風車

營業中

休息中

住係沙田區咁多年，真係都無好好試下沙田區內嘅餐廳食肆，今日想食下西式野又唔想係新城市同人迫，最好就過黎大圍搵食，大圍有好多出名嘅小食同中式食肆，但其實西式都有啲唔錯嘅選擇。 呢度室內裝修有啲古堡式感覺，樓底好高，容得下一盞好大嘅吊燈，而且人唔多，可以靜靜地傾下計，幾舒服下。 Menu 有套餐，計過條數都抵過散叫，如果點二人餐會仲抵食啲，但今日中午先食完意粉就唔要意粉了，就一人一個餐。點咗蟹肉他他、釀薯棒、乳豬同肉眼扒。 先上頭盤蟹肉他他，面包底下就係滿滿嘅蟹肉，對於鍾意食蟹嘅人應該會好滿足，同埋釀薯棒比較似有混咗蝦膠嘅口感，雖然睇唔到又唔太食得出係咩，唔係齋炸薯蓉咁簡單。 終於上埋主菜，牛扒medium rare 都做到，以呢個價錢食到呢個質素嘅牛扒算唔錯啦，反而豐富嘅配菜好似仲吸引過主角咁，好多西蘭花同椰菜花，仲有岩岩炸出黎熱辣辣嘅薯角，加埋食完牛扒可以消膩嘅菠蘿，加埋晒一齊就好豐富。 另一份主菜係西班牙乳豬，乳豬除咗有中式乳豬成日用嘅乳豬醬，仲配個好特別嘅彩椒醬(紅色果啲)，有三色椒嘅味道之餘入口重有一種刺激但又唔係辣椒嘅味道，文字比較難形容，要親身食過先知，值得一試。 埋單一人唔

之前係大圍竟然見到一間好有情調既西式餐廳，今日終於可以就去嘆下。先講環境，由大圍站行去美林油站，一轉右行多幾多步，就會見到大大個風車招牌，白字藍光襯底，感覺新穎。入到去最吸引係一個好大嘅水晶燈水晶燈，暗黑既環境加埋音樂，感覺無得輸。依度都有大螢幕電視，同可以在品嚐美食加上叫酒精，享受一下店裏面有好多唔同嘅西餐選擇但如果選擇困難，店中當然有已諗好既set Diner 不過我地今日日好肚餓，決定散叫，仲想一次嘗試豬，牛同埋雞。仲叫左個炸薯條做餐前小食薯條內面包左特製餡料做到外脆內軟一口牛牛肉有濃厚既特製醬汁味道豐富加上切割曬，好方便食。黑毛豬黑毛豬果然係唔同肉質細嫩有豬嘅香味無咩特別調味但已經令人停唔到口法式燒春雞第一樣要贊係份量好足第二係時間控制好燒春雞有金黃色嘅外皮但竟然唔鞋身雞髀切出嚟嘅時候，裏面仲有肉汁而且配菜嘅薯蓉同蘆筍都整得好好食薯蓉明顯用新鮮薯仔打出嚟，仲有奶香可以係咁舒服浪漫既環境食咁野，真係好放鬆

自從食過西班牙菜後就返唔到轉頭,今次同朋友黎左大圍,咁岩搵到呢間西班牙餐廳。餐前小食係蕃茄麵包條,蕃茄SAUCE係凍,包係熱,一冷一熱,好有層次。之後就係個意腸炒蝦,都多蝦呀呢碟野,仲要用PAN上。薯仔被切成一片片,又有洋蔥,好開胃,唔錯!仲有D沙律係旁邊添。主菜有肉眼STEAK,好大塊,佢個焦糖PINEAPPLE先正。真係有片焦糖呀!另一個主菜係西班牙黑毛豬羊鞍,食得出係高質肉,果D SIDEDISH都好高質呀,特別係D CARROTS同蘆筍。因我唔多飲酒,所以叫左杯凍朱古力。呢度播左D西方既POP MUSIC,幾有FEEL。整體環境都好靜,大家都細細聲講野,呢度飲品同食物既選擇都多。值得再來呀!

朋友住大圍所以佢推薦左喱間西餐比我食，大概6:45去到，餐廳都吾算太滿，吾需要等位。我叫左杯熱既水果茶，朋友叫左佢d mocktail 相對上特色d，好飲過我個杯。佢餐牌都幾多cocktail個d揀，夜晚應該都會幾多人過去飲下野，下次有機會再試下之後一開始就黎左個蕃茄頭盤，都吾錯幾開胃。之後就嚟咗個白汁煮蜆同埋蒜蓉包，個蒜蓉包覺得好脆，個蜆肉就有少少唔夠熱，不過啲肉都幾鮮下。之後嚟咗個焗薯，我覺得都唔錯焗到個皮都幾脆，同d份量比例都幾好。到主食方面我叫咗個豬扒同埋酥皮三文魚。個豬扒我覺得好好味呀~煮得夠林又有肉味，d配菜尤其係蕃茄覺得好好味好鮮好甜。三文魚酥方面我覺得呢個配搭都幾特別，個酥皮都好脆，不過喺味道方面可以在濃味多少少整體都算吾錯，可以再試

放工約咗朋友食飯，想搵間坐得耐d傾計嘅餐廳，就上網搵咗呢間大圍嘅酒吧餐廳，大圍站行5分鐘就到，地點都算方便。餐廳氣氛好好，又唔會太嘈。我同朋友都點咗杯酒，朋友鍾意飲啤酒，點咗杯Guinness 黑啤，而我就點咗杯Cocktail - Bay Breeze。呢杯Bay Breeze好fresh，好重菠蘿味，同vodka好夾！野食方面散點咗以下幾款：白酒煮蜆配蒜蓉包蜆都幾飽滿新鮮，重點係好香酒味，個奶白色嘅湯汁好香濃，點蒜蓉包好夾大蝦pizza🍤批底係薄批，好脆口，香濃芝士鋪滿批面，配上爽口嘅大蝦，簡單好味。紙酥皮野菌三文魚卷薄薄一層酥皮包裹著鮮嫩多汁嘅三文魚，配上沙律醬和蔬菜，感覺好清新。朋友同我都非常滿意同享受呢一餐！

家住大圍嘅朋友曾推介過位於積存街50號地鋪名"風車"餐廳水準非常高，值得一試。剛好帶囡囡到沙田文化博物館參觀，就去食個晚餐喇！由於時間尚早，去到就有位。嘩！餐廳佈置得華麗似酒店大堂，燈光柔和，感覺浪漫蒂克。仲有happy hours時間嘆住大大杯啤酒睇賽事，認真寫意！沙律、 pizza、餐湯、意大利粉、自選套餐、二人套餐定甜品....，點邊樣好呢？兩片小法包已叫人，脆脆嘅法包上鋪滿用新鮮番茄做成嘅番茄醬，比起牛油同橄欖油，少一份油膩，多一份清新特別。蟹肉他他配黑魚子前菜份量不算少，蟹肉鮮甜，有咬口，混合他他醬同新鮮番茄醬撈勻，香滑美味。再跟一片香脆多士配黑魚子，簡單中夾著多重口感，值得一試。 肉醬薯皮表面呈金黃色，粉腍嘅 薯肉吸收肉醬嘅甘香加芝士嘅濃香，係完美同邪惡組合，香口度滿分，勁好味，小心食上癮！南瓜焗石斑小食同前菜有驚嘆，主菜更出色。南瓜汁夠creamy，好鮮甜配埋香煎石斑，味道啱啱好！帶出石班鮮味。不得不讚鮮甜軟腍嘅番茄同香滑薯蓉雖為配菜，卻為主菜大大加分一杯香濃甜滑嘅熱朱古力；一杯士多啤梨、菠蘿汁、椰奶同鮮奶特制成嘅天然粉紅健康Strawberry Colada特飲，每一口

之前住在大圍舊樓，附近有唔少嘅食店，常常和家人在炎熱夏天落樓晚餐，免得煮到熱又成屋都熱氣。今次重遊大圍，依條街仍有十年前嘅唔少舊店，但新野都好多下。今試試下依間有唔少好評嘅餐廳先。依日我地去完郊遊，又熱又累。大約六點來到店休息一下及食晚餐。呢度個天花掛咗一盞大吊燈，好靚好華麗。以下係主要我地考慮嘅食品之餐牌：店員介紹後我地二人點左依幾款野食：呢個配搭唔錯，多士好脆，上面嘅蕃茄好清新，加上芝士味道好夾。通常喺度西餐廳我都會點凱撒沙律，比較有保證。今次上面嘅煙三文魚嘅鹹香味好濃，配蔬菜加上沙律醋，係一個好開胃嘅前菜。今次依餐食咗兩款多士，哈哈！依個蝦多士隻蝦好大隻，配上海膽味道都好夾。但可能之前食沙律你得太慢，如果依個蝦多士上菜嘅時候我哋即刻吃可能會更鬆脆！南瓜湯味道OK。如果多番少少牛油及忌廉，可能會更香濃細滑。主菜喇！我地點左石斑魚，總共有兩塊，好大份，肉質都好結實，魚的調味唔係好多，愛，外層都焗得好香脆，配合埋薯泥又或者其他配菜食好夾。今次晚餐令我最滿意嘅就係依份豬扒，好香口，厚肉而肉質好林，好滿足！

當日同寶寶拍拖2人世界  然後買埋六合彩後 諗住搵間餐廳撐枱腳~ 咁行下行下行黎行去都係大排檔 叫送食飯~ 終於就行過見到呢間西餐~ 所以就入黎試下~   一黎就見到牛魔王推介~   咁食得西餐 緊係想鋸下野架啦 HEHE  就要左肉眼扒 同白酒煮蜆，蟹肉他他配黑魚子，首先講下肉眼扒先~  汁味普普通通 正正常常~ 唔太凸出~  不過扒就煮得好美味好出色  食得出火侯控制得唔錯 剛剛好  唔會好韌 亦唔會好腍身 ~ 靚扒真材實料黎架030  而且配搭上沙律菜 甜爆汁蕃茄仔~  簡直完全乎合我心意呀~ 唔會覺得好肥膩 減少罪惡感~ 哈   不過我個人覺得調味上可以再濃D 咁就更完美了~ 我比4分! 再黎係蟹肉他他配黑魚子  呢個好出色  必須比5星! 蒜蓉包其實好普遍  周街都有  但呢一個配搭 簡直係互雙提升口感~ 令味道層次更豐富!!!   我好鐘意食香口野所以呢個菜 我比爆星!  誠意推介喔!第3係 白酒煮蜆  相對黎講  呢個送會啖口一點 鮮味一點~ 蜆肉冇沙  份量都充足  2人食 每人大約食到十多隻    我比3-4星~   同埋值得一讚的係 店員服務優 熱誠 主動  睇一睇

未食首先受氣！食飯時間多人，侍應忙唔緊要，至少態度好啲！我地一行六人，入座約六分鐘，準備叫野，好好態度，舉手叫曬靚仔咁，咁侍應就話轉頭黎，ok!轉頭佢去左執枱，帶埋出邊枱客入黎，都仲未黎落單，於是我地再舉手，再叫「靚仔，唔該落單」。有個唔知系老細定系侍應既人埋黎。第一句就話「唔系咁都唔等得呀」。回佢一句：「你話轉頭黎，等你執完枱再帶埋客都未黎」。佢再話「唔系5分鐘都唔等得呀」平心論，野食系唔錯。但系未食已經一肚氣。唔會再食囉！

今日同朋友去左沙田文化博物館，喺正沙田同大圍中間，沙田新城市肯定超多人，所以就去左大圍附近覓食。已經經過呢間餐廳幾次，佢個門面睇落似一間bar，似係波友聚腳點，所以一直都無留意。今日心血來潮衝入去睇下，點知入到去先知原來佢係浪漫情調西餐廳！雖然入面都係播緊足球，不過食客大多係情侶或一家大細，靜靜地享受晚餐時光～我地叫左個set dinner同一個special，都係店員特別推介的～德國腸拼盤：友人好鍾意食德國腸，呢三款口味再加埋醬是非常夾的，尤其喜歡佢的芥辣醬。set dinner的芒果蟹肉他他配黑色子：芒果同蟹肉味道好夾，賣相亦非常漂亮；蕃茄湯入面有蕃茄蓉，非常有心思。set dinner的主菜西班牙脆皮乳豬配彩椒汁：乳豬好有肉地，皮脆肉嫩；脆到好似切緊窩夫咁，唔難切，而且切的完皮同肉仲係「痴」住，非常高水準的。食完甜品仲有一大杯咖啡，真係好滿足！

朋友喺大圍附近住，成日話想帶我黎呢間好有情調既餐廳試下。今日終於長征新界—其實大圍又唔係咁遠既，東鐵線大圍站都好方便。呢間餐廳雖然距離港鐵站有點少遠，不過勝在夠靜。門口似係一間bar多啲，估唔到入面啲西餐都非常有水準的！餐牌好多選擇，一般的西餐菜式都有。我地點左二人套，因為唔想諗 二人餐已經好豐富～ 不過如果入面無心水，另外有set dinner 都非常吸引的。頭盤有凱撒沙律同龍蝦湯，沙律賣相無乜特別，但個沙律醬酸度岩岩好。龍蝦湯好足料，入面有龍蝦肉的。主菜有哂肉眼扒同波士頓龍蝦意大利粉：肉眼扒好大份好juicy；個焦糖菠蘿大大舊舊，味道酸酸甜甜，剛好可以中和啲肉眼既「膩」；就連伴碟的薯角都睇得出廚師既水準：我地一路傾計一路慢慢志地食，薯角放左一陣都保持住脆的，唔會好快「林」哂。意大利粉炒得幾好味，隻龍蝦好大隻，連殻上但好容易殻，很貼心的煮法！飯後仲有甜品同咖啡茶。很喜歡這裡的情調，環境暗暗的很適合情侶來撐腳腳；值得一提是店員非常友善；非常滿意的一餐的！

大圍出名都多野食, 但比較有格調氣氛的就不太多, 經過見到呢間餐廳, 兩個人想靜靜地食下野傾下計係一個唔錯的選擇, 夜晚仲係酒吧, 有波睇, 但個人覺得光線比較暗, 可以光返少少, 我地落左order後, 就即時上了一份餐前小食, 應該係包, 但就好脆口的, 表面舖滿鮮茄醬,味道清清地, 但又食到醬的新鮮, 配上脆口包, 好match, 凱撒沙律, 蔬菜唔係太多款, 但好新鮮, 沙律醬汁恰到好處, 好啱我口味, BBQ黑椒雞翼, 微辣, 濃濃的BBQ醬包住每隻雞翼, 肉質亦可保持嫩滑, 喜歡濃味的朋友, 一定要試試, 主菜一份西班牙黑毛豬, 好厚身, 肉質嫩, 肉汁多, 味道偏淡, 但就可以食到黑毛豬本身的味道, 另一份香煎海爐魚, 份量多, 有兩大塊, 好抵食, 本身不太好魚的我, 都試左不少, 下次想約朋友飲返杯又唔想出九龍, 又多一個選擇了,

香港人的生活壓力實在太大了，假日或有空的時候，偶爾都只想到一些安靜、舒服的地方好好休息一下，好讓自己的心也平靜一小段的時間。然而，無故又能怎樣找到那些地方呢？剛好今天去了大圍踩單車，放鬆完心情又做完了運動，便去找一間坐得舒舒服服的餐廳。【風車】- 之前看過評價都想光顧它，但一直都沒有機會。今天就還個小心願吧。 看看門面還以為會是很普通的西班牙餐廳，但一進去了環境清靜舒服，餐廳同時亦係酒吧🍻英超、西甲、世界盃都可以看得到，高清電視觀賞球賽好正！其座位寬敞舒適，第一感覺已不錯。加上有盞吊燈感覺始終會有情調一點！看看餐牌，食物多元化，店員服務態度主動有禮，會為我地推介一些菜式，招牌菜包括西班牙乳豬、秘魯豬腩仔、BBQ Pork ribs等等⋯⋯價錢算是相對親民，有見及此，我就點一份二人餐吧！可以有前菜食到尾聲，不失為一個好選擇呢。二人同行價都只係338。二人餐包括，頭盤、湯律、餐湯、主菜、甜品及餐飲。來一個小前菜，用個小法包做頭盤，法包細細的，味道開胃，入口脆卜卜主要係用蕃茄做配料，兩口就吃光。是日餐湯：南瓜忌廉湯，南瓜湯顏色亮麗，又甜又香滑，湯煮得唔算太濃，所以飲落唔會好濟。凱撤沙律，份面

中午和朋友在大圍揾食，揾到積存街，日間的積存街是靜中帶旺，晚上的積存街就會熱鬧起來！來到「風車」吃西餐，我的醬燒豬扒土耳其三文治$74，自選法式龍蝦湯加$15，荔枝梳打加$12。首先品嚐是法式龍蝦湯，味道我略嫌鹹了少少，這可能是我比較喜歡清淡口味的原因。大大份的醬燒豬扒土耳其三文治令我眼前一亮，雖然在土耳其冇豬肉食，但餐廳真好，可以食到土耳其冇的醬燒豬扒土耳其三文治，豬扒腍滑又有肉汁和美味醬汁，三文治~~長方形的包包又軟綿又暖暖的，還有芝士、蕃茄片和生菜，香港人做生意頭腦靈活，我不喜歡芝士，我要走芝士，餐廳都做服務。味道清帶少甜的荔枝梳打，很得我喜歡！朋友的日式咖喱雞球$64，自選意式咸牛肉沙律加$30，凍爆谷味咖啡加$10。意式咸牛肉沙律，咸牛肉味道咸香得宜，配香醋沙律很開胃。日式咖喱雞球份量不少，咬落雞球有肉汁不是炸到乾淨淨個種，佐日式咖喱汁、番茄醬吃，任隨尊意，我就喜歡原汁原味吃雞球，我們都楝薯菜，吃得又飽又滿足！

當晚8:30黎到，坐左五六張枱，比例係一半人食野，一半人飲野。我係見到二人餐嘅食評係一致性好評所以先黎食。自己鐘意食牛扒，滿心期待⋯原本想加錢轉龍蝦湯，點知賣晒無緣，但係飲落磨菇餐湯無咩特別，甚至無食到菇。前菜係番茄多士，多士係脆嘅，但上面嘅番茄汁係無咩味道。牛扒叫左5成熟，但係食完無咩印象。反而配菜中嘅菠蘿係全場最好味最juicy，但我唔會為一塊菠蘿而再黎⋯芝士龍蝦意粉，幾乎全碟剩返響度，龍蝦肉份量非常小，意粉也太乾爭爭。我地搭車前去左吉串魚蛋⋯下次，應該唔會再有下次。