順德漁鮮酒家 (已結業)

弟弟的生日飯。近日氣溫急降, 媽遂提議來這兒。雖說這兒出了名, 乃自從曾特首在孔雀石綠事件後在此擺\下食魚騷, 事實上這裡的菜也實在有水準, 否則也不會隔了這麼久都高朋滿座。八時多來到, 已有9 成滿。由於大家都餓, 速速點菜:家鄉醬燒骨($58) - 即甜酸醬肉排, 很醒胃, 煲仔飯未上已下了兩碗飯(不是我全吃光的啦~~)花膠海參扒菜膽($80) - 補充骨膠原之選, 我和媽媽合力清了碟排骨蒸陳村粉($55) - 好味但排骨略肥黃鱔煲仔飯($40) - 落單時侍應阿叔已話明要等40 分鐘, 果然這味是最後才上的。不過是值得等的, 因為我覺得它是最美味的! 黃鱔甘香油滑, 加上香辣的薑片, 不用加豉油已令人垂涎三尺。可此時都已飽到十足, 不然會連飯都清埋!時候太晚, 蕃薯糖水沽清, 但有位侍應叔叔竟然為我們跑到樓上VIP 房找糖水, 服務態度抵讚!連茶芥加一只$302.5, 相當抵食。聽說午市價錢更相宜, 下次定要再來蒸條魚食過。

上星期五在三樓VIP Room訂左一間房十一人食晚飯, 由星加坡來的朋友很喜歡, Minimum Charge只是$1,500, 我地9人請2人都是每人夾$195, 好食又好底食. (1) 皮疍莞茜魚湯:好正, d豆腐好入味(2) 油浸荀殼魚:炸得好但不油膩, 好多肉, 好大條, 次次都叫(3) 煎藕餅- 好香好味, 內有馬蒂, 一定叫(4) 炸子雞- 不錯(5) 紅燒豆腐- 不錯(6) 排骨蒸陳村粉- 必叫, 因好味及獨特(7) 豉油王煎中蝦- 其實是炸的, 不錯(8) 薑蔥焗蟹- 一般, 好多水(9) 金銀疍莧菜- ok(10) 炸鯪魚球- 好正(11) 白雲鳳爪- 好(12) 椒絲腐乳生菜- ok(13) 蝦醬通菜- ok(14) 渣渣(送o既)服務很好!

1月12日晚1行15人來品嚐特首宴兼聚舊。全順德特色菜,例如炒鮮奶+淡水魚產品,總之好"魚"宴啦!1)皮蛋芫茜魚片湯-內有豆腐,呈奶白色,唔鹹,皮蛋芫茜味適中,但有鮮甜味,所以有住家feel2)污糟雞-有紅棗同雞一齊蒸,普通滑,但就好香,好惹味3)蜆芥鯪魚球-粒粒大過ping pong ball,唔成"舊"粉,足料,炸得唔錯4)大良炒鮮奶-唔濃奶味(內有小小蝦仁+小小松子仁),但勝在夠滑5)醬燒骨-賣相討好,一條條大燒骨,排列好整齊,每條骨都包住d汁,酸酸甜甜,好開胃,如果肉質再鬆化d,就更佳喇6)油浸筍殼魚-睇個名以為好似油浸沙甸魚,油淋淋。其實唔,1條好大的筍殼魚先炸,令外表變成金黃,乾身,底有豉油。魚多肉,滑,結實,爽,好掂!友人連魚頭,魚骨都"損"埋7)釀甜尖椒-內有2種椒(尖椒+燈籠椒),適合不同口味8)欖菜蒸頭尾-即欖菜+醃過的子薑+"橋"頭蒸魚頭魚尾。見到肉少膏多,自知會嫌腥,免得浪費,所以留比友人享用,只聽到他們不斷話正,好滑,好味9)上湯/魚湯(唔多記得)菜心-大菜遠size,好甜,正10)煎魚身-好似是近魚腩位d肉,每件最妙是蘸了蛋煎,食落有d鹹香味,肉滑,近邊位有

同Daddy兩個人晚飯，人少關係，只叫了霸王雞半只、釀鯪魚，同豆苗．雞ｏｋ，肉都幾嫩，但有少少偏生，釀鯪魚幾好食，夠彈牙，有魚味．菜都炒得唔錯．總括來說，食品水準幾好．

星期六下午紅雨,我哋就走左去順德魚鮮避雨, 就叫左幾籠點心食, 雖然D點心個樣吾靚, 但食落D點心好新鮮(原來佢\地D點心自己整), 食到飽....叫?單時先發現價錢好平兩個食左六籠點心都系60元包了加一茶芥添真糸平....聽D人講午飯30文食碟飯連加一茶芥添嘩平過茶餐\廳添.......

快到父親節, 提早約埋舅父們一起食番餐慶祝~主力揀銅鑼灣區的中菜, 見呢度未試過就搵大家一齊做白老鼠. ^^點了五個菜醬燒骨: 醬汁有點似泰式點酸醬, 肉排帶點肥, 但有幾舊頗un, 但幾惹味的, 送飯最好煎藕餅: 煎得香口, 食到粒粒蓮藕粒, 肉粒, 冬菇粒等, 仲有點肥肉粒, 但食落唔肥膩大良炒鮮奶: 火喉剛好, 幾滑, 有奶香, 但要趁熱食, 凍左失色魚香蒸娃娃菜: 未試過這配搭, 娃娃菜幾甜, 加埋魚香咸咸鮮鮮的, 我吃了半碟污糟雞: 名就聽過但未食過, 點了半隻. 原來係大頭菜紅棗蒸雞. 雞肉幾滑, 但味道唔太特別. 配紅棗蒸亦是媽子常用的煮法, 相比下, 我覺得媽子手勢好d 大家都好有興趣研究此道菜名的來歷, 胡說八道一番後, 差不多尾聲了. 侍應送上我喜愛的甜品之一, 綠豆沙, 熱辣辣兼起晒沙, 忍唔住連舅父果碗都食埋, 我覺得係最好的一道"菜" 哈~這裏環境唔算好好, 可能樓底較矮, 就算人唔多但都幾嘈. 而且個別位置的冷氣幾凍, "食送"菜上檯後好快就吹凍了, 影響了味道.服務方面卻唔錯, 樓面只有兩三位負責, 但斟茶落單都跟得好足, 甜品亦會自動奉上, 唔錯

2006年3月11日生日翌日剛好哥哥和嫂嫂由澳洲到香港，相約於此吃晚飯。哥哥大小頭十年，所以小時候兩人是"玩唔埋"夾"唔多句"(通常是小頭被兄姊斥責，然後喊，我小時可是有名的"大喊十")。後來小頭有番咁大個也開始經歷工作和結婚等人生大事，大家的距離好像拉近不少。好像數學定理，如小頭的歲數是x，哥哥的歲數是(x+10)，as x approaches infinity, x 和(x+10) 的距離也愈來愈近了。晚飯點了四人套餐：例湯- 野葛菜湯，味清甜，份量足，每人可喝兩碗多。<img src="http://www.imagestation.com/picture/sraid204/pd355c6e6f007e314d90d312cdefb5db1/ef87d096.jpg" hspace="3" vspace="3" border="3"><br clear="all">蒸鯇魚大半條- 蒸得熟而不過火，魚肉滑，有少許甜味的豉油剛好幫忙帶出魚的鮮。<img src="http://www.imagestation.com/picture/srai

新年期間我又去過順德食飯,D 無變份量小價錢貴好多服務差因為D伙記只係識收利士無里其他人, 還有係得12人套餐根本無照顧我地D三兩個人, 佢之前又話唔做原來繼續做.

同老友食開年飯，本來想去灣仔粵華會食鹽水蜆，但七點幾去到已經係全場爆滿，唯有繼續往銅鑼灣方向住行住搵﹝食﹞啦！途經呢度，老友話食順德菜都好喎，鍾意試新地方o既我當然唔反對啦，就齊齊上樓去也。七點半左右黎到，見第一層都有七、八成滿，望下人地檯面D菜色亦幾對辦，就放心入座。老友話呢期胃口上佳，不過生緊飛滋，唔食得熱氣咁話。兩個女仔，叫左雲勝炒田雞、半隻污糟雞同煎藕餅﹝係呀，煎炸野黎架，不過老友話攤涼D食就唔熱氣喎‧‧‧﹞。污糟雞先上，係用大頭菜絲同紅棗蒸o既，碟頭非常大，我地都嚇左一跳。雞係新鮮雞，蒸得好嫩滑，紅棗仍然鮮甜，大頭菜絲亦爽脆惹味。雖然D雞都斬得幾碎同埋D汁非常好油水，但食落真係唔錯，我地幾乎清晒碟！雲勝炒田雞又係好大碟頭同油水充足，勝瓜都算爽甜，田雞則似係冰鮮貨色，冇咩鮮味，整體味道只係普通而已。煎藕餅一碟有成八件，件件都有手心咁大，本以為食唔晒，點知咬落係出奇地好味─魚肉鮮甜爽脆，配上切碎o既蓮藕粒，既有嚼頭，又夠嫩滑，沾汁食係非常對味，而且一D都唔油膩，送啤酒一流。我一個人都食左三件，老友就一路叫飽，一路夾起佢o既第四件‧‧‧哈哈，結果我地兩個幾乎掃清三大碟菜色，另加一碗

2005.12.27 晚終於在聖誕期間吃到煎焗鱘龍. 這種魚不是很多地方會有供應, 也不是經常可以吃到. 魚塊包了薄薄的蛋槳煎香, 魚肉很爽而有彈性, 最特別當然是鱘龍魚獨有的軟骨, 吃在口裏很有趣. 碟上鋪上了紅紅的椒絲、嫩綠的芹菜, 賣相也很吸引.每份$128比先前貴了一點, 但分量算很足, 最理想四人同吃才可多吃其它菜.

如果第二道冇位, 我一定黎呢到一來易搵位, 二來有水準.呢到最好食係佢個醬燒骨, 好野味炸藕餅都好好味.雞係新鮮雞, 唔係冰鮮.例湯夠火候.油浸筍殼魚係一絕, 好少有咁大條新鮮, 同其他又細條又係雪藏既冇得比.

三年前一次學會聚餐在此舉行, 初次發現原來淡水魚唔止鯇魚、大魚, 而且仲好好食o添. 雖然煲呔特首都曾幫襯, 但香港人可能唔流行食淡水魚, 加上孔雀石綠陰影, 呢度經常都較易搵位. 其實孔雀石綠應該一直都有, 現在問題嚗了光反而比之前更安全. 這裏的其它菜色也頗有水準.今日同老友食飯就選在這裏. 四十零蚊既例湯係必叫既, 成煲上, 多料味濃又有甜味, 湯渣都食得, 老友一個人就飲o左五大碗! 懶理孔雀石綠, 豆豉鯪魚油麥菜照上, 青綠又夠味, 好! 河鮮方面試煎焗(魚甘)魚, 用蛋槳輕包魚塊既煮法能夠保留魚既鮮味, 最希望食煎焗鱘龍, 可惜無貨. :-)今日其中一味係污糟雞(見圖), 其實係大頭菜紅棗蒸雞, 幾好食o架. 這一味用油較多(否則可能D雞件無咁嫩滑), 千祈唔好食埋D油. (佢地既菜膽雞都係唔錯既選擇, 我會輪住o黎食.)老婆鍾意食呢度既陳村粉(排骨蒸), 不過我就唔識欣賞, 少食.飯後送既蕃薯糖水都有薑味, 但就絕無東寶D咁辣.