韓日燒 (已結業)

本來到呢間韓燒店前睇到食評幾正面，亦有朋友推薦，點知原來不過一般水平當中食既野選擇其實真係好多，但係質素一般，我都包含韓燒同日本嘢食，但韓燒肉類味道還好，壽司刺身就一般般，雖然偶爾有啲肥美既出黎，但明顯唔新鮮職員好唔積極做野，只係執枱但唔理人，本來係呢啲餐廳好正常，但係執嘢又會執漏，叫又冇反應，都幾冷漠；雖然個爐有張油紙，唔會痴底，而枱面有一堆係度，好方便換，但完全靠自己，想搵職員幫手又唔會有人理就有啲無奈既當然間餐廳亦有可取之處，迴轉壽司係幾有特色，而且出邊會有幾個廚師負責燒嘢食，例如芝士燒香蒜帶子等比較有特色嘅嘢食，不過其實唔知攞唔攞得，因為佢哋又係淨燒，但係唔理人，啲甜品、嘢飲、雪糕等都係任攞，仲有少量酒俾你揀，都算幾好但整體而言，其實食得唔係好舒服，嘢食都唔係特別出色，可能俾其他人嘅評價推高左預期，個人感覺整體不過不失順帶一提，廁所衛生情況比較差

星期日同朋友行行下街，見有ｄ肚餓又想食一餐勁既，所以揀左呢間神，價錢相宜之外，仲貪佢日韓兩食。佢ｄ點菜紙都算多樣化，揀咩食都諗左一大輪。而飲品方面都算好選擇，最後我地揀左烏龍茶同埋蘆薈汁。食放題一開始梗係叫刺身先喇！三文魚、甜蝦呢d必食架喇。三文魚都算切得幾厚身，甜蝦味道就正正常常啦。佢個刺身最特別就係有虎蝦選擇，大大舊一啖過食落好爽。然後就黎左個炒蜆，個炒蜆俾我地好大驚喜，因為洗得好乾淨，食落亦好夠味。而其他炸物就相繼黎到，我個人比較鍾意雞軟骨串同埋炸芝士年糕，因為前者夠多增味粉，後者就芝士好濃郁。但係韓國芝士雞肉串就味道好一般，不太推薦。既然黎到間標榜日韓兩食既餐廳，韓國野都唔可以錯過！我地第２ｒｏｕｎｄ就叫左個ｄ韓式炸物試下。韓式炸物方面，我地叫左啤酒炸雞，炸雞炸得岩岩好，好脆好多汁最後一輪我地決定叫多盤刺身食，最後一輪都俾足單同放足冰係底，唔錯唔錯！我地叫左心太軟食，個味道雖然冇甜品鋪咁好食，但係以放題水準黎講已經好好，因為其他同價錢放題都冇呢ｄ甜品選擇。

改頭换面既名將壽司店。係2樓既店，路經幾次都見好多人幫襯，$168+10%dinner就放膽試試佢，點知都幾伏。被安排坐壽司帶位，因為2人關係，要排排坐，出入攞野食超唔方便，但好在夠闊唔迫。肉類都算多，但無牌仔根本唔知係乜肉，雞翼就得一款，豬頸肉，牛仔骨，雞軟骨，豬大腸等等 ...熟食又係大路野，薯餅，咖哩角，春卷，麥樂雞，魚蛋，牛肚 .... 試左少少。另有窩可以攞料打邊爐，窩同湯底自取，不過真心唔吸引。飲品選擇都算多，但我選左五花茶，好似飲緊糖水咁呢。甜品好似都唔吸引，望左一望，我只攞左綠茶雪糕，不過有d苦味。都係果句 ...... 一分錢一分貨。其實重點我想講環境，裝修黑沉沉，廁所重大鑊，去到門口幾個女人都走返轉頭，原來無水沖廁，積哂水係坐廁，無人敢去，望過男廁重好笑，只可去小不可去大，見到咁，我都快d埋單走人 ... 真心驚

雖然超時但係d野仲未烤熟比人趕走真係十分無奈，硬要話係我們拿的東西太多，6個人，如果我話自助餐未吃飽會比人笑死掛，食物種類少，個爐燒的十分慢⋯⋯唔埋都唔會超時嘎啦！！！！尷尬死，以後唔會光顧。

< 日式韓式放題打孖上 >< 午市 11:00 am - 5:50 pm $78 >< 晚市正價 $168 > (Score 6/10)< 晚市 6:00 pm 前及 8:45 後入座 $148 >心思思想食日本野又想食韓國野？呢到幫到你！一次過滿足你兩個願望！仲要係放題任食！其實除左主打日韓式之外，仲有好多唔同既野食，等 baby 既千字文逐一介紹啦 😂日式有齊壽司刺身，壽司有三文魚、吞拿魚沙津、海膽壽司等等，而刺身有三文魚、吞拿魚、生蝦、北寄貝、八爪魚、鮑魚等等 🍣韓式就係韓燒類別，材料真係乜都有，各式牛雞豬肉，有醃有唔醃既，仲有魚蛋牛丸腸仔餃子，真係每樣試齊都有啲難度 😂 除左韓燒，仲有韓國煲，有得揀清湯或者麻辣湯，入面有條魚、菜、冬菇、而檯上面有個爐，自己可以滾住熱住食，仲可以自己加魚蛋牛丸入去煮 🌝中意食炸野既朋友呢到有炸薯格、炸雞、炸春卷、炸薯角、炸雞槌等等！🍤中意食辣既朋友呢到仲有麻辣魚蛋、麻辣牛肚、麻辣雞翼尖喔 🔥 正式宣布麻辣魚蛋係全部野最好食！贏唔係贏在爽口彈牙，係贏在個汁到 😂 其實唔辣，但係好濃味

見呢間咁抵 再加上有韓燒同迴轉壽司 就試下呢間去到餐具咩都要自己拎 同埋自己換韓燒油紙 肉方面選擇算ok 只能說所有肉都落左幾多味精 燒得最好味個人認為係鵝腸 首先鵝腸係好難清潔 食落口係爽同有炸大腸feel 至於其他熟食 咖哩魚蛋勁辣 咖哩角冇咩函 炸雞腿建議返埋去自己燒下再食 壽司方面 鰻魚壽司同蟹籽壽司較為唔錯 三文魚壽司有點唔太新鮮 反而灸燒三文魚壽司食落口好香smoke 既味道 壽司種類都有好多甜品方面 豆腐花較為好味 好滑 都算香豆味 木瓜雪耳糖水 好清甜 有抹茶同紅豆雪糕 兩者都好香奶味同抹茶&紅豆味道Overall 咁既價錢算係咁

今天陪母親大人到荃灣報旅行團，路經翡翠廣場見到新開的韓日燒，決定入去一試1) 場內不算人多，待應安排一張四人卡位給我們，十分寬敞！2) 大量肉類及配菜自取回座位韓國燒烤3) 各式自取飲品，多種口味任君挑選！驚喜係竟然有我最愛的益力多沙冰，非常解渴！4) 八爪魚及三文魚刺身，十分新鮮，鮮味十足！5) 日式雜菌鍋，味道偏淡，食左小小就留肚食其他6) 日式燒餅，入面好似係苦瓜？從未嚐過的味道，值得一試7) 蒜蓉扇貝，蒜味很香，如果鐘意食蒜味既絕不能錯過8) 芝士焗帶子，芝味香濃而且新鮮，岩晒芝士控既我，連續食左四隻，值得推薦服務：待應生十分殷勤，一食完馬上收碟，而且十分好禮貌，在放題餐廳比較小遇到埋單每人約HK$ 180

話說，一直以來都以為自己酒量非常好哈哈點知 原來係一攤爛泥呢是晚 和另外5位友人聚會 和3人共4人仲大玩鬥酒量遊戲點知哈哈 4人最後都醉了 好好笑呢然後在無咩記憶下 各人都嘔到成地都係聽返接我的朋友講 見到幾條屍體在然後在收工時間所有員工都走了只剩下一位類似係男經理的人默默在一旁打掃 還會清理我們的嘔吐物和垃圾聽罷非常感恩和感謝經理對我們的好儘管不認識也如此對我地好 可能會有啲人會講做得飲食業就預咗會有客人鬧事或飲醉啦我明既 但從來都冇職員對飲醉嘅客人係咁好一口氣照顧幾人 包辦埋OT時間 仲要係不相識既所以，我們真心感謝和感恩留下了一個非常唔錯既印象呢！酒類多，而且大多味道都不錯雖然看似味道淡 但其實酒精濃度唔少結果 一行6人中4人都飲醉了哈哈嘛，下次都係飲返酸梅湯那些好了哈哈肉類質素不過不失，醬油選擇多～最喜歡燒肉汁，香甜美味，肉類沾上後吃，完全惹味但呢間野啲壽司就真心麻麻地啦。而且熟食選擇少，供應又有限，很多東西沒吃到沒了呢，很可惜但勝在蔬果新鮮度不錯，醬油款式選擇多除左韓燒、日式壽司外，也有sabusabu呢～～～整體性價比合理，食得開心。最後，還是真心感謝男經理和員工們的照顧了

荃灣、葵芳都是逛街好地方，早陣子去荃灣逛街，路經這間放題，見價錢吸引，便決定試試。韓日燒的自助晚餐，加一也不到200元，算是很便宜。飲品的選擇不少，除了汽水那些，還有不少的酒。醬料也有很多款。肉和丸類也有很多款，連比較少見的鵝腸也有。蔬菜類和涼菜的選擇也不算少。食物除了用燒之外，其實也可以拿一個魚頭鍋，再把材料加入鍋內煮，當火鍋的吃法呢。而這裡更有迴轉帶，有壽司、刺身等，我選了蟹子軍艦和燒蟹棒壽司味道也不錯。炸物有春卷、咖喱角、薯格、豬扒、炸雞，也算吸引，春卷和咖喱角夠香口，我吃了不少。這裡會有師傅即場製作燒物給客人。其中這個芝士燒帶子，每枱一客。味道不過不失，就是芝士味有點蓋過帶子味。另外有燒餅、燒芝士玉子豆腐、燒牛肉等，我自己較喜歡燒玉子豆腐。肉類的質素屬正常，其中燒鵝腸較特別，有再爆多一點，蔬菜類等算新鮮，而燒餃子味道不錯呢。熟食要了不多，春卷、咖喱角上面已說過，雞翼、麻辣牛肚也值得再取，喜歡菜的我也喜歡炒雜菜和拍青瓜。甜品選擇不少，但不算十分吸引。當中只有啫喱我覺得很好味，其他2款較普通。這裡的食物質素屬正常，但勝在價錢吸引，食物選擇不少，也有些較為特別的。而且同時有熟食、刺身

位於荃灣新開的這間韓式燒烤餐廳地方很大，而且收費也非常有競爭性，很難再找到２００以下的價錢了，實在夠吸引！職員將每碟食材都擺得非常公整企理，有點像日本人工作的態度。即燒即食，放著一排排的拿手料理，不定時會有新菜式。 裝修很像全新的，沒有半點油積，通風系統亦非常好，就算燒完身上都唔會有油煙味，對女生來說非常重要。肉類分了很多種牛肉也分了好幾種，雞和豬也有幾種不同的，以韓燒來說，款式都算多，看得我也有點花多眼亂。相反丸類不是太多，款式上真的很多唯有每樣也吃一兩片試試味道。用紙來隔著燒不怕黏底，而且亦減少了油膩感，牛肉味道尚算可以，牛仔骨味道比牛肉入味很多而且帶點脂肪更加煙韌。韓燒餐廳裹還有迴轉壽司真的有點驚喜，拖羅、魚生、甜蝦等等應有盡有。 非常入味的煙薰溫泉蛋，值得一試！甜到漏既甜蕃薯，當甜品咁食都得呀！超正！！ 煮食可面雖然唔多，但勝在味道都唔差，而已有多款地道小食。呢道除左韓燒、刺身、壽司外，原來重有打邊爐，以三文魚頭黎淆既靚湯底，可以選麻辣和雞湯２種。 還有不少特制的酒精飲品，例如女士最愛的梅酒，玫瑰花酒特別有花香，剩係聞都已經醉了。有迴轉壽司還有點酒飲，這個價錢實在吸引調味醬款

本來想影d食物相分享下，但系心情差到完全冇心機影相。開頭入到去覺得所有野都好吸引，款式又多。但系一食落去，中哂伏。首先講下個大阪燒，成舊都系麵粉硬掘掘。再嚟講下d壽司，花之戀啲沙律汁系鹹嘅，我唔知系變壞咗定係佢嘅特色，三文魚刺身完全冇味，之後我將d刺身全部烤熟黎食。到燒烤類食品，竟然可以難食到一個點系我完全唔想食，好明顯個廚房系唔識用糖，所有醃製肉類都冇用糖，全部只系得個鹹，仲系要好鹹，而冇醃製過嘅就一係好鞋一係就唔新鮮，特別系d肥牛，系九成肥膏一成肉嗰種。最後講服務態度，啲女侍應好似警察行孖咇咁兩個兩個傾住計一齊行，系齋行。食食下野系全無先兆之下，有個男侍應突然之間走埋嚟粗粗魯魯咁叫我埋單。講真完全唔明白點解會有咁多好評。補充翻少少，其實我覺得喱間野嘅概念係唔錯，但系食品質素同服務態度需要有極大嘅改善。

在荃灣返工的日子，一間以牛排出名的西餐廳成了我們 Lunch 時份的飯堂，每星期只少光顧兩三遍...... 早前途經時，一切也改變了西餐廳不見了，換來是一間韓日菜式的放題食店。 心血來潮，橫掂還未決定晚餐的落腳點，於是決定一嚐這間《韓日燒》。店子以紅色為主調，連陳列的兵馬俑擺設也是紅色的，搭配灰色及啡色元素，感覺既有日系feel，卻又充滿時尚感，非常獨特。《韓日燒》餐廳品嚐的是韓日crossover 放題，120分鐘放題美饌晚餐時段只需 $168。燒烤放題提供了大量不同醃後的肉類，包括牛、豬、雞、魚，還有大量的菇菜類。可惜大部份醃肉都是辣的，韓風影響吧！有趣的是，這裡設有迴轉壽司區，溫馨提示，最好能早點入座，因為早點入座可選擇在迴轉壽司運輸帶旁的卡位，可慢慢選擇各款壽司或剌身，無需呆呆地企在旁邊等候。悲慘的『企鵝』，呆呆地企在旁邊很久，才成功取得三小碟壽司刺身，而且還是分開兩轉，真的得來不易。如果餐廳這方面可改善，加入單點刺身，相信會更好。這碟肥美的三文魚刺身，是我苦等的戰利品之一。 還有這件花之戀壽司也不錯，最重要是飯團的份量較少，正合BeautySearch 心意。雖然 Beaut

又係任食時間, 我身邊的人除了相公外, 都有好多大食之人, 所以同佢地食飯食任食XX 就最好不過, 今次來到荃灣的韓日燒, 還真是打邊爐, 韓燒, 壽司, 飯麵甜品樣樣齊. 任攞任食的呢~先在迴轉壽司帶攞碟壽司先, 味道不錯, 不過如三文魚這些的鮮味就不過不失而另外也可以拿的如手切西冷片, 肉質都嫩而牛味濃; 燒扇貝是即燒的呢, 雖然不是好大隻的扇貝, 但都好野味的說~我地開始韓燒啦~ 拿了肉類, 腸仔, 魷魚及多春魚等, 新鮮即燒, 熱辣好味, 而且最好的是爐上的紙令燒物不容易燒燶, 所以燒多春魚時都可以燒得平均之餘都非常香口.另外一邊也有電磁爐可以打邊爐, 好像這個魚湯邊爐, 配上不同的魚蛋及其他配料, 味道都不錯呢~也可以在出面攞不同的粉麵飯..當然連中式西式的甜品也有呢~選擇眾多, 總有一樣啱食的說~

今日有個老友記係工作中受左小小委屈，唔開心，女人通常都系化悲憤為食量，佢又見我係大胃王，就約我今晚去食自助餐，我最鐘意自助餐喇，可以唔受限制，唔洗點菜，有時出去食飯點菜都系一門學問。睇呢D圖片大家估到係邊間自助餐嗎？好喇，開估喇，就係韓日燒，我第一次嚟，第一感覺就係食物比較多品種，而且價格唔貴，$185一位，感覺幾抵食。既然係食自助餐就先去攞個凉伴青瓜同辣白菜開下胃先，唔係好辣，好爽，唔錯。係呢度仲可以自助烤肉，烤肉都幾幾多種，有豬扒，雞肉，三文魚頭，鹽焗秋刀魚，仲有扇貝等其他嘢食，我地烤左豬扒，豬扒肉同魚柳，魚柳感覺比豬扒要好食，魚肉好滑，扇貝我去攞左幾次，覺得好新鮮，幾清甜，鱷魚同墨魚仔其他海鮮都幾新鮮，呢度原嚟仲可以打邊爐，都幾多選擇。食得差唔多就飲杯別嘢休息下再繼續食，有果汁同紅酒其他飲料，任君選擇。

人哋話，請人食飯，又想慳錢又想抵食就去食放題吧。確實又係嘎播，選擇又多，而且起碼唔擔心食唔飽先，盡情放開肚來大食吧。上星期講好我請2個同事食飯，佢哋平時都請我食HightTea特別多，我就話放工等我請佢哋食飯餐。我一早就梗係上網search咗邊度抵又唔使等位，又多選擇，最後選咗離公司唔遠嘅呢間。調味料：材料都好新鲜，而且调味区号干净。自己烤野，自己調味，而且調味都好多選擇，我一般都會調2種，辣同無辣。薑蔥蒜辣椒。或者沙茶醬都不錯。芝麻另外加特別香。壽司：賣相好，而且都好新鮮，饭团食落好軟。但係唔係腍果種。因為唔咗嘎加得好快。裡面仲有個迴旋壽司區域，可以食三文魚蟹子壽司，我的最愛啊。自己拿野，食幾多拿幾多，我地唔無食好多肉，都系食蔬菜喇，肥牛喇。甜品：雪糕好滑，糖水又夠甜，而且唔會好稀。又有雪糕又有糖水甘囖。反正食得開心，而且好飽肚，野食夠新鮮。