韓日燒 (已結業)

今次呢間韓日燒係西九龍分店 環境裝修係黑紅色為主 燈光好少好暗 但位置就幾闊落 仲有迴轉壽司 壽司款式唔多  亦都唔太新鮮有韓燒同有打邊爐 我地揀左豬骨湯 偏鹹 味精重韓燒嘅鐵板鋪左張紙 側邊亦有擺啲新嘅紙可以自己換 唔洗成塊鐵板換 好方便食物選擇都幾多 有雞牛豬魚 仲有腎 多款嘅丸同菜 主食有拉麵同烏冬 除左可以燒同打邊爐嘅食物之外仲有啲熟食 有意粉 炸雞 泡菜 咖哩魚蛋牛肚 牛肚好入味幾好食 另一邊有湯有糖水 飲品 酒精飲品就係收銀嗰邊 都幾多選擇 熱食嗰邊有個鐵板位係師傅即場整嘢食嘅 今晚有日本燒餅同菠蘿炒飯 仲有牛扒另外有豆腐花同葡撻 葡撻個皮好酥脆好香牛油味 新鮮出爐熱辣辣又唔會太甜 好好食飲品任飲