順德漁鮮酒家 (已結業)

早前大家想吃一頓河鮮，遲遲未能成事，今次攪手一鎚定音，坐言起行，終於組成飯局。雖然不是週末週日，但二樓差不多坐滿人，想必吃慣海鮮也想試試河鮮的大有人在。皮蛋芫茜煲生魚骨湯 湯色如奶，魚味清甜，芫茜提昇了味道，入口順和。煎釀三寶 鯪魚肉釀入豆腐、青椒和茄瓜，魚肉彈牙，雜質不多，汁茨不錯，唯辣椒辣度指數甚高，吃時不太辣，但吃後由心辣出來。馬友蒸肉餅 蒸肉餅味道較普通，略鹹，馬友鹹魚不是我杯茶，沒有試。炸鯪魚球 金黃的顏色份外吸引，因剛炸好，太熱不能立刻放入口，鯪魚的味道顯著，陳皮味的襯托下，更添美味。豉汁蒸邊魚 個人一向甚少沾手豆豉，加上邊魚較多骨，反正是晚食物豐富，不吃也沒損失。油浸筍殼 選了一條三斤多的筍殼魚，龐然大物，賣相甚佳，一般魚多在腹部剖開，而筍殼魚則在背部剖開，這樣魚兩邊肉的厚度看來較均勻，烹調較易，免得一邊過熟，一邊不熟，油浸的方法，是以高溫油浸泡，用最短時間將魚弄熟。肉質已炸至外脆內軟，魚味較平淡，不能與海鮮相比，但這晚算做得不錯。炆花錦鱔 有好多馬蹄、唐芹，冬菇，友人食家試了件花錦鱔，說似是澳洲大鱔，我認識不深，不便置評，唯肉質很厚，口感彈牙，也很愜意。薑

試過早茶幾好，早就想到來吃個晚飯。是夜終於找到個機會，試過幾味菜式，感覺不錯，總算沒有令人失望。在漁鮮酒家吃晚飯，當然要點條魚。大鄉里未食過筍殼魚，就叫一條試試。$12/兩，秤起一斤二兩。吃魚還是喜歡蒸的，就決定用豆豉蒸。蒸得剛剛好，魚肉嫩滑得很，不是腍腍削削的，亦嚐到其鮮味。有些菜自己不會做，或者難做得好，定要出街食。因此縱使已有筍殼，還是要叫碟翡翠炒生魚球。這兒的做得也不錯，生魚肉嫩滑而實在。污漕雞則叫了半隻。之前一無所知，送上時有點意外，感覺實在好似冬菜蒸雞，連味道也吃不出特別來。平平無奇，是不懂欣賞的一味。順德名菜不少，大良炒鮮奶是其一。確是炒得幾滑而不濕爛，不過是否出色之作則不敢說。椒鹽黃金粒，即是椒鹽豆腐。原本叫來送啤酒，卻嫌沒什麼味道，麻麻。有魚有雞，不要牛也要加個豬，所以叫碟生炒骨平衡一下。名為生炒骨，卻基本上無骨，應說是咕嚕肉。整得酸甜味道恰可，排骨則外脆內嫩，是筍殼魚之外，最討人歡喜之物。加個瑤柱蛋白炒飯，以及半打細樽啤酒吃得飽飽的，埋單每人都不用百三，都幾經濟。

一行四人响銅鑼灣行完街，又係晚飯時間，睇吓附近有乜食肆，見到此店，便上去試吓。唉！！點知今次選擇錯了,因為味道好唔掂，價錢唔合理,要我再次幫襯都好難.當晚叫了四餸、四飯，承惠四佰幾，本來每人一佰元多少少，這個價錢唔算貴，但換來難食嘅一餐，我覺得所付出嘅代價就唔係太值得。大良炒鮮奶，我以爲北角鳳城差，原來一山還有一山高，此店仲差, 質感唔滑都算了，話明係炒鮮奶，完全冇奶香同奶味，好似用生粉水加蛋白炒成一樣，一句講哂，又油又難食.順德藕餅拼盤，比個名欺騙了，原來係貴價版嘅煎釀四寶，成八十幾，貴出面幾倍.四寶有炸魚旦、釀青椒、茄子、同藕餅，貴得來唔好食係最大問題，魚肉唔彈牙，炸得過火，外皮又乾又油，味道鹹，而且有陣油膉味。南瓜香芋大鱔煲，這個最難食，南瓜同芋頭炸得太乾，但表面又太油，雖然調味勁鹹，但鱔肉唔係太新鮮,所以蓋唔住泥味同腥味。蒜蓉豆豉炒蕃薯苗，只可説一句，味鹹且油，唔香蒜蓉豆豉味，冇乜特別好講。

自從佐敦間順德菜收咗皮就一路都冇再食順德嘢,自己就緊係想食啦,但正如德龍一樣,去呢啲地方一定要多啲人先可以試多啲嘢.但諗吓諗吓,如果一班人去到先發覺唔好食咪大鍋,所以我決定做吓探子,試吓佢啲嘢先,好食先再叫成班人去.一早打定電話去訂枱,去到二樓真係坐滿晒,嗰陣大概係7:30左右啦,所以溫馨提示建議大家訂枱先.四個人叫咗三個送.順德拼盤好大碟呀,每一個去呢度食飯都應該叫呢個送.我記得好似係80幾蚊,未嚟之前諗只係諗,煎釀三寶都要咁貴?碟送上咗枱先至明白,貴得嚟係有原因.碟頭大,淡淡肉,真係好低食.推介南瓜大鱔煲同普通大鱔煲都係差唔多,碟頭都係大.可以叫嚟試下,污糟雞最後上既一個送,食到嗰陣都已經好飽,只係打包第二日食.第二日返到公司叮飯,都仲好好食,一定要連埋啲汁用嚟送飯,剩係汁都可以食兩碗.雞我又唔覺得佢似冰鮮,我都推介呢個.其實送睇落去好簡單,但我諗好多人食過都會覺得可以返去再試.我當然亦唔例外.服務亦令人相當滿意.食都食得開心.

於星期日既下午茶時段 同屋企人打算試下未試過既茶樓到達後上1樓先有位坐可能下午茶時段喇 腸粉同埋粥都冇哂之後就叫左一啲點心同埋廈門炒米食食左蘿白糕冇影到 不過最抵彈既正是蘿白糕可能係特價食品掛所以凍冰冰.幸好其他點心上既時候都係熱辣辣出哂煙而廈門炒米就濕左少少總結係可以試下既又未至於要比喊臉咁陰公!

雖然只是來飲個早茶，不過也以漁鮮為本，叫碟魚片腸試試。蒸的時間掌握得不錯，魚片剛熟，吃落嫩滑。腸粉也做得薄而滑，且富彈性，加上喜愛的香蔥，是最滿意的一味。煎魚餅亦討好，表面香脆而不油，裏面魚肉豐富，吃落感覺滑而彈口，又不硬實。雞卷包雖然只得兩個，不過幾夠分量，餡料亦足，雞之外還有鹹蛋黃。只是用了帶骨的雞件，吃落略嫌不便。表皮雖不厚實，但是帶點濕，亦影響好感。鮮蝦時菜餃也比較差，皮嫌厚又濕濕的，其中一隻更散開了一角。這裏地方不大，但坐得舒服。總體感覺不錯，要找一晚再來試其家鄉小菜的功夫。

一心同老人家去食d中式小抄, open rice都介紹唔錯, 未黎過試下兩個人叫左1. 薑汁抄芥蘭<---成斤幾菜必試( 真係食到薑未)2. 生抄骨<------咩事d排骨細件到, 件件一粒仔禁, 手指頭都大過3. 順德拼盤, <---呢個件件兵乓球禁, 成個山必試推介仲有個蜆介好好味(陵魚球6粒, 青椒2件, 豆腐兩件, 蓮牛餅6件尖椒2件, 豆腐泡2件)阿婆年紀,係炸陵魚肉都食到幾條骨, 扣番分

銅鑼灣的軒尼斯道，不說也知是何等的旺，但一所順德館子，就無聲無色的在某大廈的二樓及三樓，沒有地舖的飯店，要人察覺都真的一定有一番實力，今天與家人就來吃一個便飯，最主要也是貪它就腳而價錢又合理。來到的時候已是近九時，加上訂了座，一心以為很快就可順利入座，怎知道店家竟是全店滿座，無一張桌子是空的，加上不少蔡瀾先生的照片，相信也有不低的實力，最後都幾番轉折，與家人坐了一張較舒服的六人桌，四人坐六人桌，當然是比剛才屈在角落的四人桌好多了，之後大家也來研究餐牌了。吃順德菜，當然是吃河鮮最好，但由於家人不愛河鮮，而且人數又不多，所以最後唯有割愛而沒有點，點了個油爆生魚球來作為代替品，另外也點了炸三寶，貪它有齊鯪魚球及藕餅，另外加多個污糟雞，再加條菜就成了。先來的是炸三寶，真的是非常大碟，但看起來又熱氣又油膩，看那三寶每個東西也油光滿佈的，吃起來又如何？盡量掃走一點油後，先吃炸鯪魚球，鯪魚球入口有鯪魚香，而且也鬆軟而夠彈牙，蘸點同來的蜆介醬，一股酒香辛勁，非常之鹹鮮，蜆肉也是大大粒的，配上鯪魚球同吃，絕對不比羅富記的差，真的是一流；藕餅沒有鯪魚球那麼油，一入口滿口也是炸香了的豬肉味，也難怪的，因為藕

同學仔長駐日本工作…在港o既日子吾多亦無定時…今次突然知會返港一星期, 把握機會, 即時約齊大伙見面聚餐…雖然係閒日星期二, 哩度兩層都幾乎座滿…大圍大圍o既亦吾少…可能樓底吾算高…所以幾困聲, 真正人聲頂沸!!!....好熱鬧咁!!..不過, 我地自問都係嘩鬼一族…無所謂啦!!!...樓面裝修平凡…聞名o既順德漁鮮菜…牆上掛滿一幅幅名人高官o既相, 好似蔡瀾、曾特首、亞洲小姐呀咁, 都曾為坐上客…亦樂意拍個照幫手大賣廣告!!!咁最緊要係食左先至講…我地點o既菜式分別係：順德污糟雞…叫左半隻, 蒸得好滑好滑o既雞, 個汁又好味…本來怕用紅棗蒸雞吾知會吾會好似藥材保品咁味...但又吾會播, 連紅棗都食埋!!...係味下酒好菜!!!...大良炒鮮奶…蛋白炒得嫩, 無油膩感…面頭放D干貝絲...提升鮮味!!!...喜歡可配少許紅醋一齊食…吾錯呀!... 鯪魚煎釀三寶…街邊小食可以坐嚮度乾淨衛生咁食, 真好!!...賣相就真係冇乜, 執埋一堆上碟, 好有風味!!…三寶分別係豆腐、青椒同茄子…鯪魚肉新鮮肉厚又彈牙…炸o既當然油一點…不過, 可真好好味啊!!薑汁炒芥蘭…吾係好夠薑…但芥蘭條條嫩綠…

從舊鋪到現址都食過三、四次，每次水準都幾穩定。前晚七個人晚飯，叫咗成八樣嘢，如下 :豆腐火腩炆花錦鱔 : 要260蚊一份，肉夠鮮甜，但稍嫌層皮未夠厚，但都算唔錯，而且個汁味道剛好，唔會太霸道蓋過魚味。鯪魚球 : 精彩之作，大粒夠魚味，夠彈牙，如果唔係太多餸肯定encore 煎藕餅 : 同坊間工廠貨式唔同，啖啖鮮甜魚肉之中又有藕嘅香味同爽口，兩者比例剛好，煎得夠香而唔燶，水準作紅燒豆腐 : 不過不失上湯浸菜心 : 菜心夠嫩，用上湯浸清清地剛好嘗到菜嘅原味污糟雞 :　大頭菜同少少紅棗蒸雞件，大頭菜嘅咸味同紅棗嘅香味配撘相宜，雞肉保持到嫩滑，算有雞味， 白雲鳯爪　：餐前小食冇甚特別，但值得一提係份量好多，一大碟好抵食醬燒骨　：　用酸甜醬煮豬肋骨，酸甜度平衡剛好，但個人唔係太鐘意咁整豬肉招呼幾好，價錢亦算相宜，而且自備紅酒不收開瓶費，抵讚! 另外啤酒價錢都好抵，平過七仔d蒸餾水。

是晚為一位長輩慶祝生日, 一行5人, 去銅鑼灣一間叫”順德漁鮮酒家”食。其實我地個個都係第一次去食咋, 因為呢位長輩淨係鍾情於中式食物, 所以就試試呢間。睇個門面就真係有少少令人卻步, 不過入面ok咖, 整整齊齊咁, service都ok咖。我地叫咗：鳳爪：難食(凍到有冰、又唔入味)”炸零魚球”：好香口, 真係未食過咁大粒囉..哈哈。魚肉苦瓜 ：我唔食苦瓜, 只能夠話d魚肉好味。雞：唔知係咩汁, 不過幾好味, d雞肉都幾滑。海鮮煲：材料都ok。仲送紅豆沙。其實叫得做”順德漁鮮”, 應該係出名魚的, 不過我地就會特別叫蒸魚..哈哈..不過..我地呢餐, 都好好味。

今日學生請食飯..本人對魚一向不愛... 加上店舖門面簡樸..本來心中不太喜愛...但係如果單睇門面就下定論就太可惜..呢間店真係好抵食.3個人食.....食了$1000 (因為是謝師.學生太客氣 所以叫了5-6 人的份量)河鮮非常新鮮.. 對魚腥極度敏感的我.. 對魚頭湯.. 一點抗拒都沒有..另外. 醬燒骨(類似甜酸骨..只是沒有太酸) 肉厚又有骨的鮮嫩.雞又是鮮走地雞..肉彈又滑.甜品是自家制的桂花糕..加入桂圓.甜起來又天然又不太過.有好多高官都是他們的常客...店外貼滿照片..是值得推薦的店...

人物：J.A.M., Sylvia, Tracy, Vivian今晚一行六個人黎喱間酒樓食飯，目的係慶祝我既生日，多謝晒我班好姊妹．．．１．咕嚕蝦球－甜酸既食物令我開胃不少，粉漿多了少少．２．醬燒骨－俾個餸名呃左，以為係ｄ秘製既醬汁，原來只是甜酸醬汁．３．肉鬆生菜包－生菜大大塊，包住ｄ芽菜，肉碎，冬菇，好味．４．藕餅拼盤－鯪魚肉釀青椒：尖頭既好辣，令到條脷麻痺左；蓮藕餅：不算甚麼，似肉餅多ｄ；鯪魚球：鯪魚肉有小骨，成粒桌球咁大粒．５．送：喳咋－甜度適中，唔錯．

週六陪娘親去做「苦力」，將其滯留於銅鑼灣畫室的大件油畫搬回荃灣。去做苦力前，先要補充一下體力，娘親就推介畫室附近的順德漁鮮飲茶。她極力推介的，是這兒的上湯鮮竹卷；不過今次有點失準，送來是不夠熱，是放涼了，腐皮既不脆也不腍，初吃味道較為一般；要放後了，待腐皮浸軟後，索了點湯，再吃，鮮甜而餡料爽口，感覺好得多。既名為順得漁鮮，當然要吃些與「漁鮮」有關的食物；煎魚餅上桌時熱辣辣，咬下去有少少爆汁感，魚的鮮味很平實，沒有添加，吃得舒服；鯪魚球粥亦然，粥和鯪魚都沒有附加任何添加物使之更「綿」更「鮮」，加了點生菜豐富味道和口感，味道都很實在。鮮蝦腸粉也作得不錯；雖然粉皮的黏性稍為過火了一點，不過那鮮蝦的確鮮味十足，加上點點芫茜，更見清香；叉燒包包軟而餡香，平凡中見真功夫；芝麻卷芝麻香強勁而味道清甜，質感爽滑，是新鮮製作；雖然實在飽到幾近爆肚，不過都要將之清碟！好，吃畢，埋單；要了六個點心，而且質素不錯，竟也只要$98?! 在銅鑼灣旺區只收這個價，實在令人有點難以置信....如此抵食，扮下孝順女請返餐都冇咁肉痛。 好了，食飽飽，要去我的「苦力之路」了.......上！

2009年05月01日，14:50趁五一假期，和太座撐檯腳，再選擇了這家魚鮮店。新址比老舖寬敞，夠光猛。在選點心時，見部長拿住錯單的炒麵，太座見排骨炒麵賣相好，傳來陣陣香氣，便要了。再票加5樣點心。豉椒排骨炒麵：麵底半煎，好香脆；肉排嫩滑、青紅椒爽脆。片腸粉：耀眼，耀不在油，而在"鄧麵"，但不會； 鮮味魚片大大片。魚餅：正式魚鮮店的魚餅，無可能失手。 酥香、軟滑、鮮味，最重要是不會油膩鳳爪：不是一般發完再發的鳳爪，有咬口，送酒佳品。上湯鮮竹卷：太座讚…讚… 剛炸好的鮮竹卷放入上湯中，口感極復雜雞卷包：打包回家，太座獨食，但她說不想再吃。再加了兩枝細藍冰啤HK$10.-，又是滿足的一餐下午茶八折超低整體服務不差。食物有水準，價錢合理，太座已愛上這店。