韓日燒 (已結業)

今次呢間韓日燒係西九龍分店 環境裝修係黑紅色為主 燈光好少好暗 但位置就幾闊落 仲有迴轉壽司 壽司款式唔多  亦都唔太新鮮有韓燒同有打邊爐 我地揀左豬骨湯 偏鹹 味精重韓燒嘅鐵板鋪左張紙 側邊亦有擺啲新嘅紙可以自己換 唔洗成塊鐵板換 好方便食物選擇都幾多 有雞牛豬魚 仲有腎 多款嘅丸同菜 主食有拉麵同烏冬 除左可以燒同打邊爐嘅食物之外仲有啲熟食 有意粉 炸雞 泡菜 咖哩魚蛋牛肚 牛肚好入味幾好食 另一邊有湯有糖水 飲品 酒精飲品就係收銀嗰邊 都幾多選擇 熱食嗰邊有個鐵板位係師傅即場整嘢食嘅 今晚有日本燒餅同菠蘿炒飯 仲有牛扒另外有豆腐花同葡撻 葡撻個皮好酥脆好香牛油味 新鮮出爐熱辣辣又唔會太甜 好好食飲品任飲

今日去了吃韓燒， 地點在深水埗西九龍中心。 這個商場很久沒有光顧， 估唔到再次踏足仍然感覺凌亂， 店舖雜亂無章。 唯一好處是冇乜那些熟口熟面的連鎖大牌子， 仲有機會尋到寶都唔定。臨時臨急搵地方食飯冇乜所謂，唔好太貴中伏都唔驚。 自助韓燒感覺一向都粗製濫造， 今晚这裏絕對有點驚喜。 食物雖然賣相唔太精美亦無咩包裝， 勝在味道唔差， 款式繁多。先說餐廳規格， 各式燒烤肉類火鍋配料都是 任取， 汽水清酒梅酒各款威士忌氈酒自斟自飲。 店內亦有一條迴轉壽司蔕， 霸好位置可以揀心水刺身或壽司( 因我們不是坐在壽司蔕的座位)。 刺身壽司款式唔係 好吸引， 不過我都試咗個花之卷， 算幾正常但冇咩味道。 除了烤肉，火鍋配料當中還有各式各樣熱葷。 勢估唔到最好味嘅係咖哩魚蛋同牛肚。 咖哩魚蛋係舊式街邊魚蛋檔嗰啲質地， 肉質腍腍哋唔爽， 個人勁like 仲有個牛肚炆得又腍又入味。 醬料區 一字排開足有差不多20款任君選擇， 陣容鼎盛。 嗰醬鍾意點混都得!仲有個鐵板燒位置， 當晚有燒牛肉，鐵板 芝士沙律醬青口和大阪燒， 功架十足。 一碟碟沙甸魚。 燒牛肉軟腍， 可以一試。烤肉方面有齊羊豬牛雞。 先來一rou

深水埗有不少平民價錢的食肆，以放題來說，位於西九龍中心的韓日燒必然是首選，因為價錢親民之餘款式選擇多，每逢週末更排滿人龍，幸好我們住得近，可以選擇平日較少人的時段光顧，可以避過人潮⋯韓日燒在西九龍中心內，店舖面積頗大，座位舒適⋯價錢非常親民，只需$168，長者及小童更只收$92，一家大小來吃放題非常經濟⋯店內全以自助形式進行，無論是迴轉壽司刺身、熱食、飲品、燒肉、火鍋、調味、甜品、餐具等都放置整齊，客人按自己需要用餐⋯熟食選擇多，還有湯、燒牛扒等⋯醬料方面選擇更多得誇張，客人一定可以調出最適合自己的醬料⋯燒烤部分也有很多選擇，由肉類到丸類、海鮮也有齊，火鍋也有幾款湯底讓客人自行加入鍋中⋯甜品、沙律、雪糕、水果、湯水等全都應有盡有⋯以平民價錢來說雖然沒有活海鮮或日牛韓牛提供，但刺身壽司也默默即場制作，刺身款式都不少，而且質素不差，可以說是CP值高的平民放題﹗有時一家大細出外慶祝食放題花費不少，但選擇韓日燒真的可以慳上一半價錢，最重要是一家人齊齊整整舒舒服服聚餐，韓日燒全自助的形式真的像在家裡吃飯一樣XD

放工同事陪我去電腦商場買電腦用品，然後在西九龍中心行下街，順便睇下有無好野食。行經韓日燒餐廳，見價錢幾平，而且是任食的。所以和同事睇睇味道會如何！餐廳以迴轉型式擺放刺身，食客可自行選取喜歡的刺身。另外，較入的位置設有自助熱食區、甜品區和自取食品區。刺身：三文魚腔首先吃必定是三文魚，三文魚刺身包成一朵玫瑰花一樣，當中有三至四片左右，厚度剛好所以口感足夠，帶點點三文魚的香味呢！甜蝦帶一些甜味啊！咖哩魚蛋：見好多食客夾，所以自己刀吾執輸！咖喱足夠又香口。要讚的是，魚蛋雖然細細粒，但口感的確彈牙，配合醬汁十分惹味。西米露：西米露看似比較稀，但飲落比想像中好飲又甜！西米不硬，而且又多！本人飲左兩大碗呢。雞腎：雞腎切得薄身，所以燒既時間不用太耐。口感比較爽口，相信大人同小朋友刀會中意食。紅腸：燒後十分香口，外面帶香脆呢！小蒲撻：擁有蛋香味，帶少少焦糖的味道，細細個 不會過漏呢。

住左長沙灣咁耐，其實好少行西九龍中心，不過最近天氣咁熱，又唔想四圍去，梗係走入商場涼下冷氣，順便搵下有咩好食啦。行到6樓見到呢間韓日燒有自助晚餐，可以自助燒烤再加火鍋。成人每位$168、晚上6:00前入座或8:45後入座每位減$20。價錢都相當吸引呀，一於試下佢先。由於時間尚早，入到黎好多位置可以選擇。地方都幾大，啲檯又唔會拍得好貼，感覺舒服。醬料區嘅選擇極多，等我混番個靚醬先。食物以自助形式去攞，火鍋配料款式一樣咁多，每樣試一件都夠飽呀。燒烤方面，有大大條秋刀魚可以返位慢慢燒黎食。肚餓等唔切燒或者火鍋嘅話，熟食區呢度幫到你，雞翼、咖哩角、炒飯任君選擇。飲品方面，有汽水機提供，仲有五花茶、青蘋果綠茶、無糖凍奶茶等等。另外，呢度嘅豆漿有凍有熱，就算有長者、小朋友唔飲凍飲都唔怕。而且自己加糖，夠晒健康。除左燒烤同火鍋，呢度仲有迥轉壽司同刺身，都係任食架。睇住師傅切三文魚刺身，再放上迥轉帶，我就知道「機會黎啦，飛雲」。即時攞左一碟，賣相同味道都唔錯，而且夠晒新鮮。凍櫃入面嘅甜品有熱門嘅涼粉、奶凍、什果沙律....比較少見嘅有芒果味大菜糕、椰汁糕同焦糖燉蛋，梗有一款啱心水嘅。呢度食品嘅選擇夠晒

今日黎開西九龍中心行街，行到咁上下要搵食～咁岩朋友呢幾日話想食放題，見呢間韓日燒價錢又好吸引，168蚊 於是試下啦.店內環境寬敞，店員安排我地坐卡位！食物方面燒物同刺身款式好多，燒烤材料種類非常多，牛仔骨，腸仔，雞翼，五花腩等等～肉類醃得都好夠味，質素唔錯，燒烤爐面放張有油既牛油紙，燒到咁上下隨時可以自己換過張，唔洗下下要換爐面。而壽司刺身都幾新鮮，種類都好多，有三文魚，甜蝦，鮑片，都好新鮮，而且都見佢地係不斷推出，咩都有，最中意甜蝦、八爪魚等... 打邊爐配菜都好多，而且望落衛生，自己整火鍋完全無難度！另外果度有D 即食既野，EG. 炒通菜、葡TART~OVERALL 係唔錯既，平平地又舒服，下次可以再食！

今日和朋友往西九龍中心韓日燒食韓燒放題, 這裡除了韓燒外, 還有即場熟食區,刺身、甜品和飲品。韓燒材料有牛肉, 雞肉、石班、香腸、蟹柳、紅腸、朱扒、雞翼、金菇；牛肉, 雞肉和石班食落新鮮；香腸、蟹柳和紅腸、很奇口；朱扒和雞翼食落好惹味；金菇食落爽口；熟食區有炸雞, 薯角和麥樂雞；炸雞炸得乾身香脆；薯角炸得金黃乾身；麥樂雞熱辣辣；這裡還有廚師即場燒牛肉和青口, 牛肉燒得甘香, 配上黑椒汁食落惹味；青口即落新鮮鮮甜, 食落味美；刺身我試了甜蝦試身, 甜蝦新鮮鮮甜；飲品有很多, 我點了無糖豆漿, 飲落豆漿好滑, 豆味香濃；最後甜品有焦糖布丁, 椰汁糕和熱西米露, 焦糖布丁食落香滑；椰汁糕甜度適中；西米露食落熱辣辣, 口感十足。餐廳食物新鮮, 價錢合理, 而且款式多, 適合三五知己和家庭聚會好地方。

今日去左行黃金買電腦用品和行玩具街買玩具，行到身水身汗就去西九龍中心行街涼冷氣。行到咁上下有啲肚餓就搵嘢食，想搵啲坐耐啲嘅地方就不太多啦！最後就揀左呢間食韓燒，又有得打邊爐和食壽司。因為時間仲早唔使等位就入去，中間係迴轉壽司。入面就有個自助吧，有不同嘅嘢食，當日有不同腸類和圓類，仲有不同肉類任用你選擇，如果想食魚和醃料泡菜都有嫁，如果唔想自己燒，現場仲有廚師即場炒飯和煎鐵皮燒，真係幾好。壽司同刺身大眾化最緊要夠新鮮 .火鍋湯底放左係度比你自己選擇，都幾好唔使等,返坐位開始燒牛牛啦。放左幾張油紙係度，初時我以為要自己換，燒燒下原來有店員黎話幫手換，呵呵，好才冇好白痴咁自己換 , 對喜歡飲酒朋友呢度仲有特別酒給大家選擇。

今日陪老公去深水埗電腦廣場買嘢，之後去西九龍中心行下，順便食晚餐，行到6樓見一食店門口有多人等位，記得之前這位置是名將，現在是新店韓日燒，詢問之下，是一間食放題的店舖，除了壽司還有韓燒和火鍋，價錢只是百多元，甘抵食我們立刻等位入座。飲品有不少選擇，果汁汽水，有凍有熱，包括酒精飲品。老公最喜歡是大大枝啤酒任飲。自助區地方都幾大，地方整潔。燒烤和火鍋材料都好新鮮，種類繁多。肉類、丸類、蔬菜類、菇菌類都有。另有熟食供應：咖喱魚旦、炸薯角和炸雞都不錯。沙律、生果和雪糕。另有自家製甜品供應。味道很好吃唷！每張枱都有二款爐，燒烤爐和電磁爐，可以食燒烤時又可以食火鍋。另外有壽司和刺身在迴轉壽司機上，不停地在客人面前送上壽司等食品，味道都不錯。

韓日燒@西九龍中心西九龍中心啲嘢平靚正，呢間任食嘅餐廳唔止得韓燒，仲有日式火鍋、迴轉壽司同熱葷，百幾蚊位都幾抵！韓燒有張嘢隔一隔，感覺更加衛生。啲肉係自己拎，睇啱先攞唔怕浪費～ 牛肋骨好好食，嚿骨唔係好大嚿，好多肉。日式火鍋可以用埋嚟打邊爐，哈哈！出面有菜、有丸嗰啲攞。職員即場整嘅鐵板燒，切得細細件，可以試少少先～燒牛肉都係即整嘅，水準幾高，唔使好多汁都好夠牛肉味，而且無燒到乾爭爭，好食過平時去 buffet👍🏻即整嘅食物一出就好多份，唔使點排隊～啲嘢都 keep 住有 refill。咖喱角同春卷係脆㗎！😽連迴轉壽司都有，好勁！壽司就無食到，不過攞咗啲刺身。三文魚刺身質素都過得去嘅，賣相都唔錯，我見碟碟都卷哂花咁～中華沙律好大碟，清爽好味！螺肉啲汁就杰咗啲。值得一提呢度真係好多酒飲，有非常多唔同嘅酒 🍻甜品剩係布甸都有好多隻味，好貪心咁攞咗好多杯 😂

去咗深水埗行街所以夜晚喺西九龍搵嘢食，老公想食韓燒，但係我又想食日本野喎，竟然比我地搵到呢間餐廳兩樣野都有得食一入去已經見到個迴轉壽司，即刻拎咗兩碟壽司食，質素都可以係咁啦，款式唔少，竟然有刺身燒肉就可以喺出邊拎，有牛豬雞，仲有其他丸同埋蔬菜啊等等佢哋仲有熟食，我覺得個豬肚好入味，個黑松露意粉有幾好食喎佢哋仲有師傅即場燒嘢食，有燒牛肉，又有蠔飲品有酒，成支架，可以拎返埋位慢慢飲，跟住仲有汽水同埋其他嘢飲甜品都有幾款，又有雪糕，又有啫喱果凍

西九間韓燒平日六點前入座做緊$148一位，任飲任食兩粒鐘，加埋一都係超抵。未食野先睇下有乜飲，LEE到唔駛落單，全部自助形式。估唔到都有紅酒啤酒任飲，仲有D特別D GE菊花酒、梅酒、熱清酒試下燒肉配酒一流！老婆話梅酒幾好飲，有陣酸甜清香刺身壽司任食，刺身款式就唔係好多，都係三文魚甜蝦八爪魚果D，壽司就係迴轉壽司吧到任拎自助區D燒肉質素唔錯，正本身都夠肉味，唔駛再另外點汁！又有得燒下丸阿餃子咁熟食都幾多款，仲有師傅即場切牛肉試下D炸雞都幾好食，外脆內嫩食飽燒肉又可以拎個鍋打下邊爐食下菜甜品都放滿一個櫃，我就試左涼粉花奶同椰汁糕！另外仲有勁多料GE木瓜雪耳糖水同椰汁西米露最後嘆埋碗無糖熱豆漿就埋單，好滑好濃豆味！LEE到性價比幾高！

話說今日係買電腦日，行到攰一攰，個肚自然都叫救命~不過原來深水埗夜晚啲食肆都幾多人，所以最終就去咗附近商場，諗住啲舖大間啲、坐得舒服啲~見呢度好抵喎$168就有埋酒飲、又有日式同韓燒，仲有埋火鍋，咁就試下咯…我自己就幾鐘意香草腸~燒物及火鍋方面選擇都幾多㗎~而且仲要唔係清一色橙色醃料，每款我哋都食到佢嘅味道，好似有款豬肉係泡菜味咁~味道方面唔會太濃，唔會好口渴，係啱啱好嘅~仲有完全係誠意表現!廚師特別即煎鐵板燒，不過種類就選擇唔多但唔緊要啦～貴精不貴多嘛！燒牛肉就係出自廚師手筆，樣子唔錯，老公話OK㗎~大板燒好厚呀～啱晒在場好多吃貨之人呢度都好貼心，用咗燒物紙，啲油唔會彈到周圍，嘢食又唔會咁易燶，good!响迴轉上拎到嘅海老刺食~甜蝦同鯛魚，中規中矩，合格。三文魚刺食亦經常出現，唔會失踪~我幾欣賞呢度嘅熱盤都係用咗開蓋式容器放置，感覺比較衛生!右邊嘅黑松露意粉都唔錯㗎~花之戀、鰻魚、鮑片都有供應，呢個價錢都算好有交待~酒鬼重點响呢度~清酒梅酒~菊花酒~仲有好多酒，都係任飲，如果酒鬼落到嚟真係會失控呀～糖水就有西米露同呢款木瓜雪耳，潤返夠本先~

Korean and Japanese barbecue this restaurant was very satisfying to me.And I highly recommend this restaurant to my friends and my family.Because there are so many choices in this restaurant,you don't need to afraid of can't find the food that you like.This restaurant is not very crowded.I don't need to spend a long time to line up.The location of this restaurant will not be very difficult to find,and the price is reasonable.If I want to eat Korean food,I will choose this restaurant again.

昨日中午和兩位朋友去西九的韓日燒食燒烤 (寿司是其次)，地方寬敞座位算多。雖然不見每張枱上有抽油煙機，但入到餐廳裡完全唔覺有一陣燒烤的up味，我哋坐足燒足兩個鐘才離開，衫上也無咩油煙燒烤味，所以整體餐廳的抽氣做得很好。寿司是以回轉方式轉到面前自行揀取，款式都算多，昨日見得最多的是鰻魚寿司，三文魚寿司比較少 (很少)，而且切得也比較薄 (當然也不是高質)。講食物質素當然不能跟日本放題餐廳相比 (午市起碼$170)，而且$85 (包含加一收費) 怎能有太多的要求? 鰻魚寿司是最不錯的選擇。整體而言，舊飯唔夠實，點豉油的時候就散開，而軍艦的紫菜比較“銀”，要扯開黎食。係燒烤的材料方面選擇很多，而且新鮮，香腸方面竟然有香草豬肉腸 (一般餐廳多數只提供紅腸、芝士腸、雞肉腸)，除了肉丸，有豬腸、鵝腸、五花腩、鴨胸、火雞腎、雞翅、魚塊、瓜類、金菇、餃子等等。還有放在另一面不起眼的生菜，當然我哋無攞到，相信可以包燒肉一齊食，又可以用黑蒜醋撈沙律食。熱盤不多，有3款好食的韓國前菜。炒麵炒烏冬各一款，雖然味道淡一點，可以加點咖哩汁和前菜一起食就啱啱好。魚蛋偏鹹唔暖，春捲唔暖又淋。甜點有幾款，我哋食咗綠茶和