順德公漁村河鮮酒家

營業中

休息中

店內油煙味勁重、座位擠迫、煲大食物少、部份店員及收銀冇禮貌、食物冇新意，希望貴店盡快改善!!!

係忙到斗唔到氣o既工作中,突然間收到酒友約食飯就諗都唔諗即刻應承啦,攪掂晒d功夫去到又係最遲一個......坐低飲啖冰凍紐西蘭白酒一陣間餸菜已經黎到薑蔥蝦醬魚卜--一開蓋有陣好香o既蝦醬味已經撲面而黎食落魚卜好新鮮同唔會比蝦醬搶左味,好食!蒜子火腩炆稔魚--雖然係淡水魚但好有鮮味另個汁打得好好xx焗魚腸--另一功夫菜,食落唔覺腥大良炒鮮奶--感覺炒得比較濕同油,普通普通馬友咸魚蒸面珠--入口咸香用黎送飯一流排骨蒸陳村粉--d粉又厚又一舊舊,唔好食順德小炒王--普通o者o者唐生菜--o.k.魚湯浸娃娃菜--用左魚湯食落好鮮甜!順德公炒飯--普通但都夠乾身埋單約$900,整體黎講師父手勢唔錯,比較下河鮮o既菜式比較好而其他都算合格,環境方面臺與臺比較迫,另外因上菜大多用大瓦煲上因臺太細成日攪到放唔落,招呼方面因人手比較少有時要等一陣先會有人應!

好耐冇去，琴晚帶我外國朋友去俾佢見識一吓。好早去到，唔洗訂枱又唔洗等，仲俾張６人枱我地添！可惜張枱下邊有罐石油氣係到，坐得唔係好舒服。酸菜已經唔係仁稔，只係辣青瓜。我朋友就好鍾意佢地既鐵觀音，好味。出去魚檔到揀魚，啊姐介紹已擋開既咸水魚（唔記得係咩魚囉），但係擋魚既金毛哥哥就介紹左條游水魚（都係唔知叫咩名），啊姐話要＄１４４，點知check單時係＄１７１。菜單好似少左好多，雙皮奶又冇，服務都算好啦。

聽朋友說，這裏的點心很好味，因此早幾日便約了另外一些朋友去食午飯。我們叫了特色沙皇飽、鮮蝦腐皮卷、鮮蝦莧菜餃、千層馬拉糕、頂級鮮蝦餃皇、爽滑淨腸粉、腊味蘿蔔糕、均安煎鯪魚餅和大良雙皮奶。特色沙皇飽- 內裏的蛋黃很濃，但味道一般，真係一個起兩個止。鮮蝦腐皮卷- 煎得很香，味道也唔錯，可以一試。鮮蝦莧菜餃- 莧菜味香濃，鮮蝦新鮮。千層馬拉糕- 馬拉糕很鬆軟，口感不錯，但點解叫千層呢？明明只有兩三層吧了。頂級鮮蝦餃皇- 外皮很薄，內裏的鮮蝦很新鮮。爽滑淨腸粉- 腸粉很明顯是自家拉的，比一般的當然好味，可惜還未夠薄，而且也落得太多油，令食落去時滿口也是油，實在可惜。腊味蘿蔔糕- 煎得剛剛好，蘿蔔味香濃，反而腊味味就唔多。均安煎鯪魚餅- 鯪魚餅味道也不錯，但比較一般d。大良雙皮奶- 今日最差的一味，完全唔滑，食落一口粉，相信可能係用粉開出來的，不吃也吧！其實食物也不算差，但之前不停聽朋友讚如何如何好食，但今日一試，真係有d失望。那侍應可能比較新，把我們和同桌的另一些人的單弄錯了，令上點心時出現一點麻煩；好在他很有禮貌的向我們解釋和補救，這還是值得讚的。

7月29日- 分店位於佐敦衛理道8號地下老爺生日晚飯，一行10人到此慶祝。起初以為前菜是什麼欖，看見下面的亞娘食家的文章才知道是仁稔。湯兩煲: 天麻魚頭湯，例湯(估係魚湯，奶白色)。湯鮮甜又夠薑(味)。骨- 香口惹味，砂鍋上，夠熱辣辣。海參花膠北菇煲- 花膠腍，北菇香，醬汁不會過杰(好怕過杰的獻汁，涼了似槳糊)，同是砂鍋上。咕嚕肉- 甜酸適中，醬汁不會過杰，但皮不夠脆。(蘇絲黃說陸羽的咕嚕肉最好吃，$100客，有興趣的食友不妨去印證一下)腐乳汁生菜，翅汁莧菜- ok漕雞半隻- 和亞娘食家所描述一樣。蒸水魚- 我沒有吃，但老公話幾滑，我見他頻頻起筷，應該幾好味。蒸兩條什麼骨魚- 樣和味道都似鱔，食味也不錯。甜品- 燉奶，奶味濃又不會過租，雖然我不嗜甜但都吃了大半碗。總括來說很滿意。服務很好，頻頻換碟、收碟。

今次吃了檀香骨和薑芽甜酸蝦。檀香骨等如黑椒京都骨, 同樣用瓦煲上, 同樣是煲大大, 煲底有好多大葱和青椒。排骨每件四寸長、寸半粗, 被黑黑的汁液包裹著, 黑椒粒疏落地散佈其上, 味道濃郁, 甜酸中帶點辣。薑芽甜酸蝦等如沙律醬大蝦球。蝦球每隻直徑一寸左右, 用粉漿包裹落油炸, 再用一層厚厚的千島汁撈均, 又是甜酸。兩道餸菜的醬汁都比較杰, 既甜酸, 又濃味, 天時熱吃起來容易感到飽滯。跟上次一樣, 餸菜熱辣辣好有鑊氣。

上年曾光顧此店，並事前請經理寫菜單。印象中該次所有食物(以海鮮為主)都頂瓜瓜，美味非常。順德雙皮奶亦是必食項目，香滑又不太甜。

第一次見到有飯店把「銀稔」做前菜, 圓圓的一顆像龍眼, 湛上微甜的豉油放入口中, 久違了的味道.侍應推介「花錦鱔」. 上桌時大大的一個搪瓷礃, 蓋子打開, 好彩, 食物佔瓷礃的一半. 花鱔皮滑肉嫰, 用大量的大葱和蒜子去炆, 汁多好送飯.還有「汚漕雞」半隻. 上枱時用竹籃承著一個矮身的蒸糕盤, 不知是雞太小還是什麼原因, 老覺得不足半隻. 雞很滑但肉不多, 有大量沖菜, 味甜多汁好送飯. 最後是雙皮奶. 碗是暖的, 但奶卻不冷不熱, 也不見有雙皮. 奶質很濃稠, 但帶酥味.因為餸汁好味, 兩個人吃了三碗白飯. 雙皮奶$9一碗, 汚漕雞$70半隻, 最貴是花錦鱔, 要$280, 有西瓜送. 不計花錦鱔, 平均$60一碟餸, 有檀香骨、梅菜蒸菜遠、燒鱔和蒸魚腸等. 舉目所見, 星期一晚七點前是街坊生意, 八點左右開始人多.

河鮮酒家好特別！裝修特別！

數月前看信報看到食家唯靈說到此店吃河鮮如何精彩，於是一直想等得閒來試，可能本身並不特別嗜吃海(河)鮮，因此並不覺得河鮮o既魚特別好吃，但小菜夠鑊氣，顯出廚師工夫，味道有90分以上。<br><br>先說河鮮，唯靈在報上說河鮮即淡水魚，一般人以為只有海水魚(即海鮮)才好吃，但其實淡水魚也未必一定是人工飼養，若魚生猛新鮮，一樣好吃，因而名為河鮮。<br><br>為安全起見，照足報紙點菜，叫河鮮粥....話未說完，待應已說河鮮粥跟本無得賣，問有否報紙說的帶子炒鮮奶，待應說有，但炒鮮奶也不是該店招牌菜，最後點了薑蔥焗田雞，上湯燴鮑魚菇，煎手打魚餅，牛仔骨，蒸魚(忘記甚麼魚)。除了牛仔骨外，全部水準以上(河鮮店還是吃河鮮好)，上菜時食物夠熱，吃得出廚師功力，而碟頭偏細及清淡，適合喜歡吃清淡及試多幾味菜的人(因細碟唔夠食)。<br><br>甜品叫了蒸及炸黃金糕，有點像馬拉糕，有蒸及炸兩種，切薄片，內裡紋理似大樹菠蘿，幾得意，應該是地方小吃。<br><br>小菜每碟約$50，