韓牛韓式燒烤 (已結業)

早2日同朋友係旺角食左呢間韓牛韓式燒烤係創興廣場 旺角地鐵站行5-10分鐘左右就到了值得一讚既係食完都唔會成身燒烤味👍🏻最怕食完成身味 點吹都吹唔走啲味～.呢度食物種類黎講算係幾多熟食 壽司 前菜 炸物都有 朋友表示牛骨湯件牛骨好好食！好軟好淋呀。韓式粉絲好q彈 配埋自己燒既燒肉 正！食到咁上下仲可以食下salad同菜 中和返油膩感.至於燒肉 我地主要係食雞翼 一口牛同牛仔骨本身已經好夠味 醬油都可以唔洗點😃我地無試到薄牛肉 因為怕唔識燒好快黑左.呢度好似自助餐咁連朱古力噴泉同各式棉花糖 水果都有！我地最後食左個以為係芒果糯米飯既嘢其實係桃黎架 甜甜地都唔錯