韓舍 (已結業)

男友今年揀左嚮呢度同我食生日飯, 我都算係1/3個元朗人(仲有2/3係天水圍同屯門人囉), 不過都未試過呢間, 因為食5-7 o個轉有得平, 精打細算既我地梗係食早d啦, 但兩位既話只可以食個半鐘. 預先book左位加上實在好早(5點咋), 所以都唔駛等位, 一去到就有位俾, 仲係闊落既卡位添, 我地坐低左就爭取時間搵野黎燒, 我同男友一人拎一d開始燒既時候, 之後就再去拎熟食…款式比之前嚮類似韓陽苑既地方多bor, 本來上網睇其他人寫話有翡翠螺架, 點知去到見冷盤得凍蝦同青口, 好彩味道都幾好既, 至於我好期待既翡翠螺, 都有既, 不過煮左做冬蔭功囉..第一時間就諗起係將d唔係太新鮮既海鲜掉落去煮成既湯…其實大部分肉類我地都差不多拎哂黎燒, 味道真係唔差, 尢其係個魚柳, 好滑又夠味, 牛仔肉牛仔骨雞翼雞扒豬扒等都ok, 蔬菜類我地只係燒左粟米同茄子…除左燒烤外, 佢都有壽司同熟食, 壽司我無食費事食飽哂, 熟食試左炸雞翼煙鴨胸等, 坦白講水準真係ok bor. 食到咁上下要預時間食甜品勒, d人講到好好味既木槺布甸就唔見有, 但都有啫喱布甸蛋糕仔糕點等既, 而且佢係會轉換款式架,

身處元朗,想同女友食韓烤,基本上無乜選擇.上來呢度搵,搵度呢間韓舍,雖然刨過食評,譭譽參半,但我心唸,韓烤基本上只係一D生野閹過自己燒姐,一個咁單純的食法,斷估總無可能差得去邊.而事實上我真係有眼不識泰山,我除左認為準備食物O個個玩野之外,我真係唸唔到有人可以攪到D食物咁鬼樣.(我女友有另一個睇法,容後再說)所有肉食,除左雞翼呢樣你閹都好難入味,同根本無得閹的五花腩外,其它所有所有可以用黎烤的食物,都通通有同一個毛病,就係一來UN到好鬼難咬,二來係落D死人生粉落到勁多,所有肉的肉味都已經被呢D生粉拿到無哂肉的TEXTURE,食落全部好似個D餐廳個D二三十蚊牛扒個種攞命的味道.熟食都有同一問題,我真係食左好多年韓烤,由漢X食到金X寶,從未試過有人可以整到個D肉可以差到咁程度,我絶對相信一個正常人係無可能可以閹到D肉差到咁,食完真係頭暈身慶兼想嘔,好多年未食過咁難食的東西,更加無法子估到原來生野自己燒,都可以難食到如斯程度,唯一只係環境不錯,但個死人所謂無煙燒烤,個枝吸氣孔根本吸唔到油煙,攪到返出來個陣油煙味痴滿哂係件衫度,幾個鐘頭都唔散,真係攞命.一路食一路好想喊,真係好想即刻埋單飛出食

第一次同幾個朋友去食, 唔知限時所以好多野都無試到, 另外有窩夫機可以自製窩夫味道：燒烤食物唔錯份量：冷盤, 熱盤, 燒烤種類多選擇, 甜品都有4-5款, 飲品有汽水同埋生啤 環境：裝修及氣氛唔錯, 多一大班人去 服務：OK 衛生：OK, 乾淨 抵食：一試無妨

今次食韓舍真係好巧合只係咁啱揸車經過係毫無準備就泊低車子係馬路走入去韓舍問下可唔可以兜個圈睇下有咩食個經埋有禮貌地說隨便睇睇 呢位人兄的服務態度一流....真係談吐得體..(下面就知咩事)二話不說就泊低車子去隔離停車場( 有免費泊車現金劵送)就入去食呀兜個圈其實都係求其睇下有時見到咁靚的陳設都覺得好好食而事實上...蝦有蝦味...有鮮味...小插曲是日我們一家三口六時正入座致電朋友一家三口前來朋友在六時四十分前來我們要求我們一同坐但經理說如果咁樣你的朋友都會計較早的一位入座(即六時正)後來經理叫我們埋單先知一行三人燒烤時間只得90分鐘一枱四人的燒烤時間為120分鐘試計計1. 我們一家三口分開二張枱座...6:00 到來 7:30走 (90分鐘)2. 另一家人一家三口座第二張枱....6:40 到來 8:10走 (90分鐘)3. 我們二家合併一張枱座....(由較早入座者計算) 6:00到來 8:00走 (120分鐘)那大家就計算下我和經理都周旋了一段時間不過經理話死到話佢無錯 結果: 我們都和解左...照係七時三十分埋左單坐係另一枱我的朋友處但不敢再攞東西食其實三個人食90分鐘...

睇到之前食評好壞參半，真的有点後悔訂位，但係老公想食佢又生日，無法8：30來到門口幾多人，我地訂座位等了一陣就有位喇！縂括來講食物選擇幾多，味道ok無出邊韓燒咁咸，但甜品就非常ok，尤其是木糠布甸味道好正。可能個人口味不同，我就覺得幾好，起码老公都話好食

我地一行7人只比6人坐位,但只得一個爐，人地2個人又一個爐，其中一個要坐路口位,同佢地講又好多藉口話d客人一早到咗,我覺得作為一間食肆,唔係要知道當晚客人幾多而去編排坐位架咩.....野飲唔包，要就加18蚊，仲要係氣水機嘅氣水，肉類太夠味精，食完好口喝！抽風系統勁差，搞到由頭臭到落腳，未必再有意欲再去

當睇到D食評, 其實唔係好敢試不過元朗韓燒選擇唔多, 即管試一次電話訂檯時, 店員話7:00pm 訂晒, 一係5:00pm, 一係9:00pm最後決定食5:00pm錯有錯著, 原來星期五, 六, 日, 係$158, 但5-7:00pm兩個鐘$108, 好抵喎牛肉粒, 好硬牛柳,雞翼, 豬頸肉,鴨胸肉,羊扒, 腩肉粟米,冬姑, 青椒, 好味壽司, 凍蝦, 凍螺炒飯, 意粉, 煎餃子, pizza, 冬菇西蘭花, 泰式魚餅人參雞湯, 糖水, 豬腳羗好多甜品, 雪糕, 蛋糕, 啫喱, 芒果布甸格仔餅好油可惜汽水任飲要加$18食材算新鮮, 座位闊落, 地方乾淨, 唔錯仲有泊車優惠, 方便

今年母親節想食韓國燒烤所以決定嚟喱間元朗既韓國燒烤試下.雖然我哋一早就訂咗位但早到咗半個鐘,諗住可以早啲入去,但門口位姐姐好好笑容同我哋講,未得住因為之前將枱未走,要等多陣先入得,冇辦法,唯有咁成班向門口等,睇下個收費表,先發現唔係免費任飲,凍飲要每位加18,我哋當場呆咗,門口姐姐可能試過喱啲場面好多次,立刻話會有茶水任飲,冇法啦都到咗.終於入到去,我哋就專政生食物區&凍櫃,見到款式都有成十多款,有雞翼,牛肉片,牛柳,豬頸肉,鴨胸肉,羊扒,龍利柳等等,蔬菜類都有7,8種,我覺得羊扒,原味雞翼同埋龍利柳最好味, 雞翼&羊扒好夠味,龍利柳燒好耐都唔會乾,肉好嫩,但會越食越口渴,唔知係咪加咗好多味精, 講到冷盤,壽司好細件,味道就不錯,都算幾新鮮,而且款式都幾多,refill好快,仲有冷麵食. 但等成晚都未見有生蠔,好彩仲有蝦&螺,螺雖然有d有沙,但係2種都好甜好好食.未去之前已經都做定research,話會有生蠔&刺身,等到熟食味道就麻麻,賣相都唔係好得,但就有好多出面好少有既款式.湯都麻麻,話係人參雞湯,但係似花旗參雞湯多啲甜品係我必食既野,喱度有好多種甜品,好多都好好食,我會推介係牛奶

我自己在港島區住, 好小入元朗搵食. 不過家姐姨甥住天水圍, 就嘗試在元朗區找一些大家都喜歡的日韓放題食肆. 上網問過, 有人介紹韓舍, 就上openrice 看看食評, 知道他們的位置, 而且裝修過, 大家推介那個新式的抽油煙機, 感覺良好, 就決定去試試.訂了6:30pm, 準時入座, 眼見地方闊落, 座位都舒適. 眼見已有一兩枱客. 坐下放好隨身物品, 就開始狩獵美食. 韓舍跟其他韓燒的食店一樣, 有生熟食物任選. 說說生的食物種類, 不算很多, 都是一般的粟米,冬姑, 青椒...肉類有雞翼, 雞扒, 豬腩肉, 豬扒, 牛肉粒 , 牛仔骨,, 羊扒...魚類有三文魚骨, 多春魚及龍利柳...熟的有蔬菜, 煎餃子, pizza, 炒飯.... 甜品的款式比我想像中多, 賣相也美. 食物的味道沒有多大差別, 幸好不太咸, 我們沒有另外加錢任飲, 只叫侍應生給我們每人一杯水, 不過之後都沒有替我們再添. 雞亦的味道偏淡, 我向店長反映人家的店子會將雞亦中間用刀稍為剪開, 讓它易熟一些. 店長都客氣的點頭說好.那個爐因為是用發熱管的關係, 開始時熱得比較慢, 要待一會兒. 那個抽油

星期日本來同男朋友同埋佢兩個同事入流浮山食海鮮，點知佢兩個同事5得閒，攪到我地兩個無晒印飯點都要食，但係得兩個人都5知食咩好！男友話不如食韓燒，佢話同d朋友食過幾好食，咁我話試試喇6：30左右去到韓舍，嘩！竟然要等位，咁我地米攞飛等啦之但係我見佢入面有吉枱，我米問問門口個位職员，点解入面有位我地5入得去，佢同講5好意思因為有客人訂位，呵，有人訂位，o K,我又問佢咁我要等幾耐，佢答我大概30分鐘左右，ok，我為有等等！過左一陣間，終於有幾張枱埋单，應該到我地卦！個位姐姐轉頭叫了3個No，好野有我地份入到去見到間鋪裝修得幾靓，佢地用电炉5係用石油氣炉，同出面d韓燒好5同，感覺常乾淨d,無其它韓燒鋪甘油林林行去怜野食發覺同出面d韓燒真係5同，燒烤生肉一定有喇！壽司，冷面，迷型沙律吧，呢d都有！最警喜竟然有凍海鮮吧，真犀利！燒肉d味幾好，又其是牛肉甜甜地幾好食，熱食我比較鍾意食豬腳羗，我男友話最好食係燒烤魚柳，佢话甜品都幾好食，叫我試下。試了杯木糠布甸同埋幾件旦糕，我覺得oK囉，係比較多款，但係我男友話好好食，呀幾時開始同我男友d口味越来越5似，真係要研究吓講真兩個人食三百蚊左右，差不多喇！

難得姨生仔由澳洲返來，我呢個姨仔一定帶佢食好野！韓舍裝修完後黎過一次，野食好食過以前所以今次带姨生仔試吓！心想星期三應該5洗等位，8點幾去到門口有一大堆人等位，無法喇為有羅飛等位喇！羅飛時候問一問個位姐姐等幾耐喇！她話大概30分鐘，好我等！20分鐘過後終於有枱，好野姨生仔係一個食肉獸，所以一坐低佢就係咁囉肉燒，牛呀，鸡呀，豬呀，不停燒！我就食海鮮翡翠螺，青口呀，係咁食mad::仲有熟食好食過之前，多左野食，都算係有驚喜姨生仔同我講d牛肉幾好食，但係d雞亦就無味，其它就ok!我就話你試埋甜品先講喇！姨生仔食左一杯木糠布甸後，就不能停下來，前後食左5杯木糠布甸3杯芒果布甸同埋一大碟旦糕大戰一輪後姨生仔終於投降好彩我帶佢黎韓舍食，如果5係食窮我

得知新裝完，周未，一心去食過愉快晚餐， 點知由等位開始已有一連串的不快事發生。入座前: 完先打電話訂位， 但職員話話已滿無得訂， 要去到門口等位。好啦，去到等，我哋係第七張枱，問要等幾耐，又話唔知，應該無咁快，點知去完洗手間返來，不超過十分鐘，啱啱叫到第八張，因為前面走哂，叫位員話要我地重新排過，唔可以反叫， 佢冇事先講明喎， 即係又排返第七張，酒樓都過五個先當走咗啦，我吔只過咗一個， 經過一番理論，堅持佢冇事先講明，但這位叫位員死口不認，，咁啱遇到其他食客過來攞飛，當埸指出佢無提醒客人，先肯給我哋下一張。不過佢都唔認，重話自己有講，(不認有疏忽)，咁唯有叫佢揾經理啦，點知她說-我就係經理，, 老板唔係度，即係佢話哂事，投訴無門。 真係唔明點解經理(自稱曾小姐) 會企門口叫位，完全忽略餐廳入面的情況入座後:一坐下, 持應便說，限時一個半鐘，限時???? 又係無註明，自助不包飲品，要另叫，十八元一位汽水任飲。我地都有order，唔通燒烤唔飲嘢，會喝死， 出去倒汽水時，發現汽水機壞咗，等了四十五分鐘先維修好，但係限時一個半鐘， 好揾笨，好取考。其實，限時的話，人流都好易控制，點會話答唔知要

是日因為爸爸媽媽團拜所以就約埋其他auntie既仔女一齊食飯見韓舍裝修完都無試過就一行四人打算去試下第一件事要講既就係訂位 訂位 訂位因為認真人多到飛起我地懶醒打算八點落去等位應該半個鐘入到但結果等到成九點半等候既坐位唔多好多人都同我地一齊係出面企如果要訂位呢據我現場觀察應該即日或早一日訂都會fully booked或者得番勁早或勁晏甘所以一定要早早book位呀入到去即刻衝去吃熟野多左個位放sushi種類唔多但以前菜黎講都幾好仲有D青口 螺 同蝦 好好食!仲有個細細既沙律bar熟野大約有十款啦豬腳薑最好味=d開始燒野食啦野食既quality好似高左D牛扒有返個扒型唔再係以前個種 一pat爛肉甘多春魚龍利柳好好食佢依家個爐燒依D野都唔會痴底~仲有青椒個D清D既野食女士可以有番D菜落下肚甜品黎講個雪耳糖水都幾好飲D蛋糕唔係話酒店水準但都幾好味個人最愛個牛奶布丁每晚有兩隻雪糕供應今晚既係朱古力同芒果值得一讚既係服務入到去等位雖然佢人好多但老板娘都好好態度無話唔憂做就趕客另外我地有個細路女問個甜品師父有無木康布甸但未出跟住小朋友就失望行開左啦後未出甜品既時候師父就特登留底左兩杯比我地搞到細路女

平！抵食！燒烤果PART...嗯.......醃得好夠味，連我呢個咁重口味的人，都唔使點燒烤醬油。D肉普遍都好嫩，冇雪味，最精彩係龍脷魚柳，好滑好好味。座位寬敞、裝修舒服，而且真係無油煙的。甜品：D蛋糕細細件，可以試多幾款口味，而且蛋糕好鬆軟，果日只食咗蛋糕，冇試其他甜品呀，下次丫。中式熟食：OK啦，唔係賣點，但可以試下。日式食物：我地爭唔到壽司刺身呀，但拎到冷麵，佢個冷麵汁OK喎！可以試呀。最抵死係中式糖水呀！有紅棘雪耳糖水，好多雪耳呀！飲落又清甜。仲有雪糕任食，見佢用維記雪糕柜，應該係呢個牌子卦！？仲有格仔餅機比你自制，唔好食但幾有新鮮感。總括而言，以呢個價錢來講簡直超值，高度推介！我會多推紹親朋來的。KEEP住生意額呀！我仲要繼續幫襯架！

今晚為弟弟慶祝生日，特意預訂了位置，去久違的韓舍試一下，因為它新裝修後都沒有再來。預訂了七時半，五位準時到達入座。一進去，沒有了舊時的油煙味，空氣比以往流通了不少，我覺得最大功勞應該是每張桌上的小型抽油煙機了。開始燒烤，設備方面，抽油煙機位置與爐面太近，阻礙了燒烤。而且爐入面的紅色發熱線令整個爐面變成了紅色，難以辨別生肉是否已熟透，這個有待改善。食物方面，熟食及甜品種類比舊時多，熟食也是普通，不值一談，甜品就真的太差了，有一款是木槺布甸，但入面的東西好像不夠凍，仍是糊狀，完全不是一個木槺布甸。生肉方面，也是普遍的雞牛豬羊魚，最好吃的還是魚。飲品沒有了以往的任飲果汁，改為要每位加$18的任飲汽水，這個真的有點令人不憤，哪有燒烤的人不喝汽水呢？所以我們就order了任飲。服務方面，值得一讚是因繁忙時間只限吃兩小時，但夠時間也沒有催促我們結帳，這可能因為有很多空位而外面亦沒有人等位吧。但也因為已經好飽，所以也是九時半左右結帳離開。 整體而言，所有的都比舊時好，值得再去。