順德公漁村河鮮酒家

營業中

休息中

今天約了N君中午飲茶，約了在客戶附近的順德公，十二點鐘來到有大約三至四的客人要與一對年長的夫婦搭檯。我與N君一面談天一面剔點心紙，點心很快就到了。蟹子百花釀魚肚，整體口感味道都好。鮮蝦溫室豆苗餃，用的真是溫室豆苗味道清爽，鮮蝦也不錯。叉燒包，餡料沒以前那麼多，但是只收你$12.8那也不錯了。白灼靚生菜，我喜歡這腐乳汁及大蒜，反而N君不吃蒜說這蒜太生。這裡點心質素穩定，可惜只有兩人不然真可以叫多兩樣點心。與N君聊天之際一面看著大電視所作的美食品推介，發現這裡晚上的菜式也很吸引，會再來。

呢間食店，早於2008年時介紹俾家父，因為佢真係好鍾意食魚。早市午市晚市都試過，一有時間就搭車去食。最近兩年加價超過五成($35>$55)，當係通貨澎漲兼主廚買位上電視要錢。依然咁多人食。知道搵位難，咪十一點幾去食午飯，早市接近完得四分一既檯有食客，於是我地三個明知要搭檯就坐左去仲有三個人坐既六人檯度，有位深資員工開茶，邊拎茶過黎邊要我地移去另一張指定檯，但係得兩張櫈所以我地冇調過去，個深資員工就發脾氣放低壺走左去冇理我地，等左五分鐘都唔拎餐具過黎，我地問另一位新員工兼落單，新員工好似怕左個深資員工咁唔敢幫我地，我唯有自己走去自己拎餐具，跟住就俾個深資員工鬧我好唔跟佢指示做，其他員工聽到我地講既野，就即刻安排座位，原來個新員工真係冇幫我地落單當聽唔到。跟住黎左三位工人搭檯，叫左咸「魚」雞粒炒飯，佢地同落單既講明係食炒飯，但都係黎錯左蒸「魚」飯，送菜員勸食客要左碟蒸魚飯完全冇心退入廚房，經理出頭都係要迫食客啃，仲話係一樣啫，價錢又一樣，又唔認有人落錯單，三位食客堅持要食炒飯，先有人為難地拎返入廚房。而我地食慣果碟魚飯，魚既品質依然好好，梅菜味道都好味，但份量真係少左。而被迫調窄位

錯過了上一次係順德公既飯局，食家朋友一直說佢既雙皮奶有多好吃，有多好吃多濃郁，牛奶既成分有多重，好吧，點都要黎試試看，雖然地方都真係比較隔泄，係柯士甸站，亦要感謝兩位朋友不嫌遠，同我黎呢位食飯。係約兩小時前，預先打左黎訂呢度訂位，仲預留左三個雙皮奶。呢度係一個位於地鋪既餐廳，可容納五六十人，係近窗既地方有一個魚缸，有各種既魚類，係魚缸對住既天花上有兩盞好似街市用黎照雞蛋既燈，幾特別。係星期五既九點鐘入座，全場約六成滿，而四人座位黎講，檯都好寬闊，但有好多檯腳位會頂到腳，檯同檯之間既距離亦很近。因為係食海鮮既關係，菜單上有很多菜式都係時價，點左幾款小菜，包括帶子鮮蝦大良炒鮮奶，半隻烏槽雞，千島蝦球，加埋兩碗白飯帶子鮮蝦大良炒鮮奶：原本諗住食炸鮮奶的，但原來呢度並無做炸鮮奶的，睇黎要去天與地先有得食了，呢個菜並無帶黎太大既驚喜，雖然係叫炒鮮奶，但奶味並不夠香，但蛋有比一般既要滑一些，蛋白既分量頗為多，反之帶子肉同蝦肉都是散開小小顆的，分量亦不多，不容易搵到半隻烏槽雞：烏槽雞算係呢度既名菜，先係用錫紙包住整個係錫紙上剪一個十字，繼而上菜既時候先將錫紙完全撕開。調味既材料各種各樣的，很豐富，但

六月下旬‧炎熱一連在這裡辦幾天飯局，近二百人出席，鼎盛。找大廚寫了幾味餐牌沒有的順德魚鮮菜，菜式實而不華，好吃價錢也便宜，在席的都吃得開心滿意。一味燉奶更是不錯，濃郁有豐香奶味，香甜不膩。作為一頓魚鮮宴的收結，正好。還有幾晚，期待！

婆婆生日去咗食順德野,點知原來好好食里個魚頭好味到震呀^^佢加咗D薑蔥,令到個魚頭既香味更加突出。另外個魚頭炸得剛剛好,金黃色的,之後,食咗個炸蝦加咗沙津幾好味,但有D''流'', 不過d蝦都幾新鮮D。用腐乳炒, 幾香, 覺得d魚卜口感有d怪,但整體來說都ok下次會再去的。

有人在炎夏帶隊入「漁排」吃海鮮才叫識食（或式搞氣氛），Isaac不懂製作話題，但一些好店還是會和大家賞味，年頭我們在鳳城以順德宴席菜團年，然後是名人坊《米芝蓮》二星推介的順德菜家廚真味，到炎夏大局我們就去到佐敦老字號順德公，見識順德菜另一大系～河鮮風味。本地不少好店就在眼前，但大家很多時也習以為慣地「去開個間就個間」，就算明知是集團連鎖式味道亦無所謂，最緊要唔洗諗吃「旅行團餐」；值得高興是隨「飯局」四出征戰的食友，也會欣賞一些在別家吃不到的風味菜，也因為大家，所以Isaac才有心力繼續發起大小風味宴，我相信大家所試過的拿手菜，隨便說出來亦早已超出公仔箱食家所能解答得出的範疇。八月暑氣還未過，菜式不宜大濃大鹹，嘗順江河鮮也合節氣，搞手日常「生活」之一是來回幾轉，去定平日大家聽過卻未必試過項目，比方「燉大良水牛乳」。不能不推介這裡全港獨家的「燉大良水牛乳」，由於水牛乳不經巴士德消毒，Isaac曾試過在大良「偷運」下來，置雪櫃兩天後已失真味，也難怪打著正宗順德菜的大集團不考慮「利小本大」的平常食材列入餐牌。在貨源難求下，首局做不來，到次回合終於收集到半百人份量，燉得香滑，兼有水牛乳獨特的奶臊

6:30pm, 原本去"江南人家", 點知關門大吉, 便行入隔離嘅順德公, 點知差得咁交關!入去坐, 叫人點菜, 但個個侍應都叫我哋等, 原來只有一個人可以落單, 等咗好耐, 落單個人終於得閒幫我地落單, 但過程有迫你食貴海鮮,及飲貴湯嘅感覺, 我們堅持叫自己想食的東西, 但原來唔好食,1) 叫個"蝦沙律(熱)" , 價錢好似係$12x 或$13x, 但無水準, 2) 叫走地雞, 但佢話無, 改叫"污糟雞", $12x-, 加些炸菜蔒, 但淡而無味, 差過公司 附近茶餐廳$32-個炸菜蒸雞午餐很多.3)梅菜菜芯, 普通la, 外表及味道都唔及黃大仙中心個 2間順德菜館.4)雙皮奶普通, 唔滑, 3款全部食剩半碟唔想食.2個人, 食左$449-, 咁嘅水準, 好唔抵, 今次好有羊股feel!!

我好少食魚肉以外部份, 第一次響度試都幾驚喜!1. 白灼鯇魚皮好爽2. 煎焗大魚嘴 - 煎得恰當好處, 加埋有少許魚肉, 咁好咬頭!3. 砂鍋鮮魚卜 - 好惹味, 我真係未試過食魚卜食得咁開心!4. 大良鮮奶炒帶子 - 有奶味!

aug 22, 11.............攪手安排咗5圍 (大約70人)..........試咗 :1) 前菜2) 白灼鯇魚皮-個人對灼魚皮麻麻,食落好似有d生生哋-但呢個沒有滑潺潺/咬唔開嘅口感,而且幾爽,絶無生嘅感覺,熟透的-味道有點麻油香,調味得不錯3) 天麻魚頭湯-很有油光,食友話可能喺魚頭嘅膏所致-用料有埋雞腳-天麻味都濃,但又唔會過份藥材味,亦帶有鮮味4) 鯪魚釀孖寶-表面看,已望到有點過油,幸好入口唔嚴重-藕片爽口,而所釀嘅鯪魚有鮮味,1d都唔腥,肉質唔會好腍-青椒有d食友話唔辣,有d話幾辣,相信喺食肆在去籽時,不是每隻都徹底5) 煎焗大魚嘴-這個除咗上枱時香氣4射之後,入口都好香,好惹味,好濃味,可能同佢好慷慨咁落蔥段,洋蔥,薑片等-包住佢嘅粉都薄,煎得香口-魚頭都有好嫩滑嘅肉,滑嘟嘟嘅魚膏-1d腥味都無,而且蔥段同洋蔥仲有香甜添-喺我食過最好味嘅魚嘴煲6) 砂鍋鮮魚卜-同樣好香,都惹味-個魚卜好彈口-略嫌個生粉"痴"得厚咗d,入口有點"un un"哋嘅粉糰 7) 得奬龍吐珠-鯪魚球好似上面釀嗰味,只喺呢個喺蒸嘅版本-順便試埋條魚,不過無嘜味8) 煎焗檀香骨-呢個喺

今天同老婆,仔仔,外父,外母等, 一行八人到圓方看完Mr.Popper,window shopping一陣後大家都肚仔餓,Element內的選擇都係D日本菜,西餐,中菜又可能要食鲍蔘翅肚才有特色,只好search下附近有冇拾下拾下或酒家好食,睇到近偉情街的``順德公``,見大家的食評話D餸菜都幾有特色(舅父飛佛),不過服務就差D,同埋都吳平.但難得齊人,一於試新野.去到偉情街時只有佢一家舖燈火通明,我小人之心以為呢間酒家開係後街(都幾後下,大家去時最好ride車去)好極有限,點知入到後驚喜就係呢秒開始!入到去原來人頭湧湧,重要排隊!?排左15分鐘,只見D阿姐走黎走去,個男經理埋來講句``唔好意思,好快有枱``就走左去,結果我地就企係道足足半個鐘,吳知點解可以椅都無張…入座後個部長推介左佢地的招牌菜,食後感如下:1.子薑魚皮-有少少芥辣味道, 口感由魚皮的爽加上花生的脆帶動再加上少少香蔥和薑絲一齊食, 搞到之前的不安感一掃而空 (一定要試)2.野生天麻蟲草花燉魚頭-經理介紹左兩個湯, 一個係海螺燉竹絲雞, 一個就係這個天麻蟲草花燉魚頭, 見這個天麻平時無點煲過, 海螺阿媽會久不久煲, 一

一天聽朋友介紹話有間吃順德野幾好，於是星期六一行五人嚟食晚飯。叫咗扣野生花錦鱔,薑葱肉蟹,少林骨,千島蝦球,污糟雞同菜。ｄ河鮮真係好正，Ｄ鱔嘅皮好似豬皮咁厚，有幾香滑鮮味可想而知，肉質又無得頂肉嫩滑夠魚味，；千島蝦球d 蝦好爽而且好好味；內蟹兩斤幾重，好味又夠肉；污糟雞蒸得好滑，而且個味較得好，可以帶出雞味；其他小菜都有水準。還有我最鍾意食的雙皮奶，有濃郁奶香又滑，唔太甜，得！不過價錢比食海鮮可能重要貴，但我覺得一分錢一分貨，物有所值。下次一定要叫咪我d 屋企人再來食過先，等我再試咪其他野~~~

咁大個人從未試過食餐飯食到咁嬲，本人絕少寫食評，但今次真係唔寫唔得因早前從飲食節目看到介紹的順德公漁村河鮮酒家，很想一試河鮮的味道，於是就是晚與家人一行6人提早吃端午節飯！很天真很傻的以為經飲食節目介紹過的，不多不少也有點保證，至少不會太差，可是哩間野真係切底令人失望，真的是不可一不可再 我地坐低一陣就叫菜，由一名態度極差的女經理來為我地落單，因第一次來，所以問她有什麼好介紹，不問還好，一問下，她就一輪咀不停話食咩食咩，她先介紹我們食蝦，然後我話我們山長水遠特登出來是想試河鮮，她就繼續一輪咀介紹什麼魚什魚，問她咁即係咩魚，她完全沒理會然後繼續她有她說，態度是那種 "介紹你的就要食，唔食就算不要問，反正我的菜館現在出名了，你唔食還有大把人來吃"，我們看menu時，她就不停的左翻右翻那menu介紹我們吃什麼，阻礙我們看，還有的是不停的叫我們叫多個菜叫多個菜，那女經理為我們落單時沒有說明幫我們落幾多斤的鱔和啜魚，落單後也沒有拎秤左的鱔和魚給我們看看，所以我們跟本不知道她落幾多斤價錢點計，那我們就以為是與menu上所寫的價錢一樣，但最後埋單時先知價錢不一，最後我們點了：1) 鯪魚球2) 鯪魚肉

昨晚和家人食飯，服務沒有其待，環境一個字 ，食物之前的水準唔錯，特別是，每次都要叫一條，今次人小食唔到甘多，是晚點菜如下：燉海中寶 足料湯好飲.油浸筍殼 ok 水準之作.炆大鱔 ok新鮮.炸三寶 多油、唔脆、鯪魚球死實.梅菜蒸菜心 唔熟、菜心好小.田雞粥一碗是晚點菜時無問價錢，唯有先賣單，後在此吐苦水，佐敦大排檔經營，收尖沙咀的價錢，太貴啦！三位用$16××元

以前每週末都和家人來飲茶，因為家人最愛這裡的鯇魚飯，魚鮮肉厚。這裡客人多，往往要搭枱，也沒有甚麼服務可言，不過我們是熟客，不會對服務期望過高。我們也試過在這裡吃晚飯，價錢不便宜（例如蒸蟹一味已經上千元。）可是，這裡的服務水準真是每況愈下，漏單的情況越來越嚴重。約半年前，有一次，叫了點心，等了很久都沒來，要服務員跟進，結果肯定是沒有跟進了，等了45分鐘，才告訴我們沒有落單，問我們還等不等，當時差不多下午兩點鐘了，再等還要等十多分鐘，我們實在太肚餓，結果不等。這半年來，家人不時想念這裡的魚飯，我有見今天下雨後，天氣稍為清涼，提議不如到順德公吃久違了的魚飯吧，家人說好。我們上座，立即點了魚飯，又點了點心。有鑒於以往漏單的不快經驗，我們很謹慎，侍應落單之後，看看點心紙，沒有寫魚飯，於是我們追問侍應，有沒有寫魚飯，侍應竟然說我們沒有點魚飯。她寫了之後，我們一再提醒她入單。這時，有人來搭枱，又點了一些點心。侍應問他們為甚麼有一陣子沒來光顧，他們說，是因為上菜慢。很坦白的意見。Same here！我要四款點心，侍應後來竟然說有兩款已經賣完，當時為下午一時，對午市來說為時尚早吧，為甚麼這麼早就有點心賣

又係開心星期五小局, 今次去咗食河鮮~女朋友之前想去試好耐架喇, 今次食到真係好開心呀~些些皇上呀~足本: http://hk.myblog.yahoo.com/yr100fungf/article?mid=5581