風車

營業中

休息中

好多朋友同我推介咗大圍呢間西式餐廳，趁今日休息，約咗朋友來試吓。來之前google吓，見離港鐵大圍站只是幾分鐘路程，實在太方便喇。12點前來到大圍站，行咗5分鐘已經到門口，見到嗰有足球作背景的招牌，够晒醒神。午餐之外，亦有多款下午茶及晚餐選擇，其實朋友多數來試晚餐㗎呢一刻最重要嘅係午餐有咩嘢吃，請看以下我和朋友揀咗黑椒牛肋條配薯角及香煎立魚柳配蕃茄忌廉汁+意粉，首先上嘅係香濃蘑菇忌廉湯，香濃好味够creamy，一種入心嘅满足感涌現；湯飲晒，及時地上咗两道main course，香煎魚柳非常吸引，煎到恰到好處，新鮮熱辣，外脆内軟，而配搭嘅蕃茄忌廉汁呈現嘅粉紅色加埋西蘭花，椰菜花形成一道美麗的畫面再近D，睇真D……另一道嘅牛肋條煮得好淋好入味，薯角也是香香脆脆，比起平時吃嘅薯條更加好吃有口感。好滿意嘅一餐，價錢也好貼地，埋單只係142蚊。下次再來試晚餐

平時都比較少嚟大圍食西餐，今日經朋友介紹之下，就是試下呢間風車先今晚同一位朋友嚟食，諗都唔使諗，不如就試吓呢個二人套餐啦，因為真係唔使返，仲要二人同行價， $338就有得食啦，都幾抵食啊呢個係前菜之一，佢係法式小食，鮮茄麵包餅，食落嘅感覺幾得意，上面嘅蕃茄蓉，味道淡淡地，餅皮嘅麵粉比較重，幾有口感左邊係是日西式餐湯，香濃粟米湯，右邊係加咗 $15 嘅龍蝦湯，呢兩款餐湯嘅味道都真係好唔錯，同樣都係非常香濃，唔淡亦唔稀，好味！粟米湯嘅味道真係好香濃，雖然當中冇粟米粒，但係粟米蓉就完全融入晒喺個湯入面，非常好味凱撒沙律都幾好食，沙律菜夠新鮮，上面灑有大量芝士粉及煙肉碎粒等等，口感同味道都唔錯，都幾開胃主菜1號 : 紐西蘭肉眼扒配焦糖菠蘿，份量睇落都幾大份，一大條焦糖菠蘿放喺肉眼扒上面，旁邊嘅薯角亦非常吸引五成熟嘅佢，口感都唔錯，育有缺水，牛嘅味道非常重，都做得幾好，如果覺得唔夠味，枱上亦有一樽岩鹽，可以加係肉眼扒上，以作調味主菜2號 : 波士頓龍蝦意大利粉，賣相都幾得意，由一個煎pan呈上，意粉經過炒香，連同波士頓龍蝦嘅味道，非常香味意粉嘅份量都幾多，當中有大量配菜，例如洋蔥蘑菇等等，以波士

今日放學難得黎到大圍，行行下搵到呢間隱世既西餐酒吧！一入去既格局已經好好feel 好適合一班朋友去傾計😀去飲酒又或者睇波我地叫左個肉眼扒 同埋 波士頓龍蝦意大利粉。個肉眼扒多汁又入味，叫5成熟真係岩岩好！然後個龍蝦又大又香，令個意粉好入味。然後今日撞岩其中一個客人生日，間餐廳專登播生日歌比個小朋友，感覺好窩心☺️最後既甜點：紫薯蛋糕真係一流，好好食，連我呢啲本來唔太鐘意紫薯既人都覺得好好食。下次有機會再去試下其他招牌😋

4個人叫左2人套餐同2個set dinner 黎share。每個set都跟個頭盤同甜品。頭盤質素好高，尤其個沙律好fresh 呀，食落好開胃😋😋2人Set dinner （$338）叫左紐西蘭肉眼扒配焦糖菠蘿，個牛排叫左5成熟，煎得岩岩好，同埋好juicy 另外個菠蘿都好出色，又甜又fresh,中和番個牛排。Set dinner 叫左波士頓龍蝦意大利（$209）粉同西班牙脆皮乳豬配彩椒汁（$249）我覺得個西班牙脆皮乳豬係必點！個皮真係整得香脆，配埋滑嫩既豬肉，味道真係好好！薯角都好好食呀另外個意粉都吾錯，好有龍蝦味。跟餐仲有甜品，今日係紫薯蛋糕。自問吾係紫薯愛好者，但都鐘意呢個蛋糕，一來唔會過甜，二來食到natural紫薯味又吾會過滯。估吾到甜品都咁出色！環境都吾錯架，有氣氛又坐得舒服，值得再黎食！

同朋友去大圍搵食見，到呢間幾靚嘅Cafe就入去試下。人唔多,坐得好舒服~ 係個傾計嘅好地方。（Background music 揀得好好）我哋叫咗一個二人餐,之後加咗一個dinner set. 四個分夠食～啲嘢食仲超高水準添！有龍蝦湯同忌廉湯。我就試咗龍蝦湯～ 好creamy, 好濃。呢個係二人餐包嘅包嘅沙津同埋餐包。taste better than it looks! dinner set嘅黑松露蒜蓉包高質！啲吞拿魚醬好新鮮，蒜蓉包好脆！龍蝦意粉入邊有埋龍蝦意粉入邊有埋雜菌同豆～ 上碟嘅時候隻講已經好細心咁起咗肉！👍🏻🤩 本身個牛扒好多汁好好味, 但最放棄嘅事個燒菠蘿！又甜又多汁! Must try dish! 燒豬啲肉好嫩！唔太鹹！平時唔鍾意食燒豬頸都覺得好味！最後嘅紫薯蛋糕上面有好多紫薯粒！啲cream又唔你又唔太甜！ 咁晒心水！食物咁高質呢個價錢好合理！唔係講笑！ 一定會返嚟再食過！Ps 食食吓仲有一台客慶祝生日，個餐廳即刻播生日歌！ 好warm ah!

大圍尼幾條街真係有多隱世但好味嘅餐廳！今日就食下西餐—一入到去，staff幾有禮貌咁serve同埋介紹menu同埋成個環境都係好舒服😌第一樣上嘅係包，但上面有啲蕃茄粒，fresh得尼好香跟住到湯，我就試左薯仔湯，好香薯仔味，同埋食落都有薯仔蓉同埋個texture唔係好似水咁樣跟住個salad都係有蕃茄同埋好少調味但都食得出係新鮮同埋香同左個前菜真係不得了！超級鍾意尼個！口感一流龍蝦意粉，個意粉係會香，唔係兩樣野好似分開咁，食得出係有質素架我地叫左五成熟，一啲都唔乾，真係有肉汁嘅！個甜品 我地都係好鐘意，係紫薯cheese cake, 個甜度都係好適中！尼個價錢但係有尼個質素，又坐得舒服，真係好滿意！

今日同男朋友相約一齊食飯，因為佢病咗好耐，宜家終於好返就決定去食牛扒慶賀一下。坐底見menu已經表示好肚餓！最後我地叫咗個二人set dinner，先上既係番茄脆條包，焗得香脆又好味，勁重番茄🍅味，酸得黎又好清爽，好岩做開胃菜。加咗15蚊叫既龍蝦湯有驚喜，濃郁得黎又帶粒粒既龍蝦肉，而是日餐湯係粟米湯，男朋友話食落係粒粒粟米打出黎既味道，原汁原味，重點唔會好heavy,okay der.龍蝦意粉幾惹味，意粉叫係彈牙跟龍蝦味無得輸，但美中不足係凍咗少少。最細心既位係龍蝦拑都完整咁拆咗出黎最後個牛扒我地叫咗七成，肉汁好夠好充份鎖係入面，將焦糖菠蘿切開叉埋肉一齊放入口，係肉同果香味混合既化學作用啊薯角都香脆好味，最後清曬底。入面好pinky跟餐既紫薯cake okay ge但可能因為主菜太吸引就搶曬風頭最後我地決定再返黎食，個肉同沙律我決定再因爲你地返黎！

今日同朋友去咗大圍食西餐，呢間其實係一間酒吧，但係原來有好多西餐可以食，我哋兩個人就叫咗個二人餐，二人餐有沙律，湯，意粉，牛扒同甜品，仲跟埋嘢飲添。一入到去就見到好大盞水晶燈，鋪頭入邊都有好多枱好多位。二人餐有咁多嘢食都係$338 ，算係幾平。叫左二人餐就俾咗個前菜我地，係一個番茄多士。二人餐跟凱撒沙律，一人一兜。都幾大兜，啲麵包都幾趣。餐湯我哋揀咗南瓜湯同龍蝦湯各一南瓜湯好濃，味道都可以。龍蝦湯好味過南瓜湯，入邊真係有啲龍蝦肉添。龍蝦意粉，有半隻龍蝦係上面，啲意粉都炒過，炒得幾香，夠乾身。牛扒我哋叫咗偏熟啲嘅七成熟，唔算太淋，煎得好香，舊菠蘿唔係嗰啲普通罐頭菠蘿，薯角炸得超香，幾好味。跟餐仲有甜品，係朱古力蛋糕。蛋糕有酒味，幾香。飲品叫咗一杯凍檸茶同一杯桃茶

大圍出咗名多唔同小小餐廳，平時喺前面果幾條街都食得多，今日行後少少，去到油站斜對面，有間酒吧西餐，開頭以為只係酒吧，原來都有嘢食，所以就入去試一試，因為通常有得食嘢嘅酒吧，經驗所見佢地嘅食物水準都會OK。試咗佢個二人餐。份量都算幾多，$3xx 有4個course, 都ok啦。前菜有沙律，個人鍾意佢個餐前小食-蕃茄法包👍🏻有兩款湯可以揀：龍蝦湯，豆蓉湯。開邊芝士龍蝦意粉，啖啖肉👍🏻另外一個set要左牛扒，佢有片菠蘿，最特別係仲有啲焦糖係面😬精美的紫薯蛋糕紫色粒粒好靚因為套餐份量都幾多，下次可以考慮試吓叫set再加啲小食除咗晚飯佢都有做午餐,當然仲有happy hour 其實大圍真係幾多唔同嘅嘢食

大圍 好多 美食餐廳集中地今次帶大家去風車 我要裝修唔錯 但係 佢嘅賣點並唔係靚係實力!餐牌 冇特別嘅裝飾 簡潔嘅 風味! 今次大k, 點咗個二人情侶套餐!籌款簡簡單單嘅法國麵包跟番茄醬 雖然冇華麗嘅外表 但係法包再加新鮮嘅番茄 脫離一般餐廳用罐頭即食嘅概念。 這些就叫做實力㗎!蔬菜沙律最緊要乜嘢當然係新鮮風沙沙律新唔新鮮唔使講自己睇相就知道!呢個龍蝦湯好食到唔係人咁品但係一定要試呀!半邊嘅焗龍蝦 , 彈牙/好食/爆膏! 一個字正!肉眼扒， 七成熟 ,軟淋淋新鮮彈牙， 絕美嘅配搭!食完仲有甜品送。

今日約左個有一陣子無見既朋友，就搵左這間環境好似幾清靜既西餐廳試下，又唔錯呢！平時比較少去大圍這邊，但係諗住近我朋友家，就即管黎下😬免得次次都只係去尖沙咀，旺角，銅鑼灣那些。我地叫左一個二人餐，好豐富呀，食到我們兩個都好飽🤰🏼餐廳即環境都好靚好清靜，好啱兩個人在這傾計，人唔算多，職員既服務態度都好好，好有禮貌。一去到叫完野食，好快就黎左一個前菜。Call麵包烤得好脆，同上面的Salsa 醬好配。我地將其中一個湯upgrade左做龍蝦湯試下。個番茄湯都香番茄味，略帶酸，屬清淡。而個龍蝦湯就濃味一點，我最喜歡是它入面真的有龍蝦肉，不過略嫌鹹了一點。都主食啦！這個龍蝦意粉真係好好食，個芝士焗龍蝦啲龍蝦肉個Texture 也算不錯，兒戲嘅意粉煮得剛剛好，有嚼口，又有蘑菇，洋蔥，蘆筍做配料☺️食得好開心個牛排我哋叫咗五成熟，切開都係幾似樣既😏不過個驚喜居然係個焦糖菠蘿，原來咁樣整菠蘿係好好食的😋配菜方面有好多我好喜歡的西蘭花同椰菜花！而佢用左薯角instead of薯條！我喜歡薯角，因為有多啲薯仔肉，佢都炸得好香好好食。個餐仲有餐茶同埋甜品。個甜品無寫是什麼，不過食起來似芒果慕絲蛋糕，個mouss

今日同友人去左大圍美琳村一間學校工作，離開時已入黑，行過橋底，美食地帶就在眼前，我哋入左向油站乎近嘅風車，情調唔錯；Set Dinner for 2 及 Set Dinner自選套餐，一係就散叫，兩個人要埋湯、沙律、茶就一定係叫Set Dinner for 2 $338 抵好多；先嚟一大兜新鮮凱撒沙律是日西式餐湯有新鮮蕃茄湯，睇得出用大量蕃茄煮成，好豐富嘅維他命C及茄紅素啊，龍蝦湯（+$15），美味濃郁，鮮味十足，配埋橄欖油鮮茄多士，香香脆脆；主菜有紐西蘭肉眼扒配焦糖菠蘿，煎到五成熟，雙花（西蘭花和椰菜花）用煙肉炒香，好好味👍🏼我覺得重點係條焦糖菠蘿，外邊脆脆地，條菠蘿好香甜，好有拔絲feel；波士頓龍蝦意大利粉食完仲有精選甜品，Mango Cheese Cake，初時以為係實實地如New York Cheese Cake，一食原來口感似Tiramisu；配埋杯即磨咖啡及冰凍生果茶作完美句點。

小時候新年最喜歡收到的賀年禮品便是積及橙餅，今天這家餐廳的甜品：橙味朱古力蛋糕，竟然讓我與這個味道再一次次美好地相遇💕長形小小的一片啡色朱古力蛋糕，在旁邊看到一層層的層次。蛋糕上有一層薄薄的可可粉，增加了蛋糕的香氣，隨著你將蛋糕放進口，感到蛋糕質地鬆軟，而伴隨著濃郁的朱古力味而來的，就是橙香甜的味道，絕對給你驚喜👍🏻👍🏻單是為了這個蛋糕的心思，便已經是令人再回頭光顧的理由。今天的二人餐的其他菜色同樣令人欣喜。頭盤的意大利蕃茄法包的微酸為大家的味蕾之後品嘗美食做好準備。凱薩沙拉🥗的topping 有煙肉，芝士和脆包，生菜新鮮得會發聲：每咬一口都聽到爽脆的聲音，絕不含糊。加$10點選的龍蝦🦞湯香味四溢，而且湯內也有龍蝦肉！南瓜🎃湯除了香濃，廚師保留了部分lumps，增加了咬口。主菜的肉眼排火候控制非常，order了六成熟便真的準確做到，半分不差，而且配菜薯角外脆內軟，令人吃到停不下來。龍蝦🦞意粉有半隻龍蝦，而且還貼心地預先將最多肉的蝦鉗拆彀，值得一讚。意粉內有洋蔥，磨菇和露荀一起炒，增加了味道層次。最後的熱餐茶也比平常的大杯，對於我這種「水怪」也只能被降服得五體投地，計劃下一次的再臨🤣🤣想

今日同屋企人去左大圍踩單車，還完車之後就決定係周圍搵野食。屋企人話想食西餐，係openrice 一搵之下發現左呢間「風車」，有好多好評😊一去到間餐廳覺得環境幾舒服，入面有張bar枱，夜晚黎飲下野應該會幾chill~睇完menu就決定左揀個二人餐，三百幾蚊有曬前菜主菜湯飲品甜品！講緊係兩個人既價錢啊～真係好抵食～😍黎左個前菜同湯，兩樣都非常好食。我地仲加多左少少錢換左個龍蝦湯，龍蝦湯好濃郁！！入面仲有少少龍蝦肉啊～建議大家要加錢試下呢個湯～黎到主菜，首先係龍蝦意粉，一上台就見到呢隻大大隻龍蝦～已經流曬口水。食落龍蝦肉幾彈口同鮮甜，配合埋芝士就更完美。意粉比較硬身，食落有口感，值得一讚！另外黎到另一個主菜，肉眼排。我地叫左七成熟。呢個牛排好有牛味，食落有肉質既撕扯感，唔會話煎得太老，仲要好大塊！我地兩個人share都差d食唔曬啊🙈🙈因為佢仲有薯角，真係好多野食。最後上埋甜品，朱古力蛋糕。係慕絲黎，食落唔會好甜，好濃朱古力味，屋企人都讚話好食。最後飲埋杯熱既水果茶☺️☺️成個胃即刻暖粒粒，舒服曬。總既黎講，咁既水準既西餐，仲要咁大份量，咁平既價錢—食過咁多間整係呢度先搵到❤️❤️非常滿足既一餐。

平時食快餐多，好少有時間坐低慢慢歎下西餐早兩日落雨天周圍都唔太多人出街食飯，就揀咗間西餐廳試下呢度有埋個小酒吧，就算唔食嘢都可以坐低飲下嘢今次兩個人食飯，見到menu咁多嘢揀都唔知揀咩好所以最後揀咗個二人套餐，有意粉有牛扒唔使煩其實仲有其他嘅自選套餐同埋前菜，主菜，甜品等等可以揀首先上咗個沙律一食就覺得啲菜好新鮮，覺得非常之開胃，因為係好濃嘅酸醋味再加埋有啲脆脆哋嘅麵包同埋煙肉碎，有口感亦非常之夾另外有個好得意嘅多士，因為我都係第一次食查左番茄醬嘅多士番茄嘅味道係生番茄嘅味，連平時唔鍾意食蕃茄嘅另一半都覺得呢個多士好好食餐湯有兩款可以揀，我哋揀咗個蘑菇湯同埋一個龍蝦湯磨菇湯好香滑，龍蝦湯嗰味就重啲，有少少鮮味主菜呢個龍蝦意粉非常之惹味，因為除咗隻龍蝦好食，連啲意粉都索曬龍蝦汁嘅味道再加上用鐵板上熱辣辣非常之夠鑊氣另外個牛扒都非常之有特色，因為加咗塊用糖再燒過嘅菠蘿放上牛扒度，味道非常之夾又唔會太韌，食落去肉味非常之濃食到咁上下都差唔多飽啦，差啲唔記得仲有甜品呢個係香橙朱古力蛋糕，朱古力味好濃，食落好滑另外仲有一杯嘢飲，我揀咗一杯荔枝水果茶，味道清清地，中和返頭先食完嘢嘅飽滯感