配搭好match ，配埋蒜蓉包一齊食又有另一番感覺我地仲叫左意式香辣腸炒大蝦入面除左香腸同蝦之外，仲有啲薯仔同洋蔥叫呢個食再飲酒真係岩晒 haha波士頓龍蝦意大利粉都幾大隻龍蝦而且上面仲有芝士，正！紐西蘭肉眼扒配焦糖菠蘿特別要一提呢個焦糖菠蘿 菠蘿上面有一層既焦糖，令菠蘿味道更加鮮甜而且配埋個rib eye食好夾旁邊仲有啲配菜同薯角～ 呢到happy hour 買一送一 我同朋友當然唔執輸飲番一杯啦

今天約了親友下午4點在大圍聚會，原本打算去M3,但入到店內已16:10，職員話至到5點而已，問我們介唔介意?時間太趕，想傾吓偈，所以便掉頭走。記得親友喜歡嘆杯靚啡的，便帶她去風車，因住大圍的關係，每個月至少都會來這兒一次，但都是在午餐時段。至於來食下午茶，印象中，這是第一次，下午茶餐牌價錢，平均五十多元，只有牛扒才一百鬆D,轉爆谷咖啡加十元。親友叫了雞翼薯條及熱咖啡，她說食物很有誠意，杯熱啡都Ok，唯獨落單前，她已問了店員，咖啡是否自己加糖的?店員說是，但她飲到甜味，懷疑是奶或忌廉有少少糖，但她說味道是Okay的。我叫了煙三文魚三文治，煙三文魚很重手，最欣賞佢個包，包的上層薄而香脆，加上蕃茄及菜，咸香中帶有清新感覺，飲品方面，一如以往，嚟得呢度，我只會叫爆谷味凍啡，咖啡味濃，爆谷味很特別，出面暫時未見到。女兒叫了藍芝士漢堡及爆谷味凍啡，見她食曬整個包，便知道應該唔錯的，因難食的話，她從不勉強自己食，一定會掉低😂。本來想買多份漢堡餐帶回家比另一家人食，可惜，店員說不設外賣的，可惜!總括這餐廳，環境舒適，價錢合理，我仍然會再來飲爆谷咖啡的。🤗

近排有世界盃，友人提議到這間餐廳酒吧晚餐。餐廳內佈滿了很多國家的旗幟或有關裝飾，座位都較寬敞，沒有擠迫的感覺。而且又不似其他酒吧燈光好暗及嘈吵。在這裡晚餐或睇波都是不錯的選擇！嘩！牛魔王推介，重量級肉眼扒 我已被這吸引！睇埋其他餐牌，我們決定點「14oz 重量級肉眼扒」、「西班牙風乾白豬腿拼煙三文魚」、「秘魯豬腩仔配手工粟米餅」及「車打芝士肉醬粟米片」。我們點了很多食物，可以慢慢食......點菜後，店員即奉上這碟小食。原來這是前菜，西班牙番茄包，非常香脆，酸酸地幾開胃！西班牙風乾白豬腿拼煙三文魚，風乾白豬腿肉質幼嫩，鹹香適中；煙三文魚腴香肥美，濃郁煙燻香味，兩款一齊食，有不同的口感 車打芝士肉醬粟米片，芝士及肉醬沒有令粟米片變得軟、不香脆。反之，粟米片很香口，這樣配搭更惹味！秘魯豬腩仔配手工粟米餅，豬腩肉肉質嫩滑，配上手工粟米餅，感覺不太油膩。14oz 重量級肉眼扒 厚切肉眼扒，大大塊，五成熟，外面燒得香脆，內裡仍鎖住肉汁，肉質嫩滑，啖啖肉，好味

平日好少入大圍 見朋友成日就我食飯 今次就就一就佢入大圍等佢帶我食好西 平日好少機會食西班牙菜 餐廳原來是酒吧 兩個大大電視機 裝修唔算太花巧 但好自然同清新 唔會一陣煙臭味 地方空間唔大 但坐得都幾舒服 今晚聽侍應推介 我地兩個就點咗個Dinner Set 天生食肉獸叫左個西班牙黑毛豬扒煎到底面兩邊呈焦香的黑毛豬扒 切出來可見到脂肪均勻 帶粉紅色並有肉汁流出來 肉質嫩滑多汁 不肥不膩  加上不同配菜帶起黑毛豬扒的香味炸魚薯條炸魚都相當大塊 即叫即整 熱烘烘的 薯條每一條都外脆內軟 濃濃薯味及口感好豐富 炸魚魚肉鮮嫩炸粉剛剛好 外脆內啖啖肉沒有一點雪藏味荔枝薄荷杯中的確有兩三粒荔枝 味道清甜

前日收工就去左大圍搵男朋友食飯，行到油站個邊就比間酒吧門口吸引住，因為掛住左好多世界盃國旗，行近d睇原來仲有西班牙菜食以西班牙菜黎講價錢都合理餐前小食係蕃茄茸配麵包，幾好食煙三文魚卷卷到成朵花禁包住芝士青瓜菜一齊食，不錯！墨魚子蟹肉芒果沙律🥗有¾都係蟹肉黎，仲要好新鮮，配上蒜蓉包一齊食又有另一種感覺紐西蘭肉眼扒配焦糖菠蘿🍍肉眼扒岩岩好五成熟，菠蘿面上真係有層焦糖，本身菠蘿已經好鮮甜，再加上焦糖，超正炸薯角熱辣辣，好脆推薦：西班牙黑毛豬扒🐷黑毛豬食落好鬆化，肉味都好濃，口感同味道比一般既豬扒好食好多配菜有一大串蕃茄仔🍅紅蘿白🥕薯蓉同蘆筍，個蕃茄仔都好甜，好好味實物既Mojito比圖片更加大杯，淡淡薄荷味正~Strawberry Colodo🍓呢杯係mocktail黎，士多啤梨味重，仲有粒粒士多啤梨係入面，幾好飲價錢合理，食物又ok，餐廳仲有個大電視，睇波一流

老婆去左睇男神棟篤笑, 我又可以約老友去食餐勁啦!之前係風車飲過嘢, 覺得吾錯, 一直好想再嚟試埋佢個 main menu, 今晚終於得賞所願.呢度嘅 waiter 幾 nice, 好有耐性咁推介食物俾我地.頭盤我地點左 :黑魚子蟹肉芒果沙律 --- 好鮮蟹肉味，芒果少少酸, 但撈埋 sauce 之後味道啱啱好意式香辣腸炒大蝦 --- 吾太辣, 剛剛好, 開胃!main course :西班牙脆皮乳豬配彩椒汁 --- 乳猪脆皮香口, 吾會硬吾會鞋, 配埋醬汁, 無得輸, 如果份量大D就更好.西班牙黑毛豬扒 --- 黑毛豬肉質好林, 肥瘦平均, 有肉味, 煎得非常香口, 醬汁味道剛剛到位, 正 下次要同老婆嚟食過

今日去大圍做野，上openrice睇下有咩好食，見到大圍竟然有西班牙菜，就試下佢！叫左：煙三文魚凱撒沙律炸魚薯條波士頓龍蝦意粉西班牙乳豬配彩椒汁入到去係似酒吧，但一個吊燈又令到成間餐廳格調都高級晒。而且坐位都好闊落，仲有2個大電視睇波添煙三文魚沙律十分大份，三文魚鋪滿左成個碗，沙律菜爽脆清新，開胃！炸魚薯條炸得好脆，但內裡一d都唔乾，咬落會有汁，難得！龍蝦意粉絕對係必食推介！已經切開既龍蝦配上厚厚芝士，龍蝦肉鮮味加埋芝士既香，令人胃口全開！西班牙乳豬又係燒得香脆，但同時肉汁又飽滿，另一誠意推介！