韓牛韓式燒烤 (已結業)

最近都只係掛住放題，好耐無食韓燒喇。今次黎咗試試呢間叫韓牛嘅韓燒食飯，位置非常放便，係旺角創興廣場1樓，搭電梯直上一層就見到，非常易揾。黎呢到食燒烤，係全自助型式，想食乜，食幾多，自己話曬事，一入門口就見到有甜品，生果，綿花糖機，朱古力噴泉，跟住冷盤，沙律，糖水，熟食，涼拌類，最後黎到當日嘅主角肉品，韓國燒烤嘅肉類多數以有醃過為主，試過牛肉，魷魚，花枝仔等等有醃過嘅都非常入味而又唔過鹹，如果怕醬汁重口味嘅朋友仔，餐廳亦有提供未醃過嘅肉類可以選擇。另外最後提提大家，飲品櫃係係入口轉左直行位置，易揾但唔太當眼。