順德漁鮮酒家 (已結業)

知道這間順德酒家已一段日子，皆因以前有位長輩時不時到這裡吃午茶呢！今次第一次到順德漁鮮酒家吃午飯👉一上菜是很滿滿的煎爙三宝，我感到很滿足！跟著還有一大碟芥蘭菜👉我很喜欢。還有大大碟唐生菜胆雞，那碟鳝也很正，味道非常好呢！蝦餃及鲮鱼球不錯；吃完還（打包）走噢！👍😋

週六午餐點了排骨蒸陳村粉粉皮口感挺好，不會糊成一團，份量也大。整餐裡最滿意的鯪魚球 點心不過不失魚腩煲打芡、汁多、魚肉非常少大家都不太喜歡最horrible的一道菜灌湯餃如果你有去過鳳城酒家就會知道正宗灌湯餃係唔應該係湯入面上菜。咁樣上係因為避免顧客見到灌湯餃破皮漏汁宜家正正就係呢個case，一拎起就發現其實皮同餡分離，唔講以為人地洗手水入面放左紙巾浸係到。🙂記得都唔平，三十幾蚊好似淨係食一塊餃子皮。😂😂😂😂😂😂😂😂😂😂😂巨伏

一行八人，到此酒家食晚飯。平日多數吃午餐，第一次吃晚餐。事先預訂了冬瓜盅，消暑、去濕一流，每人約有一碗半，湯料也可以吃得到。一大盤的煎釀三寶是重中之重，今次仲配上蓮藕餅，其實單單這一碟餸再加白飯，都夠八個人食。筆者最喜歡食魚，是次盤龍鱔夠哂睇頭，很入味，可惜魚肉不夠彈牙。此頓晚餐的整體感覺是平、靚、正！而且餐廳是充滿人情味的，員工像是老屎忽，但並沒有躲懶，笑容是親切的。請大家繼續支持非連鎖店，食物不是粗制濫造或是一式一樣，而是每一次也是驚喜的。

訂左 6點半，一行七人到這裡晚飯。煎釀三寶，雖然份量比以前細左，但魚肉依然彈牙。菜芯炒牛肉，牛肉和菜遠都嫩口，炒得十分夠獲氣。咕嚕肉，份量細小，肉得幾粒又吾脆，這個比較差。炒番薯苗，冇試。排骨蒸陳村粉，d粉好滑又有米香，個豉油調得好出色。瑤柱旦白炒飯，炒得好乾身，粒粒分明，但略為淡口左少少。7點多離座，都差不多坐滿，平日也有這樣的生意，應該與價格合理有點関係。加左 $50切餅費，埋單 $735，都抵嘅。

第二次光顧，還記得第一次來的時候非常欣喜，因為我特愛炸物，而恰巧這裡的招牌就是煎釀拼盤。由於人數不多，只可叫藕餅，個人認為是拼盤中最為出色！每一塊都均一，顯出功架。但略嫌魚肉跟連藕的比例參差，較沒爽脆的口感。店員推介了霸王雞，值得一試。誰不知雞味不濃，肉質不滑。不過配料也充足，可能是時令不合。店員非常熱情，介紹了店內有名的河鮮，可惜我們只有3位，吃不下整條魚。另外試了豉油王蝦，醬汁不夠乾身，蝦也炸不到脆的感覺，吃到濕濕淋淋的感覺。而且蝦不算很新鮮。以及叫了一個魚骨例湯，出奇地讚好！除了味道偏濃，湯能滾出奶白色，中和吃下一口的油膩。如果一大群人來吃，相信氣氛也會熱鬧起來，雖有進步空間，但認為店員的態度、順德菜的名號，也會吸引不少人的。

食過幾次終於忍唔住要俾好評支持下⭐️順德精選例湯 $98(是日例湯係鯪魚粉葛赤小豆 老火湯原煲上 份量已經夠4人飲 每人有2-3碗 好有喺屋企煲嘅味道 建議提早打去book台留湯因為賣哂就無)⭐️順德藕餅拼盤 $128(好大碟 除左蓮藕餅 仲有豆腐 茄子 尖椒 青椒 鯪魚球 多人必點 每一舊都有厚厚嘅鯪魚肉 仲有一碟蜆蚧點鯪魚球)⭐️欖菜肉鬆炒四季豆 $72(四季豆好爽脆 夠鑊氣 唔會煮得太林)

已經好耐冇嚟，所以即慶嚟食晚飯，本來訂位訂埋例湯，點知唔夠兩分鐘就打番比我話例湯賣晒，但係我們照去，我哋叫了四個餸有:順德蓮藕餅拼盤，嚟到大家見到得一個反應，就係嘩，份量超多釀啲鯪魚肉超厚，目測見到有成幾十舊咁多，起碼三十幾件，蓮藕餅蓮藕太少所以似食普通炸鯪魚肉，拼盤仲有鯪魚肉釀茄子，尖椒，青椒，豆腐，全部都超足料好厚鯪魚肉，真係啖啖鯪魚肉，好滿足好新鮮好好食，最後我哋都食淨七至八舊，嚟緊哩一年都唔會再食煎釀三寶。生炒骨，其實佢撈貨，因為有啲生炒骨有啲咕嚕肉，所以有淨肉有骨，同埋酸比例都啱啱食，缺點係太多酸汁芡，浸都啲肉唔脆。上湯唐生菜，哩個非常失望，因為唔想太油先叫上湯，但係一食就啖啖油，落咗超多油，仲油過油菜，好伏。炸子雞(半隻)，等咗好耐，食落雖然脆皮但肉un，佢似用霸王雞嚟炸，所以本身熟雞再炸變咗皮脆肉un, 仲要好少份量，哩個好差，中晒大伏 ><總括嚟講煎釀三寶未嚟過嘅朋友必食推介，和訂位時訂埋例湯，因為七點後一定賣晒 ^ ^ 😃😋👍🤣

今晚朋友生日，想食炸魚，所以到這𥚃晚飯。油浸筍殻，$15/兩，一斤十四兩，炸得好香口，但𥚃邊d肉又好滑。咕嚕肉，肉的份量不多，洋蔥、青椒就不少，肉炸得有點乾，普通啦。涼瓜炒魚餅，魚餅厚身，涼瓜爽口，個汁有點杰。蝦醬通菜鮮尤，有獲氣及淡淡蝦醬香味。炸子雞1隻，冇乜味，炸得有點乾。煎釀三寶，又系超級大碟，魚肉彈牙又香口，好味。楊州炒飯，炒得好乾身又有獲氣。帶左個生日蛋糕，切餅費 $50。埋單$1400，抵食，但好似有一點點退步！

今晚同班弟兄姊妹們食晚餐我們叫了好多菜1. 冬瓜盅好大盅，要一早訂的！好適合大班人一齊飲，好多冬瓜同材料，有瑤柱、帶子、魷魚等等配料，每人都食2-3碗（我們有8人）好豐富又清涼，適合夏天消暑飲2. 豉汁蒸蟠龍鱔好野味、好濃的豉汁味！鱔都幾彈牙，但多骨；醬汁拌飯都唔錯3. 瑤柱肉碎蒸蛋蒸耐咗，蛋唔係好滑，肉碎及瑤柱份量都多4. 煎釀三寶份量好多，好香又野味！有茄子、青椒、豆腐、長青辣椒，魚肉都幾好食，好似好多枱客人都有叫，推介之一5. 煎釀鯪魚要特別訂的，好正喔！釀鯪魚好香好特別的口感，醬汁好野味好好美味6. 大良炒鮮奶這個是順德特色菜餚，但個樣好奇怪、質感好怪，這個麻麻地7.順德污槽雞是蒸雞，都幾滑同雞味不錯，我們要了半隻8. 半打壽包外面是麥包，內餡是豆沙及咸蛋黃，好熱辣辣又軟熟，內面又不會太甜

與同學一行八人到這裡晩餐。可能因為打風及星期四的關係，人客不太多，坐得幾舒服。盤龍鱔，$13/両 （1斤10両）肉質結實彈牙，豉汁味道適中，好此道者一定食到好開心。煎釀三寶，有成30件得黎又大件，人少一定吾好叫，豆腐滑滑，尖椒微辣，大家食得十分努力，最後仍餘下3件。涼瓜炇魚滑，魚滑煎過下再打左個汁，有點杰。通菜鮮魷，魷魚細細件，通菜炒到有點獲氣，好香口，但食到碟底略為多水。金銀旦莧菜，d鹹旦好鹹，莧菜冇食，秘製鹹雞1隻，$240，類似普通一隻鹽焗雞，這個好一般。白飯7個，埋單$1200。應該可以再黎！

香港的海鮮全世界都聞名，可是河鮮同樣出色。這裡的老火例湯，料足、湯濃，對於不常在家煲湯的上班族來說，非試不可呀。魽魚火腩蒜子煲，我喜歡魽魚肉甜，魚刺少，與豬腩肉一起煲，非常可口。魚崧，吃得出胡椒粉和陳皮的甘香。和秋葵炒，頓覺健康，少了油膩。鯪魚肉煎釀藕餅，看似簡單，卻費時考功夫。這裡的是恰到好處，若是能再少一點油，就很完美了。

親友從澳洲回來探親，自然想帶她去嚐嚐彼邦少見的家鄉菜了。當天的例湯 生魚排骨蓮藕湯，火候到家，鮮味十足。不只親友，連我也頻頻添加。這個鯪魚釀蓮藕餅，是她念念不忘的佳餚。果然，外脆內嫩，親友說還是老味道。火腩蒜子魽魚煲，肥美的魽魚，過油剛剛好，配合豬腩肉一起煲，互取精華，飯也吃了一大碗。魚崧炒秋葵，健康美味，頗有新意。在現今的經營環境下，酒家出品的分量非常大，的確不是一件容易的事情。不單親友，我們也心懷感激有這種感覺維持這種情懷。

約左親戚係銅鑼灣飲茶，選擇太多，都唔知去邊間，最後揀左呢間老字號，但好攪笑，大家都唔係好想叫點心食，於是叫左啲小炒，點知佢個蓮藕餅拼盆成座小山丘咁多，件件蓮藕餅同埋煎釀三寶又大又香，最好就係食嘅時候仲係熱騰騰，非常好味過隱，仲有佢嘅豆苗，好新鮮好嫩，絕對冇油淋淋咁，而且份量絕不欺場，大大碟上抬比你，真係估唔到今次冇點心食嘅飲茶會有出人意料嘅美味驚喜，當然，話左係老字號，呢度嘅裝修都係舊款中式茶樓咁，但我又冇乜特別意見，反而覺得最緊要係啲食物要好味道就好了。

今午終於去左食我至愛之一⋯⋯順德藕餅拼盆，有我至愛煎藕餅，大大件鯪魚肉混埋年藕碎，好有口感，第二愛係蜆芥炸鯪魚球，夠彈牙，有啲煙煙銀銀，似我兒時向街邊食走鬼檔嘅炸魚蛋，個蜆芥醬有幾粒大大粒蜆芥肉👍🏼，其次係尖咀椒、釀豆腐、釀青椒及釀茄子，$128超大碟，好抵食；今午仲叫左上湯豆苗及蒜子火腩大鱔㷛，個豆苗都大碟又好食，可惜個大鱔㷛就麻麻地，鱔唔多，配菜嘅茄子佔左個㷛三分一，味道都淡，下次可以叫另外一樣㷛；四個大人只叫一個白飯，因為大大碗，加埋D餸大大碟，食到個個肚大大😄。

叫咗2個餸，薑蔥魚腩煲同堆涼瓜排骨煲，食落好似幾好味，但係食完行出門口就開始口渴卒之要食可樂解毒。師傅落得重手，又或者係我倆食唔慣？2個餸，二百一十蚊，低唔低就見仁見智，但係食到一肚味噌就真係唔低。