順興海鮮飯店 (已結業)

行完沙灘，漫步去碼頭方向，唔知食乜好，打開 openrice,續間 check 下報告，發現山邊2間唔多掂，一間比人寫過：中伏！另一間就：有禮貎地坤你！速逃到碼頭旁邊熟食檔，經過第一間叫做怡X，猶疑之際，幸得街坊指路，蹺過中間嗰間傳説中專呃鬼佬嘅……華X，到咗順興，坐低後點指兵兵……$288 套餐有足料靚湯驚喜！四位用餐以為會唔夠食，點多兩味，免開瓶，五舊有找！食唔晒，做咗大嘥鬼！警告：份量超級足夠，每碟都能滿足3-4人享用！

晚上七點左右帶同三位小朋友來吃飯，經歷咗非常不愉快的服務。我們未開聲，一位非常之不友善的中年大嬸叫我們走因為他們很忙。等我自己行去隔離餐廳時，他們又立即俾枱。餐具十分骯髒，筷子上面有🦟，枱面擦完了還留菜汁。我們一行八個人等了超過半小時才開始上例湯, 一共點了六樣菜，但是上菜非常慢，而且還故意忘了上，白飯吃完了菜還未上齊。炒䙺是最後上，而且啖啖沙，完全食唔落。后面的另一桌客人很醒目未等到上例湯，自行離開。其實這邊的海鮮餐廳有很多，奉勸大家千萬不要來這間餐廳用餐，尤其是帶著小朋友的家庭。Terrible experience with this restaurant. A middle aged woman was yelling around and told us to go somewhere when we got here after 7pm. The service is very slow and if you are hungry, please don’t come here. And the waitress was very rude and yelling all

同朋友行完山，順便食埋個晚餐先返去。難得黎貝澳，食下海鮮先，求其入左間大排檔☺️2個人2個餸加碗飯，本身驚唔夠，但見到隔離枱果啲好大碟，就諗住唔夠再叫，點知仲送埋一大碗例湯，真係岩岩好！🥳好抵食！💫～豉椒炒蜆～好大碟！好有鑊氣！隻隻都見到蜆肉，食極都仲有😋～海鮮豆腐煲～有蝦，鮮魷，魚柳，菜同好多件豆腐！🤩豆腐同魚都炸過，魚肉好滑，豆腐好滑好實心！😋😋😋最重要係2個人食完，飲埋啤酒，埋單$200有找，真係好抵，又好食！👍🏻👍🏻👍🏻

今日難得同屋企人去咗梅窩，經過呢間大排檔入去食個晚飯😋我哋直接叫咗個八至十人套餐，八餸一湯，都係$788， 而且每碟都好大碟，好抵食👍👍 每碟都好新鮮好入味，整體上都好滿意😍👍👍

我哋一家三口夜晚係酒店行返去碼頭嘅冬菇亭食大排檔結果令我大為震驚因為啲嘢食實在太太太太好食兩個大人+1個小朋友我哋叫咗一個二人套餐加多一個咕嚕肉二人套餐有:一條海中寶烚蝦炒蜆菜乾湯西蘭花炒魷魚total5樣野！冇一樣野唔好食菜乾湯仲要冇味精，蝦係隻隻都彈牙條魚超滑，咕嚕肉簡直係極品肉炸得脆，亦唔會太多汁好食過長洲海邊嘅海鮮檔好多倍又平！兩碗白飯加多支可樂同六樣餸，埋單都只係$520

今日生日特登黎梅窩慶祝，見到一排食肆，好似間間差唔多。隔離個幾間差唔多350起跳，但呢間288三個餸加例湯見佢咁抵，老闆娘又係咁sell，好啦，入黎睇下有幾正我地嗌左個最平既餐，等左半個鐘左右，全部即叫即整，海鮮超新鮮！d蠔手指咁大隻，蝦又大又爽，蜆大隻同有穫氣！老闆娘都好好人，價錢公道，明碼實價，唔岩食亦可以轉場。相比其他食肆，呢間最多本地人，雖然裝修未必最靚，但一定最有人情味！下次一定再黎幫襯

This place took a very long time to cook the food and serve it to us, but when the food finally arrived, it was delicious. The yuk si chao min, sliced pork over crunchy noodles and bean sprouts, was very crunchy and delicious. The fried garlic broccoli was also done to perfection. The chicken cashew celery dish seemed to have more celery and not too much chicken and the salt pepper shrimp did not seem to have the same flavour as I would get from other restaurants. The view is great as you are ri

放假天，同老公由愉景灣行山去梅窩晚上到梅窩熟食中心嘅大排檔食晚飯其實本來唔係諗住去呢間順興海鮮飯店，嗰位美少女問我地幾位，口快快答左佢2位，正想繼續前行嘅時候，佢又熱情地話好抵又好食，老公又話冇所謂，咁就坐低啦。發現d餐都幾抵食。對住個海幾浪漫，不過要唔怕熱，豬本身怕凍，所以覺得岩岩好，不過老公就熱到出汗喇。叫左個二人套餐，先送個例湯。一心諗住係味精湯，又唔係bor，真材實料，唔係鹹水味。夠晒鑊氣，又夠大碟，食極都有蜆肉。熱辣辣棒上檯，漿粉上得有心機，魷魚新鮮，一d都唔韌，又係大大碟，食極都食唔晒。坐喺海邊有d熱，叫左枝可樂，始終都係玻璃樽可樂最正，舒服晒。蝦唔算細隻，夠乾身，都唔錯d小菜好吸引，可惜已經飽飽，有機會再試食飽飽，喺海邊散下步準備上船仲有靚靚月亮，好滿足

“炒粉麵飯(<$50)冇架啦 全部叫小菜(>$68) 炒粉個啲你地去第度食啦 唔招呼啦” 笑左 胃口即刻減半 坐低30分鐘度啦野食就到 所以肚仔餓嘅朋友們真係過主啦～坐海邊 但勁多蚊之仔。完全中左伏☺️野食方面，叫左兩個小菜份量唔多，兩個人食，兩三下KO，豉椒鮮油味道正常野，多配菜🤔金銀蛋時菜⋯⋯好老⋯⋯有沙的，唔係一兩啖有咁簡單。食完後面台啲野食都未黎，但係係同一時間order，慘。除左唔會再黎，我直頭會叫人唔好黎。

兩人不大餓，點了一窩榨菜肉絲米，等了近半個鐘，比我們遲來的顧客都已有得吃，我們才向其中一位姐姐追單，客客氣氣的。怎料另一位姐姐聽到了，竟黑哂面叫我們：“等吓得唔得呀，唔等得不如走啦。”跟大部分香港人一樣，自小吃過大大小小不同食肆。這樣被人趕走，還是頭一次。或許，我們點得太少了，或許，我們至少要點足二人量的海鮮。這間食肆的評分不差，可我們卻有幸感受到它的劣質服務。真大開眼界呢！

見食評唔錯，放假入梅窩渡假，就去試試。建議大家如果要食就叫套餐好啦，唔好散叫海鮮！😐散叫一斤白灼蝦要成$300/斤（係平時街市靚蝦3倍價錢），蟹係$240/斤， 見我哋話貴就話$280/斤蝦俾我哋， 講得好聽話係海蝦，最後都叫了1斤半試食，結果上菜D蝦一半大一半細溝埋一碟，差別大，一碟蝦已經要$480，又唔覺特別鮮味好食吖！😩8-10人套餐嘅椒鹽瀨尿蝦，上菜就只得六隻，一人一隻都無！😩辣酒煮花螺，落酒太多，只有一陣酒味，完全無其他味道😑。我哋叫咗$788（8-10人套餐），另外加咗一個炒飯、一個炒麵、一斤半白灼蝦、一碗蠔仔泡飯，一個辣洒煮花螺、12支酒水，埋單竟然係要$1900。😵😵雖然唔係叫好貴，但今次大人6個，4個小朋友，都要加菜先叫啱啱飽，如果全部大人，套餐一定唔夠食！

假期一家由城巿逃走到離島一日遊!  一落船就見到一個大排檔, 好多客人食緊嘢, 剛好有張枱走左, 可以對住個海, 一邊吹海風一邊食嘢, 正, 試下先!今日只有3個人, 又食左早餐, 叫小小嘢食試下味就OK.  肉絲炒面 - 好大碟, 好足料! D面好脆!咖哩牛腩煲 - 好多牛腩, D牛腩好入味, 好淋! D咖哩好香, 又唔係太辣, 如果有碗白飯就正!  薯仔都好香咖哩味, 好好食! 可惜係汁唔多, 無得送飯食.... 西蘭花鮮魷 - 呢個就比較普通.  西蘭花太熟, 淋晒, 鮮魷亦唔夠鮮味, 重有DD雪味, 份量亦相對較細.  而而且, 食完牛腩煲, 都重覺得佢好咸.滑蛋蝦仁飯 - 呢個都唔錯, 好多蝦仁, 亦好大隻, 但就無咩鮮味.  個汁唔夠多, 好快得反D白飯, 好在重有個牛腩煲.全部嘢加埋只係3百蚊左右, 比起隔離幾間平好多, 嘢食亦唔算差, 係遊客區嚟講, 絶對係平靚正之選!

難得過黎渡假就要食下openrice評價唔差既餐廳啦！靠近海邊 吹下海風 又衛生既地方望左個餐牌諗左好耐都係叫散餐好啦！散餐先揀到自己喜歡吃的128 半斤 豪一豪啦！蝦都新鮮架，同起街市買既靚蝦係一樣!隻隻蝦都不苦味，所以好放心咁食埋D蝦膏!表面睇就知好多，所以好小心捏蝦殼，果然蝦膏濃郁!鮮魷係要炸得無咁油膩先係真功夫!!呢碟就係師父既真杰作!就咁單食都唔怕!!個魷魚都新鮮，咬落去爽爽聲!個蜆炒到粒粒都有開，隻隻都無沙，呢D就係事前處理得好吧!雖然有部分肉就SIZE細左D!!海鮮從來都以新鮮才為好味!呢一餐絕對無HEA你既!總之，真係超好味又抵既一餐有鑊氣有肉汁既味道老闆娘招呼又好！下次一定再黎！

是日生日，同老婆仔仔去左大澳一日遊，6點鐘出去梅窩走左班船，要等1個鐘，就去左熟食市場諗住食個快既，有2間，睇完食評選左順興，諗住快快手食完就簡簡單單叫左個2人餐加支大啤，反正一家3口都好細食...第一樣到既係白灼蝦，一上檯...得6隻，不過係中蝦唔係出面d細細隻，心諗：會唔會中伏呢？食前先影相，等埋其他野先起筷，再黎打孖蘭花花枝同炒蜆一齊上，唔等條魚起筷先啦，因為趕時間，先食蝦怕凍唔好食，一食有驚喜，爽口鮮味，再試炒蜆，好細隻，但係好味冇沙，又唔似出面果d一味得個咸字，西蘭花花枝片都好爽口入味。條魚到，賣相真係好一般，都唔知係咩魚，但一入口，蒸得岩岩好，好滑，連我個唔食魚既死仔都起勢夾魚（可能佢肚餓瓜..），除左個送既例湯冇咩味，其他竟然係驚喜之作！重要無敵海景！但最值得讚既係由老板娘至落單阿嬸都好好禮貌，好nice!!食完7:15，埋單358連大啤，極度滿意！

事源有幾日假期， 於是同男友計劃去離島渡假幾日於是上Openrice 搵資料， 見到呢間都有幾個好評， 就即管去試下la...... 甘就出__左事我本人係蟹后， 好鍾意食蟹...原先佢話叫碟薑蔥炒蟹（ 用既係藍花蟹） 要$240/ 斤， 我就覺得麻麻地， 跟住佢就推介$200/ 碟 有石蟹， 好！ 就信佢試下....跟住一黎到， 見到三隻細蟹BB仲要石蟹夾雜住D藍花蟹BB，真係好細隻， 男友話成碟半斤重量都無..材料唔講， 如果係夠火候或者鮮味既話都仲好D， 但男友話好似食緊軟殻， 無鑊氣， 無鮮味！ 好失望！2. 咕嚕骨 $7x最簡單無要求既餸..我一食我同男友講， 佢上一道餸應該炒過咸魚既餸， 男友話=_='其實係佢D肉餣到甘既味道-.-3. 椒鹽泥猛 $96算係唔錯既.. 但都係無乜味.. 唔夠椒鹽今次係小女子第一次打食評， 可能詞不達意， 但我淨係想同大家分享一下今次難食既遭遇😠因為梅窩真係好少食評， 我覺得應該要將個事實話俾大家知， 希望大家唔好中伏🙈🙈