韓舍 (已結業)

同一班朋友咁岩係元朗，於是就去左韓舍到就想食埋先走啦。好耐冇去呢間 , 裝修差不多 , 個環境暗暗地，但空間都幾大，員工態度亦唔差，從環境睇又唔算好差。佢地俾我既第一印象就係食物種類有很多。而一間韓燒店既甜品竟然都咁多款。一開始就當然食返d壽司先啦。我覺得佢地d壽司整得同出面既日式餐廳差唔多，佢地既壽司卷我就覺得好正，料都落得好足👍。仲有d刺生係個到都係任拎。尤其個甜蝦，陣鮮味真係強。但畢竟燒肉都係主角，所以之後都去左燒d肉。佢地有好多都係醃製，d醃料醃得又唔咸wor。d肉食落去又唔會好un或者好肥。食到最尾真係食到好飽，於是就食返d甜品中和下!佢地個到d甜品整得好靚，尤其係d啫喱，上面又有生果，重點係味道又唔錯。仲有，d員工態度又唔錯，收碟速度好快, 低讚👍!!成餐食到真係好飽，真係好滿足，下次黎到元朗會再去

有朋友最近搬左去元朗 去探佢之餘想搵間韓燒黎食下，旺角食過韓舍 試下元朗呢間先係門口都已經見到好多食物，見到有甜品，有魚生couter 又好多韓燒既食物 感覺唔錯一開始當然開爐食左韓燒先啦。食左咁多間韓燒，呢間d肉係幾正好似d扒咁，食落去又唔會好un，仲要陣味淹得岩岩好，唔會太咸。牛肉片陣牛味幾香，又唔會食到好油，幾嫩口去到一半當然食返d三文魚同螺啦。D三文魚肉好厚，仲有d三文魚油香係個口到，真係沒得頂仲有螺肉都好大粒，鮮味加埋個份量，我食左六七粒都未停口。食到最後甜品就當然走唔甩啦。佢地d甜品真係好緻，睇賣相都夠 仲好多款好似個草莓啫喱，口感實正 味道同個樣都正成間店員工態度又好，食物又唔錯，不過食既時間長D就好

聽講過韓舍除左自己本身有韓燒之外，仲有中日食物。於是就趁去元朗探朋友就去左試下。去到就見到間野擺左好多款食物，環境又唔算好濟逼，係就係人多D既然韓舍以韓燒為主，當然先試下佢地既燒肉!!!佢地既牛肉片質感爽嫩，亦帶上些少羶味燒起上黎陣味好吸引!!!!!當晚全部食既，大半部分都係呢D牛肉同埋其他肉，一黎就係一大碟。當然其他壽司都唔可以放過啦!!!!食左少少肉之後就拎左少少壽司食。有我最愛既三文魚壽司，味道鮮甜又嫩滑!! 而且舊魷魚壽司好爽口，舊飯又唔會好大舊，放係中間食都唔錯!如果要飽肚少少，除左燒肉之外都可以試下炸物。好多款又有春卷，又有炸雞，好多款都有。最後有埋甜品，如果食到最後食唔落又唔想走可以拎爆谷黎食!!!如果仲食得落可以叫其他蛋糕食!!!口味真係唔錯 唔太甜，味道剛好!!!!每人大概$180 有呢類型食物 算幾合理啦

每次朋友話想去食放題，我地揀左韓舍去到我就先食左海鮮先，因為都好多選擇下。又有青口 , 翡翠螺 , 凍蝦之類!!!我覺得D螺真係幾好，我本身以為得個外表大，點知內在舊肉真係好大，食落去連汁都必出黎!不過青口就覺普通 沒螺肉咁好食。刺身我個人建議可以試下果到既三文魚，尤其佢個魚楠真係超正，肉又厚，岩我呢種鍾意每一口都係肉既人!!!就連希靈魚都唔錯，佢黃色個部份好爽口，正!!!佢地既主角燒肉，更加無得彈!!D肉肥瘦平均，食落去又唔會太過肥!!最愛吃就係牛肉，肉質非常之嫩!!!!!甜品之前都有聽過下唔錯，出名款多!!!果然百聞不如一見!!!朱古力蛋糕﹑，慕絲蛋糕，啫喱，牛奶布丁，芒果布丁咩都有。同出面甜品舖水準差唔多!!!!但整體都OK 下次再去

同朋友踩完單車見韓舍幾平就試一試，不過都係失望而回。佢肉類得好少款，都離不開五花腩牛仔骨果d，但係好多肉都好似無醃過咁，食唔出有味，反而食到一陣雪味。而且飲野係要另加錢，啤酒的話再加多少少添。菜方面就無咩特別喇。不過佢就包埋少少壽司刺身，雖然唔太新鮮，仲有幾好飲既人參雞湯。

今日晚餐同朋友商量後，因為想食自助餐類既餐廳加九點後有折扣，所以前往元朗馬田路食韓式燒肉。到步可以選擇泊門口既抄牌位或同一座大廈既停車場，而我今次心諗九點後條街咁靜，所以比人抄左$320。    入正題，我到步因優惠時段，排十張枱先到我，一等等左半個鐘入座，入座比左張卡位我，卡位坐六個人都好寬闊，不過枱面張餐牌沾滿油，衛生絕對有問題。坐定之後行出去搵野食，熟食大概有十款，不過質素一般。凍海鮮有蝦，青口，蝦一夾d頭甩晒，青口咬落去出晒水，我就覺得唔新鮮。糖水（紅棗雪耳）例湯（人參雞）幾入味。要燒既生肉，無咩特別，係五花腩個人喜好關係，食左好多。甜品無試過，望落款式好多，跟住因為店內抽風問題，打開眼比d油煙搞到好辛苦既關係，未食飽已經無晒食慾，就咁多謝位位$130。

前幾晚去左元朗同好耐無見既朋友食飯, 當然係佢帶我地去食野,去到一坐低就有個鍋比人打邊爐，幾正喎,出去睇下有咩野食攞黎燒先，今次依到既燒烤野食多過之前去既地方。而燒烤食物都有番咁上下水準。由其是係雞翼,真係好入味,唔錯唔錯,當然要試食埋佢地D熟食，個燒雞好好味,起碼唔會乾哂。另外仲有個羊脾。之後生菜包著佢咁，羊肉生菜包非常新奇，佢仲有幾種醬你揀，不過都係想食原汁原味,唔錯呀果然。燒左一個鐘到就差不多夠皮，果然要試食埋甜品。甜品味道都唔錯，款式都幾多下，啲果燵就係我最愛。最可愛就係一有得自己整棉花糖，講埋比你聽點整，仲有朱古力噴泉,個朱古力漿唔錯,甜味岩岩好,仲有爆谷，到底依到係咪韓燒黎嫁,咁多野食既。棉花糖機, 爆谷機同朱古力噴泉,都唔似你韓燒會有既野,不過依到做到,而且食物既質素都幾好高。 

韓舍的位置比較偏遠，由豐年路輕鐵站步行需約10分鐘，近元朗公園的位置甫進去，餐廳已預留了卡位給我們，坐得算舒適爐的抽氣系統很不錯，一點油漬也沒有落在桌上，讚﹗已有少許前菜置在桌上韓燒是以自助餐形式的肉類都有很多不同選擇，有不同的味道醃得頗不錯，很入味也有冷盤，例如青口、翡翠螺、刺身、壽司可惜青口和翡翠螺都欠缺新鮮，沒有味道而刺身只有三文魚是比較肥美的，其他刺身都沒有味道其實也有幾款熟食，但沒有拍照水太太最喜歡小棠菜和冬菇，汁料頗不錯其他就一般還有甜品，還算可以，選擇比想像中較多當然不要跟酒店自助餐比較吧還有人參雞湯，但勁味精當然韓燒主打是肉類，其實這裡的肉食是又美味又豐富的可惜其他冷盤或熟食都不能有太大期望以每位$168（另加一）的價錢來說都算很不錯呢 

好耐冇出街食過野, 日日都返工。擒晚同屋企人去韓舍食飯, 發現佢地多左個棉花糖機, 爆谷機同朱古力噴泉，　之前都冇。　好似係元朗其他餐廳都未過。食飽先再試下好吾好食一坐低仲有個鍋打邊爐，出去攞野食燒先，今次燒烤啲食物品種多個之前。啲燒烤食物都保持到水準。雞翼啲味好正。食完燒烤當然去食熟食，佢地個日式燒雞好好味。攞攞下發現有個廚師係到切羊脾。吾好理咁多，去排隊整返件试下，排到我，原來個廚師会切完放落啲生菜到，好似生菜包咁，羊肉生菜包真係第一次试，仲有幾種酱揀，有隻薄荷味同豆味都不錯（佢地話係咩以色到度地野）。食左一粒鍾到就差不多，出動食甜品。其實啲甜品都不错，款式同之前有啲轉了，啲果燵就係我最愛。我個仔就係咁叫我整棉花糖，好在有说明点整，吾係就真係出醜。個朱古力噴泉啲漿就好易入口, 吾會太甜 之前係其他酒店都見過呢個噴泉, 不過有啲酒店啲朱古力漿好甜。啲爆谷幾好食，有啲似戲院個啲。不過戱院個啲貴到死 總括今餐晚飯都不錯，其實都幾抵（燒烤打埋邊爐每位都係一百蚊多啲），不過希望將來可以有埋粥食，有時食到好飽都好想食返碗粥，食物質素希望繼續保持。

睇完食評,覺得韓舍的環境不錯,夜食都好似唔太差,就滿懷希望去試一試LUNCH時段免烤...雖然係星期6,但人唔太多好即刻入得,被安排坐窗邊卡位,座位設計好唔方便,得一面可以出,自助餐出出入入,坐出面o個個好煩麻,就呢一點已經影響心情。基本上,咁平價我冇預到好高要求,但都唔好咁過份。野食黎講,6成都係炸,薯條冇得衰,但炸雞實在中伏,唔熱嘅,D肉好硬,我寧願你比麥樂雞我..第2轉抱住極失望的心情出現,發現有新野!唔理咩黎拎左先,一咬落去死左嘅胃口返左黎6成.你食得出係新鮮,稱得上有D好味嘅 炸魚,炸魚先生仲破左當日記錄,成為被拎第2次嘅皇者。(笑)- 我投降..了... 石頭一般的米粒,讓座上每位家庭成員都出現了極醜惡的表情... 真的,想不出形容詞,真的.韓舍,算你的壽司狠.. 在熟食方面,我敗陣了,最後一口氣我留給了我最愛的甜食  安慰了.拍個手掌,是蛋糕的味道,這一餐..完成了。謝謝..第一篇食評完成

由二零零三年起，每年的八月四均被訂為我們的「風雨同路日」一年一聚已成為了我們每年的指定動作今年八月四都唔例外可惜參與人數大不如前由上幾年十七八人，得返八九個出席活動雖然係咁，小妹都堅持每年出席，小妹相信總有一日可以齊齊整整廿幾人一齊出黎食餐飯見下面今年既聚會人數唔多，所以就決定係區內搞就算嚕Book左枱七點鐘九個小妹同班姊妹們乖乖咁六點九到拎枱因為時間未到，所以要等夠鐘，佢執好枱先能夠入座環境方面新裝修之後韓舍以黑色做主色，感覺上較從前高級同乾淨而係每枱既爐上面都會加設左一個細細地既抽風機令到成間餐廳唔會咁大油煙不過其實去得食韓燒，大油煙都係在所難免既七點鐘入座嚕九個人得六個人到左唔理啦入去先啦（一入座就開始兩個小時計，任食$158加一，飲品就另外收費）小妹同一眾女士都唔好汽水啤酒，所以無加$18任飲汽水 / $38 任飲啤酒反而就散叫左ｄ特飲小妹叫左熱紅棗茶味道都唔差啵！又唔太甜 之後就拿拿聲拎野食嚕食物方面燒物有以下（根據小妹記憶）肉類：雞肉、豬肉、豬頸肉、牛、雞翼、魚柳、魷魚蔬菜類：翠肉瓜、雞脾菇、南瓜、茄子（應該仲有更多，但小妹攻熟食所以無乜點燒）熟食咖哩牛腩、炸魚、焗蠔、焗

很久沒幫襯韓舍了，因為之前在旺角食過一次，實在令人難忘。今天，我和男朋友突然想食韓燒，附近無咩選擇，見韓舍新裝修既環境幾舒服咁，就即管試一試~~~我們直接攞位，等左一陣就有位了~~食個半鐘，收費每位$148另加一，入座後待應才說飲品是另計= ="'，感覺取巧！唔知仲會唔會收埋清潔費？好了，我們開始攞野食~~就發現唔對路，D野食選擇好少，無論是生還是熟的也是，生肉味道都係偏咸同重味精，感覺好似凍肉舖個D燒烤包咁！熟食得個“樣”，尤其壽司刺身好差，勁惺！最估唔到佢既泰式炸春卷同肉醬長通粉係意外有水準！甜品就不過不失。環境本來諗住唔錯，點知得個都係得個“樣”，煙好大越坐越感到大油煙，個抽油煙機係好簡約新穎，但唔覺佢有抽到油煙之餘仲阻住D燈光，根本睇唔到食物是否熟！而且待應態度不友善不會再回頭！

     每次想吃燒烤放題，也要專程到市區才能品嚐到，所以試下位於元朗的韓舍，可惜失望而回！訂了下午五時至六時半的燒烤放題，一行三人五時前到達韓舍，已見門口有不少人在等候，但到五時正才陸續安排入座。入到店內燈光異常陰暗，以為訂錯地方吃西餐！過往去吃燒肉的食肆，環境也會燈火通明，但這兒只靠座位上微弱的燈光，實在難以分辯到食物的熟透程度！我們被安排接近入口的卡位，起初以為冷氣未開行，一路下去還是感到冷氣非常不足，愈燒愈熱，反應過也没有改善！燒爐是不是採用明火那款，而每枱只靠爐上小小抽氣裝置，所以不多久後每人都”香味”十足！放了食物在爐上，開到最強的火力，但等了又等食物仍未燒熟，連牛柳粒也要等上些時間才行，火力實在太弱了！雖然在環境和設備也不完善，但食物質素還算不俗的。種類稱不上多，豬、牛、羊肉類及少許海鮮和蔬菜類都有，肉類醃得幾夠味，吃後没有好口渴的感覺。熟食種類有咖哩炒飯、炒雜菜、炸春卷、炸餃子、pizza、咖哩牛腩…，還有手卷、壽司和沙津，而刺身就要過了七點後才有。另外，還有各式各樣的甜品，木糠布甸、牛奶布甸、芒果布甸、啫喱、蛋糕、泡芙…，欣賞韓舍用一個雪柜放置甜品。每人加$18就可任

大熱天時同朋友一齊去做完義工，又唔想隨便搵間野食，但一諗到呢個食飯時候一般舖頭外面隨時有大班人同你爭位，加上我地又無book位。等左2個字就打算打退堂鼓個陣，企門口個女仔就同我地講入得去啦！輪到我地就梗係咪走雞la。 坐低拎野食加點野食，刺身種類唔多，全部都拎晒，三文魚，希靈魚，吞拿魚，甜蝦，仲有隻條魚唔記得咩名，不過都係拎左1次咁大把姐，因為生食既野1向食得少，啲刺身尚新鮮，三文魚、甜蝦好好味。有個朋友已經燒緊肉啦！拎完野食行到埋去已經聞到好香，忍唔住夾走左舊食，哈哈。牛柳粒、叉燒豬扒好嫩口，咬感好滑，好惹味。牛仔骨我幾喜歡食，夾多左，本身都怕啲肉會好硬實，幸好食落肉質尚算鬆軟而且有汁,唔會乾巴巴！另張Buffet枱放滿左啲甜品、沙律、甜品、炸物，熟食豬頸肉薄身的，有醬點添，好脆好爽口，淋埋個醬汁上去，味道好夾。整體來說，今次既放題晚餐相當滿意，值得再去。

今次又行完元荃古道之後,終點係元朗搵食,我同朋友係分工合作形式,佢就負責check路線,我就負責輕鬆d既-搵食!哈哈~本來上網搜尋緊,點知突然俾我'噹'記起有個同事住元朗,問佢仲清楚過部機器la!!!之後我1大早book 定位,個晚行到過去影真超級無敵攰,但我地個胃口係全開ga!!!呢間野光線幾夠充足,坐低左1陣之後,亦陸續爆滿.刺身類5款我食左3款,因為其他個2款我本來就麻麻地la.甜蝦-幾甘甜;三文魚-夠肥美,唔錯,肉質唔梅;希靈魚-很新鮮同爽,不過朋友話普通ja之後夾左1堆生肉黎燒，我真係要讚美1下自己，件雞扒俾我燒到雞皮脆卜卜，d肉就仲好滑好多汁。同埋d金莎骨1樣好好味，又嫩又香，d根仲好爽脆ga。食到咁上下開始進攻我ge'飛化'甜品類,樣樣都好~~~正!!好似個泡呼,冰冰涼涼但keep到皮少少鬆脆,加埋中間奶黃,creamy and yummy ar><!!!不過獨獨係得個姐里我唔太歡喜ja,甜左汀汀咁多!!總共以$158 1人黎講, 再加埋10%都可以接受la fa!!抵