韓雅林 (已易手) 新餐廳

放假口淡淡,去o左食set lunch.四個人埋單都係二百零蚊.前菜大碟又好食,裝修優雅,服務一流.連我o既韓國朋友食完都話正!飯後仲有生果同雪糕送.記住要食佢o既石頭飯呀!

(18/9/06)七點黎到,無人。坐卡位唔錯。侍應有韓國人,有講怪英文的印尼??人。今晚的八小碟好唔吸引:芽菜、芽冷豆、薯仔、泡菜、雞腳、節瓜蝦乾、辣螺、小辣豆腐乾。大肚朋友o係度,食得特別多。牛筋骨湯,色水比圖片清澈,早知叫牛尾湯啦!無乜特別。韓國石頭飯,侍應幫分左兩碗。我覺得燶得滯o羅,牛肉絲呀,各樣撈埋,味道都淡淡。最愛炸醬麵,侍應見我地仲唔郁手,話凍左唔好食,同我地分埋。麵好好食呀!免費甜品:柚子蜜、紅棗茶、雪糕、etc。綠茶雪糕,雖然深色,不過都唔甘既。紅棗茶的紅棗,攪溶煲的,太杰喇。

Everything is very good and Ms. Kam and Jerry is very warm and charming.Food is of very good quality, much better than Arirang! Much better than Sarobol.Must try the Cold Noodle during lunch time.Dinner have set not very expensive. Free Sorju (Korean white wine) for one bottle.

先此聲明, 此乃過哂期食評. 不知而度近日係咪跌得咁勁.每年4月總要去會展開檔, 今年特別人山人海, 開完檔當然要搵食, 一口氣由灣仔行到銅鑼灣, 食韓烤.而度環境幾好, 文迪同我坐卡位, 舒服闊落, 一字長城擺開的前菜, 大把位擺. 前菜味道唔錯, 食粉絲食到唔停口.文迪心目中, 食韓國菜= 食韓烤, 上次食秀無韓烤食, 今次補數.烤牛肋骨: 8分, 牛肋骨腌得入味, 烤到5成熟, 剛好.牛肋骨煲: 8分, 食韓國菜都係食牛大路D, 再來一煲牛肋骨煲, 牛肋骨+ 紅蘿蔔+ 粟子, 煲得好淋, 蘿蔔甜甜的, 牛肋骨都佔上甜味, 同烤牛肋骨平分春色.石頭飯: 8分, 唔食得辣的我, 再向虎山行, 只係加小小辣的石頭飯, 依然幾辣, 食得好勉強. 石頭飯的飯焦比例剛好, 一大煲撈埋一齊, 味覺的享受.綠茶.芝麻雪糕: 8分, 送雪糕, 綠茶.芝麻各選一, 都好好食. 尢其芝麻味濃郁, 即清. 飽.再送西瓜, 好, 解一解辣. 又幾甜, 再清. 更飽.相當滿意的一餐. 食飽過海睇就是愛你.

Yesterday I went here with my husband, we ordered a Set dinner (for 2 persons)先黎前菜8小碟...有煎薯餅,大豆芽,泡菜,薯仔,魚片..等但係泡菜覺得佢唔夠辣......海鮮豆腐湯- 好味道...鮮甜甜品芝麻雪糕- 很好吃! 石頭飯–味道不錯, 值得一試烤肉拼盤- 有牛肋骨, 雞肉, 豬肉, 自己慢慢燒, 味道也不錯綠豆餅- 較普通的一個菜, 但我老公就覺得幾香口

看了之前的其中一個食評, 講到可能是遲來了, 這裡的水準已不如剛開業, 我想大概我也是太遲來了吧....只可輕嘆, 我們真的有緣無份...是日點了兩客午餐, 一係食韓國野必點的炆牛肋骨, 另一係辣海鮮豆腐湯, 兩者都有跟白飯. 牛肋骨, 老實說, 是我有生以來吃過的韓式炆牛肋骨中, 最不濟的一次. 有如煲湯的牛骨, 有點柴皮, 沒有軟淋淋的, 也沒有炆得不入味...更不要說什麼牛味.....跟早幾天在梨花園吃過的相差太遠吧!另外的海鮮豆腐湯, 都OK, 但海鮮不算太新鮮, 辣味也不夠. 只可以說OK吧了...這餐最好的是甜品, 芝麻雪糕, 很好吃! 味道夠且香!

今天又再去多一次這間餐聽, 食物水準保持一樣, 不知是否太多客人, 服務差了, 說真的, 價錢又不平, 因為坐得舒服才來這裡, 如果像茶餐廳吃完就要走, 一定不會再來, 今次我們點了1) 傳統石頭飯$98 –味道不錯, 值得一試. 2)　勁辣香吵韓式年糕$98 –開始時覺得不是太辣, 但是, 再吃多幾口, 感覺就不同了. 如果不可以吃太辣, 想清楚才好點這道菜. 我個人覺得不錯. 3) 韓式中華炸醬$98 –不知道怎樣形容, 味道有些奇怪, 不太喜歡, 可以不試. 飲料和果盤也是免費的, 不用擔心吃不飽. .

因為見到哩度好多人推介,前幾日去左試下.冇想像中甘好,份量好少,可能係我叫dinner set 既關係.烤肉d汁冇咪味,同韓國食都仲係差好遠,個個菜餅同M 記薯餅冇咪分別,湯都OK,仲有個石頭飯都麻麻地,冇咪味.服務態度亦冇D人講得甘好,好似急住收工甘,我飲緊湯過陣,佢幫我放晒D肉落去燒,甘你不如O係廚房煮完先比我喇,我黎都係想自己烤之麻,不過甘岩有8折優惠,未去過可以試下既,但我估唔叫set dinner 會好d.

有一日返完工就同阿媽去搵食啦..去到銅鑼灣之後諗起有人讚過依度幾好..就黎試試..去到見到裝潢幾靚..被安掛坐卡位..都幾舒服..2個人叫左泡菜湯栗子炆牛肋骨石頭飯先黎8小碟...整體一般啦...有八爪魚,煎薯餅,大豆芽, 泡菜, 薯仔, 沙律等但係泡菜覺得佢唔夠辣..泡菜湯先黎...個樣都唔錯,,顏色紅紅的..個樣好似幾辣...但飲落又唔係好辣..有豆腐,芽菜, 娃娃菜等..尚算豐富..但略嫌個湯杰左少少..牛肋骨個汁十分香濃...牛肉味好夠..炆到好入味..入面有紅蘿蔔,白蘿蔔同栗子...紅白蘿蔔炆到好諗好入味..栗子都幾好..石頭飯賣相幾好...個侍應用麻油同辣醬撈埋..好香..石頭飯有冬菇,牛肉, 紅蘿蔔絲, 芽菜, 蛋..食落有飯焦...好有好感飯後有水果同甜品送...甜品有雪糕,紅棗茶或柚子茶選擇..媽要左紅棗茶//試左一口..好香紅棗味...甜甜地..唔錯//我既柚子茶比較一般...服務都唔錯//有求必應..

終於輪到同3姑班死黨食飯，今次我好有主見一早決定。一共有10碟前菜，我再要多碟泡菜。每碟份量唔少，其中螺肉最好味，而我最鍾意食的泡菜，我就覺得唔夠辣。粟子炆牛肋骨-牛肋骨唔夠入味，肥膏較多、肉質有點韌。蘿蔔亦唔腍。海鮮煎餅-真係一句講晒，勁多粉；煎得唔夠乾身，有點腍腍地。燒鯖魚-一大條鯖魚，魚肉實淨，雖然是燒，但食落有點煙燻味石頭飯-飯蕉算多，但飯味唔夠香。泡菜湯-泡菜味唔夠，但好夠鹹味。辣冷麵-全晚最好食就係冷麵，好多清甜的雪梨及蘿蔔，麵夠彈牙煙韌，可惜醬汁唔夠多。飯後還送咖啡茶或雪榚，我當然要雪榚啦，要了綠茶味，相信是來貨，奶味好重，沒有綠茶味。服務雖好，而食物就好一般，唔會吸引我再o黎。

世界盃決賽旭日,請了一日假同女友二人世界,女友提議去我未試過的韓雅林食lunch,嚟到先知有暑期優惠，所有set lunch一律$49蚊。我點了牛肉素雜菜飯，女友點了豆腐海鮮湯窩(走辣)。牛肉素菜飯頗夠份量，有牛肉、菇菌、紅白蘿白絲、芽菜、青瓜絲，仲有一隻糖心荷包蛋鋪面，撈勻食，口感非常豐富。女友的豆腐海鮮湯窩要了走辣，湯底非常清甜，海鮮亦新鮮，包括小蜆、碎青口、魷魚、逗殼蝦、荀，送飯一流。Set lunch贈送西瓜，包餐飲/雪糕。我的綠茶雪糕非常好味，女友的柚子茶亦不過不失。忍唔住講多句:「$49蚊真係好抵！」

同家姐同佢個fd三個人去dinner~因為睇左好多食評好似唔差wor~叫左個生牛肉同二人set~個二人set有細ge牛肋骨煲,韓式餃子~海鮮煲仲有生麵~最鍾意都係佢d前菜~生牛肉都真係唔錯~牛肋骨煲好入味~韓式餃子唔太好~皮太厚喇~食完d前菜同之前o個d樣野又飲啤酒都已經飽飽地~之後先上個海鮮煲~都好多料呀~加埋個生麵~真係食唔晒low~d生麵好攪笑ga~仲以為係黃色o個d添~原來係好似刀削麵咁ga~食落幾麵粉low...不過加埋d海鮮又幾襯wor~最尾仲送dessert添~我要左芝麻~好味道!!呢度dservice真係唔錯ga~個greeter姐姐幾靚~幫我地落單個captain比人感覺好真誠~舒服ga~整體感覺幾好~

七一既係回歸記念日,亦係英格蘭大戰葡萄牙八強之戰.同時,亦係某老友之大壽之喜.為方便各位,亦有人想食韓國菜,兼要就番各位之荷包.諗都唔諗,諗左去韓雅林.十七個人,已安排一間房.夠晒盡慶.如果論環境來講,咁多個人,坐埋一間房,氣氛好得多.側聞呢間韓國菜館評價不俗,很多人吃過也讚好,連一些韓國影星來到香港之時,也曾踏足一解鄉愁.照睇,應該係信心保証.人齊已點菜,等了良久也未有前菜奉上.結果前後,差不多等上半小時.十七人,一式八樣前菜乘四.咁多樣,我最愛係個醃螺肉,泡菜不大辣,明顯遷就港人口味.身邊有朋友吃罷不夠,要再添.韓燒加熱食兩邊走,人多關係,每樣菜式開二,甚至開三.後來睇菜式的portion都幾細.一開二,也勉何,有些就要開三了.每次去韓國菜館必吃生牛肉,今次也不例外.賣相照舊,紅到發紫的牛肉,面頭例牌有隻金黃的生雞蛋.底下有雪梨絲同蒜絲.味道當然好,不過嫌唔夠冷.但有同行者吃到有冰碎,姑且聽之.或者,傳到我這邊,已經完全熔掉.不過吃生牛肉,要凍一點才對勁.再暖一點的話,唔排除事後有人身體不適.有朋友唔食得牛,特意加多一點非牛肉菜式.泡菜炒年糕,年糕夠煙齦,但泡菜辣味唔夠.海鮮荵餅餡

7/2/2006 (星期日)與友人一行2人到這裡食晚飯試試韓國菜﹐由於之前訂了位﹐所以坐到好舒服0既卡位。一座低就見到牆上的電視重播昨晚世界盃8強賽事。我地叫0左個炆栗子牛肋骨煲﹐雜錦石頭飯。本來打算食到0甘上0下如果唔夠飽就再叫其他的。不過當8小碟前菜同埋兩個主菜上晒抬就發覺原來份量唔細﹐都唔使叫其他食物了。個牛肋骨好正﹐炆得又腍又入味﹐味道好鮮。裡面有大大0舊的紅蘿蔔和蘿蔔﹐一樣好腍好清甜﹐仲有好大隻0既冬菰。個石頭飯份量足又足料。還未來得及影番張相﹐女侍應已經把所有材料撈勻﹐由於友人唔想食辣﹐所以叫侍應唔好落辣醬﹐就讓辣醬留在檯面﹐有需要才各自加。侍應攪拌材料的時候還加了少許麻油。個飯好香好好味﹐本來我都想加少少牛肋骨煲裡面的汁來撈飯﹐不過個飯本身已經好夠味﹐唔需要撈汁了。8個前菜加埋份量都唔少﹐我個人比較喜歡個泡菜﹐唔會太辣﹐0岩我口味。食完仲有茶/甜品送。我要了熱柚子茶﹐而友人要了綠茶雪糕。友人話個雪糕無綠茶味。不過唔緊要啦﹐主菜好食已經抵番晒。餐廳有一些韓籍侍應﹐無論本地還是韓籍侍應/部長﹐整體上服務好好﹐好慇懃。抵讚!

放學同kylie過左cwb ....向韓雅林的lunch進發~ 一進到去, 有位很nice 的姐姐帶位~之後又以極快的speed 幫我地擺食具..速度之快係令我同kylie 不停地笑=w=staff 們都很nice啊...勁喜歡!!!由於lunch全部都係$48,,幾經思量下order了石頭飯和海鮮豆腐煲~order了不久就有6碟前菜來了..泡菜勁好味!!! 其他的都不錯呢~好快d菜就來了,石頭飯真的很得意呢..是拿來的時候再翻動d材料的~waiter 還很nice的問我們是不是share...然後他很快就多給我們2 set碗! TvT個人覺得石頭飯比海鮮豆腐煲好吃一點兒~但2者都是很好吃的哩~~!!原來在韓雅林order飯就會送湯,order湯/煲就會送飯~初來報道的我不知這rule就問waiter哥哥我們究竟有多少碗湯..他最後還多送我們一碗湯!!!天呀!!!怎麼service會這麼好...2個人order 2樣野本來是正常不過的事情但由於每樣野的份量也太大了..我認為3個人吃2樣野也可以..飯後還有ice cream...太好吃啦>v<結帳時還有chewing g