韓脈 (帝國中心)

營業中

休息中

Weekday Dinner 一坐下會送上6款前菜。醬油蟹&鮑魚醬&蝦醬飯 $398套餐包括了1隻醬油蟹、2隻醬油蝦 、2隻鮑魚及紫菜生蛋飯。醬油蟹有很多蟹膏，蟹肉鮮美，醬油不會過鹹，醬油蝦及鮑魚入味，口感爽彈，加上紫菜生蛋飯，令人一口接一口地吃，很滿足。海鮮煎葱餅 $150煎餅粉漿加入了海鮮及香蔥，份量十足，煎至黃金的外表加上厚度適中，外脆內軟，香氣撲鼻，沾點特製的醬汁，味道更滋味。醱酵人蔘雞湯 $118醱酵人蔘雞湯熱騰騰，雞肉中間的糯米吸收了濃郁的雞湯和人蔘的精華，香而軟糯，養生暖胃。韓國甜米汁 $20韓國桃子汁 $20與朋友衝著醬油蟹到訪，味道沒有令人失望，其他食物同樣出色，是值得試試的韓國餐廳。

一直都想試醬油蟹好耐架啦，跟住聽講韓脈醬油蟹好食，所以要過黎食下🤤佢地仲有烤肉食，係專人幫手燒！坐低左就比左6款前菜，包括泡菜、沙津、蘿蔔、芽菜、魚乾同翠肉瓜，仲可以refill架！🦀醬油蟹 $250/隻 跟紫菜生雞蛋飯蟹身已經處理得好乾淨，所以可以吸啜已經可以食到啲蟹膏同埋蟹肉，肉質鮮嫩，蟹黃濃郁，蟹膏都幾多，個汁有少少微辣🤤食落去好鮮艷都幾開胃😚🍲泡菜豬肉湯都多泡菜同豬肉，豬肉係瘦肉黎，辣辣地送飯一流！🍲牛胸肉大醬湯湯底濃郁，牛肉好鮮甜，湯底帶點微辣口感，冬天食會好暖身，齋飲又唔會有味精，唔會飲完好口渴😌🍗甜酸炸雞外皮香脆，雞肉好滑，有少少似麥樂雞😂甜酸醬幾開胃🍲醱酵人蔘雞湯湯底清甜，雞肉好滑，人蔘令到湯底好濃郁，冬天飲一流！🥤柚子汽水岩哂依家夏天飲😍韓脈 (帝國中心) (尖沙咀)📍尖沙咀麼地道68號帝國中心地下高層UG43號舖

偶然都要孝敬下媽媽👩帶佢去食佢最鍾意嘅醬油蟹😇今次揀咗尖東嘅韓脈🤓見到隔籬枱有韓國人黎食，就知道佢夠晒正宗啦！醬油蟹$250一隻，醬油味道鮮甜！隻蟹醃得夠晒入味，而且爆到膏🤩滑嘟嘟啫喱狀嘅蟹肉都唔少，好味到真係手指都要舐埋🤪醬油蟹仲送超多紫菜嘅雞蛋黃麻油拌飯，仲有一客韓式燉洋蔥蛋😋調味特級牛肋骨食肉獸梗係叫韓燒啦，叫咗呢個調好味嘅牛肋骨😚味道就係韓式醬油嘅BBQ味！牛肋骨超大條，肉質好軟腍又多肉汁😌蜂巢五花腩另外仲叫咗燒五花腩，店員會幫手燒到每邊都金黃色😛五花腩表面焦香，肉質爽彈！夾埋生菜同韓式大醬一齊食，夠晒惹味！食高級版嘅韓燒就係爽，有人幫你燒埋😎仲有好多碟泡菜可以食，又有魚糕、醃鵪鶉蛋、芽菜、翠瓜等等😜Korean Peach Juice叫咗呢杯好濃桃味嘅桃汁，完全無落冰塊都夠晒凍！Korean Pear Juice媽媽要咗梨汁，裏便真係有果肉架！一拉開個蓋掩就聞到勁香梨味🍐

朋友好鐘意食醬油蟹，佢話同事介紹有間醬蟹好食，今日係Happy Friday收工當然要食好野😂.我哋一坐低店員就會送上六碟前菜分別有沙律、泡菜、蘿蔔、芽菜、翠玉瓜、魚干，唔夠食仲可以免費refill。.鮮牛腸牛肚粉絲辣湯 $338軟嫩鮮美嘅牛腸同牛肚提供左豐富嘅口感層次，既有牛肉嘅紮實感,又有內臟特有嘅軟嫩鮮香。湯底用左韓式辣椒醬作為調味，賦予湯底微微嘅辣味，又唔會過於辣而掩蓋左其他食物嘅味道。粉絲吸附左湯汁，湯內配有唔同既蔬菜，每啖都食到豐富既味道.三色餅 $168三色餅有韭菜、海鮮、泡菜，外表煎到酥脆，每款各有特色，口感軟綿，味道鮮美。我最鐘意係海鮮味，有大量嘅蔥同魷魚，啖啖都食到魷魚嘅鮮味。.🦀醬油蟹 $250 一隻食韓國野點可以食醬蟹，更何況我係為左醬蟹而黎。蟹肉鮮甜，蟹膏又多，醬油調味怡到好處，配埋一碗牛油紫菜飯，一啖蟹肉一啖飯連埋一齊食好正！.

尖沙咀出名多韓國餐廳，今次新試既的韓國餐廳“韓脈Han Mat”,最岩鍾意醬油蟹的寶地。今次醬油蟹仲咁岩做緊優惠，第一次食這裡的醬油蟹，很新鮮又美味，同紫菜飯搭配得天衣無縫。這是一種真正提升用餐體驗的組合。飲品選擇同樣令人印象深刻，有多種選擇。奇異果汽水以其清新的品質脫穎而出，使其成為享用豐富的韓國菜肴後完美的清口飲品。韓國餐點傾向於食用大量的米飯，一杯清新的奇異果汽水可以是一種愉悅的方式來為自己提神。此外，鮑魚人蔘雞湯也是另一亮點，提供豐富而誘人的風味，從內而外溫暖肚子。這是一道舒適的菜肴，完美捕捉了韓國舒適食物的精髓。

呢晚喺尖東晏咗食飯正好避開人多時間～ 8點半直接入座～ 呢度除咗食燒肉，仲有醬油蟹同其他韓國料理同埋無油煙味，唔怕臭亨亨～ 前菜7款： 蘿蔔、泡菜、沙律菜、豆芽、茄子、鵪鶉蛋（幾入味）～ 🍳仲有鉄板蛋添！ 🦀 《 醬油蟹 💲250/隻 》跟紫菜牛油飯 🍚醬油蟹極唔算特別肥美，但都香嫩～ 牛油飯有滿滿嘅鮮紫菜鋪面伴生雞蛋，份量好足，一碗夠兩個人share～因為啲汁好好撈飯，另點白飯 💲15/碗🍚 🥗 《 牛油果&生果沙律 💲88 》除咗牛油果，仲有開半青、紅提子～甜甜哋幾開胃，仲可以減膩～ （ BBQ 配料 會附有生菜籃～ ）🐟《 鰻魚 💲198 》 份量都幾多。海鰻口感嫩腍，配有三款醬油～ 🐮《 牛舌 💲170 》一半厚啲，一半薄啲，兩種彈嫩口感～放爐邊燒會無咁易乾/焦～ 呢度嘅服務員態度都幾好，會主動換水同換鐵網～ 🍊 最後仲有生果添～

已經係第三次嚟「韓脈」～😂每次都唔會令到我失望！喺香港食過幾間韓燒/韓國菜，對比下感覺「韓脈」味道正宗，價錢合理，所以一直都on list😂早兩次黎都係食燒肉套餐，最近佢仲玩埋醬油蟹🦀，今次就試吓佢啦！😏餐廳環境寬敞舒適，店員全部都係🇰🇷韓國人，好欣賞餐廳店員嘅主動性，店員會主動幫手燒烤，我哋就可以盡情享受食殘廢餐😂，燒完仲會細心剪開，換網亦都好勤快。👍🏻前菜好豐富，有6款之多，有沙律、泡菜、醃蘿蔔、涼拌芽菜、芝麻魚仔、鵪鶉蛋，最欣賞鵪鶉蛋！💕（仲可以refill😂 淨食配菜都已經夠晒飽～😂每枱都會附送韓式蛋薄餅，裏面有啲洋蔥、三色椒～⭐️推薦❗🦀醬油蟹一隻配牛油飯（$250）醬油蟹即叫即開，保證夠晒新鮮！👍🏻價錢已經包左一碗麻油紫菜飯，醬油蟹用咗餐廳特製嘅醬油、酒做簡單嘅調味，唔會過鹹，蟹膏都算多，😍😍識食一定係手吱啲蟹膏落碗飯到、再撈埋紫菜、生蛋黃，然後放返落個蟹蓋到食，啖啖蟹膏、啖啖精華呀！⭐️推薦❗護心肉（$150）食韓燒一定要食護心肉！😏護心肉即豬橫隔膜與肝之間嘅肌肉肌腱部分，每隻豬只有約300g，極為矜貴。呢個價錢一份嘅份量有7-8件，都算合理，護心肉燒至外焦內嫩，爽嫩多汁！☺️

所有食品都很麻麻 特別是燒肉很難吃。叫了一個set，另外加牛舌。所有肉的部位都很韌 咬唔開 沒味道，連牛舌也是… 燒落去時肉會有小小 出水 變灰 的現象，有機會係肉雪得太耐店內職員會幫忙一次過燒哂成碟肉.. 不過啱啱燒好定過咗一陣食都一樣難食 所以點都冇食完唔太明點解有韓國人會去食 其實見到啲小食配菜都覺得伏 有啲頹嘅沙拉 等等 最好食係泡菜 可以因為係出面買 擺幾耐都冇乜大問題😅尖沙咀咁多韓國餐 真心唔明依間搞乜嘢 真係冇下次

🐷宮廷燉牛肋骨燉牛肋骨超級大份，肉質好軟爛，一咬落去肉同埋骨即刻分離。醬汁偏甜不會太鹹，連蔬菜都好入味好好食。🐮🐷葛根水冷麵冷麵非常清爽，🍜麵條彈牙爽口，湯底酸酸地好開胃，配埋雞蛋同埋梨涼浸浸嘅主食真係夏日最適合飲嘅一道菜。🐷醬油蟹、醬油蝦、醬油鮑魚配飯🦀蟹肉飽滿鮮甜，超級多蟹膏。🦐醬油蝦味道同口感都非常唔錯，爽口得來又有彈性，同醬油蟹軟軟糯米感覺好唔同，🙂‍↕️非常值得一試。韓脈📍尖沙咀麼地道68號帝國中心地下高層UG43

食過最難食嘅燒肉，沒有之一。本來係想食醬油蟹先search到呢間，見評分都幾高就去試下。首先，醬油蟹好普通，不值一提。然後講到燒肉，散叫左4款，各有各難食，未食過啲雪花韓牛可以完全冇味，而且俾得兩種醬，真係要點勁多先食得落口。之後燒豬五花，已經係4款入面算係最好，但都只係得少少味道。到牛舌，呢個終於真係有番啲牛味，但係！！韌到XX，橡筋咁，食左兩舊都係嚼兩啖格硬呑。最後燒我最有信心嘅豬頸肉，心諗實冇死，未食過難食嘅豬頸肉，果然都係有驚喜，豬頸肉燒完得浸豬油味，即刻X左出聲。成餐飯得一件事有”少少”安慰，就係個waiter會幫係你燒哂啲野食，但係個安慰真係得”少少”，點解咁講？因為佢會起勢咁幫你燒，唔理你食唔食得切，啲肉會唔會凍哂。我地得兩丁友食，佢燒就一碟碟接住咁燒。最後真係要講番句我地兩個人食燒Xlike $3xx嘅質素好過係呢到食$14xx，食到成肚氣。

老友想食韓國菜，就預約了在#尖沙咀 #帝國中心#韓脈，食番餐正宗韓國菜。店舖有唔少韓國人幫襯，無論氣氛及食物味道，都仿如置身在韓國中，很捧啊。餐前開胃小食有6碟，碟碟都各有特式，味道又唔錯。醬油蟹，蟹🦀新鮮醃製味道剛好，不會過咸且入味，蟹膏晶瑩通透，入口甘香鮮甜，蟹肉鮮甜柔嫩，將蛋黃紫菜飯捧勻，配搭一齊吃就超級yummy 😋。炸醬麵，香氣十足醬料很多，麵被黑黑的醬汁完全蓋着，食落帶點甜又惹味，麵質煙韌有彈性。海鮮煎餅，食材有爽彈八爪魚，很多的韭菜同洋蔥，餅🫓厚身煎得輕脆，口感多層次，食完好滿足。配番杯冰凍啤酒🍻，十分之爽丫。

今次去到尖東海旁的帝國大廈入邊搵嘢食～門口見到呢間嘢寫住醬油蟹，好似幾吸引咁🥰1.醬油蟹&牛油飯$250醬油蟹做緊特價，醬油蟹味道好鮮甜，蟹膏都幾多，而且啲膏真係鮮甜可口，再點一下甜甜地醬油將蟹的鮮味推到高峰👍真係唔錯！值得叫～～～蟹殼又另一番嘅風味～所以一隻蟹食到兩種感覺❤️牛油飯就係紫菜再加牛油～份量都算多，可以攞嚟撈蟹膏，我哋用嚟撈其他嘢食🤣2.甜酸炸雞 $190甜酸炸雞都幾大份～味道酸酸甜甜咁👍夠晒飽肚！3.泡菜煎餅 $130呢個真係好大份🤣佢嘅泡菜煎餅同其他唔同，一般嘅泡菜煎餅D泡菜都係酸酸地，佢呢度嘅泡菜唔酸，食落去都幾好味～而且個皮煎都幾脆，再點埋個醬汁，完美配搭👍4.泡菜金槍魚湯 $108本身叫嘅時候都驚怪怪地～點知嚟到又OK喎🤣佢係用泡菜湯再加金槍魚，入面仲見到啲豬肉～～肉類入邊都幾多👍一啲都唔孤寒🫣而且個味道唔會太辣，撈飯一流😂5.奇異果汽水 $48我哋叫咗杯嘢飲解渴～～入邊勁多奇異果人肉🤣味道都OK～～～氣泡都充足！今次嚟食呢度嘅體驗都唔錯～～最主要係醬油蟹真係幾好食，我見啲人都係食韓燒，下次可以試吓👍👍

上星期約左個好朋友😂見佢話剛剛去完韓國旅行返來好掛住韓國嘢～於是我們去左尖東一間韓式料理到食晚餐🥣先來幾碟前菜開胃下😌之後開始點菜😍必點正宗醬油蟹蟹肉軟嫩多汁😍醃製後的鮮香醬汁,整體口感鮮美順滑,令人難忘 😍一口下去,蟹肉的鮮甜味簡直融化在舌尖上🥸再配紫菜蛋黃撈飯一起食味道更佳😙酸甜炸雞炸得好酥脆,內裡肉質軟嫩多汁,咬下去有滿足的口感😌酸甜醬汁鋪在表面,既帶有一些酸爽,又不會過於甜膩,恰到好處🤩海鮮煎蔥餅外表炸至金黃酥脆😂酥脆可口😌搭配蔥花增添了清香味道😜而且有我手掌再大一個碼😉大件底食😌🤣芝士炒年糕面頭鋪滿一陣香濃芝士醇厚味道🧀年糕軟糯而且帶有嚼勁,外層香脆可口😍餐廳環境好有韓國地道feel🙂好似去咗正宗韓國餐廳一樣😅可以選擇韓燒/點菜又得😂食過咁多間呢間最有高質韓國料理😍

餐廳環境非常寬敞舒適，店員全部韓國人，仲會自動波幫你烤肉。呢度出名味道比較正宗，雖然佢係燒肉店，但係最出名嘅竟然係醬油蟹🦀💭落完order之後，會送上勁多前菜😆 總共有六款，泡菜、醃蘿蔔、菠菜、芽菜、沙律，竟然連醃鵪鶉蛋都有😍 另外仲有一兜生菜俾你包燒肉食😋💭之後會送上一份烤蛋餅，以熱鐵pan奉上，喺韓國食嘅韓燒店都會送烤蛋餅😍幾香濃蛋味，要趁熱食～🦀醬油蟹 $250/1pc、$488/2pcs💭嚟到呢度必食醬油蟹！應該係我喺香港暫時食到最好食嘅醬油蟹！💭隻蟹好鮮甜，一啲都唔腥，而且個汁唔會好鹹，非常好食😍 size就唔算大，一人一隻都得！💭Order醬油蟹會送牛油飯，加咗生蛋黃同埋飯素，個飯就咁食都好好食，加埋啲蟹膏落去更加滋味🤤🍐蜂蜜梨汁生牛肉 $180💭去韓國除咗一定要食醬油蟹，另一樣必食嘅一定係生牛肉😍😍😍 呢度嘅生牛肉除咗有雪梨條之外，仲加咗蜂蜜梨汁，增加佢嘅鮮甜度。有青瓜片俾你夾住食。份量都幾多，好抵食！🐷蜂窩五花腩 （170g） $150💭半肥瘦適中嘅五花腩，𠝹咗蜂窩紋原來咁樣燒起嚟特別好食（又可能因為韓國姐姐燒得好食🤣） 好鍾意五花腩嘅油脂喺口入邊炸出嚟嘅感覺😍 夾生菜

【尖沙咀•韓脈】@ππππππππππππππππππππππππππππππ尖沙咀帝國中心應有盡有嘅韓式餐廳宮廷牛骨Premium Braised short ribs醬油蟹及牛油飯牛肉石鍋拌飯醱酵鮑魚人參雞湯宮廷牛骨 - 牛骨經過悉心燉煮，肉質鮮嫩，配上豐富的湯汁，入口即化，帶來濃郁的牛肉香氣，絕對是一道值得推薦的菜品。醬油蟹及牛油飯 - 這道醬油蟹及牛油飯結合了鮮嫩多汁的蟹肉和香氣濃郁的牛油飯，整體口感豐富，鮮味十足，是一道令人難以忘懷的美味佳餚。牛肉石鍋拌飯 - 這道牛肉石鍋拌飯是一道燒得恰到好處的菜品，牛肉肉質鮮嫩，口感豐富，配上石鍋燒製的飯飯香濃，非常美味可口，絕對值得一試。醱酵鮑魚人參雞湯 - 醱酵鮑魚人參雞湯是一道燉煮時間長的菜品，湯汁濃郁鮮甜，鮑魚和人參的香氣融合在一起，營養價值極高，是一道滋補養生的美味湯品。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 800✨✨✨✨✨✨✨✨✨✨✨✨✨#尖沙咀美食 #韓脈 #web3尖沙咀韓脈 (帝國中心)尖沙咀麼地道68號帝國中心地下高層UG43號舖