順德公漁村河鮮酒家

營業中

休息中

來過這裡多次但已是多年前的事，從不建議四人以下來吃飯，因每次來想吃的東西實在太多，如果人數少恐怕只叫一條啜魚吃完已可埋單！身邊一眾友人也對水產類興趣不大故想來吃不易（不像現在可召集食友組局這麼方便）早前在飯局上提起吃河鮮一衆食友也反應熱烈，河鮮小局終於成事！多年不變依然是晚晚爆滿!白灼魚皮----拌碟的子薑有辣勁，魚皮質感是先爽後粉，是汞水不足的緣故吧！天麻蟲草花燉魚頭----打開蓋那股濃郁的藥材味道已一湧而出，看見窩內的巨大魚頭及堆得如小山般高的碼料是不是真材實料已無用多說。湯色深而清味道醇和順喉。釀青椒/炸鯪魚球----這裡的青椒好像特別厚身似的，煎得透不帶半點生澀。鯪魚球沾了米粉同炸，外層鬆脆內裡鯪魚鮮味彈性十足。薑蔥炆花錦鱔----厚身的皮層膠質極重，燜得入味的鱔件每一件也非常厚身肉質彈牙！連煲內的馬蹄及蒜子也吃至一粒不留。豉汁蒸蟶子----比筷子還要長的蟶子夠新鮮，蒸得僅熟質感柔軟鮮味十足！魚腸煲----把內裡的雞蛋拌勻時煲仔的熱力把配料的香味全逼出來本應十分吸引，但魚腸的苦味甚濃，吃一小件已停筷。銅盤蒸污糟雞----記憶中早年吃到的是雞件斬得比較細碎紅棗也下得較多，只以一個

今日下午一行四人到佐敦偉晴街地下的順德公漁村河鮮酒家。當時人很多，心冧一定ｏｋ啦！！坐下來飲淡茶歇一歇，啲茶馬馬，但茶位就貴得很，要＄８位。之後叫了六個點心一個炒河和一個雙皮奶。點心個個都馬馬的，特別是粉果真係不能入口，皮實在厚得利害。出奇地雙皮奶真的好吃，但點心紙上寫１５元但埋單要１８元，他們說加了價。。。。但又唔改點心紙ｌｏｒ個炒河又係加左價又唔講３８變４２蚊

又想食花錦鱔，提前打電話book檯，預留一斤半花錦鱔先。（因為閒日唔一定會割鱔，最好打電話問一問。)1. 煎釀青椒，魚肉新鮮，青椒爽甜，有幾隻都辣。2. 薑蔥焗花錦鱔. 每次必點菜式。鱔粗肉厚，又夠有彈性。而且出面好少食到e種鱔。3. 清蒸和順魚。超大條，好有魚味，又滑，但比較多骨要小心食。4個人食，最後勉強完成。4. 薑汁炒芥籣，ok正常。5. 大良燉蛋白。順德傳統甜品，咁黎食順德餸緊係點返個黎食啦，order左15分鐘都未上黎，唔係一早燉好既咩？ 再催先發現阿姐拎左2碗放入微波爐叮熱。。。。？！ 而且食落係唔夠熱囉，又唔熱又唔凍，簡直難食 ！一句到尾，食順德公都係為左花錦鱔。

原名叫拗頸魚, 不過唔好聽, 所以叫和順魚。條和順魚有一斤半重, 7、8、9、10月最為靚、好食,不單止完全冇泥味; 用果皮、蜆芥嚟蒸, 重帶出條魚啲淡水魚嘅鮮味!!! 值得推介! 不過食果時要留意, 因為好多分叉骨, 要小心啲!個野生天痲蟲草花燉大魚頭湯就好濃郁, 好香天痲味! 用料十足, 重有四隻雞腳落, 唔知係唔係此原故, 個湯比較肥。

呢間係男友的飯堂, 在他公司附近, 時時都聽佢講點好食, 點樣抵食! 佢終於帶我黎踩佢個場啦星期天入到去, 看見有好多一家人同埋啲公公婆婆黎食! 心諗應該係好新鮮同埋唔會好味精掛我們賞了魚飯: 無泥味, 有魚味又有梅菜味! 唔咸同好香, 係出色既作品魚餅: 係真材實料, 魚肉多過粉, 但係打得太實了! OK 啦魚皮: 對我來說辣了點 ! 因為辣, 我食唔出其鮮味! SIZE OK ,但有少少"UN"皮,不是太爽,有蔥有花生有子薑,香口, 配來的豉油反而好出色, 用蔥爆香過, 唔錯唔錯, 是值得欣賞的豉油!魚粥: 魚鮮, 粥棉! 又係難得的好味!因為午飯時間比較多人, 所以要撘枱! 唔緊要呀又可以睇下人地ORDER 啲咩! 同枱是一對老夫婦, 佢地好有趣架又健談, 同我地傾左幾句嘻嘻哈哈, 佢地叫左一個海參冬菇, 真係香到暈底左 我下次要同爸爸媽媽黎至得, 又要試下呢個食完無口乾, 鮮味取勝門口魚缸有好多唔同既河鮮, 有啲鱔係好似一個人咁粗的! 又有水魚, 好得意!

與老豆去完body check, 想與老豆吃餐好, 而又不想肉肉肉(老豆牙齒不好ma), 所以去了順德公吃魚.去過順德公吃晚飯, 記憶中那些大大的河魚(忘了名字)真的新鮮, 湯也用料十足, 但就不算便宜...... 午飯當然來點簡單的. 原來順德公午市是有點心, 要了一個珍珠雞及菜, 沒有特別.又一次證明來順德公是應該吃魚的要了一個煎煮魚卜生滾粥(好像午市才有), 其實我不好魚卜, 總覺得有點'鯹, 不過未吃過就試下吧! 看見名字內有個'煎'字, 心想應該係的marketing gimmick (等如酒樓說的 '元朗烏頭' 多數是大陸貨一樣), $23 個粥不會真是和你慢慢煎完才放粥吧! 原來是我小人之心...... 粥內十多個魚卜真是煎過, 可能經過這個步驟, 完全不'鯹, 還有點脆口, 但咬下去魚卜入面又有點滑, 好吃.要了個必吃炸鯪魚球, 外面加了一些米粉才炸, 很鬆啊!! 魚肉入沒有過多的粉及配料, 簡單的就是吃魚肉的鮮及魚球的彈牙, 真不明為何家中的鯪魚球總是做不到他們的彈彈. (下次試下可否用來打乒乓球)老豆愛吃魚頭, 所以叫了2個焗魚咀 (這個很貴, $8.5 一兩, 差

有朋友介紹話呢間野d 大良炒鮮奶好食, 帶住期待既心情去試下...點知最後都係失望而回 ..去到一坐低, 唔好講d 送, 淨係d茶已經凍既, 即使之後加水, d 水都係唔夠熱既. ..因為遲放工既關係, 去到都已經9點幾了, 可能這個關係, 大良炒鮮奶已經賣晒..都算啦可以試下其他野, 最後叫左: 田雞煲 - 嘩, 個煲就大啦, 但份量少到, 坐低你係見唔到個煲入面有咩 ...最後計一計, 我地3個人一人食左隻脾, 我就食多2,3舊骨...個煲入面已經得返d 油同配菜...鴛鴦咕嚕肉 - 呢個一d 驚喜都無, 份量少唔再講, 佢所講既鴛鴦, 我食唔到係邊2隻...除左一隻係普通咕嚕肉之外, 另外o個隻我只覺得係生粉,因為無咩味.陳村河粉(個名太概係咁) - 呢個就ok 不過覺得同排骨河粉無咩分別, 但d 河粉就幾滑..其間我地覺得唔夠送, 諗住叫多個菜, 就問waiter 有咩介紹啦....不過佢講左係等於無講.....(呢個唔係重點, 不過就覺得服務真係一般)之後叫左個清蒸桂花魚, 呢個我唔知佢地點計, 我地無講要幾多斤..但我地有3個人一眼睇得晒, 佢作為waiter 一係俾d a

前日同家人去完郊遊, 出到佐敦食個晚飯, 咁就走咗去呢問飯店, 簡單評論如下:- 小菜成$70-90碟- 6個人想食條魚, D服務員黑住個樣話無斤幾兩斤的魚, 最細要買起碼3-4斤, (大佬呀, 家陣我有12人咩)- 都算, 我地話到明成下小菜, 佢老板個面就立即黑哂面, ＋問九唔應, 只係咁要人叫食佢D無得簡的海鮃- 上菜份量,真係小都你唔信,- 小菜D油多都唔洗錢最後, 一問唔好的飯店....真係正頭影響成個晚餐的心情

20090228許久不來這裡，就免不得會挂念；拿了小金人的最佳電影，也縂忍不住要觀摩一下。前往電影中心之前，先享受一個“early dinner”。魚是必吃之物，今晚的選擇是子姜欖角蒸魚頭，一開六，方便我們三人分而食之。不知是不是六點鐘人客尚少，廚師可以更加精心炮製，只覺得比過往更勝一籌，新鮮爽滑，滲透如絲清甜，撥一點點魚汁撈一點飯，都是極品。主菜由頭帶至終場，即使涼了也不損風味、不會油膩，算是難得。除了魚類之外，污糟雞也算這裡的名菜，今晚的也保持了水準，雞只不大，卻很有雞味，略加了些紅棗去煮，同樣是甜甜的，與蒸魚頭倒正相合。另外是一道鯪魚滑浸菜膽，菜的分量很足，魚湯略呈奶白色，甘美芳香，鯪魚滑細膩彈牙頗見手工，加入少許叉燒絲吊味，賣相上也醒目一點。每道菜分量都不算很大，但也滿滿擺了一桌，關鍵是味道的滿足勝於胃納的滿足，七點三，施施然往油痲地去也。

去附近探朋友，阿爸就拉咗我地黎食順德菜。大部份菜式都係魚 而我就唔多鍾意食魚...於是我地只叫了三個菜，全部都無魚的成份。1) 煎海中蝦-- $138 得六隻蝦，隻蝦又唔係大，只屬中蝦size-- 煎得幾香口惹味，但外殼太咸，有D地方仲煎燶咗-- 蝦肉質爽口，但未見特別2) 炆花膠海參煲 ($98)-- 用個好大嘅瓦煲裝住，煲大但份量少-- 花膠、海參各有3-4舊而已-- 炆得唔入味，味道好淡，反而墊底的生菜最好食，最入味-- 花膠海參皆唔算特別靚貨，花膠太薄身，只得個爽口-- 海參都算厚身，但無甚味道-- 冬菇厚身，但唔入味3) 污糟雞半隻($90)-- 半隻其實真係好少，用錫紙包住，上枱時才打開-- 炸菜非常惹味，夠咸又甜甜地-- 雞十分嫩滑，多肉，味道調得適中，不會過咸，好味-- 但相對價錢來說，實在偏貴服務唔錯，服務員有禮貌同笑容。埋單成$400，真係太貴啦，完全唔抵食！仲要只得五成飽，好在預咗陣間去堂記食腸粉。

我們家族年年都來這裏，可謂見證着這餐廳的變遷。首先大家要有心理準備，愛魚人士定會樂而忘返，不愛魚不如不來，別當這兒是普通酒家。菜式：大多以瓦煲或蒸籠上桌，大份，但賣相差不多我們點了釀青辣椒、蒸鱸魚、炒魚雲、炒魚鰾、炒魚腸、梅菜蒸菜心、順德炆鴨、排骨陳村粉，另預先訂了兩鍋天麻野雀燉湯。甜品有雙皮奶。1. 燉湯先上，足 16 人喝。美味！但切記訂了便不能取消，事先要預好人數。2. 釀青辣椒：好味但超辣，小心！3. 炒魚雲、炒魚鰾、炒魚腸：濃味又愛吃內臟的人不容錯過！4. 排骨陳村粉：我覺得很好吃，排骨和陳村粉這個搭配本身已一絕，蒜香汁又好味。5. 梅菜蒸菜心：我很喜歡梅菜，特別偏心這道菜，夾了又夾！6. 順德炆鴨：全晚最好味，肉軟入味，汁濃且香！7. 蒸鱸魚：極厚肉，有點韌，可以接受。雙皮奶：當然不及佐敦另一名店，不贅。環境：頗擠，但反正一大圍人談天說地，坐得親熱點沒所謂。服務：普通酒樓的水準。價錢：不算便宜。

又一次由高達兄發起的即慶飯局,由本來地點的金山樓,因為仍未開張之故,轉戰到去同區偉晴街的"順德公".猶記得早前,在小弟順德公早茶的食評當中,曾經想在此開一局,後來不了了之.魚缸內的河鮮琳瑯滿目,有些品種,莫說是見,名字聽都未聽過.人多自然好辦事,可以蒸條河鮮.算起上來,河鮮的身價不比海鮮的貴.河鮮之外,尚有兩味大補湯,野生天麻虫草花燉大魚頭湯,同宮廷御用鮮響螺燉老雞.全是男人之恩物.喝罷是否有效就不得而知.因為我們最後也沒有叫.煎魚餅份量少得像前菜,食味同市面吃到的魚餅差不多,沒有特別之處.污糟雞名不乎實,一點也不污糟,先張雞斬件,再放落錫紙,加些荵,蒜子同焗.味道屬一般,雞肉味不算明顯.所謂的農夫菜,其實是菜心,但吃落又碧綠爽脆.煎藕餅就香脆可口.是夜河鮮要了尾啜魚兩吃,折合也要成五百塊錢,一邊是蒸,一邊是薑荵爆,兩者皆出色,因為本身啜魚的肉質鮮嫩不特止,味道亦很鮮.如果兩者之間,當然是清蒸,完全吃出其鮮味.用薑荵爆則更惹味,兩者截然不同的態度,但意見是一致.另一味河鮮就是水魚煲,同薑荵魚卜,兩者也有點過咸的跡像,後者的份量實在很少,我們八個人,也幾乎不夠分.最後吃不成魚卜,就要吃薑

魚...是我們兩公婆共同喜愛既食物, 自從上次吃過鲥魚後對淡水魚念念不忘, 今晚老公又帶我食好野! 訂了七點鐘, 已經有五成滿, 我地坐係近魚缸位置, 條條魚都好大!環境唔算太企理, 不過, 服務唔錯, 女部長建議我地叫野生和順魚, $9/兩, $288, 佢話約兩斤, 都幾大條但無辦法...已經係最細條, 用蜆介清蒸, 上碟時開邊...都幾大條, 無兩斤但都應該接近, 條魚幾滑, 魚味唔夠鲥魚濃, 但同蜆介好夾, 唔過鹹! 食咗2/3條, 金湯腐竹浸勝瓜先到, $68, 仲有三兩條魚翅, 湯底濃, 但無飲....驚有太多味精, 腐竹, 勝瓜夠腍! 連三個白飯, 前菜, 茶, $446, 希望好快再有河鮮 (二)!

這篇是剛補回上周末的食評,看過麗梅姐的節目，老板自言是個魚癡，餐餐無魚不歡，自家又在順德自設魚塘養河鮮魚，水質有一定保證，"老板話自己都要日日食返自家魚"所以我吃他們的魚，應該不用擔心會被驗出含有大量孔雀石綠、重金屬雜質、人工激素、寄生蟲......海雀天麻魚頭煲($288)---鎮店之寶的湯水，據中醫所說止頭暈、偏頭痛、尤其醫頭風最為有效。湯水有著濃濃的藥材味,魚頭湯料裡有雞腳、杞子、天麻、陳皮、瘦肉、南棗、魚頭、川芎等。魚頭煲過後亦感覺魚雲滑溜，有豐富的膠質感桂花魚兩食(炒球及避風塘式炒桂花魚骨)($540)---桂花魚烹調得很專業，兩食各有惹味之處，先說避風式塘炒桂花魚骨，烹調法像避風塘炒蟹，之不過將蟹轉做桂花魚; 桂花魚雖然用上普通食材如乾蔥、蔥段烹調，但魚的肉質實在鮮滑惹味少林檀香骨($88)---用上乾蔥、蔥段、菠蘿、香芹烹調骨香酸甜金牌污糟雞($180)---污糟雞一點也不污糟，將雞放入鋁紙內，然後灑上洋蔥、蔥段將之包起來焗，可惜的是雞味雖然有小許但不明顯，雞肉還有小許韌大良雙皮奶($117.5for4)---據聞雙皮奶是每天從順德尊誠傳送來香港，預先已透過電話預訂了水牛

亂打亂撞,為醫肚為搵食而選了這間. 無花果雪梨煲豬展~ 湯清味甜.香辣蟹~ 比起深圳的,少了辛辣. 多了豆豉蒜頭香氣. 而且多肉,睇下隻蟹拑,成隻碗咁大.魚湯魚肉白菜仔~ 清清地,又唔腥.少林檀香骨~ 甜甜地,大量的洋蔥香芹,不錯.蒸黃金糕~ 甜甜地,帶有椰香味,食落好似面包咁.