韓牛韓式燒烤 (已結業)

今日同女朋友都放假，唔知食乜好，於是上openrice睇下有咩好吃就搵到呢間位於旺角食韓燒既餐廳。入邊嘅食材超級豐富，包羅萬有乜都鍾意食嘅你絕對適合有牛豬羊雞....有啲仲腌好哂，真係睇見都流口水仲有熱食，炸物。真係唔好俾女朋友見到(佢最鍾意煎炸野)仲有好多酸酸美美嘅腌料。嘩，三文魚青口都有，真係不得了。當然仲有壽司吧，蔬果類，照顧埋啲食素人士強烈建議大家食呢款(牛仔骨）腌好晒超入味，來回都食咗好多次仲有蝦蝦🦐🦐🦐汽水啤酒都好多選擇食到飽飽就可以食雪糕了甜品呀雪糕雪條 仲要係雀巢㗎

同男朋友講話好想食韓燒男朋友就搵到依一間係旺角既 — 韓牛韓式燒烤話係好豐富既燒烤放題 於是就黎大食一餐前菜小菜 揀自己鍾意食既同份量肉類區唔同部位既豬肉、牛肉、雞肉同魚肉等應有盡有 全部都醃過 唔同滋味蔬菜區 好多唔同款式可以揀冬菇、薯仔、青紅椒、金菇同茄子等燒完都好好食架冷盤區青口、蝦、帶子、蜆同三文魚隔離仲有壽司熱食區韓式泡菜餅、炸雞翼等等燒牛肉依到唔同牛肉部位都有牛肉肉質軟軟 食落好味道用生菜包上前菜醬料 一口食落去 正特別一提依到既蝦好新鮮蝦肉彈牙 帶鮮蝦甜咪 唔錯唔錯仲有青口大大隻 都夠鮮呀甜品選擇都非常多有水果、有甜點 仲有得自製棉花糖總結依到既野食種類真係好多仲有好多甜品飲品等都冇影到完全無可能全部都試晒 食到好滿足呀

今日來到創興一樓的韓牛，本身期待只有肉肉肉，但原來還有很多其他選擇呢！🤣😍有海鮮、壽司😋😋冷盤、熱盤都有很多，連少見的薑醋豬手都有！水果種類都很多，水果推介哈蜜瓜和蜜瓜。還有朱古力噴泉😍最令人期待當然是肉類，雞、豬、牛、羊、魚、蝦都有🤩個人特別喜歡一口牛柳粒，肉嫩牛味重，我們encore了幾次，另外三文魚扒都不錯，燒完魚香突出😋甜品和飲品選擇都豐富呢😙晚上只是200多塊就可食到這麼多美食，選擇又多，cp值算不錯👍🏻

好耐冇食韓式燒烤啦之前成日去兆萬挑戰放題 但都係日式為主朋友就介紹我去創興食韓牛 位於一樓咋.九點後$178 十點半就再八折 好抵啊任飲任食兩小時 食物種類都好多仲有得自己整雪糕 棉花糖 朱古力噴泉⛲️.冷盤🦐最好食係蝦 足足食左兩轉壽司🍣呢度嘅壽司係韓式fusion架例如會用韓國紫菜 醃蘿蔔等 幾特別其實仲有個沙律吧 不過冇試到.肉類🥓個人覺得豬 雞比較好食 好滑啊燒得牛肉都有幾款 可以學我咁整金菇肥牛卷添呢度啲肉醃得不錯 味道適中 微微黑椒香.海鮮🐟選擇唔多 不過都幾好推薦鮮蝦 章魚仔 魷魚片 魚也不錯(但容易痴鍋另外海鮮的醃料都有泡菜成份 少辣偏甜.蔬菜🥬好誇張足足有成個區都係蔬菜 仲有韓式醃菜最多人食係金針菇同茄子 比較索味 易熟.熟食🍤都係以韓國菜為主可以任食燒餅 炸雞 粉絲 炒蜆乜乜乜 回本無難度不過食唔慣韓國菜嘅我就中意蝦片 又脆又香除此之外 佢地嘅牛尾都煮得好淋又入味.甜品🍮比放題更有誠意1️⃣首先雪條全部都係韓式的 平時都賣得好貴/賣哂有最愛的紅豆味同蜜瓜味❤️雪糕就係雀巢公司2️⃣其次就係有朱古力噴泉 棉花糖 雪糕DIY好多小朋友排隊玩 幾受歡迎架3️⃣最後仲有一大個雪櫃嘅甜品同新

最近都只係掛住放題，好耐無食韓燒喇。今次黎咗試試呢間叫韓牛嘅韓燒食飯，位置非常放便，係旺角創興廣場1樓，搭電梯直上一層就見到，非常易揾。黎呢到食燒烤，係全自助型式，想食乜，食幾多，自己話曬事，一入門口就見到有甜品，生果，綿花糖機，朱古力噴泉，跟住冷盤，沙律，糖水，熟食，涼拌類，最後黎到當日嘅主角肉品，韓國燒烤嘅肉類多數以有醃過為主，試過牛肉，魷魚，花枝仔等等有醃過嘅都非常入味而又唔過鹹，如果怕醬汁重口味嘅朋友仔，餐廳亦有提供未醃過嘅肉類可以選擇。另外最後提提大家，飲品櫃係係入口轉左直行位置，易揾但唔太當眼。

依排主要都係打邊爐多，反宜韓燒就好耐都無食過，心血來潮上open rice搵食，就揀左位於旺角創興廣場一樓既韓牛韓燒放題餐廳環境乾淨企理，空間感大，坐得舒服食物選擇真係十分之多，除左韓燒既主要肉類之外，仲有我最愛三文魚刺身！三文魚新鮮有光澤，除此之外，仲有帶子，青口，蝦等！仲有各款既壽司同手卷熱食選擇都係十分之多，竟然有瀨尿蝦同蟹食！非常搶手意想不到既，仲有綿花糖機提供！綿花糖由你自己整，好食又好玩！小朋友一定十分喜歡仲有大量既甜品由你DIY總括而言，二百蚊到既價錢，食到甘多選擇既食物係絕對超值！食物選擇係我食過既韓燒入面最多的，絕對有下次

2019年6月26日。本身朋友約食日本放題。但之後發現好耐冇食過韓燒。就去左搵韓燒食。見到佢呢間。又見佢近12蚊店。就估到佢係邊間。上次行完12蚊店都想食佢，但太飽冇食。今次就黎試佢。一上電梯就見到。由於佢好大間。一入就有位。有朱古力噴泉。可惜我太飽。好多小朋友係度排隊。有沙律位。有涼粉西米露雜果。韓燒必備既湯！！人參湯！！可能因為我係重味怪。加上我勁中意人參。所以我覺得淡左啲。但係好味既佢呢度好特別。有埋糖水。可惜我太飽。又係試佢唔到。同行友人最愛。我韓燒既最愛之一。凍菜（前菜？）燒肉方面都幾多選擇。樣樣都要試唔好漏咗佢個野飲！都幾多選擇。如果可以多啲無糖野飲就更好。佢甜品都好多選擇。但我最後選擇左紅豆雪條。紅豆雪條好食！

近一年都冇食過燒烤放題，今次兩個人經過旺角創興就上去試試呢一間韓牛，點解咁耐無食因為食放題都死唔好食的，但今次喜出望外有驚喜有驚喜。 先來介紹食物，食物種類很多有醃製過的, 有沒有醃製的，其實食韓燒當然食醃製肉，味道下相當更富韓國的醃製肉類，其次有豬腩肉，牛仔骨，牛舌，豬扒，雞翼多春魚，墨魚仔，熟食類有，炸春捲，炸雞翼，炸大蝦，味道也可以的。刺身類有三文魚壽司，加州卷，北寄貝壽司，八爪魚壽司等，太多食物。接住來有韓式泡菜，泡菜類有大豆芽菜，辣泡菜，菠菜等特色韓國泡菜涼伴，甜品類有特色果凍，芒果布甸，啫喱，雪糕，其實應有儘有一定食到你攬住個肚走｡免費飲品任飲啤酒，汽水，果汁，汽水，烏龍茶應有盡有，喜歡瘋狂食野的人一定要來。

好耐冇食韓燒啦，行開旺角就去呢間食下～7點頭就去左，未算好多人，佢安排左張4人枱我地2人坐～食物種類好多！一黎到勁肚餓都係會食啲熟食頂頂肚先，佢啲菜、壽司味道都okay~終於開始燒下啲肉啦～佢都有好多款唔同既肉，個人應為佢本身啲肉都已經好夠味，唔需要再點汁啦～😋我比較鐘意既係牛仔骨、一口牛肉粒、魚柳、雞翼～食到咁上下個爐都有啲焦，係可以叫侍應幫手換一換～ 其實一次過我都食唔到咁多肉😂 都係會隔住啲甜品食下咁～佢可以俾我地自己整棉花糖、雪糕、豆腐花～仲有朱古力噴泉！好多野可以玩下😂佢都有雀巢雪糕同方形雪條任食～總括黎講呢間野食選擇幾多，除左肉仲有啲熟食刺身壽司甜品～幾抵食～

踏進韓牛放題裏，看見面積頗大種類好多，人更多得非常利害。飲品放題，種類包括韓國啤酒，土炮啤酒，外國啤酒，韓式果汁，豆漿水，蜜桃茶各式各樣，淨飲都飲到你飽。甜品放题，種類包括有果凍，啫喱，椰汁糕，桂花糕，布丁，日式糯米糍，自家製軟雪糕，朱古力噴泉，仲有來佬雪糕牌子雪糕，仲有無限無窮無盡的水果供應。日式刺身類放題，三文魚刺身，日式軍艦，加州手卷，日式沙律，韓式泡菜有辣泡菜，大豆芽菜，土豆絲，多種涼拌等。主菜肉類放題，有牛仔骨，牛肉，五花腩，豬扒，牛舌，雞翼，醃製牛肉，醃製牛柳粒，多春魚，醃製八爪魚仔，墨魚仔，擁有新鮮蝦｡多元化，新鮮食材的放題價錢又平又好食。

早2日同朋友係旺角食左呢間韓牛韓式燒烤係創興廣場 旺角地鐵站行5-10分鐘左右就到了值得一讚既係食完都唔會成身燒烤味👍🏻最怕食完成身味 點吹都吹唔走啲味～.呢度食物種類黎講算係幾多熟食 壽司 前菜 炸物都有 朋友表示牛骨湯件牛骨好好食！好軟好淋呀。韓式粉絲好q彈 配埋自己燒既燒肉 正！食到咁上下仲可以食下salad同菜 中和返油膩感.至於燒肉 我地主要係食雞翼 一口牛同牛仔骨本身已經好夠味 醬油都可以唔洗點😃我地無試到薄牛肉 因為怕唔識燒好快黑左.呢度好似自助餐咁連朱古力噴泉同各式棉花糖 水果都有！我地最後食左個以為係芒果糯米飯既嘢其實係桃黎架 甜甜地都唔錯

真接入正題啦地點：超方便，在創興廣場1 樓，扶手電梯上一層就有個招牌歡迎你啦，再唔識，你見到小米就即係近啦⋯⋯環境：係坐得舒服既，通道係闊既，都係見開果種韓燒格局啦⋯⋯食物：有多種選擇；生的/熟的/甜品/汽水韓燒最重要係啲肉，同埋自己既烹調技巧，你見到隔離枱，火勢熊熊，燒起肉黎，果啲肉既香味呢⋯⋯除非你唔食肉，你冇可能抗拒。另外，熟食有壽司同埋菜，菜就以泡菜為主，食多啲菜健康啲。特色：呢到有部軟雪糕機，但味道只得牛奶味，冇雲尼拿味。仲有一部棉花糖機，可以自制飯後甜品，幾好玩。

韓國菜永遠系我最愛，今次又係行12元店剛好經過呢間韓式燒烤放題決定同朋友再次光顧!個收費的確比之前加左D，不過其實平日200多一人都唔算太貴，就盡管入去食，起碼之前食過知道個質素。自助區——冷盤選擇都唔少，我就試左三文魚刺身，質素正常，而青口隻隻都好大隻，雖然乾左少少但入口都可以，唔會有腥味，壽司就麻麻地，啲飯應該係機整出黎，件件都四四方方，賣相唔吸引。自助區——炸物好多選擇！有炸物、蝦片、薯條、薯餅、麥樂雞呢啲唔少得，仲要炒菜類、韓式煎餅、可以講係超級多選擇！有炸物、蝦片、薯條、薯餅、麥樂雞呢啲唔少得，但係連炒蜆、避風塘瀨尿蝦、炒蟹都有！豬腳薑Refill速度好快，值得一讚!特別推介炸雞翼同埋天婦羅， 熱辣辣不錯不錯!!自助區——燒烤蔬菜、肉類我就落力專注於燒肉方面凍櫃擺咗大約幾十款肉類+蔬菜🥬+海鮮🦐選擇頗多 任君選擇 。菜類一定係食金茹、雞脾茹，亦有南瓜、茄子等等。另外，牛肉果然好好味牛味頗重 而且醃得非常入味🏻所以我同朋友仔都瘋狂攞嚟燒，不過我認為攞金菇同牛肉一齊燒係最正，啲金菇索曬啲牛肉汁超正啊啊啊! 牛柳粒，雞排，雞翼、魷魚、牛利豬梅花肉都好推薦!!我覺得有醃過果啲都比

創興出名多嘢食，今晚我哋就試咗韓牛。收費係$228/位，全場任食任飲，好抵！地方都算闊落。一開始先食啲冷盤，有三文魚刺身、壽司、凍海鮮（蜆、青口、蝦）。三文魚就唔算好肥美。好，出去睇吓有咩食。原來除咗要燒嘅肉類，熟食都有好多選擇！！有各款大人細路都鍾意嘅炸嘢，炸蝦比較新鮮，其他就唔係好夠熱。炸蠔都幾好要燒嘅肉類選擇更多，推介必食嘅包括牛粒、牛舌、雞腎、蝦、多春魚。大蝦Size十足，都要燒好幾分鐘先食得㗎！牛粒嘅調味偏甜，好好食燒蔬菜都好多選擇，燒東菇幾好食，不過就要有耐性甜品陣容強勁，一定要留肚。有見到都開心嘅糖果同埋朱古力噴泉有中式糖水：我飲咗兩碗雪耳糖水，感覺即刻滋潤返晒～仲有得自己整棉花糖飲品選擇都幾多，實有一款啱飲。呢度有生日優惠，下次可以一班朋友嚟慶祝生日食飯！

今日為慶祝男朋友考完試，book左間韓燒賀一賀佢。一入門口首先比一個甜品櫃吸引我，入面好多款甜品都係店家自家製作，外表精緻又多款式，不過都係要留返最後先試。海鮮店家提供左三文魚刺身，青口，蝦之類的海洋冷盤，仲有多款醬料供選擇，連配海鮮必備的檸檬都有純檸檬水和新鮮檸檬選擇，感覺新鮮。前菜前菜部分除左海鮮外，仲有壽司，自選沙律吧，泰式同日式小點心。湯水湯水方面，選擇比想像中多。韓式的海帶湯，人參雞湯。中式的蕃薯湯水，豆腐花，明火例湯都有。熱食熱食方面，除左炸物選擇多，還有一些特式韓食。有韓式炒粉絲，煎蔥餅。燒肉雖然無我最中意的豬頸肉，但有好多唔同類型的肉類提供，五花肉和牛肉的質素很多，燒左唔係好耐就已經好香，肉味非常濃厚。甜品甜品是我最期待的部分，除左一開始雪櫃入面的甜品外，還有朱古力噴泉，牛奶軟雪糕及自製綿花糖，簡直好玩又好食。仲有香滑豆腐花，配上薑糖水（感覺上依家少左好多地方提供薑糖水了）除左軟雪糕外，杯裝雪糕同雪條都無限供應。以這個價錢而言，實在是抵食。