韓燒大叔

營業中

休息中

今日突然想食韓國嘢 喺旺角諗住是但搵間韓國餐廳食吓 行行吓見到一間感覺唔錯嘅韓式餐廳就入咗去 勢估唔到無意中嘅發現 呢一間「韓燒大叔」就成為咗我心目中嘅no.1入到餐廳 環境闊落 裝修靚 坐得舒服 老闊見我哋有選擇困難咁 即刻就推薦我哋食鎮店之寶。「正宗嘅韓國炸醬麵」同埋「石鍋牛肉飯」套餐。上餐時間好快 熱辣辣嘅兩個套餐已經送到 先講一講啲配菜 一個套餐包三個配菜 我地就叫咗泡菜 青瓜同埋豆芽 非常開胃 跟手再試埋跟餐嘅泡菜湯 作為泡菜控嘅我 簡直俾呢配湯迷到 味道夠濃 料夠足 讚啊！輪到戲肉啦 老闆強調佢哋嘅炸醬麵係正宗韓國嘅味道 唔試由自可 一試我就愛上咗 麵質十分彈牙 口感豐富 而且味道做得十分好 簡直就係我對上一次去韓國食到嘅味道再嚟就係石鍋牛肉飯 牛肉夠味唔會好「鞋」其他配料都做得好好 撈埋一齊後十分好食 最重要係最底有大量飯焦（本人好鐘意食飯焦）佢竟然話呢個石鍋飯算係佢食過之中最好食嘅總結嚟講 呢一間韓燒大叔嘢食好好味 價錢亦都算公道 成為咗我其中一間最愛嘅韓國料理 有機會一定會再食一次！人均消費$100左右Janna 翻撻指數：9/10🥢🥢🥢🥢🥢🥢🥢🥢🥢

Happy Friday 夠鐘食晏⏰️旺角最近開咗一間韓燒店🇰🇷位置地鐵站附近 非常方便👍環境舒適 座位闊落食住睇韓國 k-pop 好 chill😚午市套餐💰78 ~ 💰168跟餐包三款韓式小食 湯及韓國飲品😚#韓式炆牛肋骨飯 💰128牛肋骨件頭大塊 份量不少😚牛味香濃同🥕燉到軟腍入味 配飯一流😋#韓式肥牛部隊鍋 💰168💥值得推介 大份量 超過十多款鍋物肥牛 金菇 雞髀菇 腸仔 午餐肉 魚榚 蟹柳 扎肉 豆腐 泡菜 年榚 ...… 滾起後加入芝士同雞蛋🤤終極食法加飯⇒泡飯連湯汁KO 💯

星期三晚放工約咗朋友食飯，今次試吓呢間新開嘅韓燒大叔食韓燒自助餐。餐廳環境都幾大幾寬闊，而且乾淨整潔，冇乜油煙味。我哋今次食120分鐘晚市自助餐($298/位)落單方面，係用手機掃QR code落單，有多款熱盤、肉類、主食同湯等等，都係任食既。另外更有其他食物同飲品可以以自助餐優惠價錢加配。餐廳更設有自助區，有多款韓式前菜、蔬菜、汽水、醬料同甜品都係任飲任食。熱盤方面，叫左泡菜煎餅、韓式炸紫菜粉絲卷、韓國粉絲春卷等等，幾香脆，唔會好油膩。蛋卷、魚片串同韓式薯仔質素都唔錯~肉類方面，有醃製同非醃製既肉，包括:牛仔骨、薄切牛脷、霜降一口牛、雞軟骨、五花腩等等，一共有19款，整體質素都唔錯。個人好中意韓式豬皮，爽彈得黎，帶點膠質，燒到輕微焦脆，好正。五花腩肥瘦分明，燒完包泡菜同生菜，味道同口感更豐富。甜品方面有刨冰、雪糕、卷蛋、泡芙同爆谷，雪糕係牛奶雪糕，雪糕機旁邊更有醬汁同配料提供，選擇幾豐富。

𝕀𝔾: 𝕙𝕜𝕡𝕝𝕒𝕪𝕝𝕚𝕤𝕥 📍韓燒大叔🔍 旺角西洋菜南街51號友誠商業中心5樓🩵炆牛肋骨飯（主廚推介）💰128炆牛肋骨肉質鮮嫩，口感軟諗，配上入味的醬汁，讓人一口接一口難以停止🤤🤤牛肋骨經過悶煮後，肉質已經與骨頭分離，輕輕一吃即可脫落，入口即化，香氣四溢。醬汁嘅味道鹹香適中配埋白飯🍚好夠飽😬另外午市套餐小食包3款～朋友點佐韓式泡菜、白蘿蔔、大豆芽，都好開胃😜🩵人參雞湯配白飯人參雞湯燉得非常入味，雞肉鮮嫩可口，超級大塊好足料😎湯汁清澈，飲起黎十分滋補。湯中添加了人參可以補氣養血，好養生🤣一啖湯一啖飯好正😌呢個set 小食就點佐韓式青瓜、韓式薯仔同野菜粉絲～好味呀係豐富嘅lunch ！🩵泡菜豬肉湯每個lunch set 都有配湯🤤味道酸辣清爽，豬肉切得薄片仲大大塊！肉質爽口彈牙。泡菜嘅味道帶有微微的酸辣，與豬肉嘅鮮味相得益彰，令到湯嘅味道更加豐富。湯汁清澈不油膩，飲完後胃口大開😋

地點方面，是銀行中心對面，環境舒適，今次是新開以來第二次去食，任食黎講，啲牛的質素很好，仲有多款唔同的熟食任選，而價錢亦相對合理，所以我會繼續黎食😁😁😁😁

任食韓燒人均$298，加多$88仲可以有埋任食刺身同啤酒🍻環境好闊落，坐得好舒服，仲有大大部電視係多個角落，都播住韓文歌，非常有氣氛❤️👍🏻點餐以QR Code落單，仲有埋圖可以參考，同實物黎到一模一樣，完全無照騙😂燒肉系列都好多唔同種類簡，最出色必食🤤澳洲草飼黑安格斯牛頸脊，牛味真係好出，牛豬花款都好多下，多到食唔哂每一款😍熱食都非常有驚喜🥰，好多都即叫即整，熱辣辣咁、仲要份量岩岩好，好加分出面仲有自助區，前菜、汽水🥤、甜品同醬料都有齊哂整體CP值都好高，非常值得一食😎

今日突然間想食韓式燒肉，去開飯找找，新開一間在旺角地鐵站出口的，立即訂枱1930，上到去以為中伏坐得3-4成客，已經到咗試吓先唔好立即判死刑，2人任飲任吃（$298+10%每位）（無加$88蚊任飲啤酒同海鮮刺身）地方乾淨，服務態度好好尤其係紅色衫姐姐，非常之勤力唯一唔係好欣賞嘅係D音樂太大聲，可能我坐喺電視機下面，嘈到頭痛，叫經理開細聲D之後好好多，到食物，雪櫃D泡菜好多款式，連魷魚同蟹仔都有，D肉嘅質數都幾好豬扒唔柴，豬頸肉都脆口，牛肉都不過不失，但係有1樣嘢麻麻，五花肉D皮就咬唔掂，甜品方面比較失色，以星期日出旺角食嘢嚟講，每人$330左右已經係咁上下

過嚟旺角開會，好耐冇食過韓國嘢，加上出面又落雨，和同事揀咗一間近地鐵站新開嘅韓國嘢食。餐廳裝修簡潔，播着現在流行嘅K-Pop，韓風味十足。因為趕住等陣開會，冇時間慢慢食燒肉，叫了兩個午市套餐，見OP食評大部份都叫炆牛肋骨飯及韓式肥牛部隊鍋，好似很不錯，我們也叫了這兩個餐。韓式肥牛部隊鍋分量十足，部隊鍋裏面有肥牛、金菇、冬菇、雞髀菇、火腿、腸仔、午餐肉、泡菜、豆腐、蟹柳、魚糕、公仔麵及年糕，仲有兩塊芝士同雞蛋俾我哋加落去，加埋有三款配菜，一個湯及一罐韓式飲品。真係非常之豐富。味道辣辣地，非常惹味，加埋芝士同雞蛋使湯底非常之濃郁豐富，味道同韓國食嘅部隊鍋一樣，鍾意食部隊鍋嘅人，一定不能錯過。炆牛肋骨飯牛肋骨及蘿蔔炆得很入味，甜甜地嘅湯汁配上炆左好耐牛肋骨及蘿蔔，非常之好味，配白飯一流，套餐一樣有三款配菜，一個湯及一罐韓式飲品，非常之滿足。值得一題，除咗主菜分量十足，配菜亦都唔馬虎，每個餐都有三款配菜，而且都裝得滿滿的，配菜來講都算大碟，味道亦都很好食。下次有機會一定嚟試吓佢嘅燒肉。

見佢好近地鐵站 又唔貴 就試下久違嘅放題🤣 午市韓燒自助餐 $168 (另加一)+$38 (另加一) 海鮮放題問咗餐廳 晚市貴啲因為多啲嘢食+可以食耐啲(120分鐘)但係午市90分鐘其實都夠 我好蠢咁較錯做最細火😂😂但係1個鐘都食飽自助區有蔬菜、各款汽水、麥茶；啤酒就買一送一同埋好多款前菜!! 第一次見辣拌米蟹😳幾乎試曬全部前菜 質素同一般韓式餐廳差唔多😋豬牛雞qr code落單 有原味有醃好嘅  不過不失 最鍾意牛仔骨 友人鍾意海鮮 +$38升級 燒魷魚好治愈😆(圖3) 檯面有粉紅岩鹽😲 出面有好多款韓式醬汁食完肉 燒翻幾舊菠蘿 超正😍另外有韓式小食炸雞都有😮 不過已經燒咗太多肉🤣 所以淨係試咗餃子、煎餅 味道ok 不過油咗啲 食一件就夠或者留肚食多兩杯雪糕😈 記得瘋狂加配料&醬

今日時在旺角呢間新韓燒餐廳，真心值得推介。我哋嗌咗晚市自助餐，不過佢嘢食已經好多，所以我哋冇加到$88轉海鮮刺身餐。先講肉類嘅選擇，佢唔係剩係得普通嘅豬牛雞，而係每一種唔同嘅部位鐘頭得你揀🥩🥩🥩🥩🥩，牛嘅話就牛板腱、下肩胛肉、封門柳、牛頸脊、牛脷、一口牛，應有盡有。仲要大部份都係油花均勻，不論視覺味覺都係一大享受！自助調味料區有各式各樣嘅醬料俾大家自由調配，無論你係重口味，定一話想食得清淡啲，都有得你揀！所以咁多款肉，咁多款醬，組合千變萬化，只有你意想不到，冇你嘗試不到的！🤩🤩🤩🤩除咗肉類款式極多之外，仲有超多韓式餸菜任你點，有Kimbab（仲要係豬、牛、雞三款齊晒）、有炸雞、有泡菜煎餅、有韓式蛋卷⋯⋯超多種類任君選擇！自助區仲有各式各樣嘅八小碟，無限添加。🍱仲要呢一啲唔同款式嘅韓食細細份，完全唔需要擔心自己眼闊肚窄，可以因應自己嘅食量而點選一件至兩件，每樣都隨量嗌啲，又唔使驚做大嘥鬼！仲要最驚訝嘅係，當你以為放題一般都係整定晒出嚟，點都唔會係新鮮滾熱辣。但呢間餐廳就完全顛覆咗我哋一直以來對放題嘅認知。不論是炸雞翼，抑或係煎餅，全部端上菜嘅時候都仲係熱嘅！呢件真心有驚喜！服務方面，服務

同朋友去咗間新開韓燒放題食晚飯坐低後 野食都上得好快薄切牛舌 五花腩 豬頸肉 都唔錯我地又額外再加咗$268叫咗醬油set有蟹、蝦、鮑魚同八爪魚蟹好細隻，蝦食落都好新鮮 不過如果去買蝦腸就會更好，鮑魚正常，八爪魚最好味熟食種類好多，個人覺得熟食類同自助吧嘅小食更好食🤣最後甜品，款式唔多 得三樣，軟雪糕、迷你卷蛋同埋泡芙不過我哋實在太飽 所以淨係食咗軟雪糕，正正常常雲呢拿味，無碎冰，收貨啦總結 性價比幾高～價錢吾算貴 款式多 至少無伏。

入到餐廳冇油煙味，地方幾寛敞第一感覺幾好放題$298 + 10%（另加$88 有任飲啤酒同食刺身）肉類都有幾多選擇 一細碟上圍住爐邊自己就鐘意牛仔骨／豬腩肉／牛牛脷如果可以厚多d 口感會更好）好夠味道仲有豬皮夠爽身店內有個特色醬for 肉類點，甜甜地又幾夾職員會過黎幫我地燒下，我地可以抖下👍😁出面有多款泡菜，醃製魷魚，自家製鵪鶉蛋，芽菜……既小菜都好好食😋全部一小碟放係臺，好有韓式感😊小食方面都係一小碟上都有好多唔同種類，夠熱好緊要👍炸雞同個特色醬都好夾另外加左$268 醬油海鮮批盤醬油味一般偏咸，唔夠酸唔夠甜同唔夠酒香味餐廳要再調較一下啦八爪魚算幾好食😁呢個價錢真係抵哂啦

今次同朋友黎食晚市放題，基本上係睇完呢到d相好吸引🤩所以再返黎試一試今次上到去多左爆谷機，自家整既醬，刨冰機等等，吸引左好多上黎既頭輪肉同相係一模一樣，牛既肉相當出色，牛舌安格斯咩都有，熟食都做得唔錯，好推單骨柚子雞翼，全靠待應姐姐推介，位置坐得舒服，抽風系統超級良好，坐得耐係會凍！位置甘岩坐係電視對面，食唔切又睇唔切，因為睇得黎又顧唔到火值得一提既係大叔醬最配豬頸肉，味道超一流，好開胃又唔會覺得好膩同行4人以上會送西冷/（鰻魚）就要+88海鮮刺身啤酒任食，可惜今次得兩個人黎，食唔到甘多，下次又要再黎過PS佢d啤酒係只包啤酒，燒酒米酒並唔包的，如果可以包埋會更吸引！

食物好多樣豐富！坐得又舒服，聽住Kpop嘆燒肉好正！店員服務好好，雖然有得喺手機order換烤盤，但間中上菜時都會順便問有無需要換。而且上菜速度好快手！唔怕餓同漏！👅晚市自助餐120分鐘（$386）⏺️小菜：八爪魚🐙、小蟹🦀️、鵪鶉蛋、醃紫蘇、小黃瓜🥒、泡菜等等…⏺️刺身：三文魚🍣，希靈魚，帶子，貝類…⏺️燒物：有多款肉類可供下單，不同部位、不同款肉類，而且肉類新鮮，唔係冷藏咗好嘅肉🐟🐓🐖🐂！⏺️甜品：有雪糕🍦、蛋糕🍰、泡芙⏺️飲品：除左自己斟嘅汽水、麥茶、仲可以任飲啤酒🍻、其中泡菜湯好好飲！值得一試！微辣得黎好鮮甜！

今日LUNCH黎佐旺角食呢間新開呢間韓燒店 午市有提供定食SET同任食自助餐兩款選擇本身一心諗住食午市人蔘雞湯🥹🥹黎到見到韓燒放題任食任飲只係💰1️⃣6️⃣8️⃣🥹🥹即刻改食放題😝😝😝我地另外加佐💰3️⃣8️⃣任食食海鮮 放題肉類選擇都夠多 豬牛羊雞都有五花腩 魷魚鬚都好香口好推介上菜速度都夠快同齊環境夠乾淨企理 座位都夠闊 坐得幾舒服自助吧既泡菜同韓式小食種類好多有生菜任拎 用黎包五花腩好邪惡😝仲有韓式薯仔 夠曬粉勁入味同埋必食辣拌米蟹🥰🥰另外 我自己encore佐幾次泡菜煎餅~煎得好香脆好好食😂😂呢個價錢任飲任食又乾淨真係無得輸😌