韓雅林 (已易手) 新餐廳

今日第一次嚟食﹐感覺唔錯﹐因為冇一般韓國餐廳嘅燒烤味﹐可能係新開張冇幾耐。今日叫咗炆牛助骨﹐幾入味﹐但唔係太?,所以都唔算好吸引。值得一提的是﹐這兒的午市套餐好抵食﹐每個SET LUNCH大概都係$60-65﹐兩個人食LUNCH加埋一都只係$130﹐以銅鑼灣來說價錢算合理。

假期中午在銅鑼灣搵食，上嚟試吓牛肋骨和石頭飯。前菜8碟，分量唔多，不過鍾意邊樣食完可以再要。我同老婆認為最正嘅係爽脆嘅蓮藕、醒胃嘅酸瓜和煙韌嘅炒粉絲。主菜我哋叫咗炆牛肋骨粟子煲($80)和傳統石頭飯($70)。牛肋骨淋得嚟仍有咬口，肉味濃郁，配甜中帶小小澀的白蘿蔔，正！不過粟子嫌炆得未夠。石頭飯加了麻油和辣醬去撈，亦相當好味，不過相對上普通咗啲。飯後重有水果和雪糕，芝麻味雪糕就比綠茶味嘅好。食到好飽，埋單不過係$135(午市有8折)，抵到極。

同舊朋友聚會，有人提意食哩間。七點去到，完全冇人，好似包場咁...四個人叫炒粉絲、炆粟子牛肋骨&傳統石頭飯。前菜八碟- 普普通通冇乜特別炒粉絲- 味道ok炆粟子牛肋骨- 得兩粒粟子，我食果粒有爛味好難食，牛肋骨好淋，ok石頭飯- 好多料，但冇乜味，得少少辣味環境幾好，好舒服，服務又好，個女侍應會幫我地分石頭飯，遞埋俾我地，但食物就一般（本身對正宗韓國菜麻麻地），坐兩個幾鐘都係得幾人，遲可能已經...

個人而言, 是非常喜歡吃韓國菜的。奈何種種原因影響, 吃的機會不多。不過當我知道有好吃的, 仍是會仆去試的。今次同男朋友叫左個石頭飯, 炆牛肋骨, 以及男友要食的人蔘雞湯。先來八碟前菜。分量我覺得係剛好! 碟碟少少幾件的, 精緻得來免卻浪費, 反正可以追加就好。因為下午2時多才到的關係, 店面客人得果三數檯, 食物o係我地食完前菜後就3個一齊來, 還有2碗白飯同蘿蔔湯。白米飯拌牛肋骨個汁真係呢~ 好味得佢! 牛肋骨甜甜的, 加上果堆蘿蔔, 我個人認為係必叫的。仲有果舊骨, 用手拎起大力咁啜佢, 果種滋味真係唔講得笑! 人蔘雞湯我就麻麻地鍾意飲, 感覺係壓力煲湯水味。以佢68蚊有半隻雞而言, 係抵的。雞骨同果2粒蒜係至好味。石頭飯又係不可多得。個兜放左咁耐都仲咁熱! 其實食物咁多, 以我的速度, d野唔凍至奇, 而石頭飯比較保暖, 所以我最後至食。但係最後至食有一樣唔好, 就係d肉變鞋, 以及飯焦太多, 但係佢仍然係有水準!最後還有野飲, 紅棗茶好香, 但稍甜, 食完咁多野之後我飲唔曬, 柚子茶較普通, 不過較消滯。最好味的係佢地d麥茶, 好香!呢餐飯, 清曬檯, 飽到夜晚唔駛食飯! 都

同Smashing Pumpkin談過在銅鑼灣區搵食，他的結論是「無野好食」，我的回應是「睇你識唔識搵」。單是韓國菜都有好幾間是不錯的，如伽椰的石頭飯、莊園的牛肋骨及新羅寶的海鮮鍋，識搵，其實大把野食﹝仲未數日本菜或西餐，中菜呢？﹞外遊前的星期日，同太座出銅鑼灣買滑雪野。都係金三珣的威力，太座又想吃韓國菜，見銅鑼灣好幾間都試過，呢度新開，就上來碰碰運氣，點知人很少又大把位，我們選了坐卡位，幾舒服。呢度裝修新淨，色調以紅色為主，環境比區內其他幾間韓國菜館都好一點﹝伽椰除外﹞。午市同晚市有兩個餐牌，同一樣食品，午市價錢便宜一點。要試一間韓國菜館得唔得好簡單，叫個牛肋骨，再來個石頭飯及泡菜湯，就已知得七七八八，是日就叫這三樣。例牌前菜先上，一上七碟八味。先吃泡菜，偏辣而不夠酸，算是鮮味，所以好快吃完又再追加。其他五碟是普普通通的薯仔、大豆芽菜、莧菜、醬豆腐及西蘭花，最特別是有一碟~牛柏葉，在香港吃了不少韓式前菜，也都只是第一次吃到這味；幾個菜一齊上，芽菜泡菜湯紅紅的，看樣子是幾辣的。喝起來反而不算辣，因為有泡菜，會有一點點酸味，而亦有海鮮的鮮味，應該是蜆肉的味道。泡菜及芽菜都下足，用來泡韓式

這裡除了環境靚, 野好食之外, 服務真係好好, 就如嘉利仔所講"侍應姐姐很好人，服務態度又好，人又靚" o個日我朋友生日, 佢地好好咁幫我地切過蛋糕,點好蠟燭, 講生日快樂, haha, 唔好以為好易呀, 我去個好多間餐廳都做唔到架, 黑晒面, 或者成個蛋糕連紙盒(絲帶都唔幫你開) 都得架!!!

food is really so-so. service quality does fluctuate from one waitress to another. Korean restuarants of this price range, CWB got a lot more better options.

一直聽到很多對這餐廳不錯的評語,昨晚一行四人決定前往一試.點菜時,經理主動告訴我們所點的菜已經很多,可考慮先少點其中一至兩款.結果他所言非虛!在取捨後,我們點了:雜錦拼盤- 此菜包括蛋包蝦,蛋包魚,蛋包翠肉瓜,茄子,冬菇,青椒及紅椒等,非常抵吃!韓式炒粉絲- 很乾身而且味道不錯韓式豬手- 連一盤份量很大的三款不同的生菜,奉勸各位人太少的話,千萬不要點煮銀鱈魚- 味道鮮美尤其配菜的蘿蔔除以上主菜,當然還有各款前菜.我們各人本身食量驚人亦只能僅僅把所有菜式吃完.有餚不能無酒,經理介紹了一款特式的農民酒,是米酒,用木殼澆到瓦杯內飲,顏色奶白,味道帶甜,很不錯的選擇還有兩款很不起眼但不得不提的食物- 配豬手的生蒜片及前菜中的閹魷魚!!

同好朋友行街街, 我book左呢度試新嘢.呢度service唔錯, 叫左:1.盬燒牛肋骨- 長長連骨既牛肋骨卷着, 侍應會代勞燒及剪成一段段, 點上用盬及麻油混成既醬, 更加香, 餐廳更送來一碟微辣葱絲及生菜絲卷在絲牛肋骨內食, 牛肋骨好juicy and tender, yummy!2. 另叫一碟牛舌燒- 牛舌薄切, 燒完很爽口, 但不要over cook, otherwise will become dry.前菜有: 菠菜拼大豆芽, 青瓜, 西芹, 泡菜, 西蘭花&紅籮白&八爪魚(有D韓式辣瓣醬在面), 白籮白絲, 蛋沾煎茄子片, 蜜糖煮薯仔, ok la, 有D款式特別, 但無我鍾意既芽菜and白菜.飯後免費甜品(要左熱紅早茶) and 生果(木瓜and西瓜).overall quite good, will try other dishes later!

兩個人lunch 食咗:1) 海鮮豆腐湯(set)一大磚豆腐配4-5 隻蜆, 3 隻細蝦, 2 隻青口, 湯少辣2) 燒牛肋骨(散叫)牛肉燒極都好"林", 多汁又甜甜地, 唔洗點醬油都好鮮味, 同埋啲洋蔥配菜食就唔覺油膩另外:紅棗茶好香, 成杯都係紅棗蓉,不過甜咗少少柚子茶普通前菜食完主動refill，泡菜同酸瓜都好吸引仲有８折

星期六跟男友來試，要了炒粉絲飯和麵豉湯(跟飯)。先來前菜，共七碟，每款都甚有水準，個人最愛泡菜同豆腐，炒粉絲都係偏多油，但原來撈飯同吃認真出奇地夾；麵豉湯好多料，有豆腐、翠肉瓜粒、青椒粒和蜆，味道OK，惜麵豉味唔夠，埋單才知有八折，唔知做到幾時，不過看罷餐牌，覺得唔算貴，會來試下晚餐。

今晚放工晚同傻鬼有少少不愉快事情發生, 不過好彩最後都可以食一餐開心既晚餐. 來到此店試下先, 2個人叫左一個牛肋骨($160)同埋一個細既海鮮燒餅($58). 叫完野就好快上左有6-7個配菜. 老實佢地d配菜無邊樣特別好味. 跟住上左個燒餅, 好正點個得醬汁都唔錯. 後來個牛肋骨都上來, 有人過來幫我地燒. 佢地話個牛肋骨唔需要燒咁熟配個似菜絲(有d泡菜汁)咁就唔會咁膩啦. 果然無講錯. 見佢地唔同其他餐廳無上飯同湯, 咁我地就叫左2個飯來食個牛肋骨. 佢地d醬汁都同其他店唔同. 佢地唔係俾醬油係俾個類似油加d鹽, 如果用佢地既特別油加鹽去"點"個肉, 我就覺得有d油上加油啦, 都係普通醬油比較好d起碼我可以撈飯食啦.最後仲有雪糕同水果送(有green tea/chocolate/banana/sesame)- 普通貨色p.s: 佢地d服務都唔錯架, 見我地將d配菜食曬就問我地需唔需要refill俾我地. 真係多謝了. 仲有一點, 佢地無charge我地既飯架.

同老公前晚好想食韓國燒烤, 又一心唸住試下新野, 所以就去左"韓雅林"...一入到去, 企左3分鐘都無人出黎reception招呼我地, 只見入面d waiters走黎走去, 十分忙碌, 但係其實當時只係坐左六成滿....入到去點左個牛肉燒烤拼盤同一個石頭飯. 等左成廿分鐘, 連d前菜都俾我地食哂, 個牛肉燒烤拼盤連影都無, 於是搵個waitress追下啦, 又等多十分鐘, 連隔離檯遲過我地好多黎既姐姐們都係度食緊燒烤啦, 我地都係得個睇字, 跟住連個石頭飯都上埋都未見牛肉燒烤拼盤, 個waitress又淨係識叫我地等下等下... 唉... 後尾我地係用左四十五分鐘先見到個牛肉燒烤拼盤(唔好忘記佢係生既, 生野都要等甘耐!?)講真, 同同樣價錢, 佢d野只可以算係合格. 個石頭飯好一般, 而個牛肉燒烤拼盤更只係剛好合格. 總括黎講, 我會prefer去阿里朗多d....

見有新開餐廳, 即刻搵同事黎試下﹗Lunch time, 得好少人, 兩個人可以坐卡位, 好舒服﹗Set無分午定晚, 其實選擇唔算多, 但lunch黎講算係多野揀。我地揀左石頭辣炒飯同埋辣牛肉湯, 點完菜, 轉頭就放低左7 樣前菜, 好多, 好開心呀﹗全部都好好味, 我最鍾意係酸青瓜同埋泡菜。先黎辣牛肉湯, 跟個白飯, 都幾大煲, 牛肉幾滑, 湯味濃, 但唔夠辣。石頭辣炒飯黎到先加辣醬攪勻, 辣度隨意, 我地要左四匙辣醬, 好香好辣好美味﹗正﹗埋單真係有八折, 但我記得好似lunch送飲品同水果, 但可能我地急埋單, 佢無俾到我地呀﹗>.<

已經幫襯過三次，次次都無失望，環境好舒適，入到去有一種高雅的感覺。最喜歡吃"火文"牛肋骨煲，牛肋骨真係好入味，唔油，恰恰好，試過南山谷的牛肋骨都唔夠呢到好味，栗子都好好味，用d汁黎送白飯，一流。其它食物如石頭飯，冷麵都很出色(冷麵還比其它地方平)，味道和其它一樣，很好味，麵很煙韌。此處的侍應姐姐很好人，服務態度又好，人又靚，佢會幫你refill泡菜，我女朋友話喜歡吃，她更會拿兩碟給品嚐，(一種是全醃製，比較辣，另一種是半醃製，味道較鮮，無咁辣，我較喜歡這種)。吃完飯後，還有免費水果一碟，和餐茶/雪糕奉送，都幾抵食架。P.S. 聽住韓文歌，一路望住電視播緊<天國的"雞批">，一路食野，個feel幾正