韓舍 (已結業)

極強的油煙，所含煙量非筆墨可形容，猶如置身拜山場地被煙燻著😭☹️，輕則不斷流眼水，重則咳嗽不停😔。可能又有人說「這個典型消費者」、「韓燒沒煙？你不如只吃泡菜吧」之類的說話。其實，每次進食經驗都不同，不同人去同一間食肆都會有不同待遇，為何要挑剔、質疑別人的評論呢🤔？本來以為非燒烤午膳，還會有定食或午餐等，怎料到原來非燒烤那款，就是讓你在外邊任取熟食及飲料而已。由於熟食只見沒餡壽司、薯條、雞槌、烏冬、沙律、可樂等飲料，所以最尾還是加了燒烤午膳😧。五花腩不是一般韓燒店那款薄片腩肉，而是像東坡肉般的立方肥肉😨，又厚又肥膩，無法把全部肥膏盡吃掉。咖哩雞柳不算非常入味，有點醃料，你雞柳不是太過乾身，稍煎一下還嫩口，味道不錯。雞翼比較結實豐厚，午餐趕時間的話難以在短時間內燒好，只夠時間燒幾兩轉雞翼， 有款辣味的雞翼的確有點兒嗆口。牛粒雖然還算是軟林，但是好像落得太多鬆肉粉，沒有什麼牛肉的味道。脆肉瓜、馬鈴薯都大大件，沒有特別味道。店內有棉花糖機，還有一部串串窩夫機，兩樣吾等都不夠時間玩。午市$98，免收加一，不算昂貴，但最好你要有充足時間，方能發揮任食的本領。然而，這家韓燒的油煙真的是本人見過最多，通

環境好闊落，出面有d 韓燒要坐得好逼狹，又人來人往烏煙瘴氣咁。但係呢度要坐卡位十分唔方便，入面o既人好難成日出出入入。食物種類係多的，沙律吧standard o野唔講，有人蔘雞湯同另一款湯，試o左雞湯，好濃郁o既味道。小食有韓國炸雞、吉列豬排等等，第一round 等肉熟時去食就覺得好好食，但第二round 再拎就覺得d 肉又實同油膉味好重，可能擺得耐同之前較肚餓。壽司係好大一盤但係得3 款︰熟蝦、魷魚同蟹柳。刺身係唯一非自助o既o野，不過無乜人排隊，你就咁行埋去叫佢切就ok。有三文魚同吞拿魚等等，佢話就話每次只限4 切，其實有時都俾到6 切你的。因為有bbq 所以熟食我就無乜點食了，係試o左一舊法式芝士焗薯，都唔錯，幾清甜。韓燒o既肉同菜選擇頗多，ok 的，醃得好入味。個抽氣管好近個鑪，加上佢無油俾你落，所以幾乎無油煙。飲品包o左的(酒精另計)，有熱飲、凍o既花茶同各式汽水自便。甜品都好豐富，推薦紫色「芋頭味」西餅、咖啡奶凍同焦糖燉蛋，前者好香芋頭同咖啡味，後者d 蛋好香滑。還有「煉奶味」奶凍(sorry 無exact name 參考……) 同chocolate fountain 都可

韓式烤肉大行其道，間間都好食，點揀好呢? 韓舍主打烤肉+酒店式BUFFET，好似幾吸引喎! 今日LUNCH反正無野做，就帶埋老公一齊落元朗拜訪韓舍。午市$98加一可以燒到2:30，都OK喎! 我地12:00去到啦，可能因為平日無咩人所以唔使等，直入!!! 店內唔係好大，一邊係枱，另一邊就係野食，先去睇下有咩食啦!所謂酒店式即係除左肉之外仲有其他野食，熟食都好多，有粥﹑咕嚕肉﹑肉，蝦醬肉片﹑燒賣﹑肉醬意粉等，炸野有咖哩角﹑春卷，仲有壽司﹑甜品﹑泡菜等等，都好多野食!燒肉方面，都算幾新鮮，但係選擇比較少，通常只有原味同辣既味揀! 香茅豬扒無乜香茅味，但黑椒牛肉粒D黑椒味好重，真係覺得有少少辣。咖哩雞柳D咖哩都係辣辣地，真係除左唔辣同辣就無其他了，所以我反而中意食其他的，芝士腸﹑紅腸﹑薯仔片﹑茄子﹑四季豆雖然無味，但係清清地都唔錯!反而幾欣賞D熟食，粥我以為佢應該似米水多，落咁多米咁蝕? 點知原來都幾多米喎，味又夠(是日係皮旦瘦肉粥)，蝦醬肉片既蝦醬味好夠，每塊肉片都整得好入味，我ENCORE左3次!!!! 咖哩角﹑春卷真係麻麻地，因為炸完就咁放係度，凍晒了，一咬就林啦!甜品選擇都OK，可能

我相信大家都去過韓舍,其實食物好與壞,在乎大家既技術嘅....(除左熟食),大家都知道果度D甜品好多款式,味度都唔錯,但係起元朗哩間就出現左一款甜品真係比美車胎人5級甜品,哩款甜品就係焦糖燉蛋嗱,一間正正常常既甜品舖,一個焦糖燉蛋都要$2X-$3X,味度好似落少D水加糖既蒸水蛋(只係差D肉碎同粉絲),哩度就完全唔同嗱,你一口咬落去,D燉蛋滑得過份,食落去有濃郁既蛋味,焦糖同燉蛋既甜度真係完美組合,燉蛋既口感好似食啫哩同cream之間既感覺,一試難忘,我去親都食佢5-6杯嫁,最重要係任你食

我N年未食過韓燒，果日一行八人來呢度環境寛敞，唔會焗住d油煙，坐位都幾舒服燒烤食物種類算多，材料尚算新鮮我鐘意燒牛，牛肉醬汁醃完惹味豬肉有少少硬，不過點都會惹味.魷魚，豬頸肉，雞柳，金沙骨，牛仔骨，羊肉五花腩，魚塊都是濃郁的醃料，味道分別不大仲有熟食區，炸雞翼，粉絲同菜類碗仔翅，胡椒豬肚湯，豬腳薑炒粉麵飯，冇咩特別驚喜甜品有豆腐花，啫喱，涼粉都OK好味既任飲竹蔗茅根太甜，豆漿甜度適中不妨試下店鋪設計望落去好舒服好光亮，整齊，乾淨，新穎D位全部都係卡位，都幾舒服整體黎講不過不失啦

第一次去的時間大約係九個月前，當時的食物質素很好，友人也吃得很開心，令我有好幾次進元朗都打算再幫襯，終於在昨天晚上去食了，滿心期待，結果大失所望魚生是霉的，肉類選擇只淨下一些雞翼豬扒和普通的牛肉，都沒關係，將貨就價係可以明白的，但就算普通的肉其實也可以處理得好味，友人講了句很貼切的話，全餐只在吃下等肉，所有肉都很嚡，乾，沒肉味，像死屍肉一般這也真是太過份了，真的要寫出來提醒大家

優惠卷(openrice有得print) 早幾日Book左位，留意記低Booking no.一去到就預留左位比我地，唔洗等餐死👍（21：00m)雖然都夜，但門口都仲好多人walkin等緊拎左位之後就開動👍 熟食 （咖哩，生菜包飯，炒飯，煎雞件，鴨胸8-10款不能盡錄）冷盤 少款刺身（三文魚，甜蝦，拖羅等）壽司（得鮑片，腐皮，熟蝦）有青口，凍蝦，冷鳥冬等沙律，粟米粒，各款醬，開胃小食 掩青瓜等飲品方面 五花茶，酸梅湯，夏神花茶汽水 可樂 雪碧 etc都係果類全部都得掩好入味，好食 推介（雞腎，牛肉片，五花肉，龍利柳）肉類選擇 都有十幾款， 豬雞牛 都係呢d甜品方面 有朱古力噴泉，綿花糖，生果等等生果好快冇哂！所以想試要趁早，有雪糕任筆，有部格仔餅機👍👍 自己整好好食👍😂仲有凍櫃入面既 水果撻，泡芙 全部迷你size食5個都可以,因為真係好好食 一口一件，杯裝既有芒果布甸，奶凍，木糠布甸，啫喱等，最好食係 木糠>奶凍>etc👍👍👍👍用餐時間21：00-23：00我地坐到23點20分到，都仲可以食可能都埋尾😊會再去 ~~ 咁平XD

今日興致勃勃約埋家人到韓舍享受一頓休閒的自助午餐,成人每位$98元正免加一,餐廳環境清淨、座位舒適,可惜食物指數欠奉,味道不是太咸便是無味,真是令人食慾大減,而全場最有鮮味的便是菠蘿,鮮甜多汁~正!!恰巧遇見員工準備晚巿的過程,他們處理三文魚的過程確實缺乏了.....真的令人卻步了......

預先book定位，到韓舍吃韓式燒烤。燒東西沒有油煙，令我出乎意料。食物也非常棒，燒雞翼皮脆肉嫩，燒牛肉粒鬆軟，醬汁也和肉配搭得完美。前菜和甜品也很豐富，前菜壽司多品種，例如加州卷，芽菜等。那木糠布丁和jelly是極品，它們不硬不軟剛剛好，木糠味道濃，jelly裡有水果。我還試了小朋友最愛的自製棉花糖，估不到韓式餐廳還有這種玩意！

係荃灣韓舍食過幾次，仲食到抱住個肚走，服務又好，食物不停補。今次為就朋友收工，就去元朗韓舍試下，諗住同一集團，應該唔會差得遠，點知⋯⋯訂枱9:15，9點兩人打算先報到，齊人再入坐，點知接待小姐完全無理，邊帶位邊以講野無尾音講入坐開始計鐘，唔知以為我得罪過佢咁，見有其他人等位，又唔差得十分鐘就算。燒左15分鐘，食物好似無燒過咁，連煙都無，隔離左右火光紅紅，仲已經食緊，舉手搵人問，完全無人理，果位帶位小姐疑似見到扮睇唔到唔理，有位執枱既行過叫佢睇睇，是但扭下個爐制，爐光時光時暗，仲答「係咁架」就行左去。好，再等10分鐘，個爐依然無「起色」，要求轉枱都好正常啫，行埋去問帶位小姐，一句「無枱」又走左去，真係爐火唔起我火起！大佬你收我錢仲係限時架，係咪以前得罪過你我又唔記得，家陣報復！有個疑似經理行過，當然捉住佢投訴，結果枱調左，但成晚有果位帶位小姐超住咁伴住食囉。講番食物，生、熟、甜品種類都好似唔夠荃灣分店多，特別係鯖魚，荃灣原條上，元朗分店就一碌碌兩吋長咁上；部份生料好重味，原來元朗朋友食得咁喊？！加$45任飲啤酒，但唔夠凍，汽水就無氣。未夠10點半，其中一款啤酒機仲話壞左無得飲，生料有幾款

抵食既韓燒!! 夜晚好食既任食韓燒$200走唔甩 但呢間走甩左!元朗呢間分店好似係比其他分店平D 所以夜晚最貴時段都唔洗$200而D肉調味幾好 又唔會太大陣雪味 ! 幾好!牛都有幾種 包括牛肋 牛舌 牛柳等等牛普遍好有牛味 唔會醃／雪到冇肉味牛依然好香豬既煙肉好正 岩哂我呢個煙肉控煙肉比出面冇咁咸菜例如茄子都新鮮 比想像好下次再試其他！

一行多人去韓燒，店方安排了一張超大長檯給我，環境幾舒適 食物方面其實種類也十分多 燒的食物有 豬 牛，羊，雞肉，蔬菜等等… 熟食的話有炸物，另外也有壽司，刺身，甜品等等。 向來愛吃牛肉的我 推薦的是牛仔骨，肉類普遍已相當入味，牛仔骨連骨都十分惹味，牛味濃 肉不過硬!!羊肉 味較出，小小SO 但肉質亦是偏un龍脷柳較黏，味淡雞肉肉質嫩滑，味道正常 刺身 質素比想像中理想三文魚刺身厚切，新鮮 好有魚香希靈魚鮮甜 , 爽口 熟食好飽 沒有多吃，有炸物 炸魚件之類當中炸魚較好味 , 肉實 唔”梅” 亦不覺好肥”利” 甜品款式都幾多 但不是我柸茶, 木糠布丁都幾正 , 唔太甜 ,好香奶味另外服務不過不失，算是有求必應啦! 下次留肚再來食過!!

嬲到第一次寫食評難得我同老婆一齊放假，見呢間韓舍食評幾好，所以特登入來元朗食好d。 我驚死爆場，所以就打左去卜位。聽電話果位姐姐，悔氣到爆... 我都未試過打去卜位，會俾人cut線，講句 bye bye 會嘥妳幾多時間呢？其實咁唔願做就不如另謀高就啦，何必苦己苦人呢？。 一埋位，臺面有2隻空既杯，我見無人主動serve，咁我就叫靚仔哥哥加水。點知我地2個人黎 2隻空杯，佢加得一杯 仲要得一半就走。我地唔飲凍飲無加$18姐，唔洗咁掛。 d牛肉，望落ok, 食落un過牛皮。豬同雞肉好L鹹。連我最鐘意既魚肉都鬆弛過鬆弛熊，唔係唔識煎而煎散，而係唔新鮮既散。唯一可以繼續食落去，只有煙鴨胸😭 其實野食差都唔緊要，同老婆一齊食咩都好。一路打住機 覆下whatsApp，一路食，唔覺唔覺但求飽肚就ok。但佢間鋪頭入面一滴訊號都收唔到。search 到free wifi，但個Staff就西住面咁話壞左，正確黎講應該系邊行邊講，好有性格。可能真係壞左啦，但系又比人search 到... 好難唔覺得係收埋自己Staff用😒 今日系公眾假期，價錢唔平，個場無爆。呢間野真系...正！ 一定要試

同班朋友出左去元朗鄉村，返到黎元朗市區。見到有間韓式放題好似唔錯幾正，就去左試下。裏面環境俾人感覺都好乾淨，光線幾柔和，同埋好多食物我同我朋友係海鮮愛好者，所以田螺係一定要食，但又怕田螺肉少掘得咁辛苦只係得個吉。韓舍既螺肉唔單止好容易就拎到肉去食，而且肉又大舊。一啖食落去，成口都係螺汁既鮮味。來呢到一定要食韓燒啦！一去到裏面，就見到唔同肉類，根本就係食肉者天堂。佢地每一舊肉既水準都好ok，好似醃製肉類，每一隻味都唔會好over，連食幾舊都只係feel到陣肉味，個口又唔係好濃。肉質方面更加正，食落去真係好似食緊d上等肉，可以講得上鮮嫩美味，點能夠唔食多幾舊。仲要一提既係佢地既刺身原來都好好味，好似係三文魚楠，肥美多肉唔食多幾舊都好似哂錢咁。下次到元郎 再來食过

我近期又想食放題，近近地想食返間韓燒，見有間韓舍，橫掂都未食過咪走去試下。見我個fd幫我燒緊肉，我自己就去左試下d刺身之類。食左幾舊三文魚楠，就覺得好正，肉身厚已經唔洗講，重點佢陣鮮味真係好強，作為飯前既食物，真係一流。當然唔止三文魚啦，佢既希靈魚既口感都好爽。終於燒完d肉啦。佢地好多種肉類又有紅腸又有扒又有雞翼。紅腸經過左燒之後，外面脆脆地，裏面就係肉既口感，超好食。仲有佢地既辣味雞翼真係超好味。腌個陣辣味又唔會太濃。雞翼既口感最緊要係滑，佢地既雞翼燒完之後，裏面既肉真係好滑。最尾d甜品賣相真係好靚。尤其係用杯裝啫喱，口味又多，有芒果味，牛奶味呢d。呢間價錢又幾合理，下次會再黎試！